Eksodus 6:2 – 9:35

 *~Eksodus Hoofstuk 6~*

2 (6:1) Verder het ELOHIM met Moses gespreek en vir hom gesê: EK is YAHUVEH. 

3 (6:2) En EK het aan Abraham, aan Isak en aan Jakob verskyn as EL SHADDAI,

maar met MY Naam YAHUVEH het EK MY nie aan hulle bekend gemaak nie. 

4 (6:3) Ook het EK MY verbond met hulle opgerig om hulle die land Kanaän te gee, die land van hulle vreemdelingskap waarin hulle vertoef het; 

5 (6:4) en ÉK het ook gehoor die gekerm van die kinders van Israel wat deur die Egiptenaars in slawerny gehou word, en EK het aan MY verbond gedink. 

6 (6:5) Daarom, sê aan die kinders van Israel: EK is YAHUVEH, en EK sal julle onder die harde arbeid van die Egiptenaars uitlei en julle red uit hulle slawerny, en EK sal julle verlos deur ‘n uitgestrekte arm en deur groot strafgerigte; 

7 (6:6) en EK sal julle as MY volk aanneem en vir julle ‘n ELOHIM wees. En julle sal erken dat EK YAHUVEH julle ELOHIM is wat julle uitlei onder die harde arbeid van die Egiptenaars uit. 

8 (6:7) En EK sal julle bring in die land waaromtrent EK MY hand opgehef het, om dit aan Abraham, aan Isak en aan Jakob te gee; en EK sal dit aan julle as ‘n besitting gee, EK, YAHUVEH. 

9 (6:8) Moses het toe so met die kinders van Israel gespreek, maar hulle het nie na Moses geluister nie, uit ongeduldigheid en weens die harde diens.

 
10 (6:9) Verder het YAHUVEH met Moses gespreek en gesê: 

11 (6:10) Gaan spreek met Farao, die koning van Egipte, dat hy die kinders van Israel uit sy land moet laat uittrek. 

12 (6:11) Maar Moses het voor die aangesig van YAHUVEH gespreek en gesê: As die kinders van Israel na my nie geluister het nie, hoe sal Farao dan na my luister terwyl ek onbesnede van lippe is? 

13 (6:12) Daarop het YAHUVEH met Moses en Aäron gespreek en hulle met ‘n boodskap gestuur na die kinders van Israel en na Farao, die koning van Egipte, om die kinders van Israel uit Egipteland uit te lei. 

14 (6:13) Dit is die hoofde van hulle families. Die seuns van Ruben, die eersgeborene van Israel: Henog en Pallu, Hesron en Karmi; dit is die geslagte van Ruben. 

15 (6:14) En die seuns van Símeon: Jémuel en Jamin en Ohad en Jagin en Sohar en Saul, die seun van die Kanaänitiese vrou; dit is die geslagte van Símeon. 

16 (6:15) En dit is die name van die seuns van Levi volgens hulle afstamming: Gerson en Kehat en Merári. En die lewensjare van Levi was honderd sewe en dertig jaar. 

17 (6:16) Die seuns van Gerson: Libni en Símeï volgens hulle geslagte. 

18 (6:17) En die seuns van Kehat: Amram en Jishar en Hebron en Ussiël; en die lewensjare van Kehat was honderd drie en dertig jaar. 

19 (6:18) En die seuns van Merári: Magli en Musi. Dit is die geslagte van Levi volgens hulle afstamming. 

20 (6:19) En Amram het Jogébed, sy tante, vir hom as vrou geneem, en sy het vir hom Aäron en Moses gebaar. En die lewensjare van Amram was honderd sewe en dertig jaar. 

21 (6:20) En die seuns van Jishar: Korag en Nefeg en Sigri. 

22 (6:21) En die seuns van Ussiël: Mísael, Élsafan en Sitri. 

23 (6:22) En Aäron het Eliséba, die dogter van Ammínadab, die suster van Nagson, vir hom as vrou geneem; en sy het vir hom gebaar: Nadab en Abíhu, Eleásar en Itamar. 

24 (6:23) En die seuns van Korag: Assir en Élkana en Abíasaf. Dit is die geslagte van die Koragiete. 

25 (6:24) En Eleásar, die seun van Aäron, het vir hom een van die dogters van Pútiël as vrou geneem; en sy het vir hom Pínehas gebaar. Dit is die familie-hoofde van die Leviete volgens hulle geslagte. 

26 (6:25) Dit is Aäron en Moses aan wie YAHUVEH gesê het: Lei die kinders van Israel uit Egipteland volgens hulle leërskare. 

27 (6:26) Dit is hulle wat met Farao, die koning van Egipte, gespreek het om die kinders van Israel uit Egipte uit te lei. Dit is Moses en Aäron. 

28 (6:27) Die dag toe YAHUVEH met Moses gespreek het in Egipteland, 

29 (6:28) het YAHUVEH Moses aangespreek met die woorde: EK is YAHUVEH. Sê aan Farao, die koning van Egipte, alles wat EK met jou spreek. 

30 (6:29) Toe sê Moses voor die aangesig van YAHUVEH: Ek is onbesnede van lippe! Hoe sal Farao dan na my luister?

 *~ Eksodus Hoofstuk 7~*

1 En YAHUVEH het aan Moses gesê: Kyk, EK stel jou as ‘n god vir Farao, en jou broer Aäron sal jou profeet wees. 

2 Jy moet spreek alles wat EK jou beveel, en jou broer Aäron moet met Farao spreek, sodat hy die kinders van Israel uit sy land laat uittrek. 

3 En ÉK sal Farao se hart verhard en my tekens en wonders in Egipteland vermenigvuldig. 

4 Maar Farao sal na julle nie luister nie; en EK sal MY hand op Egipte lê en MY leërskare, MY volk, die kinders van Israel, deur groot strafgerigte uit Egipteland uitlei. 

5 Dan sal die Egiptenaars weet dat EK YAHUVEH is, as EK MY hand oor Egipte uitstrek en die kinders van Israel tussen hulle uitlei. 

6 Moses en Aäron het toe gedoen soos YAHUVEH hulle beveel het; so het hulle gedoen. 

7 En Moses was tagtig jaar en Aäron drie en tagtig jaar oud toe hulle met Farao gespreek het. 

8 En YAHUVEH het Moses en Aäron aangespreek met die woorde: 

9 As Farao met julle spreek en sê: Doen tog ‘n wonderteken vir julleself—dan moet jy vir Aäron sê: Neem jou staf en gooi dit voor Farao neer; dan sal dit ‘n slang word. 

10 Toe het Moses en Aäron na Farao gegaan en gedoen net soos YAHUVEH hulle beveel het: Aäron het sy staf voor Farao en voor sy dienaars neergegooi, en dit het ‘n slang geword. 

11 Daarop laat Farao óók die wyse manne en die towenaars roep; en hulle, die Egiptiese towenaars, het ook dieselfde gedoen met hulle towerkunste: 

12 elkeen gooi sy staf neer, en hulle word slange! Maar Aäron se staf het hulle stawe verslind. 

13 Maar Farao se hart was verhard, sodat hy na hulle nie geluister het nie soos YAHUVEH gespreek het. 

14 Toe sê YAHUVEH vir Moses: Farao se hart is verhard; hy weier om die volk te laat trek. 

15 Gaan môre vroeg na Farao toe—kyk, hy sal uitgaan na die water; staan dan aan die kant van die Nyl om hom te ontmoet; en neem die staf wat in ‘n slang verander het, in jou hand, 

16 en sê vir hom: YAHUVEH, die ELOHIM van die Hebreërs, het my na u gestuur met die boodskap: Laat MY volk trek, dat hulle MY kan dien in die woestyn. Maar kyk, u het tot nou toe nie geluister nie. 

17 So spreek YAHUVEH: Hieraan sal jy weet dat EK YAHUVEH is. Kyk, ek sal met die staf wat in my hand is, op die water slaan wat in die Nyl is, en dit sal in bloed verander word. 

18 En die visse in die Nyl sal doodgaan, sodat die Nyl sal stink. En die Egiptenaars sal vergeefs trag om die water uit die Nyl te drink. 
19 Verder het YAHUVEH met Moses gespreek: Sê vir Aäron: Neem jou staf en steek jou hand uit oor die waters van die Egiptenaars, oor hulle strome, hulle kanale, hulle waterkuile en oor al hulle versamelplekke van water, sodat dit bloed word: daar sal bloed in die hele Egipteland wees, ook in hout— en in klipbakke. 

20 Moses en Aäron het toe so gedoen soos YAHUVEH beveel het—hy het die staf opgehef en die water wat in die Nyl was, geslaan voor die oë van Farao en voor die oë van sy dienaars; en al die water in die Nyl is in bloed verander.

21 En die visse wat in die Nyl was, het doodgegaan; en die Nyl het gestink, sodat die Egiptenaars die water uit die Nyl nie kon drink nie. En daar was bloed in die hele Egipteland. 

22 Maar die Egiptiese towenaars het dieselfde gedoen met hulle towerkunste, sodat Farao se hart verhard is; en hy het na hulle nie geluister nie, soos YAHUVEH gespreek het. 

23 En Farao het omgedraai en huis toe gegaan en dit ook nie ter harte geneem nie. 

24 Maar al die Egiptenaars het rondom die Nyl na water gegrawe om te drink, want hulle kon van die Nyl se water nie drink nie. 

25 So het dan sewe dae verbygegaan nadat YAHUVEH die Nyl geslaan het.

 *~ Eksodus Hoofstuk 8~*

1 Verder het YAHUVEH met Moses gespreek: Gaan na Farao en sê vir hom: So spreek YAHUVEH: Laat MY volk trek, dat hulle MY kan dien. 

2 En as jy weier om hulle te laat trek, Kyk, dan sal EK jou hele grondgebied met paddas teister, 

3 sodat die Nyl van paddas sal wemel. En hulle sal opklim en in jou huis kom en in jou slaapkamer en op jou bed; ook in die huis van jou dienaars en onder jou volk, en in jou bakoonde en in jou bakskottels. 

4 En die paddas sal teen jou en teen jou volk en teen al jou dienaars opspring. 

5 Verder het YAHUVEH met Moses gespreek: Sê aan Aäron: Steek jou hand uit met jou staf oor die strome en oor die kanale en oor die waterkuile, en laat die paddas opkom oor Egipteland. 

6 En Aäron het sy hand oor die waters van Egipte uitgesteek, en daar het paddas opgekom en Egipteland oordek. 

7 Maar die towenaars het dieselfde gedoen met hulle towerkunste en paddas laat opkom oor Egipteland. 

8 Toe het Farao Moses en Aäron laat roep en gesê: Bid tot YAHUVEH, dat HY die paddas van my en van my volk wegneem. Dan sal ek die volk laat trek, dat hulle aan YAHUVEH kan offer. 

9 Maar Moses sê aan Farao: Aan u die eer bo my! Teen watter tyd moet ek vir u en u dienaars en vir u volk bid, dat die paddas van u en uit u huise uitgeroei word om net in die Nyl oor te bly? 

10 En hy antwoord: Teen môre. Toe sê hy: Dit sal wees volgens u woord, dat u kan weet dat daar niemand is soos YAHUVEH onse ELOHIM nie. 

11 En die paddas sal u en u huise en u dienaars en u volk verlaat. Net in die Nyl sal hulle oorbly. 

12 Toe het Moses en Aäron van Farao af weggegaan; en Moses het tot YAHUVEH geroep vanweë die paddas wat HY oor Farao beskik het. 

13 En YAHUVEH het gedoen volgens die woord van Moses: die paddas het weggesterwe uit die huise, van die plase af en uit die veld. 

14 En hulle het dit by hope bymekaargemaak, en die land het gestink. 

15 En toe Farao sien dat daar verligting kom, het hy sy hart verhard en na hulle nie geluister nie, soos YAHUVEH gespreek het. 

16 Verder het YAHUVEH met Moses gespreek: Sê aan Aäron: Steek jou staf uit en slaan die stof van die aarde, en dit sal muskiete word in die hele Egipteland. 

17 En hulle het so gedoen: Aäron het sy hand met sy staf uitgesteek en die stof van die aarde geslaan, en daar het muskiete gekom op die mense en op die vee. Al die stof van die aarde het muskiete geword in die hele Egipteland.
18 En die towenaars het dieselfde gedoen met hulle towerkunste om die muskiete voort te bring, maar hulle kon nie. So was die muskiete dan op die mense en op die vee. 

19 Toe sê die towenaars vir Farao: Dit is die vinger van ELOHIM! Maar Farao se hart was verhard, sodat hy na hulle nie geluister het nie, soos YAHUVEH gespreek het. 

20 Verder het YAHUVEH vir Moses gesê: Maak jou môre vroeg klaar en stel jou voor Farao—kyk, hy sal na die water toe uitgaan en sê vir hom: So spreek YAHUVEH: Laat MY volk trek, dat hulle MY kan dien. 

21 Want as jy MY volk nie laat trek nie, kyk, dan stuur EK teen jou en teen jou dienaars en teen jou volk en teen jou huise die steekvlieë, sodat die huise van die Egiptenaars vol steekvlieë sal wees, en selfs die grond waar hulle op staan. 

22 Maar EK sal op dié dag met die land Gosen, waarin MY volk woon, ‘n uitsondering maak, dat daar geen steekvlieë sal wees nie; sodat jy kan weet dat EK YAHUVEH is in die land. 

23 En EK sal ‘n verlossing stel tussen MY volk en jou volk. Môre sal hierdie teken plaasvind. 

24 En YAHUVEH het so gedoen: dik swerms steekvlieë het in die huis van Farao en in die huis van sy dienaars en in die hele Egipteland gekom; die land is deur die steekvlieë verwoes. 

25 Toe laat Farao Moses en Aäron roep en sê: Gaan heen, offer aan julle ELOHIM in die land. 

26 Maar Moses antwoord: Dit is nie reg om so te doen nie; want wat ons aan YAHUVEH onse ELOHIM offer, is ‘n gruwel vir die Egiptenaars. As ons iets wat ‘n gruwel is vir die Egiptenaars, voor hulle oë offer, sal hulle ons dan nie stenig nie? 

27 Laat ons drie dagreise ver die woestyn intrek, dat ons aan YAHUVEH onse ELOHIM kan offer soos HY ons sal beveel. 

28 Toe sê Farao: Ek sal julle laat trek, dat julle aan YAHUVEH julle ELOHIM kan offer in die woestyn; julle moet maar net nie te ver wegtrek nie. Bid vir my. 

29 En Moses antwoord: Kyk, ek gaan van u af weg en sal tot YAHUVEH bid, dat die steekvlieë môre Farao, sy dienaars en sy volk mag verlaat. Laat Farao ons net nie langer bedrieg deur die volk nie te laat trek om aan YAHUVEH te offer nie. 

30 Toe het Moses van Farao af weggegaan en tot YAHUVEH gebid. 

31 En YAHUVEH het gedoen volgens die woord van Moses: HY het die steekvlieë van Farao, van sy dienaars en sy volk weggeneem. Daar het nie een oorgebly nie. 

32 Maar Farao het sy hart ook hierdie keer verhard en die volk nie laat trek nie.

 *~ Eksodus Hoofstuk 9~*

1 Verder het YAHUVEH met Moses gespreek: Gaan na Farao en sê vir hom: So spreek YAHUVEH, die ELOHIM van die Hebreërs: Laat MY volk trek, dat hulle MY kan dien. 

2 Want as jy weier om hulle te laat trek en hulle nog langer vashou, 

3 kyk, dan sal die hand van YAHUVEH wees teen jou vee wat in die veld is, teen die perde, teen die esels, teen die kamele, teen die beeste en teen die kleinvee met ‘n baie swaar pes. 

4 En YAHUVEH sal ‘n onderskeid maak tussen die vee van die Israeliete en die vee van die Egiptenaars, sodat niks sal doodgaan van alles wat aan die kinders van Israel behoort nie. 

5 En YAHUVEH het ‘n bepaalde tyd gestel en gesê: Môre sal YAHUVEH dit doen in die land. 

6 En YAHUVEH het dit die volgende dag gedoen: al die vee van die Egiptenaars het doodgegaan. Maar van die vee van die kinders van Israel is nie een dood nie. 

7 Farao het toe gestuur, en kyk, van die vee van die Israeliete was daar nie een dood nie! Maar die hart van Farao was verhard, en hy het die volk nie laat trek nie. 

8 Verder het YAHUVEH aan Moses en Aäron gesê: Neem julle twee hande vol roet uit die oond, en laat Moses dit na die hemel uitstrooi voor die oë van Farao; 

9 en dit sal fyn stof word oor die hele Egipteland en aan mense en diere swere veroorsaak wat in blare uitbreek, in die hele Egipteland. 

10 So het hulle dan roet uit die oond geneem en voor Farao gaan staan, en Moses het dit na die hemel uitgestrooi. Toe word dit swere wat uitbreek in blare aan mense en diere. 

11 En die towenaars kon voor Moses nie staan vanweë die swere nie. Want die swere was aan die towenaars en al die Egiptenaars. 

12 Maar YAHUVEH het Farao se hart verhard, sodat hy nie na hulle geluister het nie, soos YAHUVEH aan Moses gesê het. 

13 Verder het YAHAUVEH aan Moses gesê: Maak jou môre vroeg klaar en stel jou voor Farao en sê vir hom: So spreek YAHUVEH, die ELOHIM van die Hebreërs: Laat MY volk trek, dat hulle MY kan dien. 

14 Want hierdie keer sal EK al MY plae in jou hart stuur, en teen jou dienaars en jou volk, dat jy kan weet dat daar niemand op die hele aarde is soos EK nie. 

15 Want anders sou EK MY hand uitgestrek en jou en jou volk met die pes getref het, en jy sou van die aarde verdelg gewees het;

 
16 maar juis hierom het EK jou nog laat bestaan, dat EK jou my krag kan toon, en dat hulle MY Naam op die hele aarde kan verkondig. 

17 Versit jy jou nog teen MY volk, dat jy hulle nie wil laat trek nie? 

18 Kyk, EK sal môre omtrent sulke tyd ‘n baie swaar hael laat reën soos wat in Egipte nie gewees het van die dag af dat dit gegrond is tot nou toe nie. 

19 Stuur dan nou en laat jou vee en alles wat jy in die veld het, in veiligheid bring; al die mense en die diere wat in die veld gevind word, en wat nie binnekant gebring is nie—op hulle sal die hael val, sodat hulle sterwe. 

20 Hy wat YAHUVEH se woord gevrees het onder die dienaars van Farao, het sy slawe en sy vee in die huise laat vlug; 

21 maar hy wat op YAHUVEH se woord geen ag gegee het nie, het sy slawe en sy vee in die veld laat bly. 

22 Toe sê YAHUVEH vir Moses: Steek jou hand na die hemel uit, en daar sal hael wees in die hele Egipteland, oor mense en diere en oor al die plante van die veld in Egipteland. 

23 En Moses het sy staf na die hemel uitgesteek, en YAHUVEH het donder en hael gegee, en vuur het na die aarde uitgeskiet; en YAHUVEH het hael op Egipteland laat reën. 

24 En daar was hael en onophoudelike vuur binne-in die hael, baie swaar, soos in die hele Egipteland nooit gewees het vandat dit aan ‘n volk behoort het nie. 

25 En die hael het in die hele Egipteland geslaan alles wat in die veld was, mense sowel as diere. Ook het die hael al die plante van die veld geslaan en al die bome van die veld verbreek. 

26 Net in die land Gosen, waar die kinders van Israel was, was daar geen hael nie. 

27 Toe het Farao Moses en Aäron laat roep en vir hulle gesê: Ek het dié keer sonde gedoen. YAHUVEH is reg, maar ek en my volk het ongelyk. 

28 Bid tot YAHUVEH, want daar is oorgenoeg donder van ELOHIM en hael gewees; dan sal ek julle laat trek, en julle hoef nie langer te bly nie. 

29 Toe sê Moses vir hom: So gou as ek die stad uitgaan, sal ek my hande tot YAHUVEH uitbrei: die donder sal ophou en die hael sal nie meer wees nie; sodat u kan weet dat die aarde aan YAHUVEH behoort. 

30 Maar wat u en u dienaars betref—ek weet dat julle nog nie ontsag het vir YAHUVEH ELOHIM nie. 

31 En die vlas en die gars was weggeslaan, want die gars was in die aar en die vlas in die knop. 

32 Maar die koring en die spelt was nie weggeslaan nie, want hulle is later. 

33 So het Moses dan uit die stad gegaan van Farao af weg en sy hande tot YAHUVEH uitgebrei. En die donder en hael het opgehou, en die reën het nie meer op die aarde gegiet nie. 

34 Toe Farao sien dat die reën en die hael en die donder ophou, het hy nog verder gesondig en sy hart verhard, hy en sy dienaars. 

35 Ja, Farao se hart was verhard, sodat hy die kinders van Israel nie laat trek het nie, soos YAHUVEH deur die diens van Moses gespreek het.

Esegiël 28:25 – 29:21

*~Esegiël Hoofstuk 28~*

25 So sê die Meester YAHUVEH: As EK die huis van Israel versamel uit die volke onder wie hulle verstrooi is, en EK MY in hulle as die Heilige laat ken voor die oë van die nasies, dan sal hulle in hul land woon wat EK aan MY kneg Jakob gegee het. 

26 En hulle sal daarin veilig woon en huise bou en wingerde plant; ja, hulle sal veilig woon as EK strafgerigte voltrek teen almal wat hulle van alle kante verag; en hulle sal weet dat EK YAHUVEH hulle ELOHIM is.

*~Esegiël Hoofstuk 29~*

1 In die tiende jaar, in die tiende maand, op die twaalfde van die maand, het die woord van YAHUVEH tot my gekom en gesê: 

2 Mensekind, rig jou aangesig teen Farao, die koning van Egipte, en profeteer teen hom en teen die hele Egipte. 

3 Spreek en sê: So spreek die Meester YAHUVEH: Kyk, EK het dit teen jou, o Farao, koning van Egipte, jou groot draak wat in jou strome lê, wat sê: My stroom is myne, en ek het dit vir my gemaak. 

4 Maar EK sal hake in jou kakebene slaan en die visse van jou strome aan jou skubbe laat klewe; en EK sal jou uit jou strome optrek, saam met al die visse van jou strome wat aan jou skubbe klewe. 

5 En EK sal jou wegwerp in die woestyn, jou en al die visse van jou strome; op die oop veld sal jy val; jy sal nie bymekaargemaak of versamel word nie; aan die wilde diere van die aarde en aan die voëls van die hemel gee EK jou as voedsel. 

6 En al die inwoners van Egipte sal weet dat EK YAHUVEH is, omdat hulle vir die huis van Israel ‘n rietstok is— 

7 as Israel jou met die hand aanvat, knak jy en skeur hulle hele skouer oop; en as hulle op jou leun, dan breek jy en laat al hulle lendene wankel. 

8 Daarom, so sê die Meester YAHUVEH: Kyk, EK bring die swaard oor jou en sal mens en dier uit jou uitroei. 

9 En Egipteland sal ‘n wildernis en puinhoop word, en hulle sal weet dat EK YAHUVEH is. Omdat hy sê: Die Nyl is myne, en ek het dit gemaak— 

10 daarom, kyk, EK het dit teen jou en teen jou strome; en EK sal Egipteland ‘n volkome puinhoop maak, ‘n wildernis van Migdol af tot by Siëne, en tot by die grens van Kus. 

11 Geen mens se voet sal daar deurgaan nie, en geen dier se poot sal daar deurgaan nie, en dit sal veertig jaar lank onbewoond wees. 

12 En EK sal Egipteland ‘n wildernis maak tussen verwoeste lande in, en sy stede sal ‘n wildernis wees tussen verwoeste stede in, veertig jaar lank; en EK sal die Egiptenaars verstrooi onder die nasies en hulle versprei in die lande. 

13 Want so sê die Meester YAHUVEH: Aan die einde van veertig jaar sal EK die Egiptenaars versamel uit die volke waarheen hulle verstrooi was. 

14 En EK sal die lot van die Egiptenaars verander en hulle laat teruggaan na die land Patros, na die land van hulle oorsprong; en daar sal hulle ‘n koninkryk van geringe betekenis wees. 

15 En dit sal geringer wees as die ander koninkryke en hom nie meer bo die nasies verhef nie; en EK sal hulle klein maak, sodat hulle nie heers oor die nasies nie. 

16 En dit sal vir die huis van Israel geen voorwerp van vertroue meer wees, wat die ongeregtigheid in gedagtenis bring as Israel omdraai agter hulle aan nie; en hulle sal weet dat EK die Meester YAHUVEH is. 

17 En in die sewe en twintigste jaar, in die eerste maand, op die eerste van die maand, het die woord van YAHUVEH tot my gekom en gesê: 

18 Mensekind, Nebukadrésar, die koning van Babel, het sy leër ‘n swaar diens teen Tirus laat verrig: elke hoof het kaal geword en elke skouer is seer geskaaf. Maar hy en ook sy leër het van Tirus geen loon ontvang vir die krygsdiens wat hy daarteen verrig het nie. 

19 Daarom, so sê die Meester YAHUVEH: Kyk, EK gee Egipteland aan Nebukadrésar, die koning van Babel, en hy sal die rykdom daarvan wegdra en die buit daarvan buitmaak en die roof daarvan rowe, en dit sal die loon vir sy leër wees. 

20 As sy arbeidsloon waar hy voor gedien het, gee EK hom Egipteland, omdat hulle vir MY gewerk het, spreek die Meester YAHUVEH. 

21 In dié dag sal EK vir die huis van Israel ‘n horing laat uitspruit, en EK sal vir jou opening van die mond gee onder hulle; en hulle sal weet dat EK YAHUVEH is.

Openbaring 15:1 – 16:20

*~Openbaring Hoofstuk 15~*

1 En ek het ‘n ander teken in die hemel gesien, groot en wonderlik: sewe engele met die sewe laaste plae, want daarmee is die grimmigheid van ELOHIM voleindig. 

2 En ek het gesien iets soos ‘n see van glas, gemeng met vuur. En die oorwinnaars oor die dier en oor sy beeld en oor sy teken, oor die getal van sy naam, het ek by die see van glas sien staan, met siters van ELOHIM. 

3 En hulle het die lied gesing van Moses, die dienskneg van ELOHIM, en die lied van die Lam, en gesê: Groot en wonderlik is u werke, YAHUVEH EL SHADDAI, Almagtige; regverdig en waaragtig is u weë, o Koning van die heiliges! 

4 Wie sal U nie vrees nie, YAHUVEH, en u Naam nie verheerlik nie? Want U alleen is heilig; want al die nasies sal kom en voor U aanbid, omdat u regverdige dade openbaar geword het. 

5 En ná hierdie dinge het ek gesien, en kyk, die Tempel van die Tent van die Getuienis in die hemel is geopen. 

6 En die sewe engele met die sewe plae het uit die Tempel uitgekom, bekleed met rein, blink linne, en om die bors omgord met goue gordels. 

7 En een van die vier lewende wesens het aan die sewe engele sewe goue skale gegee, vol van die grimmigheid van ELOHIM wat leef tot in alle ewigheid. 

8 En die Tempel het vol rook geword uit die heerlikheid van ELOHIM en uit SY krag, en niemand kon ingaan in die Tempel voordat die sewe plae van die sewe engele voleindig was nie.

*~Openbaring Hoofstuk 16~*

1 En ek het ‘n groot stem uit die Tempel aan die sewe engele hoor sê: Gaan gooi die skale van die grimmigheid van ELOHIM op die aarde uit. 

2 Toe gaan die eerste een weg en gooi sy skaal op die aarde uit, en kwaai en bose swere het aan die mense gekom wat die merk van die dier gehad het en sy beeld aanbid het. 

3 En die tweede engel het sy skaal op die see uitgegooi, en dit het bloed geword soos van ‘n dooie, en al die lewende wesens in die see het gesterwe. 

4 En die derde engel het sy skaal uitgegooi op die riviere en op die waterfonteine, en dit het bloed geword. 

5 En ek het die engel van die waters hoor sê: Regverdig, YAHUVEH, is U wat is en wat was, U, die Heilige, omdat U hierdie oordeel uitgevoer het; 

6 want hulle het die bloed van heiliges en profete vergiet, en U het aan hulle bloed gegee om te drink, want hulle het dit verdien. 

7 En ek het ‘n ander een uit die altaar hoor sê: Ja, YAHUVEH EL SHADDAI, waaragtig en regverdig is u oordele. 

8 En die vierde engel het sy skaal op die son uitgegooi, en daaraan is dit gegee om die mense met vuur te skroei. 

9 En die mense is geskroei met ‘n groot hitte, en hulle het die Naam van ELOHIM gelaster wat mag het oor hierdie plae, en hulle het hul nie bekeer om HOM heerlikheid te gee nie. 

10 En die vyfde engel het sy skaal uitgegooi op die troon van die dier, en sy koninkryk is verduister, en hulle het hul tonge gekou van pyn; 

11 en hulle het die ELOHIM van die hemel gelaster oor hulle pyne en oor hulle swere, en het hulle nie bekeer van hul werke nie. 

12 En die sesde engel het sy skaal uitgegooi op die groot rivier, die Eufraat, en sy water het opgedroog, sodat die pad van die konings wat van die ooste af kom, reggemaak kon word. 

13 En ek het uit die bek van die draak en uit die bek van die dier en uit die mond van die valse profeet drie onreine geeste soos paddas sien kom. 

14 Want dit is geeste van duiwels wat tekens doen, wat uitgaan na die konings van die aarde en die hele wêreld, om hulle te versamel vir die oorlog van daardie groot dag van die Almagtige YAHUVEH. 

15 Kyk, EK kom soos ‘n dief. Salig is hy wat waak en sy klere bewaar, sodat hy nie miskien naak rondloop en hulle sy skaamte sien nie. 

16 En hulle het hul versamel op die plek wat in Hebreeus genoem word Armagéddon. 

17 En die sewende engel het sy skaal uitgegooi in die lug, en ‘n groot stem het uit die Tempel van die hemel gekom, van die troon af, wat gesê het: Dit is verby! 

18 En daar het stemme gekom en donderslae en bliksemstrale, en daar het ‘n groot aardbewing gekom soos daar nog nie gewees het vandat die mense op die aarde was nie so ‘n geweldige groot aardbewing. 

19 En die groot stad is in drie dele verdeel, en die stede van die nasies het geval. En die groot Babilon is in gedagtenis gebring voor ELOHIM, om haar te gee die beker met die wyn van die grimmigheid van SY toorn. 

20 En alle eilande het gevlug, en berge is daar nie gevind nie; 

AmightyWind Profesieë

Van Profesie 105 af, het YAHUVEH gesê hierdie moet van nou af op al die Profesieë geplaas word: Elisabeth (Elisheva) EK het jou lank gelede gewaarsku om nie hierdie Bediening na ‘n man of ‘n vrou te vernoem nie, selfs nog voordat daar ‘n Bediening was. EK het dit in jou gees geplaas want niks hiervan was deur jou eie toedoen nie, niks hiervan het uit jou mond voortgekom nie. Dit is uit die Mond van YAHUVEH geboorte gegee. Dit is uit die Mond van YAHUSHUA jou MASHIACH geboorte gegee. Dit is uit die Mond van die RUACH ha KODESH jou IMMAYAH geboorte gegee. As dit net deur jou hand was sou dit lankal misluk het. Dit is deur die SHKHINYAH GLORIE se Wind wat oor hierdie aarde waai, die Heilige Wind van Herlewing, dit is nie deur jou asem nie, anders sou dit misluk het.

“EK is YAHVEH, dit is MY NAAM; en MY EER sal EK aan geen ander gee, of ook MY LOF aan die gesnede beelde nie”. Jes. 42:8

5 Januarie 2019

Torah Gedeelte: YAH Verlos Israel se Verlede, Hede en Toekoms

PROFESIE 22

GELIEFDES, MOENIE SELF JULLE GROOTSTE VYAND WORD NIE!

Elisabeth (Elisheva) Almal van ons is sondaars wat gered is deur genade en goedertierenheid en as dit nie so was nie, hoekom sou ons 'n Verlosser nodig hê? Dit is die aanklaer van die mens wat julle aankla en hierdie skuldgevoel op julle plaas. Ek hoor die Here sê vir julle;

MY Seuns en Dogters julle het self jul grootste vyand geword. Dit is nie julle taak om julleself te oordeel nie, maar julle Hemelse Vader se taak. Hou op om vir MY te vertel wat EK vergewe het en wat EK nie kan vergewe nie. Toon berou oor die verlede. Daardie sondes is in die diepste see van vergetelheid gegooi. MY Bloed het daardie sondes lankal weggewas. Dit is so ver weg soos die ooste van die weste is.

Wat julle onlangse gedagtes en ongeregtighede aan betref, die grootste was die slae wat julle iemand gegee het vir wie EK meer liefgehad het as wat julle ooit kon droom of verstaan. Iemand vir wie EK my Bloed Gestort het en vir wie EK MY Lewe gegee het en sou gegee het, al was daardie iemand jy alleen. Iemand vir wie EK onherkenbaar gemartel was. Daardie iemand is jy. Hou nou op om vir MY te probeer vertel dat EK 'n fout gemaak het toe EK jou gekies het. Is jy besig om MY MY besigheid te vertel? Is jy besig om vir MY te vertel dat EK gemors maak?

Is jy besig om vir MY te vertel dat jy meer weet as ALMAGTIGE GOD, jou Heer en Verlosser? Is jy besig om vir MY te vertel dat EK foute maak? Is jy besig om vir MY te vertel dat die Bloed wat EK gestort het nie genoeg is om jou volkome skoon te was nie? Hoekom sal jy jou eie lewe wil neem as dit nie joune is om te neem nie? Hoe kan jy dit selfs oorweeg om MY te beroof van die vreugde om te bewys dat dit nie die trotses is vir wie EK uitgekies het om namens MY met hierdie wêreld te praat nie, dit is die nederiges. Dit is hulle wat onwaardig voel wat maak dat hulle waardig is wetende dat dit so is. Julle weet dit; EK herinner julle slegs aan wat julle weet. EK kies nie hulle wie vol van hul eie krag is nie, maar die swakstes want dan kan die swakstes alleenlik sterk gemaak word deur YAHUSHUA ha MASHIACH. Julle kan enige iets in YAHUSHUA se NAAM doen. EK het nie 'n fout gemaak toe EK julle gekies het om in MY NAAM te praat nie, EK is die ALMAGTIGE GOD en EK maak nie foute nie.

Hoe lank moet EK dit nog vir julle sê? Wanneer sal julle na MY luister? EK het julle gekies en EK het geweet van watter stoffasie julle gemaak is en ja, deur watter ongeregtighede julle versoek sou word, selfs voordat julle gebore was. EK het geweet met watter demone julle sou worstel selfs voordat satan hulle gestuur het. EK weet ook dat MY genade genoeg is in alle dinge. EK weet ook, soos Paulus gesê het, "MY seun, hoe harder jy probeer om MY te behaag, hoe meer stuur satan sy demone om aan te val." Maar wees op julle hoede teen hierdie aanvalle. Moenie julle self in 'n posisie plaas om voor hierdie aanvalle te swig nie. Gebruik die wysheid van die HERE wat EK vir julle gegee het. Julle weet waarvan EK praat, indien nie, vra vir MY, want hierdie Profeet wat met julle praat, het al hierdie dinge op verskillende maniere beleef. Al MY Ware Profete, self in Bybelse tye, het onwaardig gevoel. As julle nie het nie, sou EK julle onbruikbaar geag het as julle gedink het dat julle genoegsaam sonder MY is.

Hoor MY, MY Geliefde Seuns en Dogters. Hou op om dit waaraan EK lewe gegee het, te probeer doodmaak en lewe meer oorvloedig. Hou op om die gees van kranksinnigheid te ontvang. Hulle wie julle as kranksinnig veroordeel, verstaan nie wat EK gespreek en aan julle gewys het nie. EK het julle vir MY doel gekies. Dit is nie 'n toutrekkery nie. EK SAL OORWIN en julle sal verloor as julle aanhou om dit wat julle weet waar is, te betwyfel. Julle is gewaarsku omdat EK JULLE LIEFHET! EK het julle geroep en daar is hulle wat dink julle is kranksinnig om te glo dat EK met julle praat en vir julle dinge wys wat ander nie kan sien nie. Die enigste kranksinnige ding omtrent julle, is om te glo dat EK julle straf vir sondes wat lankal vergewe en vergete is. Dit is net julle en satan wat nog daar gaan visvang, nie julle Verlosser nie. Hou op om klere te probeer was wat alreeds skoon is. Dink julle nie MY Bloed is voldoende nie? Julle verkondig dit, GLO DIT nou!

EK het baie meer dinge om vir julle te sê en EK sal, maar verteer nou eers dit wat EK gesê het, want dit is die waarheid. EK het vir julle MY wapenrusting gegee om staande te bly, MY Woord om staande te bly, MY Bloed om te reinig en MY NAAM en Bloed om te genees en om die demone weg te jaag wat julle verstand en liggaam en Gees pynig. Nou vrees satan hierdie krag want EK het vir julle die salwing gegee om te bid. Hoekom glo julle nie wat julle bid nie? Dink julle EK is doof? Dink julle MY arms is te kort om julle te verlos? Dink julle MY Bloed, NAAM, Woord en wapenrusting is NIE genoegsaam nie? Julle, MY liefste geliefdes, het MY kwaad gemaak deur nie te glo wat EK gespreek het nie.

Julle ken nou hierdie as die waarheid, so hou vas en hou op om die golwe op die ontstuimige see van julle lewens dop te hou, want dit is hoekom julle somtyds in depressie en sondige gedagtes verdrink. Instede daarvan, hou julle oë op MY gerig, julle Here en Verlosser YAHUSHUA ha MASHIACH en kom ons loop saam op die water. Julle is slim genoeg om te weet EK bedoel dit nie fisies nie, maar geestelik. Kom neem MY hand en glo en moenie twyfel nie. Laat julle verlede vir eens en vir altyd agter julle. Slaan julle hand aan die ploeg en arbei in MY oesland en moenie terugkyk nie. 'n Laaste ding, julle soek sekerheid by sommige wie julle opgesoek het en hoe kan hulle julle help?

Om die splinter uit julle oog te verwyder moet hulle eers die balk uit hul eie lewens verwyder. In hierdie wêreld sal julle verdrukking hê. JA, maar EK het hierdie wêreld oorwin. GLO DIT NOU! Soos wat EK hierdie woorde met MY Diensmaagd Sherrie Elijah [Elisheva Sherrie Eliyahu] gespreek het, so sê EK nou weer vir julle,verkondig dit, leer dit en glo dit. Moet EK meer sê? Hou op om julle self te omring met JOB-troosters, want net soos JOB, het hulle hom nie gehelp nie maar hom net verhinder en gemaak dat hy veg vir die geloof waarin hy geglo het en gemaak het dat hy sy GOD verdedig het. Dit gebeur nou met julle ook. EK gee nog een waarskuwing, neem dit letterlik op, as julle deur jul eie hand sterf, sal julle voor 'n woedende JEHOVAH (YAHUVEH) verskyn. So, hou op om dit wat EK geseën het, te probeer doodmaak en te vernietig. Julle is gewaarsku; hou op om self jul eie grootste vyand te wees.

Want julle was besig om satan se werk te doen en hy sit agteroor en lag. Nou is dit julle beurt om weer vir satan te lag. Nie in julle krag nie, nie in julle mag nie, nie in julle salwing of naam nie, maar in die NAAM bo alle NAME, YAHUSHUA ha MASHIACH van Golgota en Nasaret en die ALMAGTIG GOD YAHUVEH, wie se voetsool die aarde is. Julle is MY Geliefde Kinders vir wie EK bewaar, beide as Seuns en Dogters, Krygers en Bruid. EK kom weer. Sal julle dit weereens glo? Sal julle glo dat EK 'n beloner is vir dié wie hulle alles vir MY gegee het? EK het MY belonings met julle name daarop, by MY. Verkies julle regtig dat EK dit aan iemand anders moet gee? EK het julle uitverkies, maar die tyd is so kort, daar is nie meer tyd vir selfbejammering nie. Wees jammer vir hulle wat nie gereed is vir MY koms nie.

Wees jammer vir hulle wat nie glo dat EK vir hulle sal voorsien in die Groot Verdrukking en hulle sal red van die groot toorn wat kom nie. Wees jammer vir hulle wat dink hulle is gered as gevolg van 'n godsdiens en nie 'n verhouding met MY nie. Selfbejammering is een van julle grootste vyande; bestraf dit vandag in MY NAAM. Gaan terug om MY Skape te voed soos wat EK julle beveel het om te doen. Julle het MY Stem op hierdie dag gehoor, gee nou aandag daaraan. Gespreek op hierdie dag deur 'n ander Profeet, Sherrie Elijah [Elisheva Sherrie Eliyahu], wie self al hierdie dinge beleef het. Maar sy weet dat geloof 'n feit is nie 'n gevoel nie. Almal van julle, raak besig en voed MY Skape en BEREI MY BRUID VOOR! Help haar om sonder vlek of rimpel te wees deur dit te proklameer wat satan laat sidder met vrees. 

Want die waarheid is YAHUSHUA ha MASHIACH se NAAM IS OORWINNING en EK kom weer om dit te bewys! SKREE DIT VANAF DIE INTERNET; SKREE DIT VANAF DIE HUISE SE DAKKE! Proklameer dit in die strate en kerke, radio en televisie : YAHUSHUA HA MASHIACH IS OPPAD! Gabriël het sy TROMPET GEBLAAS! Die klankgolwe is geblokkeer deur die verwoestende geveg wat nou in die Hemele aan die gang is. Mìgael en satan en die engeleskare veg, goed teen kwaad, maar goed seëvier altyd. Daar is hulle wie die ramshoring gehoor het en daar is hulle wat dit nie gehoor het nie.

Maar EK vertel vir julle dat EK die waarskuwing gegee het aan hulle wie die trompet gehoor het, alhoewel Gabriël se trompet tot dusver slegs deur 'n paar gehoor was, dit was net om MY Bruid voor te berei vir haar BRUIDEGOM WAT KOM! Moenie bekommerd wees omdat julle nog nie die ramshoring van Gabriël gehoor het nie, want dit is net vir 'n bepaalde tyd. Selfs die klankgolwe kan slegs vir 'n bepaalde tyd geblokkeer word. Is EK nie die een wat weet hoe ver die Hemel van die Aarde af is nie? EK het selfs die berekeninge hieromtrent bepaal. Julle moet dit wat EK beveel het, en dit waarvoor EK julle geroep het om te doen, vinnig doen.

Gespreek onder die Salwing van die RUACH HA KODESH

Deur Apostel Profeet Elisheva Eliyahu 08/07/1998

Torah Gedeelte: Wat YAH Spreek as ‘n Woord, Sal Gedoen Word

PROFESIE 121

Is YAHUSHUA net julle Redder of Is HY HERE GOD ALMAGTIG van Julle Lewens?

MY geliefde dogter vanaand het jy MY behaag deur jou vlees neer te lê en te sê: “Nie my wil nie maar U wil geskied, YAHUSHUA. Ek sal nie my eie pad loop nie, maar ek is vasbeslote om U pad te loop YAHUSHUA.” MY geliefde, jy behaag MY. Want dit is waar, niemand kan jou liefhê soos EK jou liefhet nie, maar hierdie feit moet jy nie betwyfel nie, dat EK MY liefde vir jou in ander sit. En hoeveel meer sal EK kan doen deur jou eie sielsgenoot as julle altwee MY sal toelaat om MY liefde te laat manifesteer deur julle. Enige iets wat satan so hard beveg MY geliefdes, verstaan julle nie hoe groot dit is, dat dit MY wil is, dat dit gedoen moet word. Want hy veg net teen MY planne. Hy probeer dit verdeel, wat EK gesê het, EK saamgevoeg wil hê, maar EK sal nie enige een van julle twee se wil teëgaan nie. Maar ook gaan EK dit nie langer toelaat om die heiligdom te verdeel nie, luister vir jul geestelike moeder. Want verenig sal jul staan maar verdeeld sal julle val - so bly verenig, julle het mekaar nodig. Julle weet nie wat hierdie jaar gaan gebeur nie.

Maar MY geliefde dogter dit is EK wat dié woorde in jou mond sit: ”Ek bly in die ark want dis hier waar ek veilig is.” Dit beteken geensins dat storms nie teen jou deur gaan hammer nie, en jou probeer verdrink nie, maar wat dit wel beteken is dit: EK IS in die ark saam met jou. En EK sal nie die storms toelaat om jou te verdrink nie.

satan is bevrees wanneer een van julle bid, hoeveel te meer wanneer almal wat EK daar bymekaar gemaak het, saam bid, want elke een is gesalf. Maar nog steeds moet EK sê: niemand met die gees van rebellie kan bly nie. Want rebellie is soos ‘n vorm van heksery en indien enige iemand sou sê: ”Ek dring aan om dit te doen soos ek wil” dan sal EK hulle moet wegstuur want dit is soos melaatsheid. So, MY geliefde dogter, jy het geveg teen die gees van rebellie. Almal van julle veg teen die gees van rebellie, en weet dat alleenlik deur MY NAAM en MY BLOED kan julle die geveg wen teen die gees van rebellie. Want satan is die eerste een wat gerebelleer het; lucifer het gesê hy sal dit op sy manier doen. Nou probeer hy hulle , wie MY kinders is, korrup met die vuil stank van die gees van rebellie. Saam met die spesifieke gees kan ‘n legioen demone kom om te pynig, besit te neem en te onderdruk.

Moenie die gees van rebellie toelaat om binne te kom nie. Wanneer jy dit opmerk, dryf dit uit! Lag in die duiwel se gesig. Julle sal sien! Julle sal sien! Julle sal sien! En dit geld vir al die YDS. EK spreek hierdie Woord uit: Lag in die duiwel se gesig!

“Toets elke gees wat praat” beteken: hou elke gedagte gevange! Is dit EK YAHUSHUA, wat hierdie woorde sou voortspreek? Is dit EK YAHUSHUA wat julle hierdie gedagtes sou gee? Julle sal sien my skatte, hoeveel keer julle sal moet erken dat dit of jul vlees was of satan. Maar in beide geval, as EK dit nie sou spreek nie, moet jul dit nie ontvang nie. O, hoe lief het EK julle. EK het julle al so baie gegee, en EK het so baie meer om te gee as julle MY net sal vertrou.

Seun, lê neer jou trots. Wees gewillig om die doringdrade af te sny van jou hart af. Want dit is MY begeerte om julle twee bymekaar te bring om hand aan hand saam te bedien. Dit is MY begeerte om al hierdie paartjies te gebruik om ander pare te bedien. Almal van julle was voortgebring deur MY eie Hand. Almal van julle het gely vir MY Naams ontwil. Almal van julle het saam geveg, saam gelag, saam gehuil. EK het so baie belê. Daar was nie een ongeluk wat na daardie heiligdom toe gekom het nie.

Van vanaand af, as elkeen sal gehoorsaam: Sal EK , YAHUSHUA, siele daarheen trek.

MY liefling dogter, geen liefde kan so bevredig soos MYNE nie, maar laat MY toe om jou lief te hê deur ander. Moet nooit dink dat waneer twee sielsgenote bymekaar kom dat dit perfeksie op aarde is nie. Want daar is geen perfeksie op aarde in ‘n verhouding nie, mits dit EK is wat voortspreek - EK wat toegelaat word om te manifesteer, mits dit MY liefde is wat voort-kom, gekombineer met julle liefde. Deur julle self sal julle woorde spreek van haat. Deur julself sal julle woorde [spreek] van pyn. Deur julle self is julle selfsugtig.

Lê neer jul eie begeertes en kyk na die ander deur MY oë. EK sal geen minagting teen die Bruid duld nie! Moenie mekaar minag nie want julle betaal so 'n groot prys om aan MY te behoort. Almal van julle het dieselfde begeerte om MY Bruid te wees, om 'n getuienis soos Enoch te hê sodat EK julle kan trek tot aan MY sy!

Vergewe soos EK julle vergewe. Neem ‘n uitveër. Moenie die ander se sonde in ink skryf nie. Laat dit in potlood wees. Vee dit nou uit. Sien jouself, hoe jy dit uitvee, asof dit nooit bestaan het nie. Is dit nie dieselfde nie - hoedat EK jou sonde uitwis met MY gestorte BLOED, so ver soos die ooste verwyder is van die weste? Sê EK vir julle: “Onthou, op so en so dag, op hierdie tyd en hierdie uur, het jy teen MY gesondig?

EK het geen rekord as jy eers gesê het: “Vergewe my” en jy bedoel dit en het berou en draai weg van daardie boosheid. Hou op om kinders te wees en te sê: “ek soek my eie wil” Het EK dit so gedoen? Het EK nie die voorbeeld gestel nie, selfs na die kruis gegaan? Het EK nie gesê nie: “O, VADER laat U wil geskied, maar as dit nogtans moonlik is…”[ O, my VADER as dit moonlik is , laat hierdie beker by MY verbygaan: maar nogtans, laat nie MY wil nie maar U wil geskied. Mat. 26:39] En hierdie beker kan nie by MY verbygaan nie, EK wil hê dat U wil geskied en nie MYNE nie.” Hierdie is ‘n geheim om as deel van die Bruid genoem te word!

Niemand is MY Bruid indien hulle nie hierdie gedeelte regkry nie. As hulle nie hul vlees kan neerlê nie, hoe kan hulle dan in die Gees wandel? Hoe kan hulle die Kosbare HEILIGE GEES hoor wat in hul woon? As jy jou ore toe hou en jou oë toe hou en jy sê: “Ek wil nie hoor wat U vir my sê nie, en ek wil nie sien wat U my wys nie. Ek wil nie sê wat U wil hê ek moet sê nie, ek wil nie gaan waarheen U wil hê ek moet gaan nie. Ek wil nie doen wat U my beveel om te doen nie”… GAAN DAN WEG VAN MY jy is NIE MY Bruid NIE! So, daarsy! EK het dit gesê! Op hoeveel maniere moet EK sê: “Gaan weg van MY jou sogenaamde ongehoorsame bruid!”? Die wêreld wil dit nie hoor nie! Die ge-organiseerde kerke wil dit nie hoor nie!

EK IS nie net daardie ge-offerde LAM nie. EK IS nie net die liefde van jou lewe nie . EK moet gevrees word ook! Jy wil nooit die woede van die LAM smaak nie (Openbaring 6:16). Ek het jou lief genoeg om te waarsku! Die koms van die dae van verdoeming is naby. Jy sal nie wil agterbly nie. Niemand kan vergelyk met MY liefde wat ek vir jou het nie, en MY liefde is die VADER se liefde, en MY liefde is die RUACH HA KODESH (HEILIGE GEES) se liefde. ONS is ALMAL gekombineer. Niemand kan vergelyk met ONS liefde vir jou nie. Maar moenie mislei word nie. Want niemand kan ook met ONS woede vergelyk word nie. Hulle wil dit nie preek nie , daarom het EK hierdie bediening tot stand gebring om dit te spreek. EK plaas in elke een van MY Bruid 'n vrees - om (MY) nie aanstoot te gee nie. Wanneer hulle berou het, is dit met trane. Hulle sê: “YAHUSHUA ek wil U nie seermaak nie.”

Die vyande sê: “Jy kan genade nie weg sondig nie”. Die vyande lieg. Hulle toets MY weer en weer, keer op keer. Hulle sê: “want ons kan nou enige iets doen , net wat ons wil! Dit gaan alles oor wat aan die kruis gebeur het. Jy mag my nie oordeel nie. Jy mag nie vir my sê my siel is verlore nie!“ en hulle ken MY nie eers nie. Dis die letter wat doodmaak en die gees wat lewe gee. Hulle het nie eers die Gees nie. Die HEILIGE GEES is nie in hulle nie. Hulle het die Woord gelees. Hulle het dit gememoriseer. Hulle probeer aanspraak maak op MY as hul REDDER maar hul sê: “Gaan weg as HERE” ! Hulle sê: “Ek wil geen meester oor my hê nie, hierdie is my lewe en ek gaan dit leef soos ek wil!” O, maar ek het U lief Jesus. O, ek prys U! Johannes 3:16! Sien daar word dit gesê al wat ek hoef te doen is net glo. Ek hoef nie gehoorsaam te wees nie! AmightyWind Ministry (Bediening) gaan weg ! Ek kan sondig soveel ek wil , wie is jy om te sê? Dit gaan nie oor wat ek doen nie - dit gaan oor wat Jesus gedoen het. Niemand kan regverdig wees nie, sien, dit staan hier. 'Almal het gesondig en dit ontbreek hulle aan die geregtigheid van GOD.' (Rom. 3:23) “

Maar dit sê EK vir julle, die gebed van 'n regverdige vermag baie (Jakobus 5: 16) want julle is geregverdig deur MY want julle is soos 'n David en wanneer julle onwetend teen MY sondig, [en julle besef dat jul sondig] is julle vinnig om te berou. Julle is nie bang om te berou nie. Julle weet, dat EK sê, jy bewys dat jy MY liefhet deur gehoorsaamheid aan MY. (Johannes14:15) Ek sê dit vir julle, niemand anders wil dit preek nie, so daarom spreek EK dit deur hierdie erdekruik. EK kan nie net ‘n REDDER wees nie, EK moet jou HERE GOD ALMAGTIG wees. Dit is alles saam as een. Dit is waarom hierdie bediening heilig is. Dis nie net gestuur na die laaste-kansers nie . Dit is nie net gebruik as ‘n Smelters-oond nie. Dit word gestuur na hulle wat geroep word om MY Bruid te wees. Selfs hierdie nag het jul 'n Woord sien voortkom. Elisabeth [Elisheva] kon nie, in haar eie tyd, jou skakel nie want hierdie Woord was nog nie daar nie. EK het nodig gehad om haar 'n droom te gee. EK het nodig gehad om hierdie woorde te spreek hierdie nag.

My geliefde dogter dit was nodig dat jy dit ontvang. Dit was nodig dat jy jou vlees neerlê en sê: ‘Ek sal dit doen soos YAHUSHUA dit wil hê” en jy het en jy het die woorde gesê en as gevolg van jou, MY liefling dogter, het hierdie Woord voortgekom. Maar EK het geweet dit sal. Hierdie (afgelope) naweek was nie die tyd nie. Dit was nie die tyd vir hierdie Woord om geboorte te gee nie daarom het EK toegelaat dat die foon verbindings af was. Andersins, Elisabeth [Elisheva], jy was in sulke desperaatheid. Jy wou dit net alles afhandel terwyl jy die ergste verwag het. Wanneer het jý ‘n gedagte gevange geneem, vir jou om te dink die ergste sal gebeur? Want die ergste het nie gebeur nie maar die beste het gebeur! En jy het gebind met jou dogter deur trane, en doringdraad was gesny, en sy het die begeerte na haar sielsgenoot want EK het dit daar geplaas. Omdat EK vir haar, haar sielsgenoot gegee het. Daar is geen ander.

Nou sal EK jou lippe salf om tot die ander helfte uit te spreek. Onthou MY skat, MY juweel, soos geen ander, want almal van julle glinster teen verskillende grade. Almal van julle, almal van julle glinster. Party van julle moet gepoleer word, en die manier waarop EK poleer, is met trane, trane, trane en pyn en smart. Want kyk na 'n klont steenkool, hoe hard dit gedruk moet word voordat dit in 'n diamant verander. Almal van julle, almal van julle, almal van julle was so hard onder druk geplaas maar dit was nie te vergeefs gedoen nie. Al hierdie het voort gekom omdat EK vanaand 3 gehad het wat gehoorsaam was. Elisabeth [Elisheva] jy het MY stem gehoor terwyl jy geslaap het. Kathrynyah jy was daar vir Elisabeth [Elisheva] om te help om die salwing te vermeerder, en geliefde dogter, EK gaan nie jou naam sê nie , maar jy weet wie jy is, jy moes ontvang. Jy moes jou hart oopmaak. Jy het nodig gehad om te begeer om die woorde te hoor wat EK te sê gehad het. Jy moes voorberei word. EK het jou lief.

EK het elkeen van julle lief. Die van julle wat YAHUSHUA se “Demon Stompers” is, julle beteken so baie vir MY! Julle is vernoem na MY! EK het vir julle jul eie temalied gegee! [I’m Going To The Enemy's Camp] want julle gaan na die vyande se kamp en neem alles terug wat die duiwel gesteel het, en vanaand dogter vat jy alles terug wat die duiwel gesteel het want satan is ONDER JOU VOETE! En die vyande is verslaan! Moenie gaan op dit wat jou oë aanskou nie! Jy het geen idee wat EK aan die vyande se kamp gedoen het nie!

Julle is so spesiaal, diegene wat bly in YAHUSHUA se “Demon Stompers” asook hulle wat nog moet kom. Julle is so spesiaal dat EK MY Heilige Engele gestuur het om die geboorte aan te kondig van hierdie spesiale uitspruitsel van Bediening en die vyande tart en spot en hulle sê: “Niemand kan Heilig wees nie”. Hulle oordeel julle volgens wat húlle is omdat daar geen Heiligheid in hulle is nie. Hulle begeer nie Heiligheid nie. Hulle verlang nie om MY Stem te hoor nie. Hulle druk hul ore toe wanneer hul dit hoor en hul noem hierdie Profeet allerhande bose name, so ook enige iemand anders wat die Woorde wat EK sê, herhaal.

Maar nie julle nie MY geliefdes, nie MY ware Bruid nie, julle ken MY woorde. Julle herken dit. En EK het julle lief. En groot, groot, groot, groot, groot is julle belonings in die Hemel. Al wat julle moet doen is om te oorwin. Wees oorwinnaars en neem elke gedagte gevange. En wanneer jy 'n gedagte hoor wat jy weet is nie van MY af nie, met 'n stem wat nie van MY af is nie, vat dit asof jy dit met jou hande gryp en, in die naam van YAHUSHUA, bestraf dit. Daardie leuenagtige misleidende gees! En bestraf satan en sien jouself met daardie gedagte, wat nou verander het in die demoon wat die gedagte gestuur het, en sny die ding se hande af! Sny dit af met MY tweesnydende swaard! En gooi dit weg en werp dit en sê: “Ek sal geen leuens van jou aanvaar nie satan!” Want die planne wat EK vir jou het is ten goede en nie ten kwade nie. Almal wat MY stem kan hoor; dit geld vir die gaste ook.

Roep MY aan. Vertrou MY! Moenie vertrou op jou eie insig nie maar erken MY in al jou weë en EK sal jou paaie rig. Vertrou MY! Hou op om dit op jou manier te doen en doen dit op MY manier, jou HERE, jou REDDER, jou MEESTER, jou REGEERDER. EK gaan nie een verloor nie! EK ken elkeen wie se naam geskryf staan in die LAM se BOEK van LEWE voor die grondlegging van die aarde, en EK sal nie een naam verloor nie.

So wanneer vyande kom en vyande gaan. Judasse kom en Judasse gaan. Wanneer julle alles doen wat julle kan, jy stamp jou kop teen die muur maar jy kry daardie persoon net nie so ver om op sy knieë voor MY te val nie, en te erken, dat EK nie net veronderstel is om hul REDDER te wees nie - EK is veronderstel om hul MEESTER te wees - EK IS GOD ALMAGTIG, YAHUVEH se Eniggebore SEUN en julle behoort MY voetspore te volg, nie jul eie nie. As jul in jul eie voetspore volg sal dit jou reguit hel toe lei, dis waarom EK na hierdie wêreld toe gekom het, om vir julle voetspore te gee om te volg.

So, hierdie is die Woorde wat EK te sê het,'n onverwagte geskenk aan MY kosbare YDS. Want julle behaag MY. Julle behaag MY. Julle behaag MY. Julle werk so hard in hierdie saai-land. Die werkers is so min maar julle murmereer nie. Elisabeth [Elisheva] sal sê:” Dit moet gedoen word en dat moet gedoen word” en nie een van julle kla nie. Julle slaan jul hand aan die ploeg en dit maak nie saak wat na jul kant toe kom nie, julle is oorwinnaars! Alleenlik oorwinnaars is YAHUSHUA se Demon Stompers. Onthou dit. Die wat misluk kon nie die maatstaf handhaaf nie.

So EK laat julle met hierdie Woorde om vir jul ‘n seën te wees. EK het julle lief. Dit sal nie lank wees voor EK julle sien nie. Hou net styf vas aan die soom van MY kleed. Moenie los nie! Dit maak nie saak wat jy sien in hierdie wêreld nie, moenie los nie. Hou net styf vas. Moenie dat die gees van godsdiens steel wat EK julle gegee het nie. Moenie dat die gees van twyfel, bekommernis, vrees, of paniek steel wat EK julle gegee het nie.

Geen godsdiens gaan jou red nie! Geen! Geen! Geen! Alleenlik 'n liefdevolle gehoorsame verhouding met MY, YAHUSHUA ha MASHIACH sal jou siel red.

Dankie dogter. Dankie dat jy die salwing aangeroer het in hierdie 'Ringmaiden' (Diensmaagd) van MY. Ek weet Elisabeth[Elisheva] dat jy selfs gehuiwer het om daardie woorde te sê want die woorde was besmet met leuens van satan, maar jy is MY 'Ringmaiden' (Diensmaagd) en die Woorde en die Profesieë lui/word gehoor, reg rond-om die wêreld. En satan jy weet dit. Jy kan dit nie stop nie want EK het dit besluit. En meer tale sal voortkom. MY dogter vanaand het EK jou Gesalf op 'n nuwe manier. EK salf jou nou met 'n nuwe hart en die doringdraad is weggesny. Moenie dat dit ooit weer groei nie. Moenie terug kyk nie, kyk vorentoe en soos jy aanhou om jou wil neer te lê, soos jy aanhou om elke gedagte gevange te hou, hou ook elke begeerte gevange! Sien as dit van MY af kom sal jy groei in die Salwing van die RUACH HA KODESH en dit geld vir almal wat nou na hierdie Woord luister.

Gespreek onder die Salwing van die RUACH HA KODESH

Deur Apostel Profeet Elisheva Eliyahu 05/10/2011

Torah Gedeelte: Farao Bly vol van Trotsheid Ten Spyte van Wonderwerke en Wonders

Profesie 33

DIE GRUWEL, DIE GRUWEL, DIE GRUWEL SOOS DIT IN DIE TYD VAN HITLER WAS, SO SAL DIT WEER WEES!

Waar julle ookal gaan sal EK julle veilig bewaar. Wat ookal gaan gebeur weet dat EK by julle is, en EK sal julle veilig bewaar. Sal 'n Bruidegom toelaat dat SY Bruid enige skade ly? Julle is MY Bruid, EK is julle Bruidegom. Ja, EK kom binnekort maar totdat julle MY sien, moenie dink EK sal nie MY Bruid beskerm en bewaar nie. Sê MY Woord nie : "Al val daar 1,000 aan jou sy en al omring die dood julle, EK sal julle beskerm” (Psalm 91:7)? Onthou julle toe die Israeliete en die Egiptenare omring was deur donkerte en lig? Onthou julle toe die Egiptenare die plae ondervind het en die Israliete nie? Hulle het langs mekaar gewoon, nie waar nie? Nogtans was die Israeliete beskerm. So was dit eens en so sal dit weer wees.

GROOT EUWEL, GROOT EUWEL, GROOT EUWEL kom vir hulle wat MY wette teruggegooi het in MY gesig, op MY Tora gespoeg het en die Heilige Woord besmet en in stukke geskeur het. 

GROOT EUWEL, GROOT EUWEL, GROOT EUWEL, GROOT EUWEL, GROOT EUWEL, GROOT EUWEL, sal kom op hulle wie die woord van YAHUVEH bespot het, wat die woord stukkend getrap het en gesê het dit is gemors. 

GROOT EUWEL, GROOT EUWEL, GROOT EUWEL! Julle sê EK is 'n GOD van genade en liefde en wanneer EK praat, of mense bestraf of in 'n skerp bewoording deur MY Profete praat, sê julle : "Dit is nie my liefdevolle en genadige Vader nie". Sê EK nie "EK tugtig die wie EK liefhet" nie? Watter ouer dissiplineer hulle kind sonder om hulle stem te verhef? DWASE, DWASE DWASE mense. EK sal julle klap, EK sal julle links en regs tref, EK sal julle skud. Maar uit MY liefde en genade en ter wille van julle siele, sal EK satan toelaat om die vlees dood te maak. Roep MY aan wanneer die tyd daar is en EK sal julle siele red. 

GROOT EUWEL, GROOT EUWEL, GROOT EUWEL, GROOT EUWEL, GROOT EUWEL, GROOT EUWEL, soos wat hierdie wêreld nog nooit gesien het nie. Maar luister, EK gee nie hierdie woorde vir MY Bruid, Babas en Uitverkorenes dat hulle bevrees moet wees nie. Dit is nie vir hulle wie MY stem hoor en MY vrees nie.

Om die Here te vrees is wysheid. Om rein te probeer wees, is wysheid. Om Heilig te lewe en onheiligheid te vermy is wysheid. Vat die Woord van GOD en hou dit voor die heiden se gesig en sê : "So sê die Here", Kyk en sien, jou buurman se huis sal platgevee word; plae, siektes, dood, verwoesting en armoede sal kom en kyk hoe beskerm EK die wat MYNE is. EK beskerm hulle wie MY Pasga ("Passover") ingegaan het, Hulle wie MYNE is, wie MY Passover ingegaan het, vir julle sal die EUWEL van MY komende Oordeel oorslaan ("passover"). 

Daar kom groot verwoesting. Die aarde sal in vrees skud en bewe. Kan die son MY glans oorskadu as EK nader aan die aarde kom? Die lawa sal stroom, dit sal nie die woede van YAHUWEH langer kan dra nie. Ag maar julle sal MY engele sien as hulle diegene omkring wie MY liefhet, julle hoef nie te vrees nie. Julle wie MY stem hoor hoef nie te vrees nie, julle sal weet wanneer dit tyd is om te gaan. Het EK nie die Rooisee gekloof nie? EK het dit toe gedoen, so EK sal dit weer doen. Net soos die bose farao en sy troepe MY Kinders uit Israel gejaag het, net omdat hulle vry wou wees en Heilig wou lewe en MY wou aanbid.

MY Kinders is dié wie EK beskerm het. Hulle vyande was vernietig. EK het dit toe gedoen en EK sal dit weer doen. Die Israeliete was ongehoorsaam en was deur my tugtiging teruggehou om die Beloofde Land in te gaan. Aanskou die verwoesting wat gaan kom vir die hoer van Babilon. Onthou vir Hitler, soos wat EK aan MY Profete gesê het, leer van Hitler en julle sal sien wat in die verlede was sal in die toekoms ook wees. 

AG, AG, AG!!! Riviere van Bloed sal vloei! Julle sogenaamde christene met julle monde vol goud. Dit is goud uit die Hel gestuur. Goud uit die Hel, Goud uit die Hel, julle is DWAAS, DWAAS! So sal satan terugvat wat hy julle gegee het. Het Hitler nie die goue tande uit die Jode se monde getrek nie? Satan spot en lag, soos wat hy dit toe gedoen het, so sal hy dit weer doen. Hulle wie MY ken, hulle wie MY ken, weet dit is nie van MY nie. EK beveel julle om nederig te wees. Hoekom sal EK wil hê julle moet 'n mond vol goud wys? Is dit nie trots nie? EK verafsku die leiers wat dit verkondig en MY Mense mislei. Julle sal weet dat julle weet dat julle wrede geestelike leiers eendag voor MY sal staan en MY hoor sê : "Gaan weg van MY julle werkers van onheil, EK het julle nooit geken nie!” (Matteus 7:23)  

Val op julle aangesigte en BELY! Ruk die goud uit julle monde uit, voordat satan dit uitruk net soos wat Hitler gedoen het, hulle sal dit weer doen. Die antichris sal dit vernietigingskampe noem. Hy het voorheen 6 miljoen Jode vermoor, nou sal dit 666 miljoen christene en Jode wees. Menigtes sal louwarm in geloof wees, maar voordat hulle lewens geneem word, uitgedoof word soos 'n vuurhoutjie vlammetjie, sal hulle aan die brand wees met die liefde van YAHUVEH. Wat hulle nie nou het nie, sal hulle dan hê. Sal dit nie makliker wees om nou julle verstand, liggaam, gees en siel te offer en julle wil aan MY te gee en dit op MY manier te doen nie, of wil julle regtig eerder wag en die komende EUWEL verduur? 

Sê EK nie in MY Woord die wie 'louwarm' is sal EK uit MY mond spuug nie? (Openbaring 3:16) Hoe kan julle, terwyl julle MY Woord lees, dink dat enigeen wat homself 'n “Christen” noem, in die lug opgeraap sal word saam met MY? (1 Tessalonisense 4:17) Die Bruid vir wie EK kom sal voorbereid, gehoorsaam en lojaal wees, MY in alle gevalle in gees, siel en verstand liefhê en ten volle gekleed wees sonder vlek of rimpel. Watter Bruid laat haar Bruidegom wag? Dit is die gaste wat talm. Die Bruidegom wag nie vir Sy Bruid nie; die Bruid is gereed wanneer hy opdaag. Die vernietigingskampe sal nie vol van MY Bruid wees nie. Nie een van MY Bruid sal daar gevind word nie, maar dit sal vol wees van gaste. EK het net een Bruid. 

Wanneer julle afgerond is soos troppe vee, vasgedruk teen mekaar waar julle nie links of regs kan beweeg nie, sal die goud uit julle monde geruk word terwyl julle nog lewe. Die goud sal uit julle monde geruk word. Die goud sal uit julle monde geruk word en die juwele van julle liggame af. Dit is wat julle sal kry deur die valse misleidings, groot tekens en wonders te volg. EK stuur hierdie Profeet om julle te waarsku. Satan speel met julle; julle is die aas aan die hoek. Kyk en ween terwyl die geestelike leiers wie EK eens vertrou het, MY Mense soos aas aan 'n hoek oor die kake van die Hel swaai. Die bose geestelike leiers vul hul sakke met goud soos wat die Hel mense se monde met goud vul sodat die bose mense dit kan uitruk soos wat hulle met die Jode gedoen het. Wat julle saai sal julle maai.

Julle in Israel wie dit weer volg, het julle nie geleer om nie goud te begeer sodat dit uit julle monde geruk kan word nie? Val op julle aangesigte, BELY vandag! Vlug weg van hierdie leiers wat julle mislei. Julle wie nie 'n 'Passover Seder' gedoen het nie, wat nie geweet het wat om te doen of wat dit nie wou doen nie, leer nou. Julle het 'n 'Passover' van MY oordeel nodig. EK gee julle nog 'n kans, omdat ek 'n GOD van genade en liefde is. EK het deur 'n droom met hierdie Profeet gepraat, so julle kan nie sê julle GOD het julle nie gewaarsku nie. EK tugtig dié wie EK liefhet. So was dit toe, so sal dit weer wees. Dit is julle keuse.

Wil julle nou gehoorsaam wees of wil julle MY tugtiging verduur of later MY verwerping? So was dit toe, so sal dit weer wees. 

Gespreek onder die Salwing van die RUACH HA KODESH

Deur Apostel Profeet Elisheva Eliyahu 04/29/1999

VA’ERA -En Hy Het Verskyn

“En EK het aan Abraham, aan Isak en aan Jakob verskyn [Va'era] as El Shaddai - אל שדי, die Almagtige, maar met MY Naam YAHUVEH -יהוה het EK MY nie aan hulle bekend gemaak nie.” (Eksodus 6:2-3)

 

 

In verlede week se Torah-studie het YAH aan Moses verskyn aan die voet van die berg Sinai in 'n brandende bos wat hom beveel het om die Israeliete uit die farao se slawerny te lei. Omdat Moses homself voorgestel het as iemand wat stadig praat, het YAH sy broer Aaron aangestel om sy woordvoerder te wees.

Toe die broers voor Farao gegaan het, het hy geweier om die Israeliete te laat gaan. In plaas daarvan om die situasie beter te maak, het die Israeliete se slawerny meer onderdrukkend geword. Farao het van hulle vereis om hul eie strooi te versamel terwyl dit voorheen vir hulle voorsien is en steeds dieselfde hoeveelheid bakstene te produseer.

Natuurlik het die kinders van Israel by Moses gekla, so hy het hul lyding voor YAH gebring, wat hom gerus gestel het dat dinge sal verander. YAH het vir hom gesê dat HY nie net die Israeliete sal red met 'n magtige verlossing nie, maar Farao sal hulle uit Egipte uitdryf.

YAH verlos Israel verlede, hede en toekoms

In hierdie Parasha belowe YAH Moses dat HY vier verlossingswerke sal verrig: HY sal die Israeliete uit hulle lyding in Egipte uitbring, hulle van slawerny red, hulle verlos van hul onderdrukking met SY uitgestrekte arm en hulle as SY eie volk neem - Aam.

Hierdie vier beloftes word die Vier Uitdrukkings van Verlossing genoem, en hulle word tradisioneel gedenk tydens die Passover Seder maaltyd met vier bekers wyn.

Vir elkeen van hierdie verlossingshandeling wat in Eksodus 6: 6-7 geskryf is, het YAH die volgende Hebreeuse woorde gebruik:

• Hotzeiti -הוֹצֵאתִי, wat beteken EK sal uitbring;

• Hitzalti - -הִצַּלְתִּי, wat beteken EK sal red;

• Ga’alti -גָאַלְתִּי, wat beteken EK sal verlos; en

• Lakachti -לָקַחְתִּי, wat beteken EK sal neem.

YAH maak ook 'n vyfde uitdrukking van verlossing. HY belowe HY sal SY mense terug bring heveiti הֵבֵאתִי na hul eie land.

“En EK sal julle bring [heveiti] in die land waaromtrent EK MY hand opgehef het, om dit aan Abraham, aan Isak en aan Jakob te gee; en EK sal dit aan julle as ‘n besitting gee, EK is YAHUVEH. ” (Eksodus 6:7)

Tweeduisend jaar gelede, toe die Joodse Volk in die Beloofde Land gewoon het, kon hierdie vyfde uitdrukking tydens die Seder met 'n vyfde beker wyn herdenk word.

Alhoewel YAH die Joodse Volk van hul ballingskap red en hulle terugbring in die land, word die vyfde beker beskou as 'n volledige Verlossing deur die Messias.

Hierdie vyfde beker by die Passover Seder word dus die Beker van Elia genoem. Dit word onaangeraak gelaat vir die Profeet Elia, wat na verwagting na die aarde sal terugkeer om die koms van die Messias en SY Messiaanse heerskappy te verklaar.

Wanneer YAH 'n Woord spreek, sal dit gedoen word soos HY dit gesê het, ten spyte van hoe hedendaagse omstandighede voortkom.

Tog leef ons in 'n gevalle wêreld. Baie van ons ly aan 'n geestelike miopie kortsigtigheid wat veroorsaak word deur te fokus op ons eie lyding en verlies.

Die Israeliete was nie anders nie. Hulle was so vertrap en bedroef in die gees dat hulle eenvoudig nie kon glo wat Moses gesê het wat die HERE vir hulle sou doen nie. Hulle kon nie eens na sy woorde van hoop luister nie.

 

“Moses het toe so met die kinders van Israel gespreek, maar hulle het nie na Moses geluister nie, uit ongeduldigheid en weens die harde diens. ”  (Eksodus 6:9)

Hierdie neiging in die menslike natuur moet ons herinner om geduldig en barmhartig te wees soos ons mense bedien.

Selfs vandag, is daar diegene wie se slawerny so wreed is en wie se gees so gebroke is dat hulle ook nie diegene kan hoor wat die Goeie Nuus van YAHUSHUA verkondig nie. Soms, moet hulle kyk hoe ons in die krag van YAH loop, tekens en wonders sien voordat hulle sal luister en glo.

Soms, moet ons getrou aanhou saad saai, geduldig wag terwyl YAH hulle laat groei.

“Ek het geplant, Apollos het natgemaak, maar YAH het laat groei. ”  (1 Korintiërs 3:6)

Soos YAH hulle beveel het, het Moses en sy broer Aäron keer op keer na Farao teruggekeer en aangedring dat hy YAH se mense sal laat gaan sodat hulle HOM in die woestyn kan dien.

Hierdie hele weergawe van YAH se verlossing van Israel uit Egipte het 'n geestelike parallel in ons verlossing uit die koninkryk van die duisternis, wat beheer word deur haSatan, en die Koninkryk van Lig, wat deur YAHUVEH beheer word.

Ons word van haSatan verlos deur geloof in YAHUSHUA, die Passover Lam, nie net om weg te wandel en "ons eie ding te doen nie." Soos vir die Israeliete, is die doel van ons vryheid om die lewende GOD te dien.

“HY wat ons verlos het uit die mag van die duisternis gered het en oorgebring het in die koninkryk van die Seun van SY liefde, in wie ons die verlossing het deur SY bloed, naamlik die vergifnis van die sondes. ” (Kolossense 1:13-14)

Farao Bly Vol van Trotsheid Ten Spyte Van Wonderwerke en Wonders

YAH het Moses en Aäron 'n spesiale teken gegee om vir Farao te wys. In Hebreeus word die teken 'n mofet genoem, wat 'n wonderwerk of wonder beteken. Aäron moes sy stok voor Farao neerwerp en dit sou verander word. In die meeste Engelse vertalings lees ons dat die stok 'n slang geword het; maar in die Hebreeus, is die woord wat gebruik is, tannin, wat 'n krokodil beteken.

Maar, Farao, soos YAH geweet het, het steeds geweier het om die volk te laat gaan; daarom het YAH SY oordeel oor Egipte in die vorm van die Tien Plae gestuur.

“Maar Farao sal na julle nie luister nie; en EK sal MY hand op Egipte lê en MY leërskare, MY volk, die kinders van Israel, deur groot strafgerigte uit Egipteland uitlei.” (Eksodus 7:4)  

Hierdie plae word elke jaar by die Pasga Seder onthou tydens die tweede beker wyn. Een druppel word vir elkeen van die plae uit die beker verwyder, terwyl die leier die lys van oordele in Hebreeus resiteer.

Die idee agter hierdie gewoonte is dat ons beker wat blydskap verteenwoordig, nie vol kan wees terwyl ander ly nie.

Eerstens, is die waters van die Nylrivier verander na bloed – dam, deur dit ondrinkbaar te maak. Daarna het die land gewemel van paddas, en daarna 'n besmetting van luise – kinim, wat man en dier gepynig het.

Tot die plaag van luise – kinim, was die Egiptiese towenaars en toorders instaat om die plae te dupliseer, maar met hierdie plaag, kon hulle nie. Daarom, het hulle dit herken dat dit die vinger van YAH was.

“Toe sê die towenaars vir Farao: Dit is die vinger van YAH! Maar Farao se hart was verhard, sodat hy na hulle nie geluister het nie, soos YAHUVEH gespreek het.” (Eksodus 8:19)  

Farao het sy hart verhard en wou nie na die stem van rede luister nie — een van die sekerste tekens van trots. 'n Nederige man sal teregwysing gewillig ontvang, maar 'n persoon met trots raak onmiddellik verdedigend en sal nie na ander luister nie. Dit kan sy ondergang tot gevolg hê.

“Trotsheid kom voor die verbreking, en hoogmoed kom voor die val.” (Spreuke 16:18)  

Let op die kontras tussen Farao en Moses, wat selfs vandag as die nederigste man beskou word wat op die aarde geloop het. Toe Yethro, Moses se skoonvader, hom gekorrigeer het oor sy benadering om geskille tussen die Israeliete in die woestyn te besleg, het Moses geluister en ag geslaan daarop.

“Moses het toe geluister na sy skoonvader en alles gedoen wat hy gesê het” (Eksodus 18:24)

Alhoewel Farao belowe het om die Joodse Volk te laat gaan na die plaag van luise, het hy sy hart verhard en sy belofte verbreek. Gevolglik, het YAH swerms van vlieë - arov gestuur wat die land bedek het, daarna 'n siekte – dever wat al die vee doodgemaak het.

YAH het 'n onderskeid gemaak tussen Israel en Egipte. Terwyl al die vee van Egipte gesterf het, het selfs nie een van Israel se vee aan die siekte geval nie.

(Eksodus 9:4)

Dit beklemtoon die belangrikheid en betroubaarheid om in 'n verbondsverhouding met die Almagtige GOD te wees. Nie een van Egipte se beste towenaars en meesters van die okkulte kon hulle red uit die hand van GOD nie.

In die sesde plaag, toe YAH stof verander het in pynlike swere – shechin oor mens en dier, het selfs die towenaars gely, en hulle kon nie voor Moses staan as gevolg daarvan nie. (Eksodus 9: 9-11)

Hierdie week se Parasha eindig met die sewende plaag van hael-barad.

 

YAH het donder, vuur en 'n swaar hael gestuur wat enigiets en alles in die veld vernietig het — mens en dier en alle plantegroei. Net in Goshen, waar die Israeliete gewoon het, was daar geen hael nie. (Eksodus 9:26)

Soos Egipte, Soos die Wêreld

Ons weet uit die boek Openbaring dat baie van hierdie plae in die eindtyd weer die inwoners van die aarde sal tref. Hierdie gebeurtenisse wat in Egipte gebeur het, is ‘n voorspelling van wat gaan kom — moontlik op wêreldwye skaal — in die laaste dae.

In sy visioen beskryf Johannes die sewe laaste plae op die aarde:

“En ek het ‘n ander teken in die hemel gesien, groot en wonderlik: sewe engele met die sewe laaste plae, want daarmee is die grimmigheid van YAHUVEH voleindig.” (Openbaring 15:1)  

Soos YAH die volle bak van SY toorn op die aarde uitstort, verskyn daar walglike sere op almal wat die merk van die dier geneem het en sy beeld aanbid (Openbaring 16: 2). Dan, soos in Egipte, verander die waters na bloed (Openbaring 16: 3-6). Ander plae bombardeer ook die aarde, soos duisternis, brandende vuur en vernietigende hael.

“En groot hael, omtrent ‘n talent swaar, het uit die hemel op die mense geval; en die mense het YAH gelaster oor die plaag van die hael, omdat SY plaag ontsettend groot was.” (Openbaring 16:21)

Mag ons altyd bewus wees dat ons in die eindtyd leef; en terwyl ons veilig bly in die veiligheid van ons heilige verbond met ELOHIM, laat ons geduldig die Goeie Nuus deel en ywerig bid vir genade vir diegene wat hardnekkig voortgaan om teen YAHUVEH, YAHUSHUA EN RUACH HAKODESH te rebelleer.

“HY sal HOM weer oor ons ontferm, ons ongeregtighede vertree; ja, U sal al hulle sondes in die dieptes van die see werp.” (Miga 7:19) 

“Hoor die woord van YAHUVEH, o nasies, en verkondig in die kuslande wat ver is, en sê: HY wat Israel verstrooi het, sal hom vergader en hom bewaak soos ‘n herder SY kudde.” (Jeremia 31:10)

 

Shabbat Shalom van AMIGHTYWIND!