Parasha Toldot / Generasies

Shabbat Shalom!
Welkom by Toldot - Generasies, hierdie week se Parasha.

Genesis 25:19 – 28:9

*~ Genesis Hoofstuk 25 ~*

19 En dit is die geskiedenis van Isak, die seun van Abraham: Abraham was die vader van Isak.

20 En Isak was veertig jaar oud toe hy Rebekka, die dogter van Bétuel, die Arameër uit Paddan-Aram, die suster van Laban, die Arameër, vir hom as vrou geneem het.

21 En Isak het YAHUVEH gesmeek met die oog op sy vrou, want sy was onvrugbaar; en YAHUVEH het hom verhoor, sodat sy vrou Rebekka swanger geword het.

22 En die kinders het teen mekaar gestoot binne-in haar. Toe sê sy: As dit so gaan, waarvoor leef ek dan? Daarop het sy gegaan om YAHUVEH te raadpleeg.

23 En YAHUVEH het haar geantwoord: Twee nasies is in jou skoot, en twee volke sal van mekaar gaan uit jou liggaam; en die een volk sal sterker wees as die ander volk; en die oudste sal die jongste dien.

24 En toe haar dae vervul is dat sy moes baar, was daar ‘n tweeling in haar skoot.

25 En die eerste is gebore—rooi, geheel en al soos ‘n mantel van hare. Daarom het hulle hom Esau genoem.

26 En daarna is sy broer gebore, terwyl sy hand die hakskeen van Esau vashou. Daarom het hulle hom Jakob genoem. En Isak was sestig jaar oud by hulle geboorte.

27 En die seuns het opgegroei: Esau het ‘n ervare jagter geword, ‘n man van die veld; maar Jakob was ‘n vredeliewende man wat in tente gewoon het.

28 En Isak het Esau liefgehad, want wildsvleis was na sy smaak; maar Rebekka het Jakob liefgehad.

29 En Jakob het ‘n kooksel klaargemaak en Esau het moeg uit die veld gekom.

30 Toe sê Esau vir Jakob: Laat my tog sluk van die rooigoed daar, want ek is moeg. Daarom het hulle hom Edom genoem.

31 En Jakob antwoord: Verkoop eers jou eersgeboortereg aan my.

32 En Esau sê: Kyk, ek gaan sterwe, en wat baat die eersgeboortereg my dan?

33 Toe antwoord Jakob: Sweer eers vir my. En hy het vir hom gesweer en sy eersgeboortereg aan Jakob verkoop.

34 En Jakob het aan Esau brood en die kooksel lensies gegee; en hy het geëet en gedrink en opgestaan en weggegaan. So het Esau dan sy eersgeboortereg verag.

*~ Genesis Hoofstuk 26 ~*

1 En daar was hongersnood in die land, buiten die eerste hongersnood wat in die dae van Abraham gewees het. Daarom het Isak getrek na Abiméleg, die koning van die Filistyne, na Gerar.

2 En YAHUVEH het aan hom verskyn en gesê: Moenie aftrek na Egipte nie; woon in die land wat Ek jou sal aanwys.

3 Vertoef as vreemdeling in hierdie land, en Ek sal met jou wees en jou seën; want aan jou en jou nageslag sal Ek al hierdie lande gee: Ek sal die eed bevestig wat Ek vir jou vader Abraham gesweer het.

4 En Ek sal jou nageslag vermeerder soos die sterre van die hemel en aan jou nageslag al hierdie lande gee, en in jou nageslag sal al die nasies van die aarde geseën word;

5 omdat Abraham na my stem geluister en my ordening, my gebooie, my insettinge en my wette onderhou het.

6 So het Isak dan in Gerar gebly.

7 En toe die manne van die plek hom na sy vrou vra, antwoord hy: Sy is my suster. Want hy was bang om te sê: My vrou—anders sal die manne van die plek, so het hy gedink, my miskien doodmaak ter wille van Rebekka; want sy was mooi van aansien.

8 En toe hy al ‘n lang tyd daar was, kyk Abiméleg, die koning van die Filistyne, deur die venster uit en sien hoe Isak speel met Rebekka, sy vrou.

9 En Abiméleg het Isak geroep en gesê: Kyk, sy is dan tog jou vrou! Hoe kon jy dan verklaar: Sy is my suster? En Isak antwoord hom: Ja, ek het gedink ek kan miskien om haar ontwil my lewe verloor!

10 En Abiméleg sê: Wat het jy ons nou aangedoen? Hoe maklik kon een van die mense met jou vrou gemeenskap gehad en jy ‘n skuld oor ons gebring het!

11 Daarop gee Abiméleg bevel aan die hele volk en sê: Wie hierdie man of sy vrou aanraak, sal sekerlik gedood word.

12 Isak het toe in dié land gesaai en daardie jaar honderdvoudig gewen, want YAHUVEH het hom geseën.

13 En die man het groot geword en altyddeur groter geword totdat hy baie groot was:

14 hy het troppe kleinvee en beeste gehad en baie bediendes, sodat die Filistyne hom beny het.

15 En al die putte wat die dienaars van sy vader in die dae van sy vader Abraham gegrawe het, dié het die Filistyne toegestop en met grond opgevul.

16 Toe sê Abiméleg vir Isak: Trek weg van ons, want jy het vir ons veels te magtig geword.

17 Daarop het Isak vandaar weggetrek en laer opgeslaan in die dal by Gerar en daar bly woon.

18 En Isak het die putte weer oopgegrawe wat hulle in die dae van sy vader Abraham gegrawe het, en wat die Filistyne ná die dood van Abraham toegestop het, en dit genoem na die name wat sy vader daaraan gegee het.

19 En terwyl die dienaars van Isak in die dal grawe, vind hulle daar ‘n put met lewendige water.

20 En die herders van Gerar het getwis met die herders van Isak en gesê: Dit is óns water. Daarom het hy die put Esek genoem, omdat hulle met hom onenigheid gehad het.

21 Daarop grawe hulle ‘n ander put, en daaroor het hulle ook getwis. Daarom het hy dit Sitna genoem.

22 Toe het hy vandaar versit en ‘n ander put gegrawe, en daaroor is nie getwis nie. Daarom het hy dit Réhobot genoem en gesê: Ja, nou het YAHUVEH vir ons ruimte gemaak en kan ons vrugbaar wees in die land.

23 Daarna het hy vandaar opgetrek na Berséba.

24 En YAHUVEH het aan hom in dieselfde nag verskyn en gesê: Ek is die ELOHIM van Abraham, jou vader. Moenie bang wees nie, want Ek is met jou; en Ek sal jou seën en jou nageslag vermeerder ter wille van Abraham, my kneg.

25 Toe bou hy daar ‘n altaar, en hy het die Naam van YAHUVEH aangeroep en daar sy tent opgeslaan; en die dienaars van Isak het daar ‘n put gegrawe.

26 Daarop kom Abiméleg na hom van Gerar af, saam met Ahussat, sy vriend, en Pigol, sy leërowerste.

27 En Isak het hulle gevra: Waarom het julle na my gekom terwyl julle my haat en my van julle af weggestuur het?

28 Toe antwoord hulle: Ons het duidelik gesien dat YAHUVEH met jou is. Daarom het ons gedink: Laat daar tog ‘n eed tussen ons wees, tussen ons en jou; en laat ons ‘n verbond met jou sluit:

29 jy moet ons geen kwaad doen nie, net soos ons jou nie aangeraak en aan jou niks as goed gedoen het nie en jou in vrede weggestuur het. Jy is nou eenmaal die geseënde van YAHUVEH.

30 Toe berei hy vir hulle ‘n maaltyd, en hulle het geëet en gedrink.

31 En hulle is die môre vroeg op en het vir mekaar ‘n eed gesweer. Daarop het Isak hulle laat gaan, en hulle het in vrede van hom af weggetrek.

32 Dieselfde dag kom toe die dienaars van Isak en vertel hom van die put wat hulle gegrawe het, en sê vir hom: Ons het water gekry.

33 En hy het dit Seba genoem. Daarom is die naam van die stad Berséba tot vandag toe.

34 Toe Esau veertig jaar oud was, het hy Judit, die dogter van Beëri, die Hetiet, vir hom as vrou geneem, en Basmat, die dogter van Elon, die Hetiet.

35 En hulle was vir Isak en Rebekka ‘n bitter verdriet.

*~ Genesis Hoofstuk 27 ~*

1 Toe Isak oud geword het en sy oë swak was, sodat hy nie kon sien nie, het hy sy oudste seun Esau geroep en vir hom gesê: My seun! En hy het hom geantwoord: Hier is ek!

2 Toe sê hy: Kyk tog, ek het oud geword, ek weet die dag van my dood nie.

3 Neem dan nou tog jou wapens, jou pylkoker en jou boog, en gaan uit in die veld en jag vir my ‘n stuk wild

4 en maak vir my lekker ete klaar soos ek dit graag wil hê; en bring dit vir my om te eet; sodat my siel jou kan seën voordat ek sterwe.

5 En Rebekka het geluister terwyl Isak met sy seun Esau spreek. En Esau het in die veld gegaan om ‘n stuk wild te jag en dit te bring.

6 Toe het Rebekka met haar seun Jakob gespreek: Kyk, ek het jou vader met jou broer Esau hoor spreek en sê:

7 Bring vir my ‘n stuk wild en maak vir my lekker ete, dat ek kan eet en jou kan seën voor die aangesig van YAHUVEH voor my dood.

8 My seun, luister dan nou na my, na wat ek jou beveel.

9 Loop nou na die kleinvee en gaan haal vir my daar twee mooi bokkies, dat ek jou vader daarvan ‘n lekker ete kan maak soos hy dit graag wil hê.

10 Dan moet jy dit na jou vader bring, dat hy kan eet; sodat hy jou kan seën voor sy dood.

11 Toe sê Jakob vir sy moeder Rebekka: Kyk, my broer Esau is ‘n harige man en ek is ‘n gladde man.

12 Miskien sal my vader my betas, en ek sal in sy oë wees soos ‘n spotter; so sou ek dan ‘n vloek oor my bring en nie ‘n seën nie.

13 Maar sy moeder antwoord hom: Laat jou vloek op my wees, my seun! Luister net na my en gaan haal dit vir my.

14 Toe het hy dit gaan haal en na sy moeder gebring. En sy moeder het daarvan ‘n lekker ete gemaak soos sy vader dit graag wou hê.

15 Ook neem Rebekka die beste klere van Esau, haar oudste seun, wat by haar in die huis was, en sy trek dit vir Jakob, haar jongste seun, aan;

16 en die velle van die bokkies trek sy oor sy hande en oor die gladdigheid van sy nek,

17 en sy gee die lekker ete en die brood wat sy gemaak het, in die hand van Jakob, haar seun.

18 Toe kom hy by sy vader en sê: My vader! En hy antwoord: Hier is ek! Wie is jy, my seun?

19 En Jakob sê aan sy vader: Ek is Esau, u eersgeborene. Ek het gedoen soos u my beveel het. Rig u tog op, sit en eet van my wildsvleis, dat u siel my kan seën.

20 Daarop het Isak aan sy seun gesê: Hoe het jy dit so gou gekry, my seun? En hy antwoord: Omdat YAHUVEH u ELOHIM dit my laat teëkom het.

21 En Isak sê vir Jakob: Kom tog nader, dat ek jou kan betas, my seun, of jy waarlik my seun Esau is of nie.

22 En Jakob het nader gekom na sy vader Isak, en hy het hom betas en gesê: Die stem is Jakob se stem, maar die hande is Esau se hande.

23 Maar hy het hom nie geëien nie, omdat sy hande harig was soos sy broer Esau se hande; en hy het hom geseën.

24 Hy het naamlik gevra: Is jy waarlik my seun Esau? En hy het geantwoord: Ja.

25 Toe sê hy: Bring dit vir my nader, dat ek van die wildsvleis van my seun kan eet, sodat my siel jou kan seën. En hy het dit vir hom nader gebring, en hy het geëet. Hy het vir hom ook wyn gebring, en hy het gedrink.

26 Daarop sê sy vader Isak vir hom: Kom tog nader en soen my, my seun!

27 En hy het nader gekom en hom gesoen. Toe ruik hy die geur van sy klere, en hy seën hom en sê: Kyk, die geur van my seun is soos die geur van die veld wat YAHUVEH geseën het.

28 En mag ELOHIM jou gee van die dou van die hemel en van die vet grond van die aarde en oorvloed van koring en mos.

29 Volke sal jou dien, en nasies voor jou neerbuig. Wees ‘n heerser oor jou broers, en die seuns van jou moeder moet hulle voor jou neerbuig. Vervloek is hulle wat jou vloek, en geseënd hulle wat jou seën.

30 Maar toe Isak Jakob klaar geseën het en Jakob nog skaars van sy vader Isak af weggegaan het, kom sy broer Esau van die jag af,

31 en hy maak ook ‘n lekker ete en bring dit na sy vader en sê aan sy vader: Laat my vader hom oprig en eet van die wildsvleis van sy seun, sodat u siel my kan seën.

32 En sy vader Isak vra hom: Wie is jy? En hy antwoord: Ek is u seun Esau, u eersgeborene.

33 Toe skrik Isak geweldig en sê: Wie is dit dan wat wild gejag en vir my gebring het? En ek het van alles geëet voordat jy gekom het, en hom geseën—ook sal hy geseënd bly!

34 Toe Esau die woorde van sy vader hoor, skreeu hy met ‘n baie groot en bitter geroep, en hy sê vir sy vader: Seën my ook, my vader!

35 En hy antwoord: Jou broer het gekom met bedrog en jou seën weggeneem.

36 Daarop sê hy: Sou hulle hom Jakob noem, omdat hy my nou twee keer onderkruip het? My eersgeboortereg het hy geneem, en daar het hy nou my seën geneem! Verder vra hy: Het u vir my geen seën oorgehou nie?

37 Toe antwoord Isak en sê vir Esau: Kyk, ek het hom as heerser oor jou gestel en aan hom al sy broers as dienaars gegee; en ek het hom met koring en mos versorg. Wat kan ek dan nou vir jóu doen, my seun?

38 Daarop het Esau aan sy vader gevra: Het u net een seën, my vader? Seën my ook, my vader! En Esau het sy stem verhef en geween.

39 Toe antwoord sy vader Isak en sê vir hom: Kyk, ver van die vet grond van die aarde sal jou woonplek wees, en ver van die dou van die hemel daarbo.

40 En van jou swaard sal jy lewe, en jou broer sal jy dien. Maar as jy jou kragte inspan, sal jy sy juk van jou nek afruk.

41 En Esau was Jakob vyandig gesind vanweë die seën waarmee sy vader hom geseën het, en Esau het in sy hart gedink: Die dae van die rou oor my vader is naby; dan sal ek my broer Jakob doodmaak.

42 Maar toe hulle aan Rebekka die woorde van Esau, haar oudste seun, vertel, stuur sy en laat Jakob, haar jongste seun, roep en sê vir hom: Kyk, jou broer Esau sal hom op jou wreek deur jou dood te maak.

43 My seun, luister dan nou na my: maak jou klaar, vlug tog na Haran, na my broer Laban,

44 en bly ‘n rukkie by hom tot die woede van jou broer bedaar,

45 tot die toorn van jou broer teen jou bedaar en hy vergeet het wat jy hom aangedoen het. Dan sal ek stuur en jou daar laat haal. Waarom moet ek julle altwee op een dag verloor?

46 Verder sê Rebekka vir Isak: Ek is moeg vir my lewe vanweë die dogters van Het. As Jakob ‘n vrou neem uit die dogters van Het, soos húlle is, uit die dogters van die land—waarvoor lewe ek dan?

*~ Genesis Hoofstuk 28 ~*

1 Toe het Isak Jakob geroep en hom geseën; en hy het hom bevel gegee met die woorde: Jy mag geen vrou neem uit die dogters van Kanaän nie.

2 Maak jou klaar, gaan na Paddan-Aram, na die huis van Bétuel, jou moeder se vader, en gaan haal vir jou daar ‘n vrou uit die dogters van Laban, jou moeder se broer.

3 En mag EL SHADDAI, die Almagtige, jou seën en jou vrugbaar maak en jou vermeerder, sodat jy ‘n menigte van volke kan word.

4 En mag Hy jou gee die seën van Abraham, aan jou en jou nageslag saam met jou, dat jy die land van jou vreemdelingskap in besit kan neem wat ELOHIM aan Abraham gegee het.

5 So het Isak Jakob dan weggestuur, en hy het na Paddan-Aram gegaan, na Laban, die seun van Bétuel, die Arameër, die broer van Rebekka, die moeder van Jakob en Esau.

6 Toe Esau sien dat Isak Jakob geseën en hom na Paddan-Aram weggestuur het om daar vir hom ‘n vrou te gaan haal, terwyl hy hom geseën en hom bevel gegee het met die woorde: Jy mag geen vrou uit die dogters van Kanaän neem nie;

7 en dat Jakob na sy vader en sy moeder geluister het om na Paddan-Aram te gaan;

8 en toe Esau sien dat die dogters van Kanaän sleg was in die oë van sy vader Isak,

9 het Esau na Ismael gegaan en Máhalat, die dogter van Ismael, die seun van Abraham, die suster van Nébajot, by sy vroue vir hom as vrou geneem.

Maleagi 1:1 – 2:7

*~ Maleagi Hoofstuk 1 ~*

1 Godspraak. Die woord van YAHUVEH aan Israel deur die diens van Maleági.

2 Ek het julle liefgehad, sê YAHUVEH. Nogtans vra julle: Waarin het U ons liefgehad? Is Esau nie die broer van Jakob nie? spreek YAHUVEH. Tog het Ek Jakob liefgehad,

3 maar Esau het Ek gehaat en sy gebergte ‘n wildernis gemaak en sy erfdeel aan die jakkalse van die woestyn prysgegee.

4 As Edom sê: Ons is wel verwoes, maar ons sal die puinhope weer opbou—dan sê YAHUVEH van die leërskare dit: Laat hulle bou, Ek breek dit tog af; en die mense sal hulle noem: Grondgebied van goddeloosheid, en: Die volk waarop YAHUVEH vertoornd is tot in ewigheid!

5 En julle oë sal dit aanskou, en julle sal sê: Groot is YAHUVEH oor die gebied van Israel!

6 ‘n Seun eer die vader, en ‘n kneg sy heer. As Ek dan ‘n Vader is, waar is my eer? En as Ek ‘n Heer is, waar is die vrees vir My? sê YAHUVEH van die leërskare aan julle, o priesters, wat my Naam verag! Maar julle sê: Waardeur het ons u Naam verag?

7 Julle bring spys wat verontreinig is, op my altaar, en dan vra julle: Waardeur het ons U verontreinig? Deurdat julle sê: Die tafel van YAHUVEH is veragtelik.

8 En as julle ‘n blinde dier bring om te offer, is dit geen kwaad nie! En as julle ‘n lam of ‘n siek dier bring, is dit geen kwaad nie! Bring dit tog vir jou goewerneur! Sal hy ‘n welgevalle aan jou hê of jou goedgesind wees? sê YAHUVEH van die leërskare.

9 Smeek dan nou tog die aangesig van EL, dat Hy ons genadig kan wees! Sulke dinge is deur julle gedoen—sal Hy dan om julle ontwil goedgesind wees? sê YAHUVEH van die leërskare.

10 Ag, was daar maar iemand onder julle wat die deure wou sluit, sodat julle nie tevergeefs vuur op my altaar kan aansteek nie! Ek het in julle geen welgevalle nie, sê YAHUVEH van die leërskare, en in ‘n offer uit julle hand het Ek geen behae nie.

11 Want van die opgang van die son tot sy ondergang toe is my Naam groot onder die heidene; en in elke plek word tot eer van my Naam reukwerk gebring en ‘n rein offer; want my Naam is groot onder die heidene, sê YAHUVEH van die leërskare.

12 Julle daarenteen ontheilig dit as julle sê: Die tafel van YAHUVEH is verontreinig, en wat sy opbrings betref—sy spys is veragtelik.

13 En julle sê: Kyk, wat ‘n moeite! En julle verag dit, sê YAHUVEH van die leërskare; en julle bring geroofde en lam en siek diere—so bring julle dan die offer! Kan Ek dit met welgevalle uit julle hand aanneem? sê YAHUVEH.

14 Vervloek is ook die bedrieër wat, terwyl daar onder sy kleinvee ‘n manlike dier is, ‘n gelofte doen en tog iets wat vermink is, aan YAHUVEH offer; want Ek is ‘n groot Koning, sê YAHUVEH van die leërskare, en my Naam is gedug onder die heidene.

*~ Maleagi Hoofstuk 2 ~*

1 En nou, priesters, tot julle kom hierdie gebod.

2 As julle nie gehoor gee nie, en as julle dit nie ter harte neem om my Naam eer te bewys nie, sê YAHUVEH van die leërskare, dan sal Ek die vloek onder julle stuur en julle seëninge in ‘n vloek verander; ja, Ek het dit alreeds vervloek, omdat julle niks ter harte neem nie.

3 Kyk, Ek sal julle nakomelingskap bedreig, en Ek sal mis op julle gesigte strooi, die mis van julle feeste; en hulle sal julle na die mishoop dra.

4 En julle sal gewaar word dat Ek julle hierdie gebod gestuur het, dat dit my verbond kan wees met Levi, sê YAHUVEH van die leërskare.

5 My verbond met hom was die lewe en die vrede; en Ek het dié aan hom gegee tot vrees; en hy het My gevrees en vir my Naam gebewe.

6 Betroubare regsleer was in sy mond, en onreg is op sy lippe nie gevind nie; in vrede en opregtheid het hy met My gewandel, en baie mense het hy van ongeregtigheid teruggebring.

7 Want die lippe van ‘n priester moet kennis bewaar, en uit sy mond word onderrig gesoek, want hy is ‘n boodskapper van YAHUVEH van die leërskare.

Romeine 9:6-29

*~ Romeine Hoofstuk 9 ~*

6 Maar ek sê dit nie asof die woord van ELOHIM verval het nie; want hulle is nie almal Israel wat uit Israel is nie.

7 Ook nie omdat hulle Abraham se nageslag is, is hulle almal kinders nie; maar: in Isak sal jou nageslag genoem word.

8 Dit wil sê, nie hulle is kinders van ELOHIM wat die kinders van die vlees is nie, maar die kinders van die belofte word gereken as die nageslag.

9 Want dit is die woord van die belofte: Omtrent hierdie tyd sal Ek kom, en Sara sal ‘n seun hê.

10 En nie alleen dit nie, maar ook Rebekka was swanger uit een, naamlik Isak, ons vader.

11 Want toe die kinders nog nie gebore was en nog geen goed of kwaad gedoen het nie dat die voorneme van ELOHIM volgens die verkiesing kon bly staan, nie uit die werke nie, maar uit Hom wat roep

12 is vir haar gesê: Die oudste sal die jongste dien.

13 Soos geskrywe is: Jakob het Ek liefgehad en Esau het Ek gehaat.

14 Wat sal ons dan sê? Is daar miskien onreg by ELOHIM? Nee, stellig nie!

15 Want aan Moses sê Hy: Ek sal barmhartig wees oor wie Ek barmhartig wil wees en My ontferm oor wie Ek My wil ontferm.

16 So hang dit dan nie af van die een wat wil of van die een wat loop nie, maar van ELOHIM wat barmhartig is.

17 Want die Skrif sê aan Farao: Juis hiervoor het Ek jou laat optree, dat Ek in jou my krag kan toon en dat my Naam verkondig kan word op die hele aarde.

18 So is Hy dan barmhartig oor wie Hy wil en Hy verhard wie Hy wil.

19 Jy sal dan vir my sê: Waarom verwyt Hy dan nog, want wie het sy wil weerstaan?

20 Maar tog, o mens, wie is jy wat teen ELOHIM antwoord? Die maaksel kan tog nie vir die maker sê: Waarom het u my so gemaak nie?

21 Of het die pottebakker nie mag oor die klei, om uit dieselfde klomp die een voorwerp tot eer en die ander tot oneer te maak nie?

22 En as ELOHIM, al wil Hy sy toorn bewys en sy mag bekend maak, tog met groot lankmoedigheid die voorwerpe van toorn wat vir die verderf toeberei is, verdra het,

23 juis om bekend te maak die rykdom van sy heerlikheid oor die voorwerpe van barmhartigheid wat Hy voorberei het tot heerlikheid,

24 ons naamlik wat Hy geroep het, nie alleen uit die Jode nie, maar ook uit die heidene?

25 Soos Hy ook in Hoséa sê: Ek sal die wat nie my volk is nie, my volk noem; en haar wat nie bemin is nie, beminde;

26 en in die plek waar aan hulle gesê is: Julle is nie my volk nie! daar sal hulle genoem word kinders van die lewende ELOHIM.

27 En Jesaja roep oor Israel uit: Al is die getal van die kinders van Israel soos die sand van die see, net die oorblyfsel sal gered word;

28 want Hy volbring ‘n saak en verkort dit in geregtigheid, omdat YAHUVEH ‘n saak wat verkort is, op die aarde sal doen.

29 En soos Jesaja tevore gesê het: As YAHUVEH van die leërskare vir ons nie ‘n nageslag oorgelaat het nie, soos Sodom sou ons geword het en aan Gomorra gelyk gewees het.

AmightyWind Profesieë

Van Profesie 105 af, het YAHUVEH gesê hierdie moet van nou af op al die Profesieë geplaas word: Elisabeth (Elisheva) EK het jou lank gelede gewaarsku om nie hierdie Bediening na ‘n man of ‘n vrou te vernoem nie, selfs nog voordat daar ‘n Bediening was. EK het dit in jou gees geplaas want niks hiervan was deur jou eie toedoen nie, niks hiervan het uit jou mond voortgekom nie. Dit is uit die Mond van YAHUVEH geboorte gegee. Dit is uit die Mond van YAHUSHUA jou MASHIACH geboorte gegee. Dit is uit die Mond van die RUACH ha KODESH jou IMMAYAH geboorte gegee. As dit net deur jou hand was sou dit lankal misluk het. Dit is deur die SHKHINYAH GLORIE se Wind wat oor hierdie aarde waai, die Heilige Wind van Herlewing, dit is nie deur jou asem nie, anders sou dit misluk het.

“EK is YAHUVEH, dit is MY NAAM; en MY EER sal EK aan geen ander gee, of ook MY LOF aan die gesnede beelde nie”. Jes. 42:8

10 November 2018

Torah Gedeelte: Gebed Bring Seëninge

Profesie 52 EK, VADER YAHUVEH, Sal Julle Weereens Verlos!

Geliefde kinders van MY, soveel van julle roep uit na MY met ‘n geween en trane en julle steek julle vrees weg, vir die wêreld en vir julle vriende. Tog moet julle net op julle PAPPA YAHUVEH en MESSIAS YAHUSHUA vertrou. Julle kom na ONS met nat gehuilde gesigte, in die Naam van MY Seun YAHUSHUA, en dan sê julle, "Wat moet ons nou doen? Waarheen moet ons gaan?" Geliefdes van MY, EK is nie nou kwaad vir julle nie, dit is vir die bose mense vir wie EK baie kwaad is. EK sien hoe die bose mense skelmstreke het en planne maak, en dit is net soos in die tye van ouds met die slang in die Tuin van Eden, waar hulle vir julle probeer mislei en julle laat dink dat julle nie sal kan wen sonder enige wêreldse kennis nie. Julle VADER, EK, YAHUVEH is alle kennis, en wanneer julle vir MY, YAHUVEH en YAHUSHUA en die RUACH HA KODESH (HEILIGE GEES ) soek, is julle op soek na waarheid en kennis. Wees verseker, solank as wat julle soek, sal julle, wanneer die tyd daar is, die antwoorde kry. As julle nie weet wat om te doen nie, wees dan verseker dat dit nog nie tyd vir julle is om te weet waarheen om te gaan en wat om te doen nie. Julle hoef nie bang te wees vir wat die bose mense wil doen nie, omdat EK, YAHUVEH, gewone dingetjies soos julle gebede gebruik om die sogenaamde wyse mense van hierdie wêreld, dronk te slaan.

Die bose mense, die wat voorgee, die wat MY kinders wil seermaak, sal met dieselfde graad gestraf word, as dit waarteen hulle beplan om MY kinders aan te doen. Begin nou om hiervoor te bid. Daar is groot krag in julle gebede vir MY, YAHUVEH, in die Naam van julle MESSIAS, MY enigste Seun, YAHUSHUA. Bid dat EK, YAHUVEH, groter geestelike wapens aan julle sal gee, sodat julle dit teen die vleeslike mense wat teen julle versamel, kan gebruik. Die wat teen MY geliefdes, hulle wat MY gesig daagliks soek, wil versamel.

Bid dat julle, net soos Elisa gesien het hoe die mantel van Elia "Elijah" van ouds af val, ook dit weer sal aanskou, en dat julle toegerus sal word met nog meer van die RUACH HA KODESH (HEILIGE GEES) se salwing. Wys vir MY in julle Skrif waar EK nie MY mense bevry het nie. Die wat MY bevele gehoorsaam het. Die wat MY lief gehad het. Die wat MY, YAHUVEH, eerste in hulle lewens geplaas het. EK, YAHUVEH sal MY kinders bevry vanuit die strik van die voëlvanger. Al wat julle moet doen is om te bid en geloof te hê en om te glo dat EK groter is as al hierdie dinge vol van vrees, wat oor MY kinders wil kom! EK, YAHUVEH sal julle gebede beantwoord, indien julle na MY roep in die Heilige Naam, YAHUSHUA julle MESSIAS. Kom staan dapper voor MY troon en vra vir MY wat julle wil hê.

Profesie 80 Bruid van YAHUSHUA, Bid Dat EK, YAHUVEH, Julle Vyande Na Die Parskuip Van MY Woede Sal Stuur

Bruid van YAHUSHUA, die jaar van 2006 moet julle bid vir vrede in Jerusalem, op 'n manier waarop julle dit nog nooit gedoen het nie. Soos julle bid vir vrede in Jerusalem, moet julle besef dat julle bid vir die Prins van Vrede, wat MY Seun YAHUSHUA is, om SY koms te spoedig, sodat HY op die aarde kan heers as Koning van Konings, en alles wat onheilig is van die aarde weg te neem en 'n vasgestelde tydperk te stel. Bruid van YAHUSHUA, besef dat EK, YAHUVEH julle beveel om dit te doen, besef dat YAHUSHUA nie kan terugkom en heers en aan bewind wees, totdat Yisrael nie grootliks swaargekry het nie.

Bruid van YAHUSHUA, julle moet bid dat Yisrael weer Heilige heersers sal begeer, wat MY, YAHUVEH, liefhet en gehoorsaam. Wanneer daar vir MY in MY Seun JAHSUA SE NAAM gebid word, kom dapper voor MY en vra dat Yisrael se vyande in die parskuip van MY Woede gegooi sal word! Die tyd is so min en kom so vinnig nader, so EK waarsku die Bruid van YAHUSHUA en Gaste van die Bruilofsmaal nou, deur hierdie “Ringmaiden” van YAHUSHUA.

Soos die Bruid van YAHUSHUA, wie MY Ester is, bid vir vrede van Jerusalem, moet hulle besef dat hulle alles wat beveel was, nou aanjaag. Die koms van die seun van satan, wat die seun van verdoemenis genoem word, julle jaag ook die Groot Verdrukking aan, soos julle die koms van YAHUSHUA aanjaag, om te heers en aan bewind te wees in Yisrael en om te sit in die Heilige Tempel. Wanneer julle sê, "Kom YAHUSHUA, kom vinnig," besef dan die nuwe salwing soos julle die woorde voort spreek in gesalfde gebed.

Lede van die Bruid van YAHUSHUA, aan julle is 'n unieke salwing gegee. EK stuur hierdie salwing oor julle, waar YAHUSHUA se “Ringmaiden” Elisabeth (Elisheva) Elijah dit voortspreek met gesalfde gebede en geskrewe woorde. Lede van die Bruid van YAHUSHUA, as julle bereid is om hierdie nuwe gesag duidelik te glo en te ontvang, wat EK, YAHUVEH julle gee, dan sal EK duidelik julle bevry van julle en MY vyande, op 'n manier wat julle nog nie voorheen aan gedink het nie. Bruid van YAHUSHUA, vra MY en kyk of EK nie die demone wat julle tormenteer, sal stuur na YAHUVEH se parskuip van MY woede nie, waar EK hulle sal "uncreate".

Bruid van YAHUSHUA, op hierdie dag gee EK aan julle 'n nuwe gesag en nuwe salwing, wanneer julle MY in YAHUSHUA se naam sal vra, nie net ter wille van julle gee EK hierdie salwing nie, maar ter wille van Yisrael ook. Hoeveel sal kies om hierdie standaard te aanvaar teen die bose in die wêreld? Dit is julle keuse. Dit is slegs verberg vir die Bruid van YAHUSHUA. Al die ander wat vir dit bid sal dit geweier word.

Torah Gedeelte: Afstammelinge van Vloeke Bring Meer Vloeke

Profesie 20 Pasop vir Die Gruwel van die Nuwe Swart

Kokende Bloedplaag Wat Gaan Kom!

EK sal aan hierdie sondige wêreld die keuse gee om te kies, maar dit kom teen 'n prys. Daar sal nog een vloek oor hierdie wonder seksdwelm, die nuwe god van hierdie sondige wêreld, kom. Want hulle sal sê dat daar 'n tekort van hierdie dwelm sal kom en dit sal uiteindelik moeilik bekombaar wees, dan sal julle moorde sien oor hierdie seksdwelm. Maar die laaste en grootste vloek van alles is, soos dit in die hande van die homoseksualiste en biseksualiste val sal hulle betrokke raak in dubbelslagtelike verhoudinge, en EK profeteer nou aan julle 'n nuwe plaag waarvan EK vroeër gepraat het wat baie erger simptome as VIGS sal hê, baie meer dodeliker en pynliker en NIEMAND wat hierdie dwelm gebruik, na MY waarskuwing, sal gespaar word nie.

Want daar sal 'n vloek rus op die bloed en vurige koors, verhongering en onvermoë om te eet. Bloed sal uit die mond vloei en dit sal wees asof die bloed swart word en uitspuit vanuit oop dele van die liggaam.

Genadedood sal algemeen voorkom en die begraafplase sal nie die liggame wil begrawe nie. In plaas daarvan sal verassing aanbeveel word. Die vloek van hierdie verdoemenis word in hul bloed gedra, want omdat hulle Heiligheid verwerp het en na onheiligheid gedraai het, en wette uitgevaardig het dat gelyksoortige seks wettig is, en dit wat in die minderheid was bevorder, is dit nou 'n gees van homoseksualisme wat onbeheers voort spoed.

Hierdie siekte sal geen agting hê vir die heiden nie, hetsy hulle ryk of arm is nie, selfs die Withuis sal deur hierdie plaag geraak word. Wanneer julle hierdie simptome sien, onthou dat dit op hierdie dag, 4 Mei 98 geprofeteer was en ellende wag vir enige van MY Kinders wat dink hulle kan hierdie seksmiddel gebruik en EK sal verstaan. NEE, julle sal maai wat julle gesaai het want dit is nie 'n seën wat na hierdie wêreld gestuur is nie, maar 'n vloek. Gaan verkondig nou wat Ek gesê het.

Maar EK praat nou met julle wie in huwelike saam met heidene is; moenie julle bekommer nie want EK sal julle beskerm. Dit is die enigste uitsondering op bogemelde vloeke, want het EK nie gesê dat EK dit wat MYNE is sal beskerm nie en julle het geen kontrole oor wat julle heiden man of vrou doen nie. Of, as julle verkrag word deur iemand onder hierdie vloek, sal EK julle beskerm; hierdie plaag sal nie naby julle kom nie. Lees MY Woord, staan op dit en weet ook hoe baie EK julle liefhet, hierdie vloek is nie vir MY Kinders bedoel nie...

Maar MY Woorde wat hierdie aarde se ontstaan gespreek het en dieselfde Almagtige GOD YAHUVEH wat met hulle praat wat MY stem hoor, het op hierdie dag gespreek. EK roep hierdie vloeke in woede uit. Daar is seëninge vir hulle wat gehoorsaam is en vloeke op hulle wat nie gehoorsaam is nie. Waarsku hulle, MY Profete. Praat hard sodat hulle nie kan sê EK het hulle nie gewaarsku nie.

Toldot - Generasies

“En dit is die geskiedenis van Isak, die seun van Abraham: Abraham was die vader van Isak.”

(Genesis 25:19)

In ons laaste Parasha (Torah gedeelte) het Yitzchak (Isak), het die seun van Sarah en Abraham, die nalatenskap van sy ouers se geloof en gehoorsaamheid aan ELOHIM, oorgedra. Nadat sy ma gesterf het, het Abraham sy dienaar gestuur om 'n vrou vir Yitzchak uit Abraham se familie te bring.

By die put waar die vrouens van die dorp binnekort sou verskyn, het die dienaar tot ELOHIM se hulp gebid om die perfekte vrou vir Yitzchak te vind. Net toe het Rivkah (Rebekka) aangekom en water vir hom en sy kamele voorsien. Yitzchak was 40 toe hy met haar getrou het.

Gebed bring seëninge

"En Isak het YAHUVEH gesmeek met die oog op sy vrou, want sy was onvrugbaar; en YAHUVEH het sy gebed [atar] verhoor, sodat sy vrou Rebekka swanger geword het." (Genesis 25:21)

In hierdie week se Parasha ontdek ons dat Rivkah onvrugbaar is; Trouens, volgens die Joodse tradisie, is sy een van sewe vroue in die Torah wat dit moeilik gevind het om swanger te word, maar het uiteindelik kinders gekry deur die genade van YAHUVEH; in hierdie geval, in antwoord op haar man se gebed.

Daar word tradisioneel geglo dat hy 19 jaar lank gebid het. Daarbenewens word daar ook geglo dat hy in eenheid met Rivkah gebid het.

Wat 'n les vir ons vandag! Net omdat ons een keer bid en nie 'n antwoord ontvang nie, beteken dit nie dat ons moet ophou bid nie! YAHUVEH wil hê ons moet ons versoeke na HOM in die eenheid van geloof bring.

Die Hebreeuse uitdrukking wat in Genesis 25:21 gebruik word vir gebed /atar עָתַר, wat ook kan beteken om te grawe, is verwant aan die Hebreeuse woord vir gaffel / eter.

"Soos 'n gaffel die graankorrels van een posisie na 'n ander skuif, verander die gebed van die regverdiges ook die bedelings van die Heilige Een, geseënde YAHUVEH, van die toorn van woede na die eienskap van genade."

Yitzchak se gebed het die grondslag van die hemel binnegedring, en net soos die graan met 'n gaffel oorgedra word, was YAHUVEH se oordeel van onvrugbaarheid op Rivkah "omgedraai" en omgekeer deur YAHUVEH se genade as gevolg van gebed.

Natuurlik maak die Bybel dit duidelik dat ons vrugbaar moet wees en vermenigvuldig. Alhoewel saad gesaai word, is dit YAHUVEH wat die moederskoot open.

“ Kyk, seuns is ‘n erfdeel van YAHUVEH; die vrug van die moederskoot is ‘n beloning.

Soos pyle in die hand van ‘n held, so is die seuns van die jeug. Gelukkig is die man wat sy pylkoker daarmee gevul het! Hulle sal nie beskaamd staan as hulle met die vyande in die poort spreek nie.” (Psalm 127: 3-5)

Sarah, Abraham se vrou, het opgekom met haar eie oplossing vir haar onvrugbaarheid - sy het 'n surrogaatmoeder Hagar voorgestel. In haar eie pogings het sy Ismael ontvang.

Hannah, 'n ander onvrugbare vrou, het na die tempel gegaan en het uitgeroep tot ELOHIM en gevra vir 'n kind en sy het die profeet Samuel ontvang.

Rivkah het nie een van daardie gedoen nie. In plaas daarvan het sy na haar man gedraai, wat haar geestelike bedekking was, om ELOHIM namens haar te vra, en YAHUVEH het Isak se gebede beantwoord vir die wonderbaarlike geskenk van 'n nuwe lewe. Rivkah het haarself swanger gevind met nie net een kind nie - maar 'n tweeling - 'n dubbele porsie!

Geboortereg bring seëninge

“En die seuns het opgegroei: Esau het ‘n ervare jagter geword, ‘n man van die veld; maar Jakob was ‘n vredeliewende man wat in tente gewoon het. ”

(Genesis 25:27)

Die tweeling seuns het grootword met kenmerkende karaktereienskappe, wat in hul name weerspieël word.

Yaacov / Jacob se Hebreeuse naam hou verband met die woord eikev en beteken die hak van die voet. Hy was so genoem omdat hy by sy geboorte sy broer se haksteen gegryp het.

Dit wys Jakob se volharding om die eersgeboortereg te wen en die geestelike seëninge wat YAHUVEH aan sy vader Abraham belowe het, voort te dra.

Esau, egter, was genoem Esav, van die Semitiese wortel, seir, wat dik-harig beteken. Hy was ook die naam Adom gegee, die Hebreeuse woord vir rooi, aangesien hy "rooi en harig" gebore was.

Adom is ook verwant aan adamah (land) en dam (bloed), wat Esau se liefde gee om van die land af te leef, jag en dors na bloed.

Terwyl Jakob 'n stil en oënskynlik geestelike ingesteldheid gehad het, het Esau 'n vleeslike ingesteldheid gehad, soos aangetoon in die manier waarop hy so maklik iets van ewige geestelike waarde / sy eersgeboortereg, verruil vir iets wat sy fisiese honger, 'n bord lensies, kon bevredig. Vir hom was hulle gelyk.

“En Esau sê: Kyk, ek gaan sterwe, en wat baat die eersgeboortereg my dan? ” (Genesis 25:32)

Geboortereg kom met verantwoordelikhede sowel as seëninge.

Alhoewel Jakob nie die eersgeborene was nie, ontvang hy groot seëninge wat deur sy pa, Isak, toegeken is, tesame met die verantwoordelikheid om nasies te lei. Isak seën hom op die manier:

“En mag YAHUVEH jou gee van die dou van die hemel en van die vet grond van die aarde en oorvloed van koring en mos. Volke sal jou dien, en nasies voor jou neerbuig. Wees ‘n heerser oor jou broers, en die seuns van jou moeder moet hulle voor jou neerbuig. Vervloek is hulle wat jou vloek, en geseënd is hulle wat jou seën. ” (Genesis 27: 28-29)

Maar Esau, wie die eersgebore seun is, ontvang vloeke:

“Kyk, ver van die vet grond van die aarde sal jou woonplek wees, en ver van die dou van die hemel daarbo. En van jou swaard sal jy lewe, en jou broer sal jy dien. Maar as jy jou kragte inspan, sal jy sy juk van jou nek afruk. ” (Genesis 27: 39-40)

Jakob het sy vader se eersgebore seën ontvang omdat dit volgens die wil van Elohim voorgeskik was, wat gesê het: “Jakob het ek liefgehad; maar Esau het EK gehaat. “(Romeine 9:13)

Erfgename Van Vloeke Bring Meer Vloeke

Net soos Kain se jaloesie in 'n moorddadige komplot verander het om sy broer Abel dood te maak, het Esau ook ‘n komplot beplan om Jakob dood te maak, maar sonder sukses.

Hierdie stryd tussen die broers het nie skielik verskyn nie. Selfs in Rivkah se baarmoeder het die seuns met mekaar gestoei. Rivkah het wysheid van ELOHIM gesoek, wat aan haar 'n waarheid geopenbaar het wat tot vandag toe voortduur:

“En YAHUVEH het haar geantwoord: Twee nasies is in jou skoot, en twee volke sal van mekaar gaan uit jou liggaam; en die een volk sal sterker wees as die ander volk; en die oudste sal die jongste dien.”

(Genesis 25:23)

Oor die eeue is dit vergelyk: die jaloerse, haat-gevulde karakter van Esau, met die ewige stryd tussen die afstammelinge van beide broers.

Jakob se afstammelinge is gebore uit gehoorsaamheid aan sy vader Isak, wat hom vertel het om nie met 'n Kanaänitiese vrou te trou nie, en hy het nie.

Esau, aan die ander kant, het twee Kanaänitiese vroue getrou. Een van Esau se Kanaänitiese nageslag was Amalek, wat 'n aartsvyand van pre-staat Israel geword het deur Moses en die Israeliete aan te val terwyl hulle in die woestyn was (Eksodus 17). Hulle het ook Israel binnegeval gedurende die tyd van die Regters:

“Want as Israel gesaai het, dan trek die Midianiete en Amalekiete en die kinders van die Ooste uit, en trek teen hulle op:” (Rigters 6:3)

Baie probeer om die geslagsregister van Esau en die Amalekiete aan die moderne vyande van Israel te koppel. Alhoewel dit in sekere mate akkuraat is, is die waarheid dat die gees van Esau en die Amalekiete om die erfgename van seën te vernietig, onder baie nasies lewend gebly het.

Ons het hierdie haat in moderne voor-staats-Israel gesien tydens die uitsetting van Jode uit Engeland, die marteling van die Spaanse Inkwisisie en die volksmoord van ses miljoen Jode in die Holocaust.

Ons het sy lewenskrag gesien, soos omliggende nasies die nuutgevormde moderne Israel binnegeval het in 1948, weer in 1967, en onlangs met terroriste groepe wat beloof om die land "van die rivier na die see" te eis vir hul eie geboortereg.

Terwyl die helfte van die Joodse bevolking in die afgelope dekade uitgewis is en spesifieke planne om ons van die land te verwyder in sirkulasie is, sal YAHUVEH uiteindelik SY geloftes aan Abraham, Isak, Jakob en hulle nageslag handhaaf:

“Ek is YAHUVEH, die GOD van jou vader Abraham en die GOD van Isak. Die land waar jy op lê en slaap, sal Ek aan jou [Jakob] en jou nageslag gee;
en jou nageslag sal wees soos die stof van die aarde, en … in jou en jou nageslag sal al die geslagte van die aarde geseën word. (Genesis 28:13-14)

Diegene wie YAHUVEH se ewige planne deur Jakob, aanval, plaas inderdaad vloeke oor hulle eie land.

Isak het oor Jakob gebid: "Mag die wat jou vloek vervloek word" (Genesis 27:29), en ELOHIM verseker ons deur die profeet Esegiël dat hierdie vloek steeds getrou bly.

“Omdat jy ‘n ewige vyandskap koester en die kinders van Israel in die mag van die swaard oorgelewer het in die tyd van hulle onheil, in die tyd van uiteindelike afrekening, daarom, so waar as EK leef, spreek YAHUVEH GOD, gewis, EK sal jou tot bloed maak, en bloed sal jou vervolg; omdat jy bloed nie gehaat het nie, sal bloed jou vervolg.” (Esegiël 35:5–6)

Die fokus van hierdie Parasha is nie regtig vloeke nie, maar seëninge.

Die Hebreeuse woord vir geseën (baruch) is beduidend in hierdie Parasha: uit 106 verse, veskyn baruch 34 keer!

Hierdie woord, baruch, kom van brachah (seën). Maar met ‘n klein verandering in klinker, word dit breicha — ‘n fontein van water of selfs ‘n poel.

Vandag, sien ons dat YAHUVEH SY belofte gehou het om die onvrugbare plekke van hierdie land in fonteine en poele van water te verander:

Ek sal riviere op die kaal heuwels oopmaak en fonteine in die laagtes; Ek sal die woestyn ‘n waterplas maak en die dor land waterbronne. (Jesaja 41:18)

Erf die Seën

Gedurende die sage van Jakob en Esau, het 'n hongersnood oor die land gekom. Alhoewel Abraham na Egipte afgetrek het vir voedsel by tye van hongersnood, het ELOHIM Isak opdrag gegee om te bly.

“En ELOHIM het aan hom verskyn en gesê: Moenie aftrek na Egipte nie; woon in die land wat EK jou sal aanwys.”

(Genesis 26:2)

Net soos Abraham, het Isak ELOHIM gehoorsaam en was inderdaad, deur GOD geseën daarvoor.

“Vertoef as vreemdeling in hierdie land, en EK sal met jou wees en jou seën; want aan jou en jou nageslag sal EK al hierdie lande gee: EK sal die eed bevestig wat EK vir jou vader Abraham gesweer het.” (Genesis 26:3)

Dit wys ons die wysheid om YAHUVEH te soek vir oplossings vir ons probleme en nie noodwendig te herhaal wat ons vader voor ons gedoen het nie, of wat na die logiese antwoord lyk. YAHUVEH kan ons vra om in 'n situasie te bly wanneer alles en almal ons vertel om uit te kom — vinnig!

As YAHUVEH ons instruksie gee om te bly, dan kan ons selfs in ernstige situasies ‘n seën wees deur SY Lewende Water te verskaf.

Soos ons kyk na jaloesie en haat in die gees van Esau, wat opstaan in Gasa deur vuurpylaanvalle en grensopstandiges, is daar 'n versoeking vir sommige in Israel om te dink dat ons moet ontsnap en "na Egipte gaan" of dalk na die VSA of Kanada.

Maar as die Gees van YAHUVEH ons vertel om te bly, dan kan ons weet dat HY ons sal beskerm en die eed vestig wat HY gesweer het aan ons voorvaders om hierdie land aan ons te gee.

“Want my gedagtes is nie julle gedagtes nie, en julle weë is nie my weë nie, spreek YAHUVEH.” (Jesaja 55:8)

YAHUSHUA Bring die Uiteindelike Seën na die Beloofde Land

“En Isak het die putte weer oopgegrawe wat hulle in die dae van sy vader Abraham gegrawe het, en wat die Filistyne ná die dood van Abraham toegestop het, en dit genoem na die name wat sy vader daaraan gegee het.” (Genesis 26:18)

Soos ELOHIM Abraham se geloof getoets het, het Isak waarskynlik aan post- traumatiese stres gely as gevolg daarvan dat hy deur sy vader vasgebind en amper geoffer was. Maar in hierdie Parasha sien ons dat, Isak ‘n man van Goddelike karakter, met Goddelike visie is, wie aangehou het om sy vader se besigheid te laat voortgaan deur her-grawing van die putte wat Abraham gegrawe het op sy pad na Beer Sheva.

Waarom is hierdie putte uniek? Hulle was belangrike bronne van water in ‘n harde droë woestynland. Maar hier sien ons dat hierdie lewe-gewende watergate opsetlik gevul was met grond. Dit kan alleenlik geïnterpreteer word as ‘n barbaarse daad, gedoen om die lewe te ontmoedig en selfs in gevaar te stel om te voorkom dat Isak toegang verkry tot sy vader se putte.

Ons sien soortgelyke ontmoediging as gevolg van gebrek van water wanneer die kinders van Israel in die woestyn kamp opgeslaan het na hulle uittog na Egipte. Toe hulle uiteindelik by 'n put aangekom, het hulle lof vir ELOHIM gesing:

“En daarvandaan het hulle na Beër getrek. Dit is die put waarvan YAHUVEH aan Moses gesê het: ‘Laat die volk bymekaarkom, dat EK vir hulle water kan gee.’ Toe het Israel hierdie lied gesing: ‘Spring op, o put! Besing hom!’”
(Numeri 21:16–18)

Abraham het doelbewus hierdie putte vernoem na GOD om mense te herinner dat HY die bron van alle lewe is. Dit is met vreugde vandag dat ons water trek uit diep putte van lewende water YAHUSHUA ha MASHIACH.

“En julle sal water skep met vreugde uit die fonteine van heil.”

(Jesaja 12:3)

Toe YAHUSHUA aan die Samaritaanse vrou by die put bedien het, het HY hierdie dapper eis aangevoer dat HY die Joodse Messias was. Daar het HY HOMSELF verklaar as die bron van lewende water wat lei na ewige lewe.

“Maar elkeen wat drink van die water wat Ek hom sal gee, sal in ewigheid nooit dors kry nie, maar die water wat Ek hom sal gee, sal in hom word ‘n fontein van water wat opspring tot in die ewige lewe.”

(Johannes 4:14)

Die uiteindelike erfgename van seën is die erfgename van die beloofde Messias YAHUSHUA ha MASHIACH, wie die finale offer geword het vir almal wie vertrou en glo dat HY daardie belofte is.

Die verlossing is ‘n gratis geskenk wat 99% van Joodse mense nog nie van weet nie omdat niemand dit nog aan hulle verduidelik het hoe die Hebreeuse Skrifte YAHUSHUA bekendmaak as hulle beloofde Messias nie.

Tog, beloof die Bybel dat in hierdie laaste dae, soos die Tye van die Heidene tot ‘n einde kom sal die hele Israel gered word.

“Want ek wil nie hê, broeders, dat julle hierdie verborgenheid nie moet weet nie, sodat julle nie eiewys mag wees nie: dat die verharding ten dele oor Israel gekom het totdat die volheid van die heidene ingegaan het;
en so sal die hele Israel gered word” (Romeine 11:25–26)

“Hy sal Hom weer oor ons ontferm, ons ongeregtighede vertree; ja, U sal al hulle sondes in die dieptes van die see werp.”

(Miga 7:19)

Shabbat Shalom van AMIGHTYWIND!