VÁLO'AGA 114

UA TOE TULA'I LE PEPE NIU SILA NAI LE OTI!

Tusia/Tautala lalo ifo le fa'au'uga ole RUACH ha KODESH(AGAGA PAIA)
E ala ile Aposetolo o Elisabeth (Elisheva) Sherrie Elijah
Tuuina atu ile aso 18, Setema 2009
Tatalaina ile aso 27, Setema 2009

(O le mea lea mai ile valoaga 105, fai mai YAHUVEH (Le ATUA), e tu'u i luga o valoaga uma, amata atu nei: Na ou lapata'i atu ia te oe Elisbeth i se taimi ua leva, ia aua ne'i faaigoa lenei Tala'iga (Ministry), i se tamaloa po'o se fafine, e oo lava foi ile taimi e le'i iai se Talaíga. Na ou tuuina atu i lou agaga, aúa e leai se mea na e faia i lou lima, e leai se mea faapea na sau mai lou gutu. Ua mai le fofoga o YAHUVEH ua fanau mai ai le upu. Ua mai le fofoga o YAHUSHUA lou MASHIACH(IESU le MESIA) lea ua fanau mai ai le upu. Ua mai le fofoga ole RUAH ha KODESH lou IMMAYAH (AGAGA PAIA) lea ua fanau mai ai le upu. Ana faapea ua fai i lou lava lima, se manu ua leva ona le taunu'u. Ua mai ile matagi ole Shkhinyah Glory,(AGAGA PAIA) lea e sopo atu ile isi itu o lenei lalolagi, ole matagi Paia ole faafouina o olaga, ua le mai lou mánava atu, poo pe nei e i'uvale. (Isaiah 42:8)

* * * * * * *

O lea se fa'amatalaga pupu'u e fa'atatau i tagata ia, o loo taua i lenei Upu Perofetaga.

Ou te talitonu ile tausaga 2007, ole tiná e igoa ia Leah Tavita na feso'ota'i mai a'u, mai i Niu Sila. Ua ia fai mai ua talitonu o ia i Valoaga uma na ia faitau ai atoa ma le Sapati Moni ole Aso To'ana'i. O le igoa o lona toalua o Osana, o ia sa faifeau ile AOG, Assembly of God church, i tapuaiga o Aso Sá. Ua fai sa'o Leah ia Osana lona toalua ile mea moni ua ia maua mai i lenei Tala'iga(Ministry). Ua tete'e e Osana ile mea moni, ma ua taumafai e taofi le gutu o Leah ma ua fa'afefe e fasioti ia te ia. Na tuua e Leah lona toalua ma ua alu ile fale e sulufa'i iai fafine (Womens Refuge), ae na maua e Osana. E le mana'o Leah e toe liliu pe toe liua le mea moni ua na iloa. E le'i umi se taimi, a e iloa e Osana lona toalua ua tula'i ile mea moni, ma ua fai lana fa'aiuga, o le á ia mulimuli ile mea moni ua iloa e Leah.

E tele upu faamalosi na tuuina atu e YAHUVEH (le ATUA) e faaloto tele ai Osana ona o mea sa tutupu i aso ua te'a, aúa ua mana'o Leah e aveina i lalo o ia. Na i'u ina suia e YAHUVEH le igoa o Osana ia David ma ua fai mai, o loo iai lona valaauina ile igoa David tuai, o loo taua ile Tusi Paia, ma avea o ia ma Koriata e Fa'atoilaloina le fili. Sa matou faapea ua lelei mea uma ile aiga, ae lilo i manatu, e le'o lelei mea uma ma le aiga. Ua valoia e YAHUVEH e ala mai ia te a'u, ile taimi nei, e iai se lálá o lenei Tala'iga (Ministry) i Niu Sila, ma ole a iai se malumalu ole Atua mo tagata uma e ó mai e tapua'i ai. Oi matou uma na faapea, o David ma Leah ole á avea ma ta'ita'i. Ole meamoni, na latou totogi se tama'i faleá'oga, ma amata ai ona fai sauniga fa'asapati, ole aiga atoa ma nisi foi na fa'atasi atu ma i latou. Na matou faapea, ua lelei mea uma.

Na iai tagata e toalua sa nonofo fa'atasi ma le aiga o David ma Leah ile taimi lea, o se teine talavou ma le tamaloa. Sa iai foi ma le uso o Leah o Moera ma lona toalua o Sam, ma le la fanau atoa ma matua o Leah sa nonofo uma fa'atasi. A matou talanoa ma i latou ile telefoni, latou te potopoto uma ma le fiafia ile sipika ole telefoni e faalogo mai ia Niko ma a'u (Elisabeth) e talanoa atu. E iai á latou faafitauli pei o aiga uma, ma latou faailoa mai ia te'i matou, ona matou tatalo lea mo i latou, ma afai matou te maua se Upu mo i latou mai ia YAHUVEH po'o YAHUSHUA (IESU), matou te ta'u atu ia i latou. O iina na amata ai ona fa'aifo a'e i lalo. Na a'oa'iga Leah i nisi taimi, a e peitai ua le talia uma e ia o a'oa'iga na aumai ia YAHUVEH ma YAHUSHUA. Ua ou sesé ina ua ou muai talanoa ia Leah ma ou fai iai, o ia e tú i lo'u tulaga i Niu Sila, aúa ou te le iai. Ia, e maua mulimuli ane, ua oo i lona ulu, ma ua ulu atu le agaga ole fa'amaualuga ia te ia.

O le tasi pó, ua faate'ia i matou ile telefoni mai ia David, ma ua ia fai mai ua tuli i fafo o ia mai le fale, ma ua fa'atasi Leah ma le tamaloa sa latou nonofo fa'atasi. O Leah ma lenei tamaloa, ua laua faapea e tutusa o laua loto ma ua iai lo la talitonuga o i laua foi o Molimau e To'alua. Ua faate'ia i matou. Ua matou faatonu lea David e nofo ile Hotel, na totogi ile tupe ole lotu(Ministry), aúa sa leai sana tupe po'o se mea e moe ai. Ona matou vili atu lea ia Leah ma lenei tamaloa, i luga ole telefoni ma ua ma fesili iai, pe moni le tala lea sa faamatala mai e David, ile má le talitonuina, ua laua fai mai, “Ioe, e moni,” ua matou le talitonu ile tali ua matou faalogo iai. O lenei tamaloa ma Leah ua mulilua ile fale. Ole taimi na la fai mai ai, ua la talitonu o laua e tutusa o la loto, ma o laua o Molimau e To'alua, ona amata ai lea ona ou tautala i gagana eseese ma ose fetu'u mata'utia, le mata'utia le malosi, na auina mai ia YAHUVEH mo Leah ma lenei tamaloa. Ina ua uma ole a'oa'iga, ona ou fesili atu lea ia i laua, po ua la maua se molimau o lenei a'oa'iga e mai ia YAHUVEH, ma ua tali mai le tamaloa, ioe, ma ua ia salamó fa'atopetope, a o Leah, ua fai mai, na te leiloa, ua fenumia'i lona mafaufau. O lenei tamaloa, ua faamaualalo o ia ma ua tagi atu ia YAHUVEH mo se faamagaloina, ua faamagalo o ia, ma ua tiliva ese mea uma ile olataga. O le eseesega lea o Leah ma le tamaloa, ua faamaualalo le tamaloa, a o Leah ua fa'atu'iese.

Ua le mana'o Leah e talia lenei a'oa'iga mai ia YAHUVEH, ma ua amata nei ona ia faapea atu e lé se upu mai ia YAHUVEH. O le agaga faamaualuga mai ia Iesepela ua ulu atu ia Leah. Ona amata loa lea faifaiupu o ia i lenei Tala'iga(Ministry) e pei ua faati'apolo. Ua ia talanoa i lona aiga atoa, ma ua taumafai e tauanau i latou uma e liliu ese mai lenei Tala'iga ma ua ia fai mai o a'u ose Perofeta pepelo. I le taimi nei na ou faapea, ua le toe ola le lálá o lenei Tala'iga i Niu Sila. Na ou le manatu e le toe iai se auala e iai se mea e toe tupu.

A o Moera le uso o Leah, ua le faalogo ia te ia, VIIA YAHUSHUA!!! E iloa e Moera le leo o YAHUVEH, ma ua iloa e ia le fua lelei o lenei Tala'iga. Ua ia vaai i lenei Tala'iga ua na'o se faamanuiaga ile aiga. E le'i lavea Moera i lenei mailei, ma ua ia fai atu, o ia, Sam ma le fanau ole á ó ese i so latou lava fale. Ua latou sifi ese, ae ua lé lelei le mafutaga a Moera ma Sam. Ua tu'ua'i e Sam le Tala'iga, ole mafua'aga lea ua malepe ai le aiga ma isi mea, ua i'u ina sifi ese Sam mai lo latou fale. Ona nofo loa lea na'o Moera ma lana fanau. O lea ua faamaonia ai i lo'u talitonuga e le oo se lálá i Niu Sila, e pei ona ou mafaufau iai.

I le tele o talosaga mo Sam, ua ia toe taliaina ai le Meamoni, o lenei Tala'iga ua a'oa'o atu, ma ua ia salamó i ona ala sesé. Ua uma ona tofotofoina e YAHUVEH o Sam, ma ua pasia e Sam le tofotofoga, ua mafai ona toe foi o ia ile fale ma Moera ma le fanau. O Sam ma Moera ua pasia e i laua le tofotofoga na tuuina atu e YAHUVEH, ma o lenei ua mafua ai, ona oo mai ole Upu Valoaga.

O Valoaga Paia e auina e ala mai ile RUACH ha KODESH(AGAGA PAIA), e faaogaina le meaalofa ole laulaufaiva paia e ui mai ia te a'u. Ou te tatalo, ia avea se taimi e te faalogo ai i lenei Meaalofa ole Laulaufaiva Paia, aúa e faamaonia e le na'o ona o upu ua tusia, a o le mana i vavega o YAHUVEH, YAHUSHUA ha MASHIACH, ma le Pele ole RUACH ha KODESH. O le Tusi ole Galuega, e faamatalaina ai lenei meaalofa ile tautala ile laulaufaiva paia, pei ona tautala i laulaufaiva o tagata ma Agelu Paia. O lenei meaalofa ole RUACH ha KODESH e taua foi ole Agaga Paia, ua afio mai i luga ole aposetolo ile potu aupito i luga e masani ona valaauina, ole Aso ole Penetekoso. Tou te faalogo ua ou lagonaina le mafatia ma na ou tauivi pea e alualu ma lenei Upu na poloa'iina, ua lapata'i mai YAHUVEH ia te a'u, e toe tete'e mai tagata. Ole avea ma perofeta, e le o se tauvaga fia iloa, ana fai o YAHUSHUA ha MASHIACH ma Perofeta moni uma, e lusi i latou ile tauvaga.

O le mea e faanoanoa ai, o fili ia ua taua, sa iai le taimi na ou valaauina ai i laua o la'u Tamateine ma la'u Tamatama, ma ou alofa tele ia i laua, na ou musu e lafoai i laua, ina ua fai mai YAHUVEH ia i matou, ua le toe iai se avanoa o Leah. Na maua o ia ua agasala, ua ia ta'utino mai, a e peitai ua fai mai lona manatu, o mea uma na tutupu e tatau ona faagalo, ma ua mana'o pea e fai o ia ma faifeau o lenei Tala'iga i Upper Hutt Niu Sila. Sa ia loto leaga ile valaauina ole olaga o lona toalua ma ua saili e toe faoa lona valaauina, ma ua manumalo ai o ia, e pei ona mautinoa o Iesepela na faasesé ma ta'ita'i Aapo ina ia sé. Ua avea Leah Tavita ma perofeta pepelo ma ua iai tagata ua fefefe ia te ia. Sa latou ifo foi ia te ia ona sa faatumuina o ia ile mana o satani. O loo tautala mai pea YAHUVEH i Upu poloa'i ia te ia, Salamó ia ma liliu ese mai ile leaga ma ia togiola mai ile leaga ua ia faia. Peita'i ane, ua tumu lona loto ile fouvale ina ua ta'u atu ia te ia, e le mafai e lenei Tala'iga ona iai se ta'ita'i e avea le igoa o lenei Tala'iga, ae le Paia.

Na ou tuuina atu ia te ia le tele o upu ua poloa'i mai ai YAHUVEH, ua fai mai, e le mafai ona avea o ia ma ta'ita'i, aúa ua tumu ia ile faamaualuga, ma le fouvale. Ua finau mai pea o ia, e fai o ia ma ta'ita'i, aúa na muai filfilia o ia. O lena lá ua ia faatoá maua mai e ia le uiga ole feau, ina ua ia malamalama, ua ia faasá foi Osana e avea ma ta'ita'i. Ese le faanoanoa, aúa sa faifeau faau'u muamua Osana Tavita ile Assembly of God Church. Ina ua tautala mai YAHUVEH i upu poloa'i mo ia, ua suia e YAH (ATUA) lona igoa ia David, ma ua fai mai o ia o se tino'ese agamalu, aúa o ia o se tagata maualuga ma le masoa, ose tagata sa faamaualuga muamua, a ua avea ma agamalu ma ua matagitagigofie. Matou te alolofa ia te ia pei ose Atalii faaleagaga, ma sa iai foi se tasi taimi na ia alofa mai ai ia te'i matou. Ina ua ave'ese e YAH le agaga faamaualuga mai ia te ia, ua vaai satani, ua maua lona avanoa e faamáina ai o ia, le sá avea ose tagata mata'utia mo YAH, ma ua faamaualuga lona to'alua o Leah Tavita ia te ia ma ua ia faamáina foi o ia. Ua tausisi pea e pule o ia ile áiga ma ua faatupuina i tagata ta'itasi le fefefe ia te ia. Ua matou iloa e le mafai ona fai o ia ma sui o lenei Tala'iga. E lé na'o le tasi le tagata sa matou aveina iai le tuatusi ile mea e fai ai le sauniga, aúa sa tofotofoina i latou uma e YAHUVEH. Ina ua ou faalogo ua ia faatonu i fafine na o atu ile sauniga, e faapulouina o latou ulu ma faasaga ile pa ma tatalo, na ou fai iai, e tasi lava le pá lauéga i Ierusalema, ma e le'o tusia ise mataupu ole tusi. Ina ua ia tula'i ma ta'utino atu lona mulilua i tua ole pulela'a ma le tamaloa, ua ia talitonu na avatu ia te ia se faailoga mai ia YAHUVEH, o laua o Molimau e To'alua ma e tatau ona tatala le la fa'aipoipoga ma lona to'alua ae faaipoipo i lea tamaloa, ma ua ia fai mai ua malie iai YAHUVEH, ole avanoa mulimuli lena. Na ou a'oa'ina o ia i Upu ole Perofetaga, ua ia ita tele ma ua ia u'una'i Moera, lé na taumafai e faitau atu ia te ia o Upu ua poloa'i mai ai YAHUVEH, ua u'una'i o ia ma túlei ile foloa, ma sáei faanini'i le Upu na poloa'i mai, na faau'u e Moera.

O le vaega o lenei Tala'iga atoa o Sam ma Moera ma le fanau, ua mafatia tele ile tasi le tausaga, ma le masina e tasi. Ua ia YAHUVEH le Mamalu aúa ua IA toe aumai ma fa'aola lenei lálá ole tino ole galuega, (poo lenei Tala'iga), lea na matou faapea ua leai se faamoemoe e toe tula'i mai. O le a iai se tusi ua iai mea uma sa matou uia i lena taimi, pe afai e finagalo iai YAHUVEH. O mea sa faia e Leah i lena lotu ua mafua ai ona matou masiasi, a o le i oo ina tuuina atu le igoa o lenei Tala'iga, aúa ua matou faatalitali pea ia YAHUVEH e ta'u mai, poo afea le taimi, ua sauniuni ai i latou e faatu ai le galuega i Niu Sila. Ma e mana'omia e Niko ma a'u, se tasi i Niu Sila mo taimi uma ma te le iai iiná.

O lenei Tala'iga ose Tala'iga Paia, ma e le mafai e satani ona toe tu'u mai se masiasi ia te'i matou, ile taumafai lea, e iai se fesotaiga i lenei Tala'iga. O agaga leaga na tino mai ia te ia, ua liu ai ile fa'atauláitu, ina ua alu atu ile fale o Moera, ma ua ia valaau i fa'ama'i e oo mai ile áiga. O Leah Tavita ua agasala a o le mea e faanoanoa ai, sa ia le faapea taimi uma. O Moera ma Sam e nonofo i Niu Sila ile aai lava lea e tasi, ma o i laua ma le fanau Grace, James, John ma le uso ia YAHUSHUA, e iai foi i lenei Tala'iga e igoa ia Gene, o i latou ose faamanuiaga tele i lenei Tala'iga. O le a matou saili nei mo se fale, ma ole a matou faailoa atu a latou molimau, atoa ma le tuátusi ole malumalu e fai ai sauniga ole Sapati. Ua na'o YAH na te silafia o mafatiaga uma na matou uia, e a'apa atu i tagata Samoa mo le meamoni i lenei Tala'iga, ma fafaga ia te'i latou i mea'ai a'ano faaleagaga, e faasino i Valoaga Paia. Afai e iai se tasi e faitau i lenei upu, e sau mai Niu Sila ma e iai se fale e faitaulaga ile Lotu Fou, faamolemole imeli mai matou ma faailoa mai. Faafetai lava.

Pei ona ou fai atu, ose fa'amatalaga pupu'u lenei e uiga i mea sa tutupu. Atonu e mafai ona ou tusia se tusi tala atoa, i mea uma na tutupu, ae ou te tatalo ia e malamalama i lenei Upu ile taimi nei, ina ua uma ona faamatalaina.

Sa ou luga ile laina ole telefoni ma si o'u uso pele o Kathrynyah, o tatalo ile túlaga ua iai Niu Sila, ona fanau mai ai lea ole Upu ua poloa'i mai.

Válo'aga 114

UA TOE TÚLA'I LE PEPE NIU SILA NAI LE OTI!

[Elisabeth; - oh dear – oh my .... Niko sau ia – o lea ua luluti mai o'u tiga fanau.]

Oi, LO'U loto ua momomo, na OU tagiaue, na OU tutulu mo le tigá ua e lavátia a o e fa'atigá ai. OU te faailoa ia te oe Elisabeth, OU te faailoa ia te oe, outou uma na tagi fa'atasi ma ia, e le'i oti le pepe! (le Amightywind New Zealand Church) E ui lava ua latou vaai i lenei pepe ole á fanau mai, ma ua latou fai mai, “e moni ea, o le a oti”. “o le” o i latou ná, sa e alofa iai muamua ma e fafaga iai a o tamaitiiti. Sa e alofa iai e pei o lau lava fanau. Na e valaauina o óu atalii; na e valaauina o óu afafine. Na e valaauina i latou o tagata paia. Na e talitonu o i latou ua sili ona lelei, ina ua OU faaali atu ia te oe, ua faia o latou ufimata. (Faataoto 26:26)

Oi, ole tasi, le tamaloa sa igoa ia “Osana”. Na OU suia lona igoa ile David. Na OU tuuina atu ia te ia valoaga ma lea valoaga, ia toe faatupu ai le faamalosi ia te ia ile mea sa vaivai ai o ia, pei ona ia faalata ia te oe ua ia faalata mai ia te A'U. E pei ona ia folo le pepelo o Iesepela, ua ia fefa'ataua'i lona valaauina i lona ola, ona ua sili lona fefe i lona toalua lo A'U o YAHUVEH. Sa iai se taimi muamua sa fai ai o ia ma ou fili, ae na OU tuuina atu ia te oe le alofa mo ia, pei o lau lava tama. A o lenei, ia e manatua si A'U fanau e, o ai sé e faalataina oe, e faalataina foi e ia, ia te A'U o YAHUVEH. (Matt 25:40,35).

Na e ave ia Leah Tavita le Meamoni. Na e fusimau ia te ia, ma e alofa ia te ia, pei o sau tama. Na e fa'aa'oa'o ia te ia, a ua tumu lona loto ile lotoleaga ma le matau'a, ma ua e taumafai e faalototele ia te ia; ua ia talitonu na te mafaia ona avea lou tulaga. Ua ia pule malosi i lona aiga, ma ua avea ma tagata faatonu ma le moto u'amea i lona lima. Ua ia solia mea uma na OU tautala atu ai e ala ia te oe, pei ona tu'u mai lea lapataiga ma lea lapataiga. Ae ina ua ulu ia te ia le fouvale, ma ulu ia te ia le lotoleaga ma le matau'a ma le losilosi, ua ia tatalaina foi o ia ile anoano o temoni, ma ua 'apilitia i agasala uma lava atoa ma le mulilua. Na e lapata'ia! Na e áioi! Na e tagi. O avanoa ma avanoa uma na tuuina atu, ma lenei ua ia avea le meamoni sa tautala atu, ua ia tautala iai peseai o ni pepelo (Isaia 5:20)

Sa iai se uso lotomaualalo. Sa matamata o ia i mea uma. Ua na iloa le lagona sa iai o ia, i lalo ifo ole moto a Leah Tavita. Sa ia lagona e leai sona aogá, e oo foi i si ona toalua o Sam na oo ai lenei lagona, ae peitai, ua la iloa, ina ua la iloa, ina ua la iloa o lenei Tala'iga (Ministry) ua iai le meamoni. Ole Tala'iga lenei ole Meamoni: aúa o A'U YAHUVEH ma LO'U ATALI'I Pele e Toa'tasi o YAHUSHUA o lou MASHIACH (MESIA), ma le Pele o RUACH ha KODESH, e tautala atu i upu uma lava, ma latou te iloa le leo ole ATUA MATA'UTIA.

E ui ina fa'aoga e Leah o lenei Tala'iga, e ta'u ai le meamoni i lona aiga, ina ua ita o ia ia te oe, ona ua fa'ailoaina ana agasala, ma o lenei ole a iloa uma e tagata, sa ia tau faapea mai, “Aua le toe talitonu i lenei Tala'iga. Aua le toe talitonu i valoaga. Aua le toe faalogo ia Elisabeth. Ae ia faalogo mai ia te a'u.”

Ua fefete o ia ile faamaualuga, pei ole felea ole si'usi'u ole peacock. 'E'é ma le leotele ma le leotele ina ia faasaga uma mai mata ia te ia, ma ta'u fa'aleagaina oe mai le mamao, eli e ia lona lava tu'ugamau i pepelo ta'itasi ua ia ta'u fa'aleagaina. Ua galo e ia, o ai ua fa'atatau iai le igoa o lenei Tala'iga. Ua galo ia te ia, o ai e tautala ile meamoni ma e le na'o ole fafine a o A'U, o YAHUVEH. OU te puipuia A'U lava mea. Faapea ona manatu satani, afai na te aveina i lalo lenei fafine, e leai se lotu, e maua i Niu Sila, e ta'u atu le meamoni, o lenei Tala'iga na OU tautala atu ai.

Oi ua latou fetu'u le tamaitiiti ia oti; ia oti i totonu ile manava o le tiná. Elisabeth, e ta'i fia miti sa e miti ai, ua fafano lou ma'i, ma ua oti le pepe? Ua e tagi i lima o lou toalua ma ua e fai mai, “Ua oti le pepe o Niu Sila, aúa ua oti la'u tama o Leah ile aso nei. O ia ma lona toalua sa faapea, e molia le Upu i Niu Sila”. A ua galo ia te oe, o loo ia te A'U le mana ole toetu (John 5:21; 11:25). Ou te tautala ile ola i le na oti ma OU toe faatuina e sili atu ile na muamua, ma OU valaauina atu le ta'ita'i moni, ua leva na OU iloaina e pasia le tofotofoga.

Sam ma Moera, OU te vaai atu i lo oulua loto maualalo, o tu'ufesili, “O ai, o a'u?” Ma OU valaauina atu oulua, ma ou fa'ate'ia oulua i lenei aso. E ui ina oulua tautiga ile galuega ma avatu mea e tele, ma e ofo atu ma e lavátia le tele o tigá, ona ole itagia ma le ta'u faaleagaina o oulua igoa ma ua lafo atu pei o otaota. OU te valaau ma OU fai atu ia te oe: o oe ole penina o penina e tele. Ma OU valaauina atu oe, aúa ua e malie e faatigaina oe mo A'U. Ua e fetaua'i ma lou lava uso, OU te tautala atu ile aano ma le toto, mo le taimi nei e le toe taua o ia o lou uso (Matt 12:48-50; Luk 8:21) o ia ole fili o fili (Matt 10:36). O ia ole fili o fili uma.

Ae OU te fai atu nei ia te oe: Sam ma Moera, e faatuatuaina. Ua molia oulua ile faapea, ua oulua vavae ese le aiga, ae peitai, o afea ole a latou faasa'o ai lenei mea? O LO'U ATALI'I o YAHUSHUA ha MASHIACH lea na te aumai le pelu e vaeluaina (Matt 10:34, Luka 12:51) ma ole valoaga muamua ua faailoa atu nei i luma ole lalolagi, ole meamoni muamua lea ua OU aumaia. Ma ole meamoni muamua ua faailoa atu nei, e faasino atu ole pepe ua ola mai, ma e le'i oti. OU avea lenei avanoa OU te fai atu ai, o leisi faasologa ole a soso'o, ole fale e fa'atino ai tapuaiga ile Atua, ile mea e tatau ona iai.

O le ulu ole ta'ita'i mamoe, o A'U nei e mai le Lagi ua OU faatumauina, o oe ná LO'U Sam, ua ia te oe le málosi ole Samasoni ile maló fa'aleagaga ma oe LO'U Moera pele, e le maua seisi fafine e sili ona lotomaualalo, ae le gata i lea, e se le faau'uina.

O lenei, Elisabeth, ua OU tautala atu le Upu ua faate'ia ai oe. Ole mea lena na galue ai le faau'uga ina ua e faitau ia Kathrynyah le mea ole a faalia, ma OU te ta'u atu ia te oe le máofa. E muamua OU te toe faamanatu ia te oe: e auina atu oe ile lotu Penetekoso, aúa o ile lotu Penetekoso sa faatumuina ai oe ile AGAGA PAIA. O ile lotu Penetekoso sa e muamua ona ofoina ai lou olaga, mo YAHUSHUA lou MASHIACH, o LO'U ATALI'I PELE E TO'ATASI.

Ia o lenei OU te auina atu oe, ma ta'u ia te oe lenei mea: ia e ofo atu ou lima e fusimau ile lotu Penetekoso, ile faifeau, le na alu iai Sam. O le na puipuia lou igoa ina ua fesili mai le faifeau, “Ta'u mai le meamoni o lenei Almightywind Ministry, aúa ua matou faalogo ile tala ua fai mai ai Leah Tavita, e moni ea, o ia [Elisabeth] ose perofeta pepelo? Ua molia o ia ona ole vavaeina ole aiga, ae ona ua ou nofosala, ua ou sau e fesili ile meamoni ia te oe.”

Sam, ua pei oe ole Samson mata'utia i O'U mata! OU te toe fai atu, ile maló faaleagaga, OU te le toe valaauina oe o Sam. OU te valaauina oe o Samson, ma OU folafola atu ua OU suia lou igoa. Ae aua le fefe, aua le polepolevale, aua le popole! O lou i'uga ole'á le pei ole Samson taua ile Tusi Paia i aso lá. OU te avatu ia te oe lenei igoa, ina ia iloatino oe, ia e malosi ma e toa.

Ma Elisabeth, OU te ta'u atu lenei mea: e ui lava e te fefe ile te'ena ma le tigá, ia e faaloaloa atu ou lima, oulua uma ma Niko, i lea faifeau le na ta'u mai ia Samson, “Faafetai ua e ta'u mai le sa'o,” ina ua faailoa atu o agasala o Leah Tavita.

O lea ua na iloa ma ta'u atu i isi. O LO'U manaoga, ina ia le maua se auala e fai mai ai lea faifeau, e te le'i taumafai e feso'ota'iina o ia. Ia e feso'ota'i o ia. Aúa o LO'U lea mo'omooga, ia maua e le lotu Penetekoso le meamoni, o lea na OU tuuina atu i lenei Tala'iga. O lana lava filifiliga e le mafai ona e pulea, pé na te toe opoopo mai, pe feanu mai i ou foliga. Ae OU te faamasinoina o ia, ile faamanuiaga poo le malaia, aúa ua ia iloa le meamoni.

O lenei ua i luga ia te ia lenei mea. Pe na te faamamá lou igoa? Pe na te faalagolago i lenei Tala'iga? Pe na te galue itu uma ma avea o ia e fai ma vaega o lenei galuega? Pe na te faataga LO'U Samson ma LO'U Moera e tu i tua ole pulela'a, ma ta'u atu le meamoni na OU tuuina atu i lenei Tala'iga? Pe na te lafoa'i le tusifa'avae na fai e le tagata? Pe na te tausia le aso Sapati? Pe na te malie e lafoa'i lana igoa faifeau, pe afai e fa'amata'u o ia e le fa'apotopotoga ole lotu?

Pe na te ioe, “Ua mau lo'u loto e mulimuli ia ABBA YAHUVEH? Ia pei ona fa'atumauina ia te IA, e tusa lava pe ave'ese le igoa fa'apotopotoga, ona ole igoa ole lotu Penetekoso mai ia te a'u, e mau pea lo'u loto, ou te le mulimuli ise tagata; e mau pea lo'u loto. Ou te mulimuli ia YAHUVEH, ua ou naunau e lauga le meamoni, ma o YAHUSHUA ha MASHIACH e tautala ile meamoni, mai lenei Tala'iga. E le o se Perofeta pepelo o Elisabeth (Elisheva) Sherrie Elijah. A o Leah Tavita, o oe ua tumu ile fili o satani, ma le anoano o temoni e tautala mai lou gutu (John 8:44). A o e ta'u fa'aleaga ile tasi sa e fai mai, e te alofa i ai muamua, ona ua faailoa atu au agasala e vaai mai ai le toatele?”

Ia o le faifeau Samoa lea, LO'U Samson ma LO'U Moera, ia oulua ave iai lenei Upu ia te ia; ia momoli ia te ia alofaaga o Elisabeth ma Niko. Ole a le mea na te faia iai, ua uma na OU iloaina.

Ia vaai mai si A'U Pele táua, e ui lava e te tagi ma tutulu ma e fai mai, “Oi YAHUSHUA, sau ia faamolemole,” pe a oo mai le iligá Pu ole Tausama'aga. Ae le'i oo ile taimi, na'o LO'U fa'aogaina o oe e fanau. O na e te le'i oo i Niu Sila (Isaia 42:10 ) ma e tele isi gagana ole a oo mai, (e tele gagana ole a fa'aliliuina ai o valoaga) (Matt 24:14; Rom 11:25; Galu 1:7). O LO'U taimi e 'ato'atoa ona lelei, ma OU te le misia se agaga e tasi. O i latou uma ua valaauina e faalogo ile meamoni o lenei Tala'iga, e le toe maua se avanoa, e fai ai se fa'amatalaga 'alo pe afai e tú i luma o A'U, o YAHUVEH.

O loo iai pea fili o loo fa'asolo pea ile laina. Ma ua faatumu e satani i o latou loto, “Ia faaumatia lena Tala'iga,” a ia e mafaufau lelei ua na'o i latou ia, ua mana'o ile fa'aumatiaga o lenei Tala'iga, ua na'o i latou ia, ua mana'o e fasioti LO'U Ta'ita'i Taupou (Ringmaiden) o Elisabeth, e matúa le mafaia lava ona faatumuina i latou i LO'U AGAGA PAIA. E matúa le mafai lava, e ona avea i latou mo A'U (Timo 2:19) ma faamamá i LO'U toto lea na maligi i luga o Kalevaria. Sa fai i latou ma OU fili, a o le'i oo mai i lenei lalolagi. Sa latou fa'alataina A'U muamua ma ua latou fa'alataina pea A'U e oo mai ile taimi nei. E le o i latou uma ua valaauina i latou o Kerisiano, ua iai Keriso ia i latou; ole sunako o satani i latou ( 2 Kor 11:12-14) o i latou ua valaauina i latou o Iutaia, ae e le o se Iutaia, o i latou ole sunako o satani ( Rev 2:9; 3:9).

Ua e tutulu ma e tagi ina ua ta'u fa'aleagaina lou igoa, ona ole pepelo e tu i tua ole tasi pepelo ile laina, ae OU te faamanatu ia te oe si O'U afafine Elisabeth o ai e ona oe, ma o oe mo A'U. OU te faamanatu ia te outou, oi fili: O ia te A'U le tau'imasui, OU te taui atu (Rom 12:19; Teu 32:35)! Ua na'o séoli lou túlaga, e te eli i laló le mea e te fa'aifo i ai. I mánavaga ta'itasi e te tauave, ua e latalata i lou tu'ugamau, aúa OU te faalogo i upu uma lava e te fai mai ai, ae maise i latou ua tofo ile agalelei o lenei Tala'iga (Eper 6:4-6) ma ona ole upu na tu'u atu na nofosala ai oe i au agasala (e tutusa lelei ma le mea na fai e Leah Tavita) ma ua e toe fa'alataina foi o ia [Elisabeth].

OU te toe fai atu, má OU te toe fai atu, e le i ma'ima'ua se loimata e tasi na paú, maligi mai i LA'U fanau paia, OU te le i pu'ea ma utu i totonu o LA'U fagu (Sala 56:8)! Ma e iai le aso OU te faasino ai ia te oe ou loimata! OU te faailoa ia te oe le tele naua o LO'U alofa mo oe! Na OU faailoga uma fagu ta'itasi na utu ai ou loimata. Ma fili uma na mafuai ona maligi ou loimata, e pa'ú i luga ia te i latou. Aúa o i latou uma ua tautala tete'e i LO'U tasi ole 'au Paia, o le tautala tete'e i ia meamoni paia, o lea na OU tatala atu e ala i lenei Tala'iga ma isi, ole a fai i latou ma faalagolagomaga ma ole a OU faasino ia te i latou o ia fagu. Ma o Leah Tavita, ole fata ua tumu i fagu uma o loimata, o oe le máfua'aga!

Auoi i latou ua fai ma O'U fili! Auoi i latou ua fai ma O'U fili i lenei Tala'iga! Auoi i latou ua taua i latou o Kerisiano! E le'o oe ose kerisiano! E le mafai ona e faavalea mai A'U! O oe ua iai le igoa. Ua faailogaina outou o Kerisiano, ae peitai, o lena igoa ua palapalá i taimi uma ma taimi uma lava. Mo i latou o fa'apaú pepe! Mo i latou o e tauátáne! Latou te tutú i tua ole pulela'a, ma ua oo foi ina latou faitau LA'U Upu ma ua taua i latou o Kerisiano. O lenei, OU te mautinoa ia te oe: e le'o fa'afofogaina sa latou tatalo (Isaia 1:15; Sakaria 7:12-13).

Ua OU iloa o ai o LA'U fanau paia. O i latou ia, o loo osofa'i e le fili. Ae auoi ia te outou ua fai ma fili, ua uma na OU lapata'i ia te outou, ma OU toe lapata'ia oe, afai e te si'i le taua i lenei Tala'iga, ua e si'i le taua ile Alefa ma le Omeka (Sakaria 2:8). Ua e si'i le taua ia te A'U, o YAHUVEH. Ua e si'i le taua i LO'U ATALI'I PELE e TO'ATASI o YAHUSHUA o lou MASHIACH, ae peitai, e le o ia o sou MASHIACH (MESIA) ua na'o na e áiá ia te IA faáfoliga.

Elisabeth, manatua lenei mea: e mafai ona latou fai atu ile igoa o Iesu Keriso, ae ua e iloa, o ai ua iai LO'U Agaga i totonu ia te ia. O IA o lou MASHIACH; ua na'o na latou áiá ia te IA mo i latou. O le tusi lenei, na fai mai ua taua i latou o Iutaia, a o le sunako o satani i latou (Rev 2:9; 3:9).

Ia, o e ita mai ia te A'U, ua e faiáina! Ua OU faatumauina ile aso nei: ole fanau mai ole Tala'iga ole a tauaveina le igoa, o lenei Tala'iga. Ma ua OU faatumauina o ai ole a tula'i, i le tulaga o oulua ma Niko ma momoli atu le upu: o LO'U Samson lea, o LO'U Moera lea, ma OU te tuuina atu le avanoa mo le faifeau Samoa ia avea o ia ma vaega o nei mea uma, aúa ua ia faapea mai, ua iai lona loto ia te A'U. Ua ia fai mai ua na'o le meamoni na te sailia. OU te tu'u atu le tali i lana tatalo ma ua uma ona OU iloa le mea ole a ia faia, ae peitai Elisabeth, OU te le ta'ua ia te oe ile taimi nei. Ia tatau ona e usitai, o oe ma Niko e tatau ona fa'afeiloai oulua le ta'ita'i mamoe ile ta'ita'i mamoe.

Ia olioli ile aso nei! Elisabeth na e amata ona e lagona le tigá ile aso 27 o Aokuso, ua ova ma le tausaga. Ua luluti tiga ole a fanau. Ua OU tu'u atu ia te oe tiga ole tino. O oe pei ole tiná ole a fanau, ma ua e tagi mai ia te A'U mo aso e ono, ma ole aso fitu, na OU tu'u atu oe e vili ia Leah Tavita. Ma OU tautala atu i lou gutu, ole lotu muamua lea ole a faatinoina ile malumalu ole a fanau i Niu Sila. Ma o lea ua OU talanoa atu ai, i lenei aso, o lea ole a e vaai ile fa'ataunu'uina, pei ole fanau mai ole valoaga muamua i Samoa ma o lea la ua faailoa atu ile lalolagi. Ma faamanuiaga i lenei ta'ita'i mamoe, o faamanuiaga ia te oulua Samson ma Moera - mó lo oulua taulaga ma le usita'i, mó lo oulua alofa faamaoni. Aúa mo lou lava Tiná ma lou Tamá ua tuua oulua, a o AÚ o lou ABBA YAHUVEH, e le tuua oulua. (Sala 27:10) ma OU te faamanuia ia te oe ile aso nei ile ala e te le'i mafaufau iai.

A o e faalogo mai i lenei Upu, e pei ona tusi fa'aliliu e Niko o upu ma faailoa atu ile lalolagi, OU te avatu faamanuiaga ia te oe, e le faatauina i tupe. Ua uma ona e uia tofotofoga ile afi a'asa ma oulua ma le lua fanau peleina, o Grace, James ma John, ua faasaoina pei ole auro ua sili ona mamá, aúa ua e musu e talitonu ile pepelo ole fili. Ua e musu e lafoa'i lenei Tala'iga e ui ina ua vaeluaina lou aiga. Ae tatau ona OU vavae ese mai oe. E tatau ona OU valaau mai oe i fafo, ina ia e maua fa'amanuiaga.

O mea uma e ao ona tutupu, pei ole mea sa iai. E tatau ona OU vavae ese le saito mai le titania, le faamaualuga mai le lotomaualalo, o i latou ua saili mo'i, i O'U meamoni, mai ia i latou na, ua sili ona latou talitonu ile pepelo. O lea ua OU faaoga ai LO'U ATALI'I Pele e To'atasi o YAHUSHUA, e faaoga le pelu e vaeluaina ai, ina ia latou iloa uma, ma e le toe iai se tasi na te fa'afiti, i le na OU valoia mai, ole a taunu'u. (Isaia 52:6).

E oo i ia lava Upu, o A'U o YAHUVEH ua tautala atu, o le upu lava lea ole a soso'o e fa'aliliuina ile gagana Samoa. Ole a le aoga e maua mai ai, e alu na'o tagata e tautala ile Igilisi? O gagana uma ua fa'aliliuina, e tatau ona fa'atumauina nei, i gagana uma aúa o A'U, o YAHUVEH e tautala atu i lenei fa'amanuiaga, ma ole a OU fa'atumauina, e le mafai e se tasi ona ave'esea mai ia te A'U. Ua taunu'u.

Ia, Leah Tavita, ua e mana'o e ta'utaua oe! O lea ua OU avatua ia te oe le mea ua e mana'o i ai, i ala ese'ese! O lenei o lou igoa ole a alu i lalo o tala fa'asolopito, ma e ao ona tautau lou ulu i O'U luma, e pei o lou igoa ua ta'utaua ole malaia (Isaia 65:15)! Ma o oe Osana Tavita! Ua e avea LO'U igoa David, le na OU avatu ia te oe-ona o oe sa tatau ona pei o David i aso ia, ma sa tatau ona e pei o Koriata e Fa'atoilaloina le fili. Ana e tago e fasi temoni sa i totonu ia te ia [Leah Tavita]. Ana e tago e tuli mai fafo i latou, ae peitai, ole a le mea na e faia? Ua e tamo'e i lou fefe! Ua e mana'o e fia Osana? Ave le igoa, aúa OU te le toe valaau oe ia David e fa'avavau lava!

Ia fa'aetete o e ita mai ia te A'U! E mafai foi ona OU faia lenei mea ia te oe. E mafai ona OU avea lou igoa i lalo o tala fa'asolopito ile ala e te le mana'o i ai. Pei o i totonu ole Tusi Paia, o loo taua ai igoa ole toa (Eperu 11; Num 32:12 etc.) ma e iai foi ma igoa o e ita mai ia te A'U (Iuta 11; 2 Timo 2:17-19; Rom 9:13-17 etc.) O lau filifiliga. Ole á le mea ole a iai?

Mo i latou uma o e faalogo ma o ai ua faitauina, ma o ai ole a faitau i lenei valoaga paia, o lau filifiliga. Poo oe ea, ose uó o lenei Tala'iga? Poo oe ose fili o lenei Tala'iga? O le a lava le mea ua e filifilia, ia manatua lenei mea: ia filifili oe, poo le a le itu na ua e i ai, ma pei o A'U YAHUVEH, OU te faamanuia pe faamalaia oe ile aso nei. O lau lava filifiliga.

Mo e paia, ia tatalo mo fa'amanuiaga ile aso nei, i luga ole pepe fou o lea fa'atoá OU fanau atu i Niu Sila, ma i luga ole ta'ita'i mamoe fou, lea na OU fa'atoá faaleo atu ile lalolagi.

Mo i latou uma, e fia manao e lulu le saito i lenei Tala'iga, OU te faamanuia ia te oe feti'iti'i ma le tele nauá. O A'U YAHUVEH ua tautala atu ile aso nei, ma OU faamanuia i lenei pepe ile aso nei ma o lenei ose faau'uga, ose faau'uga e sosolo atu pei ole afi, e ta'amilo atu i luga i lenei laueleele, a o faailoa atu ia Upu, e ui lava ole to'atele e le'i faitau, ma Ou te faaogaina pei ole túlaga e aga'i ile fa'atiapolo ma le agasala lea ua fa'asusúina lenei laueleele.

Ile lalolagi uma, ua OU filifili Niu Sila e fai ma O'U Siona Fou. Ma ua OU filifilia, e fai ma lalá muamua ole lotu ile Tala'iga ole a fa'ataunu'uina. Ile maló fa'aleagaga, Ole a lílivau nifo ole fili ma le sasao o latou ita. Oi, a'o e Paia, ole a ó mai i luma! OU te ta'u atu ia te oe Niko ma Elisabeth: e te maófa, ona e iloa lea, o loimata uma sa e maligi, o tiga uma na e lagona sa faalata mai, ua aogá uma. OU te fólafola atu ia te oe nei mea. OU te fólafola atu ia te oe nei mea, ma o A'U, o YAHUVEH, e le mafai lava ona pepelo, OU te fólafola atu ia te oe nei mea.

Su'esu'e le fua o i latou ia na osofa'ia lenei Tala'iga. O lenei Tala'iga e aumaia o agaga ia YAHUSHUA lou MASHIACH, LO'U Atali'i Pele e To'atasi. Ia su'esu'e le fua! Ia su'esu'e le fua! O ai, o ai, o ai, ae o satani na te osofa'i ile Tala'iga le ua na'o le lauga ile faapaiaina, e le tata'i soo se tasi ile agasala, e siitia le suafa o YAHUSHUA ha MASHIACH ile lalolagi atoa, e le na'o le tasi le gagana, ae ile tele o i latou e taumafai. Ma le tele o e fa'aliliu i gagana, ole a ó mai. E le ole iuga lea! Ole amataga lea!

Ia olioli si A'U fanau táua peleina, OU te foai lenei meaalofa ia te oe! OU te ilia le pu mai le Lagi ma OU fa'atumauina o fa'amanuiaga ua i luga le pepe Niu Sila, fa'amanuiaga ua i luga, o e Paia i Niu Sila ma le faamanuiaga i luga ta'itasi o lena ole a faamanuia i lenei Tala'iga, ma le ta'ita'i mamoe fou le na ua OU valaauina atu. O fa'amanuiaga ua i luga ia i latou uma, o ai na te puipuia lenei Tala'iga, mai ile pepelo sesé ua si'i taua mai! OU te tautala i fa'amanuiaga, fa'amanuiaga, fa'amanuiaga – fa'atele ile tolu mo i latou ta'itasi lea na fai ma pá'aga i lenei Tala'iga, lea na fa'alototele, lea na lagolago ma'i, lea na siitia o latou igoa i tatalo. OU te tautala i fa'amanuiaga e fa'atolu mo oe, ua sili atu fa'atolu i lo le mea sa e iai muamua.

O Upu ia, o A'U, o YAHUVEH ua fai atu. Ole meaalofa lea ua OU foa'i atu mo oe, pei ona e fa'alatalata atu ile Pú ole Faigaai. OU te ilia le pú muamua ma OU alaga atu ile lalolagi: le pepe, le pepe o loo ola, ma e le'i oti, ma ua OU fa'ataunu'u le ua fanau mai, ile á, ua OU válo'ia. O lenei ua toe faamaonia, o Elisabeth, e le'o oe, ose perofeta pepelo. Ma e mata'utia le mea e oo i so'o se tasi, e valaau oe i lea mea, e faatele ona faatáugá ole a iai ia i latou, o séoli ma le Teio e iai le Afi e fai mo latou nofoaga. Ma o A'U, YAHUVEH, e fólafola atu ia te oe nei mea!

Ia o lea ua tautala mai, ia o lea ua tusia ile aso 18 Setema 2009,
Ole Tamaitiiti, Toa, Faletua o YAHUSHUA ha MASHIACH,
Aposetolo Elisabeth S. Elijah Nikomia

Contact Us
Contact Us

[email protected]
[email protected]