Parasha Vayigash – Toe het Hy het Nader gekom

Shabbat Shalom!

Welkom by Vayigash – Toe het Hy het Nader gekom, hierdie week se Parasha.

Genesis 44:18 – 47:27

*~Genesis Hoofstuk 44~*

18 Toe kom Juda nader na hom en sê: Ag, my heer, mag u dienaar tog ‘n woord spreek voor die ore van my heer, en laat u toorn nie teen u dienaar ontvlam nie, want u staan gelyk met Farao.

19 My heer het sy dienaars gevra en gesê: Het julle ‘n vader of broer?

20 En ons het my heer geantwoord: Ons het ‘n ou vader; en daar is ‘n jong seun, ‘n kind van die ouderdom, maar sy broer is dood; en hy het alleen oorgebly van sy moeder, en sy vader het hom lief.

21 Toe het u aan u dienaars gesê: Bring hom af na my toe, dat ek my oog op hom kan rig.

22 En ons het my heer geantwoord: Die seun kan sy vader nie verlaat nie, want sy vader sal sterwe as hy hom verlaat.

23 Daarop het u aan u dienaars gesê: As julle jongste broer nie saam met julle afkom nie, sal julle my aangesig nie weer sien nie.

24 En toe ons na u dienaar, my vader, opgetrek het en hom die woorde van my heer te kenne gegee het,

25 het ons vader gesê: Gaan koop weer vir ons ‘n bietjie voedsel.

26 Maar ons het gesê: Ons kan nie aftrek nie. As ons jongste broer by ons is, sal ons aftrek; want ons mag die aangesig van die man nie sien as ons jongste broer nie by ons is nie.

27 En u dienaar, my vader, het aan ons gesê: Júlle weet dat my vrou vir my twee gebaar het—

28 die een het van my af weggegaan, en ek het gesê: Voorwaar, hy is verskeur, verskeur! En ek het hom tot hiertoe nie gesien nie.

29 As julle nou hierdie een ook van my af wegneem en hom ‘n ongeluk oorkom, dan sal julle my grys hare met droefenis in die doderyk laat afdaal.

30 As ek dan nou by u dienaar, my vader, kom en die seun nie by ons is nie—terwyl sy siel innig aan hom verkleef is—

31 sal hy sterwe as hy sien dat die seun daar nie is nie; en u dienaars sal die grys hare van u dienaar, ons vader, met kommer in die doderyk laat afdaal.

32 Want u dienaar het die seun deur borgskap van my vader verkry deurdat hy gesê het: As ek hom nie na u bring nie, sal ek lewenslank teenoor my vader skuldig staan.

33 Laat u dienaar dan nou tog in die plek van die seun my heer se slaaf bly, en laat die seun saam met sy broers optrek.

34 Want hoe kan ek na my vader optrek as die seun nie by my is nie? Mag ek maar net die ellende nie aansien wat my vader sal tref nie!

*~Genesis Hoofstuk 45~*

1 Toe kon Josef hom nie langer bedwing voor almal wat by hom gestaan het nie, en hy roep: Laat almal van my af weggaan! En daar het niemand by hom gestaan toe Josef hom aan sy broers bekend gemaak het nie.

2 Daarop bars hy in trane uit, sodat die Egiptenaars en ook die huis van Farao dit gehoor het.

3 En Josef sê vir sy broers: Ek is Josef! Leef my vader nog? Maar sy broers kon hom nie antwoord nie, want hulle was verskrik voor hom.

4 Verder sê Josef vir sy broers: Kom tog nader na my. En toe hulle nader kom, sê hy: Ek is julle broer Josef vir wie julle na Egipte verkoop het.

5 Maar wees nou nie bedroef nie, en laat daar geen ontstemming by julle wees dat julle my hierheen verkoop het nie. Want om lewens te behou, het ELOHIEM my voor julle uit gestuur.

6 Want daar was nou twee jaar hongersnood in die land, en daar is nog vyf jaar waarin nie geploeg of geoes sal word nie.

7 Maar ELOHIEM het my voor julle uit gestuur om vir julle ‘n oorblyfsel op die aarde te verseker en om julle in die lewe te hou tot ‘n groot verlossing.

8 Júlle het my dan nou nie hierheen gestuur nie, maar ELOHIEM; en HY het my ‘n raadsman van Farao gemaak en ‘n gebieder oor sy hele huis en ‘n regeerder in die hele Egipteland.

9 Trek gou op na my vader en sê vir hom: So spreek u seun Josef: ELOHIEM het my ‘n gebieder oor die hele Egipteland gemaak. Kom af na my, moenie versuim nie!

10 En u kan in die land Gosen woon en naby my wees, u en u kinders en u kindskinders en u kleinvee en u beeste en alles wat u besit.

11 En ek sal u daar onderhou, want daar sal nog vyf jaar hongersnood wees; sodat u nie verarm nie, u en u huis en alles wat aan u behoort.

12 En kyk, julle oë sien dit, en die oë van my broer Benjamin, dat dit my mond is wat met julle spreek.

13 Vertel my vader dan van al my heerlikheid in Egipte en van alles wat julle gesien het, en bring my vader gou hierheen af.

14 Toe val hy sy broer Benjamin om die hals en ween; en ook Benjamin het aan sy hals geween.

15 En hy het al sy broers gesoen en aan hulle hals geween; en daarna het sy broers met hom gespreek.

16 Toe die gerug in die huis van Farao gehoor word dat Josef se broers gekom het, was dit goed in die oë van Farao en van sy dienaars.

17 En Farao het met Josef gespreek: Sê aan jou broers: Doen dit, laai julle diere en trek weg na die land Kanaän.

18 En gaan haal julle vader en julle huisgesinne en kom na my toe, dan sal ek julle die beste van Egipteland gee; en eet die vettigheid van die land.

19 Jy kry dan bevel—doen dit: Neem vir julle uit Egipteland waens vir julle kinders en julle vroue, en vervoer julle vader en kom.

20 En julle hoef geen spyt te hê oor julle huisraad nie, want die beste van die hele Egipteland is julle s’n.

21 Die seuns van Israel het toe so gedoen; en Josef het vir hulle waens verskaf volgens die bevel van Farao en hulle padkos gegee vir die reis.

22 Hy het aan hulle almal, man vir man, ‘n stel nuwe klere gegee; maar aan Benjamin het hy drie honderd sikkels silwer en vyf stel nuwe klere gegee.

23 En net so het hy ook aan sy vader gestuur tien esels, gelaai met die beste goed van Egipte, en tien eselinne, gelaai met koring en brood en voedsel vir sy vader op die reis.

24 Daarop het hy sy broers weggestuur, en hulle het vertrek; en hy het aan hulle gesê: Moenie vir mekaar kwaad word op die pad nie.

25 En hulle het opgetrek uit Egipte en in die land Kanaän aangekom by hulle vader Jakob.

26 Toe hulle hom vertel: Josef lewe nog—en dat hy regeerder is in die hele Egipteland—het sy hart beswyk, want hy het hulle nie geglo nie.

27 Maar toe hulle hom al die woorde van Josef te kenne gee wat hy met hulle gespreek het, en hy die waens sien wat Josef gestuur het om hom te vervoer, het die gees van Jakob, hulle vader, lewendig geword.

28 En Israel het gesê: Dit is genoeg! My seun Josef lewe nog! Ek sal gaan en hom sien voordat ek sterwe.

*~Genesis Hoofstuk 46~*

1 En Israel het weggetrek met alles wat aan hom behoort het, en in Berséba gekom; en hy het offerandes gebring aan die ELOHIEM van sy vader Isak.

2 En ELOHIEM het tot Israel gespreek in naggesigte en gesê: Jakob, Jakob! En hy antwoord: Hier is ek!

3 Toe sê Hy: EK is EL, die ELOHIEM van jou vader. Moenie bevrees wees om na Egipte af te trek nie, want EK sal jou daar ‘n groot nasie maak.

4 EK sal saam met jou aftrek na Egipte, en EK sal jou gewis ook weer laat optrek; en Josef sal jou oë toedruk.

5 Daarna het Jakob weggetrek van Berséba af. En die seuns van Israel het hulle vader Jakob met hulle kinders en hulle vroue op die waens gelaai wat Farao gestuur het om hom te vervoer.

6 En hulle het hul vee en besittings geneem wat hulle in die land Kanaän verwerf het, en in Egipte gekom, Jakob en sy hele geslag saam met hom:

7 sy seuns en sy kleinseuns saam met hom; sy dogters en kleindogters en sy hele geslag het hy saam met hom in Egipte gebring.

8 En dit is die name van die seuns van Israel wat in Egipte gekom het—Jakob en sy seuns. Die eersgeborene van Jakob was Ruben.

9 En die seuns van Ruben: Henog en Pallu en Hesron en Karmi.

10 En die seuns van Símeon: Jémuel en Jamin en Ohad en Jagin en Sohar en Saul, die seun van die Kanaänitiese vrou.

11 En die seuns van Levi: Gerson, Kehat en Merári.

12 En die seuns van Juda: Er en Onan en Sela en Peres en Serag. Maar Er en Onan het gesterwe in die land Kanaän; en die seuns van Peres was Hesron en Hamul.

13 En die seuns van Issaskar: Tola en Puwa en Job en Simron.

14 En die seuns van Sébulon: Sered en Elon en Jágleël.

15 Dit is die seuns van Lea wat sy vir Jakob gebaar het in Paddan-Aram, saam met sy dogter Dina; al die siele van sy seuns en dogters was drie en dertig.

16 En die seuns van Gad: Sifjon en Haggi, Suni en Esbon, Eri en Aródi en Areëli.

17 En die seuns van Aser: Jimna en Jiswa en Jiswi en Bería en Serag, hulle suster; en die seuns van Bería: Heber en Málkiël.

18 Dit is die seuns van Silpa wat Laban aan sy dogter Lea gegee het; en sy het vir Jakob hierdie sestien siele gebaar.

19 Die seuns van Ragel, die vrou van Jakob: Josef en Benjamin.

20 En vir Josef is in Egipteland gebore Manasse en Efraim wat Asenat, die dogter van Potiféra, die priester van On, vir hom gebaar het.

21 En die seuns van Benjamin: Bela en Beger en Asbel, Gera en Naäman, Egi en Ros, Muppim en Huppim en Ard.

22 Dit is die seuns van Ragel wat vir Jakob gebore is, almal saam veertien siele.

23 En die seuns van Dan: Husim.

24 En die seuns van Náftali: Jágseël en Guni en Jeser en Sillem.

25 Dit is die seuns van Bilha wat Laban aan sy dogter Ragel gegee het; en sy het hulle vir Jakob gebaar, almal saam sewe siele.

26 Al die siele wat aan Jakob behoort het en, uit sy heup afkomstig, na Egipte gegaan het, behalwe die vroue van die seuns van Jakob, was almal saam ses en sestig siele.

27 En die seuns van Josef wat vir hom in Egipte gebore is, was twee siele. Al die siele van die huis van Jakob wat in Egipte gekom het, was sewentig.

28 En hy het Juda voor hom uit gestuur na Josef, dat dié voor hom uit die pad moes wys na Gosen; en hulle het in die land Gosen aangekom.

29 Toe span Josef sy wa in, en hy trek op, sy vader Israel tegemoet na Gosen. En toe hy homself aan hom vertoon, het hy om sy hals geval en lank aan sy hals geween.

30 En Israel sê vir Josef: Nou kan ek sterwe nadat ek jou aangesig gesien het, dat jy nog leef!

31 Daarna het Josef met sy broers en die huis van sy vader gespreek: Ek sal optrek en aan Farao vertel en aan hom sê: My broers en die huis van my vader wat in die land Kanaän was, het na my gekom.

32 En die manne is herders van kleinvee—want hulle was veeboere—en hulle het hul kleinvee en hul beeste en alles wat hulle besit, saamgebring.

33 En as Farao julle laat roep en sê: Wat is julle nering?

34 dan moet julle antwoord: U dienaars was veeboere van ons jeug af tot nou toe, ons sowel as ons vaders—sodat julle in die land Gosen kan woon. Want elke herder van kleinvee is vir die Egiptenaars ‘n gruwel.

*~Genesis Hoofstuk 47~*

1 Daarop het Josef gekom en aan Farao vertel en gesê: My vader en my broers en hulle kleinvee en beeste en alles wat hulle besit, het gekom uit die land Kanaän, en daar is hulle nou in die land Gosen.

2 En hy het uit die getal van sy broers vyf man saamgeneem en hulle aan Farao voorgestel.

3 Toe sê Farao aan sy broers: Wat is julle nering? En hulle antwoord Farao: U dienaars is herders van kleinvee, ons sowel as ons vaders.

4 Verder sê hulle vir Farao: Ons het gekom om as vreemdelinge in die land te vertoef, want daar is geen weiding vir die kleinvee van u dienaars nie, omdat die hongersnood in die land Kanaän swaar is. Laat u dienaars dan nou tog in die land Gosen woon.

5 Daarop het Farao met Josef gespreek en gesê: Jou vader en jou broers het na jou gekom.

6 Egipteland lê voor jou oop; laat jou vader en jou broers in die beste deel van die land woon; hulle kan in die land Gosen woon. En as jy weet dat daar onder hulle bekwame manne is, stel hulle dan aan as vee-opsigters oor my eiendom.

7 Toe bring Josef sy vader Jakob in en stel hom aan Farao voor. En Jakob het Farao gegroet met ‘n seënwens.

8 Daarop sê Farao vir Jakob: Hoeveel is die dae van jou lewensjare?

9 En Jakob het Farao geantwoord: Die dae van die jare van my vreemdelingskap is honderd en dertig jaar. Min in getal en vol teëspoed was die dae van my lewensjare, en hulle het nie gehaal by die dae van die lewensjare van my vaders gedurende die dae van hulle vreemdelingskap nie.

10 Toe het Jakob Farao gegroet met ‘n seënwens en van Farao af weggegaan.

11 En Josef het vir Jakob en sy broers woonplekke aangewys en aan hulle besitting in Egipteland gegee, in die beste deel van die land, in die landstreek Raämses, soos Farao beveel het.

12 En Josef het sy vader en sy broers en die hele huis van sy vader met brood onderhou ooreenkomstig die getal van die kinders.

13 En daar was in die hele land geen brood nie, want die hongersnood was baie swaar, sodat Egipteland en die land Kanaän uitgeput was weens die hongersnood.

14 En Josef het al die geld versamel wat in Egipteland en in die land Kanaän te vinde was, vir die koring wat hulle gekoop het, en Josef het die geld in die paleis van Farao gebring.

15 En toe die geld in Egipteland en in die land Kanaän op was, het al die Egiptenaars na Josef gekom en gesê: Gee vir ons brood! En: Waarom moet ons voor u oë sterwe, want die geld is gedaan?

16 En Josef antwoord: Gee julle vee, dan sal ek dit aan julle gee vir julle vee as die geld gedaan is.

17 Toe bring hulle hul vee na Josef, en Josef het aan hulle brood gegee vir die perde en die besitting aan kleinvee en beeste en vir die esels; en hy het hulle dié jaar versorg met brood vir die waarde van al hulle besittings aan vee.

18 Toe dié jaar om was, het hulle na hom gekom in die tweede jaar en vir hom gesê: Ons kan dit vir my heer nie wegsteek nie, maar die geld is op en die besitting aan vee is my heer s’n. Daar het niks vir my heer oorgebly nie as net ons lyf en ons grond.

19 Waarom moet ons voor u oë te gronde gaan, ons sowel as ons landerye? Koop ons en ons grond vir brood, dan sal ons met ons grond aan Farao diensbaar wees; en gee saadkoring, dat ons kan lewe en nie sterwe nie, en dat die grond nie woes word nie.

20 So het Josef dan al die grond van Egipte vir Farao opgekoop, want die Egiptenaars het elkeen sy stuk grond verkoop, omdat die hongersnood vir hulle te swaar was. So het die land dan Farao se eiendom geword.

21 En wat die volk betref—hy het hulle laat verhuis na die stede, van die een end van die Egiptiese gebied na die ander end daarvan.

22 Net die grond van die priesters het hy nie gekoop nie; want die priesters het ‘n vaste inkomste van Farao ontvang en van hulle vaste inkomste geëet wat Farao hulle toegestaan het. Daarom het hulle hul grond nie verkoop nie.

23 Toe sê Josef aan die volk: Kyk, ek het vandag julle en jul grond vir Farao gekoop: daar is saadkoring vir julle, dat julle die grond kan besaai.

24 En by die insameling moet julle ‘n vyfde deel aan Farao afgee, en die ander vier dele sal julle eiendom wees, as saad vir die land en as voedsel vir julleself en die wat in julle huise is, en as voeding vir julle kinders.

25 En hulle antwoord: U het ons lewe gered. Laat ons guns mag vind in die oë van my heer, dan sal ons die dienaars van Farao wees.

26 En Josef het dit ‘n wet gemaak tot vandag toe vir die saaigrond van Egipte—die vyfde deel behoort aan Farao. Net die grond van die priesters alleen het nie die eiendom van Farao geword nie.

27 So het Israel dan in Egipteland gewoon, in die land Gosen; en hulle het vaste besittings daarin verwerf en vrugbaar geword en sterk vermeerder.

Esegiël 37:15 - 28

*~Esegiël Hoofstuk 37~*

15 Verder het die woord van YAHUVEH tot my gekom en gesê:

16 En jy, mensekind, neem vir jou ‘n stuk hout, en skrywe daarop: Vir Juda en vir die kinders van Israel, sy bondgenote; en neem ‘n ander stuk hout en skrywe daarop: Vir Josef (die hout van Efraim) en die hele huis van Israel, sy bondgenote.

17 Voeg hulle dan vir jou bymekaar, die een by die ander, om een (echad) stuk hout te wees, en laat hulle een (echad) word in jou hand.

18 En as die kinders van jou volk met jou spreek en sê: Sal u ons nie te kenne gee wat u met hierdie dinge bedoel nie?

19 sê dan vir hulle: So spreek die MEESTER YAHUVEH: Kyk, EK sal die stuk hout van Josef neem, wat in die hand van Efraim is, en die stamme van Israel, sy bondgenote, en EK sal hulle by hom voeg, by die stuk van Juda, en hulle een stuk hout maak; en hulle sal een (echad) word in MY hand.

20 So moet dan die houte waar jy op skrywe, in jou hand wees voor hulle oë;

21 en sê vir hulle: So spreek MEESTER YAHUVEH: Kyk, EK gaan die kinders van Israel haal tussen die nasies uit waarheen hulle getrek het, en EK sal hulle van alle kante bymekaar laat kom en hulle bring in hul land.

22 En EK sal hulle een (echad) volk maak in die land, op die berge van Israel; en een Koning sal vir hulle almal koning wees; en hulle sal nie meer twee nasies wees nie en verder nie meer in twee koninkryke verdeeld wees nie.

23 En hulle sal hul nie meer verontreinig met hulle drekgode en hulle verfoeisels en met al hulle oortredinge nie; en EK sal hulle verlos uit al hulle woonplekke waarin hulle gesondig het, en sal hulle reinig. So sal hulle dan vir MY ‘n volk wees, en EK vir hulle ‘n ELOHIEM wees.

24 En MY kneg Dawid sal koning oor hulle wees, en hulle sal almal een herder hê; en hulle sal in MY verordeninge wandel en MY insettinge onderhou en daarna handel.

25 En hulle sal woon in die land wat EK aan my kneg Jakob gegee het, waar julle vaders in gewoon het; ja, húlle sal daarin woon, hulle kinders en hulle kindskinders tot in ewigheid; en MY kneg Dawid sal hulle vors wees vir ewig.

26 En EK sal ‘n verbond van vrede met hulle sluit, dit sal ‘n ewige verbond met hulle wees; en EK sal hulle daar bring en hulle vermenigvuldig; en EK sal MY heiligdom in hulle midde vestig (Aleph/Tav) vir ewig.

27 En MY Tabernakel sal oor hulle wees, en EK sal vir hulle ‘n ELOHIEM wees en hulle vir MY ‘n volk wees.

28 En die nasies sal weet dat EK, YAHUVEH, wat Israel heilig as MY heiligdom vir ewig in hulle midde sal wees.

Effesiërs 2:1-22

*~Effesiërs Hoofstuk 2~*

1 En julle het HY lewend gemaak, wat dood was deur die misdade en die sondes

2 waarin julle tevore gewandel het volgens die loop van hierdie wêreld, volgens die owerste van die mag van die lug, van die gees wat nou in die kinders van die ongehoorsaamheid werk,

3 onder wie ons almal ook vroeër gewandel het in die begeerlikhede van ons vlees toe ons die wil van die vlees en van die sinne gedoen het; en ons was van nature kinders van die toorn net soos ook die ander.

4 Maar ELOHIM, wat ryk is in barmhartigheid, het ons deur SY grote liefde waarmee HY ons liefgehad het,

5 ook toe ons dood was deur die misdade, lewend gemaak saam met MESSIAS—uit genade is julle gered—

6 en saam opgewek en saam laat sit in die hemele in MESSIAS YAHUSHUA,

7 sodat HY in die eeue wat kom, kan betoon die uitnemende rykdom van SY genade in goedertierenheid oor ons in MESSIAS YAHUSHUA.

8 Want uit genade is julle gered, deur die geloof, en dit nie uit julleself nie: dit is die gawe van ELOHIM;

9 nie uit die werke nie, sodat niemand mag roem nie.

10 Want ons is sy maaksel, geskape in MESSIAS YAHUSHUA tot goeie werke wat ELOHIM voorberei het, sodat ons daarin kan wandel.

11 Daarom, onthou dat julle wat vroeër heidene in die vlees was en onbesnedenes genoem word deur die sogenaamde besnydenis wat in die vlees met hande verrig word,

12 dat julle in dié tyd sonder MESSIAS was, vervreemd van die burgerskap van Israel en vreemdelinge ten aansien van die verbonde van die belofte, sonder hoop en sonder ELOHIM in die wêreld.

13 Maar nou in MESSIAS YAHUSHUA het julle wat vroeër ver was, naby gekom deur die bloed van die MESSIAS.

14 Want HY is ons vrede, HY wat albei een (echad) gemaak en die middelmuur van skeiding afgebreek het

15 deurdat HY in SY vlees die vyandskap tot niet gemaak het, naamlik die (mens-gemaakte) wet van gebooie wat in insettinge bestaan; sodat HY, deur vrede te maak, die twee in HOMSELF tot een nuwe mens kon skep

16 en albei in een liggaam met ELOHIM kon versoen deur die kruis, nadat HY daaraan die vyandskap doodgemaak het.

17 En HY het die Evangelie van Vrede kom verkondig aan julle wat ver was en aan die wat naby was;

18 want deur HOM het ons albei die toegang deur een Gees tot die VADER.

19 So is julle dan nie meer vreemdelinge en bywoners nie, maar medeburgers van die heiliges en huisgenote van ELOHIM,

20 gebou op die fondament van die apostels en profete, terwyl YAHUSHUA MESSIAS Self die hoeksteen is,

21 in wie die hele gebou, goed saamgevoeg, verrys tot ‘n Heilige Tempel in YAHUVEH,

22 in wie julle ook saam opgebou word tot ‘n woning van ELOHIM in die Gees.

AmightyWind Profesieë

Van Profesie 105 af, het YAHUVEH gesê hierdie moet van nou af op al die Profesieë geplaas word: Elisabeth (Elisheva) EK het jou lank gelede gewaarsku om nie hierdie Bediening na ‘n man of ‘n vrou te vernoem nie, selfs nog voordat daar ‘n Bediening was. EK het dit in jou gees geplaas want niks hiervan was deur jou eie toedoen nie, niks hiervan het uit jou mond voortgekom nie. Dit is uit die Mond van YAHUVEH geboorte gegee. Dit is uit die Mond van YAHUSHUA jou MASHIACH geboorte gegee. Dit is uit die Mond van die RUACH ha KODESH jou IMMAYAH geboorte gegee. As dit net deur jou hand was sou dit lankal misluk het. Dit is deur die SHKHINYAH GLORIE se Wind wat oor hierdie aarde waai, die Heilige Wind van Herlewing, dit is nie deur jou asem nie, anders sou dit misluk het.

“EK is YAHVEH, dit is MY NAAM; en MY EER sal EK aan geen ander gee, of ook MY LOF aan die gesnede beelde nie”. Jes. 42:8

14 Desember 2018

Torah Gedeelte: Juda Openbaar Sy Ware Karakter

Profesie 127 Die Rooi-See Deurgang Vir AmightyWind Bediening.
Elisheva Eliyahu Se Uittog En Ezra verrys As Apostel

In plaas daarvan is daar ŉ nuwe Heilige man waar die ander een Heiligheid verlaat het.

En sy naam is Ezra. En hy sal julle liefhê. Hy hét julle lief. En julle sal ŉ nuwe leier hê wat aan Elisheva se sy staan een wat julle kan vertrou, waarlik kan vertrou. Want hy is ŉ man so na MY HART. En Elisheva EK het nie jou siel alleen gelaat nie. Want hy het binne-in jou siel ingegaan. En selfs sy Heilige taal omvou jou, bedek jou. Jy het niemand anders gehad nie buiten “YAHUSHUA’S demon stompers” jou seuns [as gebeds beskerming] --- maar nou gee EK jou ŉ Heilige man --- en EK praat nie nou van die dogters nie. EK praat nou van die mans.

En EK het sy siel gevat en met joune verenig. En met die Snydokter’s hande en met die Salwing wat MY Ezra het, met goue bedrading van die Hemel, bind EK jul bymekaar. En julle sal uitgaan en Bedien regoor die hele wêreld met ŉ nuwe Salwing en met ŉ nuwe liefde.

EK neem hierdie Bediening in ŉ nuwe rigting—satan het gedink hy kan vernietig. Maar tog,sal hierdie nuwe geboorte,hierdie nuwe begin gaan waar die Bediening nog nooit voorheen gegaan het nie.

En julle nuwelinge, julle was nie hier in die begin nie. Julle was nie hier tydens die “Youtube Oorlog “ nie. Indien julle hier sou gewees het sou jul gesien het dat hy nie ŉ vinger gelig het om MY Elisheva te help nie.

In plaas daarvan het hy probeer sê: “moet haar nie verdedig nie. Moenie die Bediening verdedig nie” --- hy het almal probeer stilmaak wat dit gedoen het --- gepoog om Adam & Kathrynyah teen haar te draai.

Maar toe hy aan Adam & Katrynyah raak was dit die laaste strooi. En ŉ Oorlogskreed het voortgekom! En dit was op hom gerig! En dood en vernietiging is wat hy gehoor het. En steeds het hy nie berou nie.

Hy het haar [Elisheva] gespot en baie jare lank gesê : “ek hou nie van jou manier van bid nie. Ek wil nie saam met jou bid nie. Ek wil nie saam met jou nagmaal hou nie. Ek wil glád nie nagmaal hou nie. Salwing is net ŉ vermorsing.”

Misbruik! Misbruik! Misbruik! EK ABBA YAHUVEH, YAHUSHUA & IMMAYAH kon nie langer die hulpkrete tot MY verduur nie. “Al wat ek ooit geken het was misbruik deur ŉ man. Waar is ‘die beste’?”

Waar is die leier? Soos die bediening groei kan Adam & Kathrynyah net sóveel help, soos sy verduidelik. Waar is die leier wat aan haar sy moes staan? Waar is die leier wat vir Ezra moet verwelkom! Waar is die leier wat die nuwelinge moet verwelkom! Waar is die leier wat moet mentor en onderrig!

My Ezra het meer gedoen in hierdie kort maand van April as hy [die uitgewiste een] gedoen het in 14 jaar, net een maand. Net een maand. Dink net wat EK gaan doen. Dink wat EK gaan doen. Dink wat EK gaan doen--- waar EK hierdie twee Jode bymekaar bring, en een is in Israel gebore --- dink net wat EK gaan doen. Dink wat EK gaan doen.

En elkeen van julle , as julle die onheilige sielsbinding met hom verbreek [die uitgewiste een] Die Salwing, die Salwing, die Salwing sal op julle afkom. Nie net van die nuwe vryheid waarin jul mamma sal loop nie maar ook die nuwe vryheid waarin jul Pa Ezra loop! Dink net wat EK gaan doen wanneer die leemte gevul word met die nuwe --- ŉ nuwe begin en ŉ nuwe geboorte! En EK het dit alles gedoen in 21 jaar.

Profesie 128 Shavu’ot Profesie 2016 Die Hemel Jubel Oor die Nuwe AmightyWind Leierskap!

Julle sal sien en die mense sal die nuwe Salwing in die Profesieë waarneem! Waar die “Diensmaagd” alleen gestaan het sonder 'n manlike leier aan haar sy—sal sy nie langer in slawerny profeteer nie, en nie langer profeteer terwyl sy mishandel word nie.

Nou!—sal sy profeteer—in vryheid! Met 'n leier wat net liefhet en beskerm, wie haar net sal aanmoedig om aan te hou om net vorentoe te gaan! Beide van hulle hou net aan om vorentoe te gaan! Vir meer Salwing en nie minder nie.

So diegene wie hierdie dag, op Shavu’ot, na hierdie Bediening toe kom, EK vertel julle dit.

Moenie bedroef wees vir die een wat eens 'Nikomia' genoem was nie! Word kwaad vir die een wat eens 'Nikomia' genoem was! Was julle bedroef oor Judas? Moenie dan bedroef wees oor hierdie 'Judas' nie.

Wees eerder bly! Omdat EK julle meer gegee het! Nie net een Apostel nie, twee Apostels! Nie net een Profeet nie, twee Profete! Nie net een Pastoor nie, maar twee Senior Pastore! Nie net een Leraar nie, maar twee Leraars! Nie net een Evangelis nie, maar twee Evangeliste!

EK YAHUVEH sê waar daar een leier was, altyd een leier was—dit was 'n illusie dat daar ooit 'n manlike leier was!—nou gee EK aan julle 'n geseënde, gekose, aangestelde manlike leier. En in eensgesindheid sal Ezra & Elisheva sy aan sy staan, hand aan hand—sielsgenote—met 'n liefde wat hierdie wêreld nooit sal verstaan nie. Omdat selfs hulle, hulle koppe in verbasing skud.

En as julle daardie eerste video gesprek op 7 Maart 2016 sien, sal julle voor julle oë sien wat EK alreeds gedoen het. Julle sal sien hoe dat Elisheva gesê het dat sy nie enige man baie maklik vertrou nie, behalwe hulle seuns in die YDS en natuurlik Adam. Maar julle sal sien dat EK dit voortgespreek het dat Ezra betroubaar kan wees, moet vertrou word.

Julle sal die sin vir humor sien. Julle sal die gelag hoor. Julle sal die liefde sien. Julle sal die Salwing sien. Julle sal die lering hoor—waar Elisheva selfs geëerd voel en nooit moeg raak om te hoor hoe hy onderrig nie—waar geen man, geen man, geen man nog ooit tevore gegaan het nie. Omdat EK dit nie sou toegelaat het nie.

Dit was vir hierdie bepaalde tyd.

Torah Gedeelte: YAHUVEH Se Soewereine Plan van Redding Kan Nie Gebreek Word Nie

Profesie 95 YAHUSHUA ha MASHIACH Sê, Neem Op Julle Wapens, EK LEWE!

Hoe baie sien Ek en hulle het geen vrees meer nie. Hulle bly in hulle sonde. Hulle neem die nagmaalsbeker met sondige lippe. EK is getrou om te vergewe. Maar moet dit nooit doen met ‘n onberouvolle hart nie want julle drink net vernietiging. Julle drink net vloeke. Kom na MY toe met ‘n berouvolle hart. Vra MY om julle van julle sonde te vergewe. EK is getrou en EK is vol genade en net een druppel van MY Bloed, net een druppel van MY Bloed kan die hele mensdom red as hulle MY net aanvaar het. Net een druppel van MY Bloed. En kyk hoe baie meer het EK gegee. Dit is wat EK wil hê julle moet vir hulle sê. Dit is die nuwe Boodskap wat EK vir jou gee. Dit is die boodskap wat vir die hele wêreld bedoel is. Dit is die enigste wapen wat julle het. Vertel vir hulle. “So spreek YAHUSHUA ha MASHIACH,” wanneer julle die wapens uit so baie verskillende rigtings na julle sien mik, lig die enigste wapen op wat EK vir julle gegee het.

Diegene wat aan MY behoort. Hulle wie hul lewe vir MY gegee het. Hulle wie MY gevra het om in hul harte in te kom. Hulle wie daarna strewe om MY te gehoorsaam. Hulle wie daarna strewe om MY te behaag. Hulle wie MY aanbid en MY eerste in hulle lewens en hul liefde en in hul huwelike plaas, lig hierdie wapen voor die vyand op. Slegs MY Naam en MY Bloed, slegs deur MY Liggaam, kan iemand gered word! Slegs deur die Bloed van YAHUSHUA julle MASHIACH, kan iemand gered word! Daar is geen naam op hierdie ganse aarde, in die ganse heelal waardeur iemand gered kan word nie behalwe deur MY Bloed en deur die prys wat EK met MY Liggaam betaal het, soos EK MY Lewe neergelê het nie.

YAHUSHUA het gewillig SY Lewe aan die kruis gegee! Geen mens het MY lewe geneem nie! Geen mens kon MY doodmaak nie! Maar EK het dit vrywillig gegee. Dit is EK wat gesê het, “Dit is volbring.” Dit is EK wat MY Gees beveel het om te gaan. Maar julle het geen idee wat EK gedurende hierdie tyd gedoen het nie. Julle het geen idee nie want alhoewel MY Liggaam gesterf het, het EK opgestaan. En EK het ‘n openbare vertoon aan satan gemaak, die een wat eens Lucifer genoem was en EK het hom laat weet en EK het die ganse hel laat weet, EK lewe! En EK het die sleutels van die hel en die doderyk uit sy hande geneem! En hy kan niemand hel toe stuur tensy dit deel van MY plan was nie, tensy hulle name nie voor die grondlegging van die aarde in die LAM se Boek van Lewe gevind is nie.

En EK kan nie een verloor nie. Ek verloor nie een nie. Almal, almal almal wie se name in die LAM se Boek van Lewe geskryf is voor die grondlegging van die aarde af, almal, almal, almal, almal sal in die Hemel wees. Diegene wie se name uitgewis is! Soos wat hulle MY in die Hemel verraai het, so verraai hulle MY op aarde. Maar selfs daardie naam was voor die grondlegging van die aarde uitgewis. Soos hulle MY in die Hemel verraai het, so verraai hulle MY op aarde. Almal van julle werk julle eie verlossing met vrees en bewing uit want julle siele weet waarheen julle sal gaan. Julle herhaal slegs wat alreeds gedoen is.

Julle sien hierdie predikers langs die pad val. Julle sien hulle verraai die skape en die lammers. Julle sien hulle verkondig ‘n ander evangelie as wat EK beplan het. Maar soos hulle MY nou verraai, so het hulle MY toe verraai. Want EK vertel vir julle iets in Waarheid wat julle nie geweet het nie en Elisabeth, selfs jy sukkel om nou hierdie Woorde uit te spreek, maar daar nie soiets soos ‘n nuwe siel nie. Want die hele aarde en al die tye van die aarde was gevul met ou siele. Dit is hoekom EK die getal hare op elkeen van julle hoofde ken. Dit is hoekom EK elkeen van julle se name ken, of dit vriend of vyand is. Dit is hoekom EK weet toe EK MY Bruid op aarde gekies het, het EK alreeds geweet wie lojaal was in die Hemel. Dit is hoekom EK weet en EK vir Jeremia laat weet het terwyl hy in sy moeder se skoot was, soos wat elke dag van sy lewe opgeteken was, het EK geweet dat EK hom as profeet georden het want EK het geweet wie EK kan vertrou.

VAYIGASH -Toe Kom hy Nader

“Toe kom Juda nader [Vayigash וַיִּגַּשׁ] na hom en sê: Ag, my heer, mag u dienaar tog ‘n woord spreek voor die ore van my heer, en laat u toorn nie teen u dienaar ontvlam nie, want u staan gelyk met Farao.” (Genesis 44:18)

In verlede week se Torah-gedeelte het Farao Josef as administrateur aangestel, oor die hele Egipte om die volk van die nasie te red van die komende hongersnood. Daardie hongersnood het baie van die streek geraak; en as gevolg van Josef se wyse rentmeesterskap, het die nasies na Egipte gekyk as die voedselbron.

Toe Jakob sy seuns na Egipte vir koring gestuur het, het Josef hulle herken, maar het hom nie dadelik tot hulle geopenbaar nie. Hy het hulle integriteit deeglik getoets deur 'n reeks karakteruitdagings.

Juda Openbaar Sy Ware Karakter

Hierdie week begin Parasha Vayigash met 'n pleidooi van Juda, broer van Josef, namens sy jonger halfbroer, Benjamin. 'n Silwerbeker is doelbewus deur Josef in Benjamin se sak geplant, wat veroorsaak het dat Benjamin in gevaar sou wees om 'n slaaf in Egipte te bly.

Juda kan nie verdra om terug te gaan na sy vader, sonder sy jongste broer, Benjamin nie. Hy weet dat die hartseer wat sy pa sal verduur deur dit te doen, hom waarskynlik sal laat sterf.

“Hy pleit dus by Josef, en sê, “Laat u dienaar dan nou tog in die plek van die seun my heer se slaaf bly, en laat die seun saam met sy broers optrek. Want hoe kan ek na my vader optrek as die seun nie by my is nie? Mag ek maar net die ellende nie aansien wat my vader sal tref nie!” (Genesis 44:33–34)

Juda blyk te besef dat sy familie se situasie verband hou met die bose gedrag van sy broers in die verkoop van Josef, en hy wil nie dat sulke boosheid hulle weer noet oorval as Benjamin nou in Egipte verlore gaan nie.

Hierdie belydenis van sonde gepaardgaande met opregte berou en wegdraai van die sonde vervul die Torah se vereistes vir ware berou / teshuvah.

Juda benader Josef privaat en verduidelik hoe moeilik dit was om Benjamin saam met hom na Egipte te bring, aangesien hy die enigste oorlewende seun van Ragel is, en sy pa is baie geheg aan hom. Hy verduidelik dat hy die veiligheid van die seun gewaarborg het en is desperaat om sy plek as slaaf te neem.

Josef, nie meer in staat om sy emosies te beheer nadat hy sy broers se bekering gesien het nie, roep uit vir almal om weg te gaan behalwe sy broers. Hy wil alleen by hulle wees as hy sy ware identiteit openbaar.

“Toe kon Josef hom nie langer bedwing voor almal wat by hom gestaan het nie, en hy roep: Laat almal van my af weggaan! En daar het niemand by hom gestaan toe Josef hom aan sy broers bekend gemaak het nie. Daarop bars hy in trane uit, sodat die Egiptenaars en ook die huis van Farao dit gehoor het.” (Genesis 45:1–2)

Soos Josef homself aan sy broers openbaar, troos hy hulle: “Ek is julle broer Josef vir wie julle na Egipte verkoop het. Maar wees nou nie bedroef nie, en laat daar geen ontstemming by julle wees dat julle my hierheen verkoop het nie. Want om lewens te behou, het YAHUVEH my voor julle uit gestuur. ” (Genesis 45:4-5)

YAHUVEH se Soewereine Plan van Verlossing Kan Nie Gebreek Word Nie

Deur Josef in beheer van Egipte se voedselvoorraad te plaas, wou YAHUVEH meer doen as om die lewens van die Egiptenare en die nabygeleë wêreld van uithongering as gevolg van ‘n huidige hongersnood te bewaar.

Deur Josef te installeer in 'n magsposisie om sy eie familie te red, het YAHUVEH die belofte wat HY aan Abraham gemaak het, bewaar, wat insluit dat Israel 'n seën vir die nasies is:

“En EK sal jou ‘n groot nasie maak en jou seën en jou naam so groot maak, dat jy ‘n seën sal wees. En EK sal seën diegene wat jou seën, en hom vervloek wat jou vervloek; en in jou sal al die geslagte van die aarde geseën word.” (Genesis 12:2–3)

Spesifiek, hierdie belofte sal deur Isak oorgedra word, nie sy broer Ismael nie (Genesis 26: 3-5); deur Jakob, nie sy broer Esau nie (Genesis 28: 14-15); en die belofte van YAHUSHUA die Messias sou uitsluitlik deur die lyn van Juda kom, nie sy ander 11 broers nie:

“Die septer sal van Juda nie wyk nie, nóg die veldheerstaf tussen sy voete uit totdat SILO kom; en aan HOM sal die volke gehoorsaam wees.” (Genesis 49:10)

Die EEN aan wie die soewereine staf van heerskappy behoort, is YAHUSHUA, die Messias.

YAHUVEH het Josef soewereins gekies om te verseker dat SY beloftes aan Abraham, Isak en Jakob nie net oor grond is nie, maar ook om 'n seën vir alle nasies deur die Messias te wees, vervul word deur die lyn van Jakob se seun, Juda.

Hoekom het YAHUVEH vir Juda gekies?

Miskien omdat hy die enigste broer is wat medelye teenoor Josef bewys het en sy lewe gered het toe sy broers hom wou doodmaak (Genesis 37: 26-27). En soos ons vroeër gesien het, het hy nog meer deernis teenoor Benjamin gewys deur aan te bied om in sy plek 'n slaaf te word.

Albei van Juda se dade het voorspel wat YAHUSHUA vir ons almal geestelik sou doen.

“Hieraan het ons die liefde leer ken, dat HY SY lewe vir ons afgelê het; en ons behoort ons lewe vir die broeders af te lê.” (1 Johannes 3:16)

Op die ou einde, kon nie eers jaloesie of moorddadige komplotte teen Josef in sy vroeë jare, YAHUVEH se liefde en plan van verlossing vir ons van spoor af bring nie. En die haat teen die Joodse mense vandag kan dit nog steeds nie ontspoor nie.

Jakob Herenig met Josef

“Toe hulle hom vertel: Josef lewe nog—en dat hy regeerder is in die hele Egipteland—het sy hart beswyk, want hy het hulle nie geglo nie.” (Genesis 45:26)

In hierdie Parasha, is Jakob herenig met sy geliefde seun Josef.

Stel jou voor dat jy jou gunsteling kind, wat jy gedink het al jare gelede vermoor is, eintlik 'n goewerneur van die nasie langsaan is!

Dit herinner miskien baie van ons van die skok wat YAHUSHUA se dissipels ervaar het toe hulle vertel is dat YAHUSHUA nie dood nie, maar lewendig was.

Hulle het HOM gesien sterf en SY begrafnis aanskou; Tog, hier was HY lewendig en gesond, en loop rond omdat die dood HOM nie kon hou nie.

“En toe hulle hoor dat YAHUSHUA lewe en deur haar gesien is, het hulle dit nie geglo nie.” (Markus 16:11)

Josef het sy vader en al sy broers na Egipte uitgenooi om hulle van die hongersnood in Israel te red. Om die Beloofde Land te verlaat, was nie maklik nie.

YAHUVEH, het egter, vir Jakob verseker dat dit reg was om sy aanbod te aanvaar, alhoewel dit 400 jaar van wrede slawerny vir Jakob se afstammelinge sou begin.

“En YAHUVEH het tot Israel gespreek in naggesigte en gesê: Jakob, Jakob! En hy antwoord: Hier is ek! Toe sê HY: EK is YAHUVEH, die ELOHIM van jou vader. Moenie bevrees wees om na Egipte af te trek nie, want EK sal jou daar ‘n groot nasie maak. EK sal saam met jou aftrek na Egipte, en EK sal jou gewis ook weer laat optrek; en Josef sal jou oë toemaak.” (Genesis 46:2–4)

Tydens 'n vorige hongersnood, het YAHUVEH Jakob se pa, Isak, opdrag gegee om in die land te bly. Maar, in hierdie geval, het YAHUVEH aan Jakob gesê om weg te gaan.

Dit wys ons hoe belangrik dit is om YAHUVEH se stem te hoor en eerder gehoorsaam te wees as om eenvoudig te gaan met watter besluite vir ons reg is, of om staat te maak op 'n oplossing wat in die verlede gewerk het.

“Vertrou op YAHUVEH met jou hele hart en steun nie op jou eie insig nie. Ken HOM in al jou weë, dan sal HY jou paaie gelykmaak.” (Spreuke 3:5–6)

Josef was nie net 'n magtige man nie; hy was ook 'n uitstekende verskaffer. Hy het sy vader en al sy broers na Egipte gebring waar hy seker gemaak het dat hulle goed versorg is.

“En Josef het sy vader en sy broers en die hele huis van sy vader met brood onderhou ooreenkomstig die getal van die kinders.” (Genesis 47:12)

Weereens, kan ons 'n parallel maak aan YAHUSHUA— die lewende brood / lechem chayim wat gebore is in Beit-Lechem (Bethlehem), die huis van brood.

Die brood wat Josef vir sy broers verskaf het, het hulle gedurende hul leeftyd onderhou, maar die brood wat YAHUSHUA aan ons gee, gee vir ons die lewe vir ewig.

“EK is die lewende brood wat uit die hemel neergedaal het. As iemand van hierdie brood eet, sal hy lewe tot in ewigheid. En die brood wat EK sal gee, is MY vlees wat EK vir die lewe van die wêreld sal gee.” (Johannes 6:51)

Israel Herenig met Juda

Die tema van hierdie wonderlike verhaal van Josef se versoening met sy broers, na soveel jare van skeiding, gaan voort in die Haftarah / profetiese leeswerk, met die hereniging van die noordelike en suidelike stamme van Israel op hul terugkeer uit ballingskap.

Hoe het hierdie verdeling tussen die stamme van Israel gebeur?

Ná die heerskappy van Koning Salomo het die volk Israel verdeel in die Suidelike Koninkryk wat verteenwoordig word deur die stam van Juda en Benjamin en die Noordelike Koninkryk verteenwoordig deur die tien ander stamme, wat gesamentlik Josef, Efraim of bloot Israel genoem word.

Terwyl beide koninkryke gesondig het, het Juda teruggekom uit ballingskap en bestaan vandag nog as die Yehudim (Hebreeuse woord vir Jode). Die tien noordelike stamme het na die nasies gegaan en “verlore” geraak, alhoewel sommige lede van daardie stamme teruggekom het.

As gevolg van hul afgodery het YAHUVEH die bande van broederskap tussen Juda en Josef, Efraim en Israel verbreek:

“Toe het ek my tweede staf, Samebinding, verbreek, om die broederskap tussen Juda en Israel te verbreek.” (Sagaria 11:14)

Volgens die Joodse gedagte, het die vyandigheid tussen Josef en sy broers (al die kinders van Jakob) hierdie latere verdeling tussen Juda en Benjamin aangekondig met die ander stamme van Israel, al die kinders van YAHUVEH.

In 'n wonderlike profesie belowe YAHUVEH egter dat daar eendag weer eenheid tussen hulle sal wees.

“Kyk, EK sal die stuk hout van Josef neem, wat in die hand van Efraim is, en die stamme van Israel, sy bondgenote, en EK sal hulle by hom voeg, by die stuk van Juda, en hulle een stuk hout maak; en hulle sal een word in MY hand.

(Esegiël 37:19)

Om seker te maak daar is geen misverstand nie, verduidelik YAHUVEH hierdie profetiese simboliek:

“Kyk, EK gaan die kinders van Israel haal tussen die nasies uit waarheen hulle getrek het, en EK sal hulle van alle kante bymekaar laat kom en hulle bring in hul land. En EK sal hulle een volk maak in die land, op die berge van Israel.”

(Esegiël 37:21–22)

Natuurlik, is daar ‘n ander versoening wat YAHUVEH laat gebeur het. Deur YAHUSHUA se offerdood op die Romeinse uitvoering spel— is die skeidingsmuur tussen Jood en die heidene ook vernietig, wat “een nuwe man” uit die twee tot gevolg het.

Alhoewel verdelings steeds bestaan, is YAHUVEH se doel om ons te versoen met HOMSELF en met mekaar.

“Want HY is ons vrede, HY wat albei een gemaak en die middelmuur van skeiding afgebreek het, deurdat HY in SY vlees die vyandskap tot niet gemaak het, naamlik die wet van gebooie wat in insettinge bestaan; sodat HY, deur vrede te maak, die twee in HOMSELF tot een nuwe mens kon skep, en albei in een liggaam met YAHUVEH kon versoen deur die kruis, nadat HY daaraan die vyandskap doodgemaak het.” (Effesiërs 2:14–16)

Daar is selfs ‘n groter versoening wat kom. As ons profeties kyk na hierdie verhaal van Josef, kan ons sien dat, net soos Josef gesê het, "Ani Yoseph: Ek is Josef, jou broer." Net so sal YAHUSHUA eendag sê: "Ani YAHUSHUA: EK is jou redding, jou broer en jou Messias YAHUSHUA." Halleluyah!

Wanneer die Joodse volk YAHUSHUA as hulle Messias herken, sal daar ook 'n groot versoening wees wat lewensverandering oor die hele wêreld sal bring. Hoe verlang ons na daardie groot dag!

“Want as hulle verwerping die versoening van die wêreld is, wat sal hulle aanneming anders wees as lewe uit die dode?” (Romeine 11:15)

Dit is opwindend om in 'n dag te lewe wanneer ons sien dat profesieë voor ons oë vervul is, soos die Joodse mense van al vier hoeke van die aarde terugkeer huis toe. So min Jode, inteendeel, besef dat YAHUSHUA die Messias is van wie die profesieë in die Tanakh Ou Testament voorspel het.

Jy kan 'n verskil maak deur verenig te bly met Skrifte vir Israel terwyl ons YAHUSHUA die Messias verkondig in hierdie laaste dae voordat HY terugkeer.

Shabbat Shalom van AMIGHTYWIND!