Parasha Vayeshev - En Hy het Gelewe

Shabbat Shalom!
Welkom by Parasha Vayeshev - En Hy het Gelewe, hierdie week se Parasha.

Genesis 37:1 - 40:23

*~Genesis Hoofstuk 37 ~*

1 En Jakob het gewoon in die land van die vreemdelingskap van sy vader, in die land Kanaän.

2 Dit is die geskiedenis van Jakob. Josef het as seun van sewentien jaar die kleinvee opgepas saam met sy broers—hy was nog jonk—met die seuns van Bilha en die seuns van Silpa, die vroue van sy vader. En Josef het die slegte gerug oor hulle na hulle vader oorgebring.

3 En Israel het Josef meer lief gehad as al sy seuns; want hy was vir hom ‘n seun van die ouderdom; en hy het vir hom ‘n lang rok met moue gemaak.

4 Toe sy broers sien dat hulle vader hom meer as al sy broers liefhet, het hulle hom gehaat en kon nie vriendelik met hom praat nie.

5 Ook het Josef ‘n droom gehad wat hy aan sy broers vertel het. Daaroor het hulle hom nog meer gehaat.

6 Hy het naamlik vir hulle gesê: Hoor tog hierdie droom wat ek gehad het.

7 Kyk, ons was besig om gerwe te bind op die land toe meteens my gerf gaan staan en ook regop bly staan, terwyl julle gerwe daar rondom kom en hulle voor my gerf neerbuig.

8 Toe sê sy broers aan hom: Wil jy miskien oor ons regeer? Of wil jy miskien oor ons heers? En hulle het hom nog meer gehaat oor sy drome en oor sy woorde.

9 Daarna het hy nog ‘n ander droom gehad en dit aan sy broers vertel en gesê: Kyk, ek het nog ‘n droom gehad—die son en die maan en elf sterre het hulle voor my neergebuig.

10 Toe hy dit aan sy vader en sy broers vertel, het sy vader hom hard bestraf en aan hom gesê: Wat is dit vir ‘n droom wat jy gehad het? Moet ons werklik kom, ek en jou moeder en jou broers, om ons voor jou na die aarde neer te buig?

11 En sy broers was afgunstig op hom, maar sy vader het die saak in gedagte gehou.

12 En sy broers het die kleinvee van hulle vader by Sigem gaan oppas.

13 Toe sê Israel vir Josef: Pas jou broers nie die vee op by Sigem nie? Kom, laat ek jou na hulle toe stuur. En hy antwoord hom: Hier is ek!

14 Toe sê hy vir hom: Gaan tog verneem na die welstand van jou broers en die welstand van die vee, en bring vir my berig terug. So het hy hom dan uit die dal van Hebron weggestuur, en hy het by Sigem aangekom.

15 Daarop kry ‘n man hom terwyl hy in die veld ronddwaal, en die man vra hom: Wat soek jy?

16 En hy antwoord: Ek soek my broers. Vertel my tog waar hulle die vee oppas.

17 Toe sê die man: Hulle het hiervandaan weggetrek, want ek het hulle hoor sê: Laat ons na Dotan gaan. En Josef het agter sy broers aan gegaan en hulle in Dotan gevind.

18 En hulle het hom van ver af gesien. Maar voordat hy naby hulle kom, het hulle listig raad gehou teen hom om hom dood te maak.

19 En hulle het vir mekaar gesê: Daar kom daardie dromer aan!

20 Kom dan nou, laat ons hom doodmaak en in een van die putte gooi en sê: ‘n Wilde dier het hom opgeëet. Dan sal ons sien wat van sy drome word.

21 Toe Ruben dit hoor, het hy hom uit hulle hand gered deur te sê: Laat ons hom nie doodslaan nie.

22 Ruben het ook vir hulle gesê: Moenie bloed vergiet nie; gooi hom in hierdie put wat in die woestyn is, maar moenie die hand aan hom slaan nie—sodat hy hom uit hulle hand kon red om hom na sy vader terug te bring.

23 En toe Josef by sy broers kom, trek hulle Josef se rok uit, die rok met lang moue wat hy aangehad het,

24 en hulle neem hom en gooi hom in die put. Maar die put was leeg; daar was geen water in nie.

25 Daarna het hulle gaan sit om brood te eet; en toe hulle hul oë opslaan, sien hulle meteens ‘n reisgeselskap Ismaeliete wat uit Gílead kom—hulle kamele gelaai met speserye en balsem en gom op pad om dit na Egipte af te bring.

26 Toe sê Juda aan sy broers: Watter voordeel is dit dat ons ons broer doodmaak en sy bloed verberg?

27 Kom, laat ons hom aan die Ismaeliete verkoop, maar laat ons hand nie teen hom wees nie, want hy is ons broer, ons vlees. En sy broers het na hom geluister.

28 En toe die Midianitiese koopmans verbykom, het hulle Josef uit die put uit opgetrek en uitgehaal en Josef aan die Ismaeliete verkoop vir twintig sikkels silwer. En húlle het Josef na Egipte gebring.

29 Toe Ruben by die put terugkom, was Josef nie in die put nie! Daarop skeur hy sy klere,

30 en hy gaan na sy broers terug en sê: Die seun is nie daar nie! En ek, waar moet ek heen?

31 Toe neem hulle Josef se rok, en hulle slag ‘n bok en steek die rok in die bloed,

32 en hulle stuur die lang rok weg en laat dit na hulle vader bring met die woorde: Dit het ons gevind. Kyk tog goed of dit die rok van u seun is of nie.

33 En hy het dit herken en gesê: Die rok van my seun! ‘n Wilde dier het hom opgeëet. Verskeur, verskeur is Josef!

34 Toe skeur Jakob sy klere en trek ‘n roukleed om sy heupe, en hy het oor sy seun gerou, baie dae lank.

35 En al sy seuns en al sy dogters het moeite gedoen om hom te troos, maar hy het geweier om hom te laat troos en gesê: Nee, treurende sal ek na my seun in die doderyk afdaal! So het sy vader hom dan beween.

36 En die Midianiete het hom na Egipte verkoop aan Pótifar, ‘n hofdienaar van Farao, die owerste van die lyfwag.

*~Genesis Hoofstuk 38~*

1 In dié tyd het Juda afgetrek, van sy broers af weg, en uitgedraai na ‘n man van Adúllam met die naam van Hira.

2 En Juda het daar die dogter van ‘n Kanaänitiese man gesien met die naam van Sua; en hy het met haar getrou en by haar ingegaan.

3 En sy het bevrug geword en ‘n seun gebaar, en sy het hom Er genoem.

4 Daarna het sy weer bevrug geword en ‘n seun gebaar en hom Onan genoem.

5 En sy het nog weer ‘n seun gebaar en hom Sela genoem; en hy was in Kesib toe sy hom gebaar het.

6 En Juda het vir Er, sy eersgeborene, ‘n vrou geneem, en haar naam was Tamar.

7 Maar Er, die eersgeborene van Juda, het YAHUVEH mishaag. Daarom het YAHUVEH hom laat sterwe.

8 Toe sê Juda vir Onan: Gaan in by die vrou van jou broer en sluit die swaershuwelik met haar en verwek vir jou broer ‘n nageslag.

9 Maar Onan het geweet dat die nageslag nie syne sou wees nie; daarom het hy, elke keer as hy by die vrou van sy broer ingaan, dit op die grond verderwe om vir sy broer geen nageslag te gee nie.

10 En dit was verkeerd in die oë van YAHUVEH wat hy gedoen het; daarom het HY hom ook laat sterwe.

11 Toe sê Juda vir Tamar, sy skoondogter: Bly ‘n weduwee in die huis van jou vader totdat my seun Sela groot is. Want hy het gedink: Anders sterwe hy ook soos sy broers! So het Tamar dan gaan woon in die huis van haar vader.

12 En ná verloop van geruime tyd het die dogter van Sua, die vrou van Juda, gesterwe. En toe Juda klaar getreur het, het hy opgegaan na die skeerders van sy kleinvee, na Timna toe, hy en sy vriend Hira, die Adullamiet.

13 En hulle het Tamar te kenne gegee en gesê: Kyk, jou skoonvader gaan op na Timna om sy kleinvee te skeer.

14 Toe trek sy die klere van haar weduweeskap uit en bedek haar met ‘n sluier en draai haar toe; en sy het gaan sit by die ingang van Enaim wat op die pad na Timna lê. Want sy het gesien dat Sela groot geword het, maar sy was aan hom nie as vrou gegee nie.

15 Toe Juda haar sien, het hy haar vir ‘n hoer gehou, omdat sy haar gesig toegebind het;

16 en hy het na haar uitgedraai by die pad en gesê: Kom tog, laat my by jou ingaan; want hy het nie geweet dat dit sy skoondogter was nie. En sy vra: Wat sal jy my gee as jy by my ingaan?

17 En hy antwoord: Ek sal jou ‘n boklam van die kleinvee af stuur. Toe sê sy: As jy ‘n pand gee totdat jy dit stuur.

18 En hy sê: Wat is die pand wat ek jou moet gee? Toe antwoord sy: Jou seëlring met die bandjie en jou staf wat in jou hand is. Hy gee dit toe aan haar en gaan by haar in, en sy het by hom swanger geword.

19 En sy het opgestaan en weggegaan en haar sluier afgehaal en die klere van haar weduweeskap aangetrek.

20 En Juda het die boklam gestuur deur middel van sy vriend, die Adullamiet, om die pand uit die hand van die vrou te gaan haal. Maar hy het haar nie gevind nie.

21 Toe vra hy die mense van haar woonplek: Waar is daardie hoer wat in Enaim by die pad was? En hulle antwoord: Hier was geen hoer nie.

22 Daarop gaan hy na Juda terug met die berig: Ek het haar nie gevind nie. En die mense van die plek het ook gesê: Hier was geen hoer nie.

23 Toe sê Juda: Laat sy dit hou, dat ons nie ‘n bespotting word nie. Kyk, ek het hierdie boklam gestuur, maar jy het haar nie gevind nie.

24 Ná omtrent drie maande het hulle Juda laat weet en gesê: Tamar, jou skoondogter, het gehoereer, en sy is ook swanger deur hoerery! En Juda sê: Bring haar uit, dat sy verbrand kan word.

25 Terwyl sy uitgebring word, laat sy haar skoonvader dit weet: By die man aan wie hierdie dinge behoort, is ek swanger. En sy het gesê: Kyk tog mooi aan wie hierdie seëlring en bandjies en staf behoort.

26 En Juda het dit herken en gesê: Sy het reg teenoor my, want ek het haar mos nie aan my seun Sela gegee nie. En hy het haar verder nie meer beken nie.

27 En toe sy sou baar, was daar ‘n tweeling in haar skoot.

28 En terwyl sy baar, het een die hand uitgesteek; en die vroedvrou het dit gegryp en ‘n rooi draad om sy hand gebind en gesê: Hierdie een is eerste gebore.

29 Maar toe hy sy hand teruggetrek het, word sy broer gebore! En sy sê: Hoe kragtig het jy deurgebreek! En hulle het hom Peres genoem.

30 En daarna is sy broer gebore aan wie se hand die rooi draad was. En hulle het hom Serag genoem.

*~Genesis Hoofstuk 39~*

1 En Josef is afgebring na Egipte; en Pótifar, ‘n hofdienaar van Farao, die owerste van die lyfwag, ‘n Egiptiese man, het hom gekoop uit die hand van die Ismaeliete wat hom daarheen afgebring het.

2 En YAHUVEH was met Josef, sodat hy ‘n voorspoedige man was; en hy het in die huis van sy heer, die Egiptenaar, gebly.

3 En toe sy heer sien dat YAHUVEH met hom was, en dat YAHUVEH alles wat hy doen, in sy hand voorspoedig maak,

4 het Josef guns in sy oë gevind en hom gedien; en hy het hom aangestel oor sy huis, en alles wat in sy besit was, aan hom oorgegee.

5 En vandat hy hom aangestel het oor sy huis en oor alles wat in sy besit was, het YAHUVEH die huis van die Egiptenaar geseën ter wille van Josef; ja, die seën van YAHUVEH was by alles wat syne was, in die huis en op die veld.

6 En hy het alles wat syne was, aan Josef oorgelaat, sodat hy met sy hulp van niks kennis geneem het nie as net van die brood wat hy geëet het. En Josef was skoon van gestalte en mooi van aansien.

7 Ná hierdie dinge het die vrou van sy heer haar oë na Josef opgeslaan en gesê: Kom hou gemeenskap met my.

8 Maar hy het geweier en aan die vrou van sy heer gesê: Kyk, deur my is dit dat my heer geen kennis neem van wat in die huis is nie; en alles wat syne is, het hy aan my oorgegee.

9 Hy is in hierdie huis nie groter as ek nie en het my niks onthou nie behalwe u, omdat u sy vrou is; hoe kan ek dan hierdie groot kwaad doen en sondig teen ELOHIM?

10 En nadat sy met Josef dag ná dag gespreek het, en hy na haar nie wou luister om by haar te lê om met haar gemeenskap te hou nie,

11 kom hy eendag in die huis om sy werk te doen terwyl niemand van die huisgenote binne was nie.

12 Toe gryp sy hom aan sy kleed en sê: Kom hou gemeenskap met my. Maar hy het sy kleed in haar hand laat agterbly en gevlug en na buite geloop.

13 Toe sy dan sien dat hy sy kleed in haar hand laat bly en buitentoe gevlug het,

14 roep sy na haar huisgenote en sê aan hulle: Kyk, hy het vir ons ‘n Hebreeuse man hier gebring om met ons gek te skeer; hy het na my gekom om met my gemeenskap te hê, en ek het hard geskreeu;

15 en toe hy hoor dat ek my stem verhef en skreeu, het hy sy kleed by my laat agterbly en gevlug en na buite geloop.

16 En sy het sy kleed by haar neergelê totdat sy heer tuisgekom het.

17 En sy het hom met dieselfde woorde aangespreek en gesê: Die Hebreeuse kneg wat jy vir ons hier gebring het, het na my gekom om met my gek te skeer;

18 en toe ek my stem verhef en skreeu, het hy sy kleed by my laat agterbly en na buite gevlug.

19 Toe sy heer die woorde hoor waarmee sy vrou hom aanspreek: So en so het jou kneg aan my gedoen—het hy baie kwaad geword;

20 en die heer van Josef het hom laat vang en hom in die gevangenis gesit op die plek waar die gevangenes van die koning opgesluit was; en hy was daar in die gevangenis.

21 Maar YAHUVEH was met Josef, en HY het goedertierenheid aan hom bewys en hom guns verleen in die oë van die owerste van die gevangenis.

22 En die owerste van die gevangenis het almal wat in die gevangenis opgesluit was, aan Josef toevertrou; en alles wat daar te doen was, het hy gedoen.

23 Die owerste van die gevangenis het glad nie na iets omgekyk wat aan hom toevertrou was nie, omdat YAHUVEH met hom was; en wat hy doen, het YAHUVEH voorspoedig laat wees.

*~Genesis Hoofstuk 40~*

1 Ná hierdie dinge het die skinker van die koning van Egipte en die bakker hulle misgaan jeens hulle heer, die koning van Egipte,

2 sodat Farao baie kwaad geword het vir sy twee hofdienaars, die voorman van die skinkers en die voorman van die bakkers.

3 En hy het hulle in bewaring gegee in die huis van die owerste van die lyfwag, in die gevangenis, die plek waar Josef gevange was.

4 En die owerste van die lyfwag het Josef by hulle aangestel om hulle te bedien. En hulle was ‘n tyd lank in bewaring.

5 En hulle het altwee ‘n droom gehad, elkeen sy droom, in dieselfde nag, elkeen ‘n droom met besondere betekenis, die skinker en die bakker van die koning van Egipte, wat in die gevangenis gevange gesit het.

6 En Josef het die volgende môre by hulle gekom en gesien dat hulle ontstemd was.

7 Toe vra hy die hofdienaars van Farao wat by hom in bewaring was in die huis van sy heer, en sê: Waarom lyk julle aangesig vandag so droewig?

8 En hulle antwoord hom: Ons het ‘n droom gehad, en daar is niemand wat dit kan uitlê nie. En Josef vra hulle: Is uitlegging nie ‘n saak van ELOHIM nie? Vertel my tog.

9 Toe vertel die voorman van die skinkers aan Josef sy droom en sê vir hom: In my droom was daar ‘n wingerdstok voor my,

10 en aan die wingerdstok was drie ranke; en skaars het hy gebot of sy bloeisel was uit, sy trosse het ryp druiwe geword.

11 En die beker van Farao was in my hand. En ek het die druiwe geneem en dit in die beker van Farao uitgedruk en die beker in die hand van Farao gegee.

12 Toe sê Josef vir hom: Dit is die uitlegging daarvan: die drie ranke is drie dae.

13 Binne drie dae sal Farao jou hoof verhef—jou in jou rang herstel; en jy sal die beker van Farao in sy hand gee net soos vroeër toe jy sy skinker was.

14 Hou my tog net in gedagte as dit met jou goed gaan, en bewys my tog ‘n guns en maak melding van my by Farao en bring my uit hierdie huis uit;

15 want ek is gesteel, ja gesteel, uit die land van die Hebreërs, en ek het hier ook niks gedoen dat hulle my in die gevangenis gesit het nie.

16 Toe die voorman van die bakkers sien dat hy ‘n gunstige uitlegging gegee het, sê hy aan Josef: Ook in my droom—toe was daar drie mandjies met witbrood op my hoof,

17 en in die boonste mandjie was allerhande eetware vir Farao deur bakkers klaargemaak, en die voëls het dit uit die mandjie bo-op my hoof weggepik.

18 Toe antwoord Josef en sê: Dit is die uitlegging daarvan—die drie mandjies is drie dae.

19 Binne drie dae sal Farao jou hoof bo-oor jou verhef—hy sal jou aan ‘n paal ophang, en die voëls sal jou vlees van jou af wegpik.

20 En op die derde dag, die verjaarsdag van Farao, het hy ‘n maaltyd vir al sy dienaars berei en die hoof van die voorman van die skinkers en die hoof van die voorman van die bakkers te midde van sy dienaars verhef—

21 hy het die voorman van die skinkers herstel in sy skinkersamp, sodat hy die beker in die hand van Farao kon gee,

22 maar die voorman van die bakkers het hy opgehang soos Josef dit aan hulle uitgelê het.

23 En die voorman van die skinkers het nie aan Josef gedink nie, maar hom vergeet.

Amos 2:6 – 3:8

*~Amos Hoofstuk 2~*

6 So sê YAHUVEH: Oor drie oortredinge van Israel, ja, oor vier, sal EK dit nie afwend nie; omdat hulle die regverdige vir geld verkoop het en die behoeftige vir ‘n paar skoene.

7 Hulle wat daarna hyg dat die stof van die aarde op die hoof van die armes kom, en wat die weg van die ellendiges buig; en die man en sy vader gaan na dieselfde jongedogter om MY Heilige Naam te ontheilig.

8 En hulle strek hul uit op verpande klere by elke altaar, en die wyn van die wat beboet is, drink hulle in die huis van hul god (afgod).

9 En tog het ÉK die Amoriet voor hulle uit verdelg wie se hoogte was soos die hoogte van die seders, en hy was sterk soos die eikebome; maar EK het sy vrug daarbo en sy wortels daaronder verdelg.

10 Ook het EK julle uit Egipteland laat optrek en julle veertig jaar lank in die woestyn gelei, om die land van die Amoriet in besit te neem.

11 En EK het uit julle seuns profete en uit julle jongelinge nasireërs verwek. Is dit nie so nie, o kinders van Israel? spreek YAHUVEH.

12 Maar julle het die nasireërs wyn laat drink en aan die profete bevel gegee en gesê: Julle mag nie profeteer nie!

13 Kyk, EK laat dit onder julle kraak, soos ‘n wa kraak wat vol gerwe is;

14 sodat die wat gou is, nie kan ontvlug nie, en die sterke sy krag nie kan ontwikkel en die held sy lewe nie kan red nie.

15 En die boogskutter sal nie bly staan en die wat gou is op sy voete, nie vrykom nie, en die perderuiter sal sy lewe nie red nie.

16 En die dapperste onder die helde sal op dié dag naak wegvlug, spreek YAHUVEH.

*~Amos Hoofstuk 3~*

1 Hoor hierdie woord wat YAHUVEH oor julle gespreek het, o kinders van Israel, oor die hele geslag wat EK uit Egipteland laat optrek het, naamlik:

2 Julle alleen het EK geken uit al die geslagte van die aarde; dáárom sal EK by julle besoeking doen oor al julle ongeregtighede.

3 Sal twee met mekaar wandel tensy hulle eers afgespreek het?

4 Sal ‘n leeu brul in die woud as hy geen prooi het nie? Sal ‘n jong leeu sy stem uit sy lêplek laat hoor as hy niks gevang het nie?

5 Sal ‘n voël in ‘n net val op die grond as daar vir hom geen strik gestel is nie? Sal ‘n wip van die grond af opspring as dit glad nie gevang het nie?

6 Sal die basuin in die stad geblaas word en die bevolking nie skrik nie? Sal daar ‘n onheil in die stad voorval as YAHUVEH dit nie bewerk het nie?

7 Want die Meester YAHUVEH doen niks tensy HY SY raadsbesluit aan SY knegte, die profete, geopenbaar het nie.

8 Die leeu het gebrul, wie sal nie vrees nie? Die Meester YAHUVEH het gespreek, wie sal nie profeteer nie?

Romeine 8:18 – 39

*~Romeine Hoofstuk 8~*

18 Want ek reken dat die lyding van die teenwoordige tyd nie opweeg teen die heerlikheid wat aan ons geopenbaar sal word nie.

19 Want die skepping wag met reikhalsende verlange op die openbaarmaking van die kinders van ELOHIM.

20 Want die skepping is aan die nietigheid onderworpe nie gewillig nie, maar ter wille van HOM wat dit onderwerp het

21 in die hoop dat ook die skepping self vrygemaak sal word van die slawerny van die verganklikheid tot die vryheid van die heerlikheid van die kinders van ELOHIM.

22 Want ons weet dat die hele skepping tesame sug en tesame in barensnood is tot nou toe.

23 En nie alleen dit nie, maar ons self ook wat die eerstelinge van die GEES het, ons sug ook in onsself in afwagting van die aanneming tot kinders, naamlik die verlossing van ons liggaam.

24 Want ons is gered in hoop; maar die hoop wat gesien word, is geen hoop nie; want wat iemand sien, waarom hoop hy dit nog?

25 Maar as ons hoop wat ons nie sien nie, dan wag ons daarop met volharding.

26 En net so kom ook die GEES ons swakhede te hulp, want ons weet nie reg wat ons moet bid nie, maar die GEES self tree vir ons in met onuitspreeklike sugtinge.

27 En HY wat die harte deursoek, weet wat die bedoeling van die GEES is, omdat HY ooreenkomstig die wil van ELOHIM vir die heiliges intree.

28 En ons weet dat vir hulle wat ELOHIM liefhet, alles ten goede meewerk, vir hulle wat na SY voorneme geroep is.

29 Want die wat HY vantevore geken het, dié het HY ook vantevore verordineer om gelykvormig te wees aan die beeld van SY SEUN, sodat HY die eersgeborene kan wees onder baie broeders;

30 en die wat HY vantevore verordineer het, dié het HY ook geroep; en die wat HY geroep het, dié het HY ook geregverdig; en die wat HY geregverdig het, dié het HY ook verheerlik.

31 Wat sal ons dan van hierdie dinge sê? As ELOHIM vír ons is, wie kan teen ons wees?

32 HY wat selfs SY eie SEUN nie gespaar het nie, maar HOM vir ons almal oorgegee het, hoe sal HY nie saam met HOM ons ook alles genadiglik skenk nie?

33 Wie sal beskuldiging inbring teen die uitverkorenes van ELOHIM? ELOHIM is dit wat regverdig maak.

34 Wie is dit wat veroordeel? MESSIAS is dit wat gesterf het, ja, meer nog, wat ook opgewek is, wat ook aan die regterhand van ELOHIM is, wat ook vir ons intree.

35 Wie sal ons skei van die liefde van die MESSIAS verdrukking of benoudheid of vervolging of honger of naaktheid of gevaar of swaard?

36 Soos geskrywe is: Om U ontwil word ons die hele dag gedood, ons is gereken as slagskape.

37 Maar in al hierdie dinge is ons meer as oorwinnaars deur HOM wat ons liefgehad het.

38 Want ek is versekerd dat geen dood of lewe of engele of owerhede of magte of teenwoordige of toekomende dinge

39 of hoogte of diepte of enige ander skepsel ons sal kan skei van die liefde van ELOHIM wat daar in MESSIAS YAHUSHUA, onse Meester, is nie.

AmightyWind Profesieë

Van Profesie 105 af, het YAHUVEH gesê hierdie moet van nou af op al die Profesieë geplaas word: Elisabeth (Elisheva) EK het jou lank gelede gewaarsku om nie hierdie Bediening na ‘n man of ‘n vrou te vernoem nie, selfs nog voordat daar ‘n Bediening was. EK het dit in jou gees geplaas want niks hiervan was deur jou eie toedoen nie, niks hiervan het uit jou mond voortgekom nie. Dit is uit die Mond van YAHUVEH geboorte gegee. Dit is uit die Mond van YAHUSHUA jou MASHIACH geboorte gegee. Dit is uit die Mond van die RUACH ha KODESH jou IMMAYAH geboorte gegee. As dit net deur jou hand was sou dit lankal misluk het. Dit is deur die SHKHINYAH GLORIE se Wind wat oor hierdie aarde waai, die Heilige Wind van Herlewing, dit is nie deur jou asem nie, anders sou dit misluk het.

“EK is YAHVEH, dit is MY NAAM; en MY EER sal EK aan geen ander gee, of ook MY LOF aan die gesnede beelde nie”. Jes. 42:8

30 November 2018

Torah Gedeelte: Die Dwaasheid van Begunstiging

Profesie 1 Oordeel Begin By Die Huis van YAHUVEH

Maar daar beter nie 'n burgeroorlog in MY kerke wees nie. Hulle moet liewer nie bevooroordeeld wees nie, of dit uiterlike voorkoms of ras is. Want as MY Kinders mekaar sien, moet hulle liewer ROOI sien, MY BLOED! Hou op om julle kerke volgens kleur te verdeel. EK sien geen kleur raak nie. EK is alle rasse in een. Hou op om mekaar op uiterlike voorkoms te oordeel. Want waar die gees van vooroordeel is, sal MY RUACH ha KODESH nie bly of inwoon nie. Instede daarvan sal bosegeeste toegelaat word. Julle is gewaarsku.

Sherrie, (Elisabeth) jy het nie geweet wat jy woord na woord sou tik nie. Gee hierdie profesie vir almal van hulle wie ore het om te hoor, laat al die ander doof bly. EK kom terug vir 'n kerk sonder vlek of rimpel. Wat MY terughou is die eintlike ding wat MY moet terugbring. MY kerk! MY mense! MY pastore! MY leraars! Ek haat trots! Dit is een van die 7 dodelike sondes, nogtans dink MY eie pastore, wie MY salwing dra, dat hulle die kerk bou, hulle besit die kerk en hulle moet die skape beheer. EK alleen is die enigste Goeie Herder. Julle taak is om die vinger te wees wat die weg moet aanwys na MY, YAHUSHUA toe.

Trots, geweldige trots, het selfs in die tempels ingesluip waar EK MY salwing uitgestort het. Wie het die grootste gemeente, die meeste geld? Dit maak MY siek. Wie wen die meeste siele? Die jaloesie en afguns is in MY eie tempels. Dit maak MY siek. Julle sê, "Wanneer kom YAHUSHUA weer?" EK sê, "EK wag vir die kerk, die tempels, om hulself te reinig". Hou op om onder julleself te kibbel. Ontbloot die wolwe wat MY Skape verslind. Hulle is agter die kansels en elkeen is so besorg oor hul eie kerke, niemand gee om vir die skape nie.

Wie kan groter tempels bou? Wie kan die meeste mediadekking kry? Wie is die nommer een evangelis, profeet, pastoor, kerk? EK sê vir julle deur hierdie Profetes, luister na haar. Oordeel begin by die huis van YAHUVEH! Dan sal EK met die heidene deel. Dit maak MY siek. EK verlang daarna om julle in MY arms te troetel, en instede daarvan kibbel en beledig julle mekaar as gevolg van julle geslag. EK kies wie om te gebruik wie EK kies om te gebruik. EK sal die nederiges op 'n kragtige manier gebruik.

EK verkies om hierdie kruik te gebruik omdat sy dink sy is die swakste van die klomp, maar EK sê weereens, EK sal die nederige en die swakke gebruik, hulle wie niemand dink EK sal gebruik nie want MY krag word die beste vertoon in swak mense. Ander weet dit is nie uit hulle nie en hulle spog nie. Want hulle weet dit is slegs MY salwing wat elke juk, boei, ketting, skakel en slawerny verbreek. Dit is nie deur julle mag of krag nie maar deur MY Gees. So spreek YAHUSHUA, "EK het gekies om as 'n baba te kom, die swakste van almal om te wys, moenie na die uiterlike kyk nie, kyk na die innerlike. Die salwing ken geen geslag, ras, ouderdom nie."

Die RUACH ha KODESH (Heilige Gees) gebruik gewillige, gehoorsame erdekruike, nie hulle wat skree., "Gebruik my want ek is so pragtig, ek is meer heilig as die res", nie. EK sal nie hulle gebruik wie dink hulle is goud nie; EK gebruik hulle wat weet hulle is gebreekte erdekruike maar magtige krygers vir YAHUSHUA ha MASHIACH. In 1997, sal EK uitreik na hulle wie bedienings gehad het en nederig gebly het of wat nie vir die oorgrote meerderheid bestaan het nie. Hulle vir wie EK nie net geroep het nie maar hulle wat gekies was, gekies terwille van hulle geloof waarvan EK die outeur en voleinder is. EK begin nie iets en misluk dan nie. EK is julle GOD wat nie kan misluk nie.

Hou op om trots te wees. Omdat hulle die eintlike persone is wie EK stuur. Wanneer julle hulle beledig, beledig julle die GOD wie hulle stuur. Hulle is slegs MY Boodskappers, so moenie die boodskapper stenig nie. Dit is die 'nobodies' wat EK oprig, die onbekendes deur wie EK MY tekens, wonders en wonderwerke doen en 'n woordvoerder is vir YAHUVEH. Want hulle is nie 'n 'nobody' nie. Slegs in die oë van die hoogmoediges. Hulle is iemand vir MY want EK kan en sal hulle magtiglik gebruik vir MY Lof, Eer en Glorie. Want hulle sal dit nie van MY steel soos ander probeer het nie.

Profesie 107 Hou Uit! Hou Uit! Hou Uit! Moenie Julle Salige Hoop Verloor nie!

Moenie in satan se strikke trap nie. Die enigste uitverkorenes wat op hierdie aarde tel, is hulle wie gewas is in die gestorte Bloed van YAHUSHUA MASHIACH. Dit maak nie saak watter ras julle is nie. Dit maak nie saak watter taal julle praat nie. Dit maak nie saak wat die kleur van julle vel is nie. Moenie val vir die gees van rassisme nie.(Jesaja 56:7) Maar MY Geliefde, EK het vir jou oë gegee om nooit kleur te sien nie, maar kyk met hoeveel drome vul satan julle waar julle na die kleur van die vel moet oplet. Dit is nie EK nie, so bestraf die gees van rassediskriminasie.

‘n Etiopiese Jood is nie ‘n reis na die hemel gewaarborg nie. Slegs deur die gestorte Bloed van YAHUSHUA. Slegs in die gehoorsaamheid aan MY Woord. MY uitverkorenes is alleenlik in die Naam van YAHUSHUA julle MASHIACH. Daar sal baie verskillende tale en nasionaliteite in die Hemel wees. EK is die een wat die kleur van die vel kies, maar weereens, dit het niks te doen met die gees daar binne nie. Want EK is lief vir alle nasionaliteite. EK is lief vir alle soorte tale. Hulle wie aan MY behoort het die Bloed van YAHUSHUA MASHIACH, maar dit beteken nie die biologiese bloedlyn moet van Hebreeuse oorsprong wees nie. Dit beteken hulle het die geestelike bloedlyn van YAHUSHUA MASHIACH.

Onthou, dit is diegene wie aangeneem is en dit is diegene wie ingegraveer is. As dit die geval was, sou enigeen met Hebreeuse bloed komende van hulle bloedlyn, ‘n weg na die Hemel gewaarborg wees. ‘n Waarborg Hemel toe en tog, kyk na Israel. Kyk na Jerusalem. Hoe min oorblyfsel het YAHUSHUA as MASHIACH aanvaar en totdat hulle doen, sal hulle verdoem wees. Hulle sal nie die Hemel sien nie. Hulle ken die Torah. Hoe min gehoorsaam die Torah. Hulle weet watter dag die Sabbat is. Hoe min eer daardie Sabbat. Dit is meer as om net ‘n rustyd te geniet. Dit is meer as net ‘n ritueel. YAHUSHUA is die Here van die Sabbat.

Ellende wag op hulle wat die vals dwaalleer verkondig, die valse leerings wat sê geen swartes sal in die Hemel toegelaat word nie. Hulle sal weet en hulle (diegene wie alreeds gesterf het) het alreeds die diepste vlak van die hel gevoel. EK oordeel nie MY geliefdes op die kleur van hulle vel of nasionaliteit nie. Want EK het elkeen (as ‘n) individu geskape.

As EK wou gehad het julle moet dieselfde lyk, sou EK julle geskape het om dieselfde te lyk. EK is nie ‘n vervelige YAHUVEH nie. As EK wou gehad het julle moet almal dieselfde persoonlikheid hê, sou EK almal van julle in dieselfde persoonlikheidskategorie geplaas het. EK het elkeen van julle geskape, elkeen van julle tot by julle haarstringe.

EK het vir elkeen van julle die DNA gegee waarmee julle gebore is. Julle is so ontsaglik en wonderbaarlik geskape. EK is die een, julle Abba YAHUVEH wat die hoeveelheid chromosome in julle liggaam bepaal het, die getal atome wat julle bymekaar hou en molekules. EK, YAHUVEH, ken nie slegs die getal hare op julle hoof nie. (Mattheus 10:30) EK ken die getal hare op julle liggaam. EK ken die getal hare op julle arms. EK ken die breedte van julle naels. EK is die een wat die lyne in julle handpalms geplaas het. Elkeen van julle is so wonderbaarlik geskape.

Onthou net MY Geliefdes, net omdat julle in hierdie wêreld lewe, beteken nie dat julle na die beeld van hierdie wêreld moet verander nie. Maar julle moet hervorm word in MY Seun YAHUSHUA julle MASHIACH se beeld en julle wat dit doen, sal MY aangesig aanskou. Julle sal ontelbare guns in MY oë geniet en julle sal tot in alle ewigheid aan die sy van YAHUSHUA wees waar HY woon. (1 Kor 11:1)

So, hou aan. Moenie laat enigiemand julle as gevolg van nasionaliteit of velkleur skei nie. Hou aan. Laat die gestorte Bloed van YAHUSHUA die enigste ding wees wat julle identifiseer. (Rom.5:9) Hou aan en EK sal julle vashou en EK sal julle nie laat gaan nie. Vlug van die sonde. Moenie eers toelaat dat dit deel van julle lewe is nie. Laat satan weet julle wil geen deel van hom hê nie (Jakobus 4:7). Vlug van hom af weg. Vlug weg van enigiemand wat julle verlei om te sondig. Bestraf hulle en moenie bang wees om hulle aanstoot te gee nie.

En vir enigiemand wat hierdie profesieë vals noem. Weet net dit, jy het bewys wie jou ware vader is. Hoe kan jy hierdie Profeet vals noem wanneer elke woord Heiligheid verkondig en die sonde bestraf. Dit bewys aan wie jy regtig behoort. Dit bewys waar jy bestem is om heen te gaan. Deur jou dade ruk EK die masker van jou gesig af sodat almal die vrot vrugte in jou kan sien. Jy gebruik die naam Jesus Christus en tog ken jy HOM nie eers nie. Jy spog dat jy nie ‘n profeet is nie. Maar wat is ‘n ware Profeet? Dit is ‘n vriend van YAHUVEH met wie HY SY geheime deel. En jy is reg, jy wat jouself heilig noem en daar is geen heiligheid binne in nie, jy is geen vriend van MY nie. Jy kan net ‘n man of ‘n vrou bedrieg. Jy kan nie die Skepper bedrieg nie. Jy kan nie die enigste MASHIACH (MESSIAS) bedrieg nie. Die waarheid is; daar’s geen Heilige Gees in jou nie..

So MY Geliefde Kinders, EK versamel MY skape en MY lammers. Waarsku! Waarsku! Waarsku! wanneer julle ‘n wolf gewaar. Moenie bang wees om aanstoot te gee nie. Waarsku veral MY nuwe klein baba lammetjies en moenie ‘n kompromie met sonde aangaan nie.

Torah Gedeelte: Hou Die Hoop Lewend Deur Erfenis

Profesie 90 Wat is die NAAM van die HEILIGE GEES? Wat is die NAAM van die RUACH HA KODESH?

Het julle MESSIAS, YAHUSHUA, nie vir julle vertel dat HY die aarde moes verlaat, maar dat HY julle nie alleen sou laat nie, maar dat HY vir julle die TROOSTER17 sou stuur? – En EK IS die EEN wat julle angs wegneem en julle aanmoedig, leer en vertroos soos ‘n moeder, is EK nie?

EK IS “MOMMA SHKHINYAH GLORY!”

EK IS die HEILIGE GEES wat na die bo-vertrek gekom het met MY HEILIGE WIND en HEILIGE VUUR soos dit in die Boek van Handelinge vertel word. (Hand. 2:1-4) EK het die Dissipels met MY HEILIGE SALWINGS VUUR gevul, terwyl hulle op MY gewag het in die Bo-Vertrek.

Profesie 122 “Jy Kan Nie Die Poorte Van Die Hemel Afbreek Nie!” So sê YAHUSHUA HA MASHIACH!

EK sê dit hard en EK sê dit duidelik!

Die wat nie berou nie, die wat nie die bose woorde goedmaak wat hulle gespreek het teen hierdie ALEPH & TAV, AMIGHTYWIND, RUACH HA KODESH, HEILIGE VUUR Bediening - wat liefdevol genoem word “amightywind of almightywind” - EK sê vir julle dit - EK gaan dit weer eenkeer herhaal. Want MY Profeet, jy het probeer om MY stil te maak en MY woorde wat EK wou sê probeer sensor, so EK gaan dit weer herhaal - hulle wie na hierdie Bediening kyk en dit haat en die Woorde haat wat voortkom , EK ken julle NIE eens nie!

JY IS SOOS ‘n BASTERKIND!!! Jy beweer soos 'n ‘erfgenaam’ dat jy 'n reg het op die erfporsie. Maar EK sê vir jou dit - die wat weier om te berou, die wat weier om die bose woorde en die bose dade wat hulle gedoen het goed te maak, hulle wat die Tien Gebooie gevat het en dit vermorsel het tot in die grond in en sê, “Ons hoef nie te gehoorsaam nie. Ons hoef nie Heilig te leef nie. Maak stil daardie Profeet. Maak dood daardie profeet!” - EK sê dit vir julle:

Ek ken julle nie! JY IS 'N BASTERKIND!‼!!!! Jy sal jou erfdeel kry; En dit sal die hel se vlamme wees! Julle wat sê, “daar is nie n hel nie.” Julle haat hierdie bediening want dit preek dat daar 'n hel is. Julle haat hierdie bediening want dit waarsku dat die vloeke van Deutronomium 28 nog steeds geld - vir die wat rebelleer en weier om te berou - julle sal jul erfdeel kry, EN DIS DIE POEL VAN VUUR VIR JULLE! Net omdat julle ontken dat daar 'n hel is maak dit nie [jou ontkenning] geldig nie! O, daar is die Hemel om te verwerf! O, daar is 'n hel om te vermy en vrees! O, EK seën EN EK vervloek en so seker as wat EK daardie vyeboom vervloek het!

So dit is wat EK te sê het: dit is jou keuse om aangeneem te word - of om verwerp te word as 'n basterkind!

As jy nie MY Stem kan hoor soos Elisabeth[Elisheva] dit nou hoor nie, het ek ander maniere om met jou te praat. Nader net tot MY want EK sê vir julle die Salwinge gaan net sterker word in hulle wat MY waarlik gehoorsaam en volg - en (wie) veg vir die standaard van Heiligheid en alles wat onheilig is bestaf.

Die salwing gaan net sterker word. Dis MY erfdeel vir julle. Die Heilige Engele wat wag staan en julle beskerm. Dis MY erfdeel vir julle. EK gee dit aan julle, want EK het julle lief.

VAYESHEV - En Hy het Gelewe

“En Jakob het gewoon [yeshev] in die land van die vreemdelingskap van sy vader, in die land Kanaän.” (Genesis 37:1)

In verlede week se Torah-studie, Vayishlach, het Jakob teruggekeer van Haran met sy hele huishouding om in die land Kanaän te vestig. Na al die kinkels en draaie van Jakob se lewe verlang hy om te vestig in die land wat YAHUVEH beloof het.

Die openbarende Hebreeuse Skrif van hierdie Parasha gebruik die woord yeshev, wat beteken om te vestig.

In Israel word 'n nedersetting 'n yishuv genoem, en diegene wat in Israel vestig, veral binne die betwiste gebiede van Judea en Samaria, doen dit met groot risiko agv van Palestynse terroriste wat dikwels naby woon.

In hierdie Parasha, leer ons oor die beproewings van Jakob se gunsteling seun, Josef, vir wie YAHUVEH die gawe van drome en hul interpretasie gegee het. Baie van die drome het Josef se toekomstige verhewe posisie onthul.

Deur hierdie drome met sy broers te deel, het Josef egter hul jaloesie aangewakker, wat alreeds deur hul pa se begunstiging teenoor Josef, die seun van sy begunstigde vrou, Rachel, gewek was.

Die Dwaasheid van Begunstiging

“En Israel het Josef meer lief gehad as al sy seuns; want hy was vir hom ‘n seun van die ouderdom; en hy het vir hom ‘n lang kleed met moue gemaak.”(Genesis 37:3)

Jakob het geen geheim daarvan gemaak van die feit dat hy Josef meer liefgehad het as enige van sy ander kinders nie, en hy het vir hom 'n spesiale kleed van baie kleure gegee.

Deur hom hierdie kleed te gee, het Jakob Josef se soewereiniteit en leierskap oor al sy ander seuns verkondig, aangesien die Semitiese hoofde baadjies van baie kleure as 'n insignia van heerskappy gedra, tydens die patriargale ouderdom.

Miskien moes Jakob die negatiewe gevolge van die broers-wedywering wat gewoonlik uit sulke begunstiging voortspruit, voorspel het, aangesien hy ook 'n slagoffer van hierdie soort disfunksie was.

Sy ma, Rebekka, het Jakob bevoordeel, maar sy pa, Isak, het Jakob se broer Esau bevoordeel. Dit het 'n groot mate van vyandigheid tussen die twee broers veroorsaak. Eerder as om te leer uit die foute van sy ouers, het Jakob egter eenvoudig hul ouerlike swakhede voortgesit.

In plaas daarvan om Jakob se voorbeeld te volg, kan ons kies om te leer uit die foute van ons ouers en vandag besluit om nie voort te gaan met ongesonde ouer-kind verhoudings wat deur vorige geslagte vir ons gemodelleer is nie.

Natuurlik, om so 'n verandering te maak, vereis dat ons van die verlede vrygestel word, en dit begin met bekering en vergifnis — bekering om ons ouers te oordeel (en miskien om 'n lastige kind te wees) en hulle te vergewe vir hul foute.

Ewigdurende geestelike nuwe beginsels word gevind in die vryheid wat Messias YAHUSHUA (Jesus) bied wanneer ons van ons sondes bekeer en SY vergifnis ontvang.

Guns volg Josef in die Put

Inderdaad, Josef het 'n groot bestemming gehad op sy lewe, waarvan die kinkels en draaie 'n grondslag sou vorm vir die oorlewing van sy familie; en in die volheid van tyd is YAHUSHUA die vryheid wat die grondslag bied vir die Joodse lewe en verlossing.

Jakob se begunstigde seun is so belangrik dat hy meer teks in die Tanakh (Ou Testament) toegeken word as enige ander karakter behalwe Moses.

Maar hy was nie dadelik gereed om sy goddelike doel te vervul nie. Of Josef moes nederigheid leer, wat hy verkry het deur pynlike en moeilike beproewings, of deur sy beproewings, het YAHUVEH het hom geplaas om daardie lot te vervul. Miskien albei.

Die drama het begin toe Jakob Josef op 'n missie gestuur het om na sy broers te kyk. Onbekend vir albei, het die jaloerse broers alreeds beplan om Josef dood te maak.

Hul plan sou moontlik suksesvol gewees het, behalwe vir die protes van Reuben, wat hulle aangemoedig het om Josef in 'n put te gooi. Hy het in die geheim beplan om hom later te red. Maar Reuben het egter nooit die geleentheid gehad om sy broer te red nie, omdat die ander broers Josef aan 'n Ismaelitiese karavaan verkoop het, soos voorgestel deur Juda.

“En Josef aan die Ismaeliete verkoop vir twintig sikkels silwer.”

(Genesis 37:28)

Eens in Egipte, is Josef aan Potifar, 'n Egiptiese leier van Farao se wag, verkoop, wat gou die grootheid in Josef ontdek het. Potifar het Josef so onvoorwaardelik vertrou dat hy hom in beheer van al sy sake geplaas het.

Intussen het Josef se broers met sy kleed van baie kleure na hul vader teruggekeer. Hulle het dit in bloed gedoop om hul pa te mislei om te dink dat 'n wilde dier sy geliefde seun vermoor het.

Dit was Juda, die vierde seun van Jakob en toekomstige heerser van die twaalf stamme van Israel, wat die besluit geneem het om Josef te verkoop eerder as om hom dood te maak.

“Toe sê Juda aan sy broers: Watter voordeel is dit dat ons ons broer doodmaak en sy bloed verberg? Kom, laat ons hom aan die Ismaeliete verkoop, maar laat ons hand nie teen hom wees nie, want hy is ons broer, ons vlees. (Genesis 37:26–27)

Juda blyk te wees 'n komplekse karakter, met tekens van integriteit sowel as dubbelhartigheid.

Hou Hoop Lewendig deur Erfenis

Daar is 'n vreemde onderbreking in die verhaal van Josef se storie, soos die Skrif na die episode van Juda draai.

Op hierdie punt, het Juda met die dogter van 'n Kanaäniet, Shua, getrou:

“En Juda het daar die dogter van ‘n Kanaänitiese man gesien met die naam van Sua; en hy het met haar getrou en by haar ingegaan.” (Genesis 38:2)

Shua het swanger geword en het 'n seun gehad met die naam van Er, wat met Tamar getrou het. Maar Er het gesterf sonder om Tamar 'n kind te gee omdat YAH ontervrede was met hierdie seun van Juda en sy lewe voortydig geneem het.

Juda het toe sy eersgebore seun, Onan, aangespoor om Tamar as vrou te neem. Dit was die plig van die broer van 'n man wat sonder kinders gesterf het om met sy weduwee te trou om sy broer se bloedlyn te laat voortbestaan.

“Toe sê Juda vir Onan: Gaan in by die vrou van jou broer en sluit die swaershuwelik met haar en verwek vir jou broer ‘n nageslag.” (Genesis 38:8)

Hierdie soort gesinsverantwoordelikheid kan vir ons vreemd lyk, maar YAHUVEH het dit later in die wette wat in die boek van Deuteronomium gevind is, ingesluit:

“As broers bymekaar woon en een van hulle sterwe sonder dat hy ‘n seun het, dan mag die vrou van die oorledene nie daarbuite ‘n vreemde man s’n word nie; haar swaer moet by haar ingaan en haar as sy vrou neem en die swaershuwelik met haar sluit.”

“Die eersgeborene wat sy baar, moet staan op naam van sy oorlede broer, dat sy naam nie uit Israel uitgedelg word nie.” (Deuteronomium 25: 5-6)

Waarom sal YAHUVEH 'n gewoonte handhaaf wat selfs Abraham voorspel?

Een rede is gegrond in die ewige oorerwing. 'n Ander is "vir die uitdruklike doel om die hoop van opstanding in die gedagtes van die uitverkore volk in stand te hou." (Deuteronomium 25: 5)

Deur die erfenis binne die familie te behou, het hierdie wet van levirate huwelik die hoop van 'n aardse opstanding van die familienaam lewendig gehou.

Ons sien dit in die Boek van Rut: die ryk Betlehemse grondeienaar Boaz, wat ‘n vooraf skadu van YAHUSHUA was, het hierdie hoop gegee van opstanding en ewige erfenis aan die weduwee Rut, wat ook ‘n vooraf skadu was aan diegene wat YAHUSHUA volg, toe hy haar bruidegom geword het en sy sy bruid. (Rut 4)

Die hoop op ons geestelike, ewige opstanding en erfenis was vervul toe YAHUSHUA die "Bruidegom" van alle uitverkorenes geword het—Heidene en Jode— die skepping van 'n huweliksverbond met almal wat daardie verbond met HOM aangaan. Diegene wat SY bruid word, ontvang SY ewige erfenis.

Alle gelowiges wat hul hoop in YAHUSHUA as Verlosser geplaas het, het die hoop van die opstanding wat in hulle gees verseël is.

“Geseënd is ELOHIM en VADER van onse YAHUSHUA wat na SY grote barmhartigheid ons die wedergeboorte geskenk het tot ‘n lewende hoop deur die opstanding van YAHUSHUA uit die dode, sodat ons ‘n onverganklike en onbesmette en onverwelklike erfenis kan verkry, wat in die hemele bewaar is vir ons.” (1 Petrus 1:3-4)

Gehoorsaamheid word Beloon

Tog kan ons ons ons indink dat sonde in die pad van hierdie hoop kan kom, en dit het in die geval van Juda se tweede seun, Onan, gebeur. Trouens, YAHUVEH was ook ontevrede met hom, omdat hy geweier het om 'n seun vir sy broer op te rig. In oordeel, het YAHUVEH ook sy lewe geneem.

In plaas daarvan om te erken dat sy seuns vroeg oorlede is weens hulle sonde, het Juda die weduwee, Tamar, beskuldig. En alhoewel hy haar belowe het dat sy derde en laaste seun, Shelah, aan haar gegee sou word, wou hy hom ook nie verloor nie.

Hy het aan Tamar gesê om as weduwee te wag totdat Shelah tot volwassenheid gegroei het. Maar toe Sela 'n man geword het, het Juda hom nog nie aan Tamar gegee as haar man nie, en sy het sake in haar eie hande geneem.

Tamar het haarself as 'n kultus-prostituut vermom en Juda gelok in 'n ontmoeting wat daartoe gelei het dat sy swanger geword het. Ongeveer drie maande later, toe haar swangerskap sigbaar geword het, het Juda bevel gegee dat sy tereggestel moet word vir hoerery. Maar dit was toe dat Tamar die seël, die koord en die staf van Juda vertoon het, wat Juda vir Tamar as belofte vir betaling vir haar dienste gegee het.

“Terwyl sy uitgebring word, laat sy haar skoonvader dit weet: By die man aan wie hierdie dinge behoort, is ek swanger. En sy het gesê: Kyk tog mooi aan wie hierdie seëlring en bandjies en staf behoort.” (Genesis 38:25)

Juda het toe besef dat alhoewel Tamar se optrede minder as volmaak was, het sy opgetree om die gesinsverantwoordelikheid te vervul om 'n kind vir haar man onder die familienaam op te rig. Hy het besef dat sy meer regverdig was as wat hy was, en hy het haar vrygelaat.

Tamar het geboorte gegee aan ‘n tweeling, waarvan een, Perez, 'n voorvader van Boas geword het, wat die oupa grootjie van Koning Dawid geword het, wat 'n voorvader van die Messias geword het. (Sien Matteus 1; Rut 4:18-22)

“Die septer sal van Juda nie wyk nie, nóg die veldheerstaf tussen sy voete uit totdat Silo kom; en aan HOM sal die volke gehoorsaam wees.” (Genesis 49:10)

Van Put na Paleis

Wat wys hierdie storie ons? Dit laat ons sien dat YAHUVEH, deur SY barmhartigheid, ons kan verlos en ons van die dieptes van wanhoop tot die hoogtes van vervulde drome kan neem.

Alhoewel Juda 'n paar baie slegte besluite geneem het wat baie mense ongelookfik seergemaak het, en alhoewel hy in onsedelikheid verval het, het YAHUVEH steeds gekies het om die MESSIAS van die hele mensdom deur sy geslag voort te bring.

Net so het Josef se donker afkoms in 'n put, sy verraad deur sy broers, sy tydperk van slawerny in Egipte en die verlating in 'n gevangenis vir 'n misdaad wat hy nie gepleeg het nie, daarnatoe gelei om hom te posisioneer om verhef te word oor die hele Egipte, langs Farao.

In hierdie verhewe posisie kon Josef reël dat die hele Egipte genoeg kos gehad het om tee et gedurende die sewe jaar hongersnood in die streek. Die mense wat rondom Egipte gewoon het, insluitend sy eie broers wat na Josef gekom het om kos te soek, het die hongersnood oorleef weens Josef se wyse leierskap.

Elkeen van ons moet uitdagende situasies in die lewe verdra op ons reis na die vervulling van ons roeping in YAHUVEH.

Wanneer tye die donkerste is - wanneer ons in 'n put geval het, óf deur diegene wat teen ons sondig, of deur ons eie sonde — kan ons gerus wees, want dit is nie die einde van die verhaal nie. YAHUVEH belowe om alles te laat saamwerk vir ons beste:

“En ons weet dat vir hulle wat God liefhet, alles ten goede meewerk, vir hulle wat na sy voorneme geroep is.” (Romeine 8:28)

Dit is gedurende die lewe se donker tye dat die lig van YAHUSHUA die helderste lyk.

YAHUSHUA het gesê: "Ek is die Lig van die wêreld." SY lig van waarheid en ewige liefde kan ons deur die donkerste nagte onderhou soos ons aanhou om ons geloof in HOM te plaas.

“En YAHUSHUA het weer met hulle gespreek en gesê: EK is die lig van die wêreld; wie MY volg, sal sekerlik nie in die duisternis wandel nie, maar sal die lig van die lewe hê. (Johannes 8:12)

Selfs wanneer Israeli's deur vuurpyle uit Gaza en in die hele Israel deur Palestynse terroriste aangeval word, kan YAHUSHUA SY lig deur die duisternis skyn.

Staan op, word verlig; want jou lig kom, en die heerlikheid van YAHUVEH gaan oor jou op. (Jesaja 60:1)

“Omdat my oë u heil gesien het, wat U berei het voor die oë van al die volke, ‘n lig tot verligting van die nasies en tot heerlikheid van u volk Israel.

(Lukas 2:30-32)

Shabbat Shalom van AMIGHTYWIND!