Eksodus 38:21 – 40:38

 *~ Eksodus Hoofstuk 38~*

21 Dit is die berekening van die koste van die Tabernakel, van die Tabernakel van die Getuienis, soos dit bereken is op bevel van Moses, deur die diens van die Leviete, onder leiding van Itamar, die seun van die priester Aäron. 

22 En Besáleël, die seun van Uri, die seun van Hur, van die stam van Juda, het alles gemaak wat YAHUVEH Moses beveel het. 

23 En saam met hom Ohóliab, die seun van Ahísamag, van die stam van Dan, ‘n ambagsman en kunstenaar en kunswewer in pers en in purperrooi en in bloedrooi stowwe en in fyn linne. 

24 Al die goud wat vir die werk gebruik is, by al die werk van die Heiligdom—die goud wat as offer aangebied was, het bedra nege en twintig talente en sewe honderd en dertig sikkels volgens die sikkel van die Heiligdom. 

25 En die silwer van die geteldes van die vergadering was honderd talente en duisend sewe honderd vyf en sewentig sikkels volgens die sikkel van die Heiligdom; 

26 ‘n beka vir elke persoon, dit is ‘n halfsikkel volgens die sikkel van die Heiligdom, van elkeen wat oorgegaan het na die geteldes, van twintig jaar oud en daarbo, naamlik ses honderd en drie duisend vyf honderd en vyftig man. 

27 En die honderd talente silwer het gedien om die voetstukke van die Heiligdom en die voetstukke van die voorhangsel te giet; honderd voetstukke vir honderd talente, ‘n talent vir ‘n voetstuk. 

28 Maar van die duisend sewe honderd vyf en sewentig sikkels het hy kramme vir die pilare gemaak, en hy het hulle toppe oorgetrek en hulle van ringe voorsien. 

29 En die koper wat as offer aangebied was, het bedra sewentig talente en twee duisend vier honderd sikkels. 

30 En hy het daaruit die voetstukke van die ingang van die Tent van Samekoms gemaak en die koperaltaar en sy kopertraliewerk en al die gereedskap van die altaar; 

31 en die voetstukke van die voorhof rondom en die voetstukke van die poort van die voorhof en al die penne van die Tabernakel, ook al die penne van die voorhof rondom.

 *~ Eksodus Hoofstuk 39~*

1 Hulle het ook kunstige klere van pers en purperrooi en bloedrooi stowwe gemaak om in die Heiligdom te dien. Ook het hulle die heilige klere vir Aäron gemaak soos YAHUVEH Moses beveel het. 

2 En hy het die skouerkleed gemaak van goud, pers en purperrooi en bloedrooi stowwe en fyn dubbeldraad-linne. 

3 En hulle het van die goud dun plate geslaan, en hy het dit in drade gesny om dit in te werk in die pers en purperrooi en bloedrooi stowwe en in die fyn linne—’n kunstige werk. 

4 Hulle het daar skouerstukke aan gemaak wat aan mekaar vas was; aan die twee bo-ente was dit saamgevoeg. 

5 En die band wat daaraan was om dit vas te bind, was daarmee saam uit een stuk, van dieselfde werk, van goud, pers en purperrooi en bloedrooi stowwe en fyn dubbeldraad-linne, soos YAHUVEH Moses beveel het. 

6 Hulle het ook die oniksstene gemaak, vasgesit in kassies van goud, gegraveer soos op ‘n seëlsteen ingesny word, volgens die name van die kinders van Israel. 

7 En hy het hulle op die skouerstukke van die skouerkleed bevestig as gedagtenisstene aan die kinders van Israel, soos YAHUVEH Moses beveel het.

 
8 Hy het ook die borstas van kunstige werk gemaak soos die werk van die skouerkleed; van goud, pers en purperrooi en bloedrooi stowwe en fyn dubbeldraad-linne. 

9 Dit was vierkantig; dubbel gevou het hulle die borstas gemaak; ‘n span sy lengte en ‘n span sy breedte, dubbel gevou was dit. 

10 En hulle het daarin vier rye stene ingevul: ‘n ry met ‘n karneool, ‘n topaas en ‘n smarag was die eerste ry. 

11 En die tweede ry: ‘n karbonkel, ‘n saffier en ‘n jaspis. 

12 En die derde ry: ‘n hiasint, ‘n agaat en ‘n ametis. 

13 En die vierde ry: ‘n chrisoliet, ‘n oniks en ‘n sardoniks; hulle is in kassies van goud vasgesit by hulle invulling. 

14 En die stene was volgens die name van die kinders van Israel twaalf, volgens hulle name. Soos op ‘n seëlsteen uitgesny word, was hulle vir twaalf stamme, elkeen volgens sy naam. 

15 Hulle het ook by die borstas gedraaide kettings gemaak, soos toutjies gedraai, van suiwer goud; 

16 en hulle het twee goue kassies en twee goue ringe gemaak, en die twee ringe aan die twee bo-ente van die borstas bevestig, 

17 en hulle het die twee goue toutjies aan die twee ringe aan die bo-ente van die borstas vasgemaak. 

18 Maar die twee ander ente van die twee toutjies het hulle aan die twee kassies vasgemaak en dié dan aan die skouerstukke van die skouerkleed bevestig, aan die voorkant daarvan. 

19 Hulle het ook twee goue ringe gemaak en dié aan die twee onder-ente van die borstas bevestig, aan die kant wat teen die skouerkleed aan lê, aan die binnekant. 

20 En hulle het twee goue ringe gemaak en dié aan die twee skouerstukke van die skouerkleed bevestig, onderaan, aan die voorkant daarvan, by sy verbinding, bo die band van die skouerkleed. 

21 En hulle het die borstas, met sy ringe, aan die ringe van die skouerkleed met ‘n pers toutjie vasgebind, sodat dit bo die band van die skouerkleed sou wees en die borstas nie van die skouerkleed kon afskuiwe nie, soos YAHUVEH Moses beveel het. 

22 En hy het die mantel van die skouerkleed van wewerswerk gemaak, heeltemal van pers stof. 

23 En die opening van die mantel was in die middel daarvan soos die opening van ‘n pantser; die opening het ‘n soom rondom gehad, dat dit nie sou skeur nie. 

24 En aan die soom van die mantel het hulle granaatjies gemaak van pers en purperrooi en bloedrooi stowwe en fyn dubbeldraad-linne. 

25 Hulle het ook klokkies van suiwer goud gemaak en die klokkies tussen die granaatjies gesit, aan die soom van die mantel rondom, tussen die granaatjies in: 

26 ‘n klokkie en ‘n granaatjie, ‘n klokkie en ‘n granaatjie, aan die soom van die mantel rondom, vir die diens, soos YAHUVEH Moses beveel het. 

27 Hulle het ook die rokke van fyn linne gemaak, van wewerswerk, vir Aäron en sy seuns; 

28 en die tulband van fyn linne en die pronkmusse van fyn linne en die linnebroeke van fyn dubbeldraad-linne; 

29 en die gordel van fyn dubbeldraad-linne en van pers en purperrooi en bloedrooi stowwe, veelkleurige werk, soos YAHUVEH Moses beveel het. 

30 Hulle het ook die plaat van die heilige kroon van suiwer goud gemaak en daarop geskrywe met letters soos dit op ‘n seëlsteen uitgesny word: HEILIG AAN YAHUVEH. 

31 En hulle het ‘n pers toutjie daaraan vasgemaak om dit bo-op die tulband te bevestig, soos YAHUVEH Moses beveel het. 

32 So is dan al die werk aan die Tabernakel van die Tent van Samekoms voltooi; en die kinders van Israel het dit gemaak net soos YAHUVEH Moses beveel het; so het hulle dit gemaak. 

33 En hulle het die Tabernakel na Moses gebring, die Tent self met alles wat daarby behoort, sy hakies, sy style, sy dwarshoute en sy pilare en sy voetstukke, 

34 en die dekkleed van rooigeverfde ramsvelle en die dekkleed van robbevelle en die voorhangsel tot bedekking; 

35 die ark van die Getuienis met sy draaghoute en die versoendeksel; 

36 die tafel met al sy gereedskap en die toonbrode; 

37 die suiwer kandelaar met sy lampe, die lampe wat daarop gerangskik moes word, met al sy gereedskap en die olie vir die kandelaar; 

38 verder die goue altaar en die salfolie en die reukwerk van speserye en die bedekking vir die ingang van die tent; 

39 die koperaltaar en sy kopertraliewerk, sy draaghoute met al sy gereedskap, die waskom en sy voetstuk; 

40 die behangsels van die voorhof, sy pilare en sy voetstukke, en die bedekking vir die poort van die voorhof, die lyne en penne wat daarby behoort, en al die gereedskap vir die diens in die Tabernakel van die Tent van Samekoms; 

41 die kunstige klere, om in die Heiligdom te dien, die heilige klere van die priester Aäron en die klere van sy seuns, om die priesteramp te bedien. 

42 Net soos YAHUVEH Moses beveel het, so het die kinders van Israel die hele werk gemaak. 

43 En Moses het die hele werk bekyk—en hulle het dit gemaak soos YAHUVEH beveel het, so het hulle dit gemaak. Toe het Moses hulle geseën.

 *~ Eksodus Hoofstuk 40~*

1 Verder het YAHUVEH met Moses gespreek en gesê: 

2 Op die dag van die eerste maand, op die eerste van die maand, moet jy die Tabernakel van die Tent van Samekoms oprig. 

3 En jy moet daarin plaas die ark van die Getuienis en die ark met die voorhangsel bedek. 

4 Dan moet jy die tafel inbring en daarop regsit wat daarop behoort. Jy moet ook die kandelaar inbring en sy lampe opsteek. 

5 En jy moet die goue altaar vir die reukwerk voor die ark van die Getuienis neersit. Dan moet jy die bedekking van die ingang van die Tabernakel ophang. 

6 Jy moet ook die brandofferaltaar voor die ingang van die Tabernakel van die Tent van Samekoms neersit. 

7 En jy moet die waskom tussen die Tent van Samekoms en die altaar neersit en daar water in gooi. 

8 En maak die voorhof rondom, en hang die bedekking aan die poort van die voorhof op. 

9 Dan moet jy die salfolie neem, en jy moet die Tabernakel salf en alles wat daarin is, en dit heilig met alles wat daarby behoort; en dit sal heilig wees. 

10 Jy moet ook die brandofferaltaar salf met al sy gereedskap, en jy moet die altaar heilig, en die altaar sal hoogheilig wees. 

11 Salf dan die waskom en sy voetstuk, en heilig dit. 

12 Jy moet ook Aäron en sy seuns laat nader kom, na die ingang van die Tent van Samekoms toe, en jy moet hulle met water was. 

13 Trek Aäron dan die heilige klere aan; en salf hom en heilig hom, dat hy vir MY die priesteramp kan bedien. 

14 Jy moet ook sy seuns laat nader kom en hulle die rokke aantrek. 

15 Salf hulle dan, soos jy hulle vader gesalf het, dat hulle vir MY die priesteramp kan bedien. En hul salwing moet vir hulle ‘n ewige priesterskap in hulle geslagte wees. 

16 En Moses het gedoen net soos YAHUVEH hom beveel het; so het hy gedoen. 

17 En in die eerste maand, in die tweede jaar, op die eerste van die maand, is die Tabernakel opgerig. 

18 En Moses het die Tabernakel opgerig: hy het sy voetstukke neergesit en sy style daarop gesit en sy dwarshoute vasgemaak en sy pilare opgerig. 

19 En hy het die tentseil oor die Tabernakel gespan en die dekkleed van die tent daar bo-oor getrek, soos YAHUVEH Moses beveel het. 

20 Verder het hy die Getuienis geneem en dit in die ark neergelê en die draaghoute aan die kant van die ark ingesteek, en die versoendeksel het hy bo-op die ark gesit. 

21 Toe het hy die ark in die tabernakel gebring en die voorhangsel tot bedekking opgehang en die ark van die Getuienis bedek, soos YAHUVEH Moses beveel het. 

22 Hy het ook die tafel in die Tent van Samekoms neergesit, aan die kant van die Tabernakel, teen die noorde, buitekant die voorhangsel. 

23 En hy het die brood daarop gerangskik voor die aangesig van YAHUVEH, soos YAHUVEH Moses beveel het. 

24 Hy het ook die kandelaar in die Tent van Samekoms gesit, teenoor die tafel, aan die suidekant van die Tabernakel. 

25 En hy het die lampe opgesteek, voor die aangesig van YAHUVEH, soos YAHUVEH Moses beveel het. 

26 En hy het die goue altaar in die Tent van Samekoms neergesit, voor die voorhangsel, 

27 en reukwerk van speserye daarop aan die brand gesteek, soos YAHUVEH Moses beveel het. 

28 Hy het ook die bedekking van die ingang van die Tabernakel opgehang.

 
29 En hy het die brandofferaltaar by die ingang van die Tabernakel van die Tent van Samekoms neergesit, en hy het daarop die brandoffer en die spysoffer gebring, soos YAHUVEH Moses beveel het. 

30 Hy het ook die waskom tussen die Tent van Samekoms en die altaar gesit, en hy het daar water in gegooi om mee te was. 

31 En Moses en Aäron en sy seuns het daaruit hulle hande en voete gewas. 

32 As hulle ingaan in die Tent van Samekoms of nader kom na die altaar, het hulle hul elke keer gewas, soos YAHUVEH Moses beveel het. 

33 Hy het ook die voorhof opgerig, rondom die Tabernakel en die altaar, en die bedekking vir die poort van die voorhof opgehang. So het Moses dan die werk voltooi. 

34 Toe het die wolk die Tent van Samekoms oordek, en die heerlikheid van YAHUVEH het die Tabernakel vervul, 

35 sodat Moses nie in die Tent van Samekoms kon ingaan nie, omdat die wolk daarop gerus en die heerlikheid van YAHUVEH die Tabernakel vervul het. 

36 En as die wolk van die Tabernakel af optrek, het die kinders van Israel elke keer weggetrek op al hulle togte; 

37 maar as die wolk nie optrek nie, dan trek hulle nie weg nie, totdat dit weer optrek. 

38 Want die wolk van YAHUVEH was bedags op die Tabernakel, en vuur was snags daarin, voor die oë van die hele huis van Israel, op al hulle togte.

1 Konings 7:51 – 8:21

*~1 Konings Hoofstuk 7~*

51 En toe al die werk wat Koning Salomo in die huis van YAHUVEH gemaak het, gereed was, het Salomo die geheiligde gawes van sy vader Dawid ingebring; die silwer en die goud en die voorwerpe het hy in die skatkamers van die huis van YAHUVEH neergesit.

 

*~1 Konings Hoofstuk 8~*

1 Daarna het Salomo die oudstes van Israel en al die stamhoofde, die familie-owerstes van die kinders van Israel, by Koning Salomo in Jerusalem byeen laat kom om die verbondsark van YAHUVEH uit die stad van Dawid, dit is Sion, op te bring. 

2 En al die manne van Israel het by Koning Salomo op die fees vergader in die maand Étanim, dit is die sewende maand. 

3 Toe al die oudstes van Israel daar kom, het die priesters die ark opgeneem 

4 en die ark van YAHUVEH en die Tent van Samekoms gebring saam met al die heilige voorwerpe wat in die tent was; naamlik die priesters en die Leviete het dit gebring. 

5 En terwyl Koning Salomo en die hele by hom vergaderde gemeente van Israel saam met hom voor die ark staan, het hulle kleinvee en beeste geoffer wat vanweë die menigte nie getel of bereken kon word nie. 

6 Verder het die priesters die verbondsark van YAHUVEH na sy plek gebring, in die binneste vertrek van die huis, in die Allerheiligste, onder die vlerke van die gérubs in. 

7 Want die gérubs het die vlerke uitgesprei oor die plek van die ark, sodat die gérubs die ark en sy draaghoute van bo af beskut het. 

8 En die draaghoute was so lank, dat die punte van die draaghoute uit die Heilige, vlak voor die binneste vertrek, gesien kon word, maar verder buitentoe was hulle nie sigbaar nie; en hulle is daar tot vandag toe. 

9 Daar was niks in die ark nie as net die twee kliptafels wat Moses by Horeb daarin neergelê het, toe YAHUVEH ‘n verbond met die kinders van Israel gesluit het by hulle uittog uit Egipteland.

10 En toe die priesters uit die Heiligdom uitgaan, het die wolk die huis van YAHUVEH vervul.

 
11 En die priesters kon vanweë die wolk nie staan om diens te doen nie, want die heerlikheid van YAHUVEH het die huis van YAHUVEH vervul. 

12 Toe het Salomo gesê: YAHUVEH het gesê dat HY in donkerheid wil woon. 

13 Verseker het ek vir U ‘n woonhuis gebou, ‘n vaste plek vir U om ewig in te woon. 

14 Daarop draai die koning sy aangesig om en seën die hele vergadering van Israel, terwyl die hele vergadering van Israel staan. 

15 En hy sê: Geloofd sy YAHUVEH, die ELOHIM van Israel, wie se hand volbring het wat SY mond met my vader Dawid gespreek en gesê het: 

16 Van die dag af dat EK MY volk Israel uit Egipte uitgelei het, het EK geen stad verkies uit al die stamme van Israel om ‘n huis te bou, dat MY Naam daar sou wees nie; maar EK het Dawid verkies om oor MY volk Israel te wees. 

17 Toe dit dan in die hart van my vader Dawid was om ‘n huis te bou vir die Naam van YAHUVEH, die ELOHIM van Israel, 

18 het YAHUVEH aan my vader Dawid gesê: Dat dit in jou hart was om vir MY Naam ‘n huis te bou—daarin het jy goed gehandel, dat dit in jou hart was. 

19 Net maar, jy sal die huis nie bou nie, maar jou seun wat uit jou lendene sal voortkom, dié sal vir MY Naam die huis bou. 

20 En YAHUVEH het SY Woord vervul wat HY gespreek het, sodat ek opgestaan het in die plek van my vader Dawid, en ek sit op die troon van Israel soos YAHUVEH gespreek het; en ek het die huis gebou vir die Naam van YAHUVEH, die ELOHIM van Israel, 

21 en daar ‘n plek ingerig vir die ark, waarin die verbond van YAHUVEH is, met ons vaders gesluit toe HY hulle uit Egipteland uitgelei het. 

Lukas 16:1 – 13

*~Lukas Hoofstuk 16~*

1 En HY (YAHUSHUA) het ook aan SY dissipels gesê: Daar was ‘n ryk man wat ‘n bestuurder gehad het; en hy is by hom aangeklaag as een wat sy besittings verkwis. 

2 En hy het hom geroep en vir hom gesê: Wat is dit wat ek van jou hoor? Gee verslag van jou bestuur van sake; want jy sal nie meer bestuurder kan wees nie. 

3 Toe sê die bestuurder by homself: Wat sal ek doen? Want my Meester neem die bestuurderskap van my weg. Spit kan ek nie; om te bedel, skaam ek my. 

4 Ek weet wat ek sal doen, sodat wanneer ek van die bestuurderskap afgesit is, hulle my in hulle huise kan ontvang. 

5 Toe roep hy die skuldenaars van sy Meester, een vir een, en sê vir die eerste: Hoeveel skuld jy aan my Meester? 

6 En hy antwoord: honderd vat olie. En hy sê vir hom: Neem jou skuldbewys, gaan sit en skryf gou vyftig. 

7 Daarna sê hy vir ‘n ander een: En jy, hoeveel skuld jy? En hy antwoord: honderd mud koring. Toe sê hy vir hom: Neem jou skuldbewys en skryf tagtig.

 
8 En die Meester het die onregverdige bestuurder geprys, omdat hy verstandig gehandel het; want die kinders van hierdie wêreld is verstandiger teenoor hulle geslag as die kinders van die lig. 

9 En EK sê vir julle: Maak vir julle vriende deur die onregverdige Mammon, sodat wanneer julle die lewe verlaat, hulle jul in die ewige tente kan ontvang. 

10 Hy wat getrou is in die minste, is ook in die grote getrou; en hy wat onregverdig is in die minste, is ook in die grote onregverdig. 

11 As julle dan nie getrou was in die onregverdige Mammon nie, wie sal julle die ware goed toevertrou? 

12 En as julle nie getrou was in ‘n ander se goed nie, wie sal aan julle jul eie gee? 

13 Geen huiskneg kan twee Meesters dien nie; want hy sal òf die een haat en die ander een liefhê, òf die een aanhang en die ander een verag. Julle kan nie YAHUVEH én Mammon dien nie. 

AmightyWind Profesieë

Van Profesie 105 af, het YAHUVEH gesê hierdie moet van nou af op al die Profesieë geplaas word: Elisabeth (Elisheva) EK het jou lank gelede gewaarsku om nie hierdie Bediening na ‘n man of ‘n vrou te vernoem nie, selfs nog voordat daar ‘n Bediening was. EK het dit in jou gees geplaas want niks hiervan was deur jou eie toedoen nie, niks hiervan het uit jou mond voortgekom nie. Dit is uit die Mond van YAHUVEH geboorte gegee. Dit is uit die Mond van YAHUSHUA jou MASHIACH geboorte gegee. Dit is uit die Mond van die RUACH ha KODESH jou IMMAYAH geboorte gegee. As dit net deur jou hand was sou dit lankal misluk het. Dit is deur die SHKHINYAH GLORIE se Wind wat oor hierdie aarde waai, die Heilige Wind van Herlewing, dit is nie deur jou asem nie, anders sou dit misluk het.

“EK is YAHVEH, dit is MY NAAM; en MY EER sal EK aan geen ander gee, of ook MY LOF aan die gesnede beelde nie”. (Jesaja 42:8)

8 Maart 2019

Torah Gedeelte: Bou die Tabernakel: ‘n Gemeenskaps Verhouding

PROFESIE 17 JULLE WORD VERANTWOORDELIK GEHOU VIR DIT WAT JULLE WEET!

Julle word verantwoordelik gehou vir wat julle weet. Pasop, Julle word verantwoordelik gehou vir wat julle nou weet. Nora Lam, BEROU. EK het jou lief MY Dogter, maar roem, rykdom en trots het jou eens Heilige sending in die lewe verrot. Onthou jy toe jou naam nie gebruik was om geld in te samel nie. Dink terug, MY lief, toe jy honger was, geslaan en gemartel sodat jy vir YAHUSHUA moet ontken. So spreek YAHUVEH, MY kleintjie, onthou toe EK jou enigste motivering was, het jy niks anders nodig gehad om van te lewe nie? Onthou jy toe 'n brood korsie vir jou soos 'n feesmaal was? Onthou jy, MY kleintjie? Nou is jou enigste motivering om miljoene dollars IN TE SAMEL. Nora, kom terug na die liefdevolle arms van jou Vader. Jy kan nie twee here dien nie; jy sal die een haat en die ander liefhê.

Pasop; 'n woord aan alle beroemde predikers, so spreek YAHUVEH, Larry Lea, wat is jy besig om te doen? Hoekom het jy MY so beledig en MY NAAM as 'n skelmstreek gebruik, om die mense 'n gebed te belowe en dat jy hulle gebedsbedekking sal wees en dan sê jy, "Stuur geld daarvoor." Waar is die dienaar aan wie EK eens die salwing gegee het om MY Kinders te leer hoe om te bid? Hoekom is MY NAAM as advertensie gebruik om 'n mens te promoveer en nie die Koninkryk van die Hemel nie? Nie terwille van die verlossing van siele nie. Pasop vir enigeen wie deur die mens op 'n voetstuk geplaas word. EK, YAHUVEH, sal die een wees wat jou van daardie voetstuk sal afslaan om te bewys dat jy niks sonder MY salwing van die RUACH ha KODESH kan doen nie. Benny Hinn, O MY kosbare seun, waarheen het jy gegaan? Hoekom gebruik jy MY NAAM vir jou eie gebruik, vir jou eie eer en bou geboue wat EK nie gesê het jy moet bou nie.

EK het vir MY Ware Profete, soos hierdie suster wat nou hierdie woorde met julle spreek, gesê; dit is een minuut voor Middernag. EK kom in die middernagtelike uur. Hoekom mislei die herders die skape? Hoekom lei die herders hulle na die wolwe toe om hulle te verslind? Hoekom is die herders net geïnteresseerd om hulleself vet te voer en nie MY Skape nie? Hoekom gee die herders net om vir hul eie huis en of hulle kos het, of hulle klere het en die beste in die lewe het, terwyl hulle sien die kudde in hul kerke is haweloos, honger, naak en arm?

Hoe kan hierdie herders die Heilige tiendes gebruik om te her-dekoreer of om herehuise ter waarde van miljoene dollars te bou en nogtans is MY Skape sonder dak oor hulle hoofde, beskerming vir die skape se siele. So baie sal Hel toe gaan, want die herders van hierdie wêreld is meer besorg om hul koninkryke te bou vir hul eie eer en lof en nie vir die een wat die prys betaal het sodat siele gered kan word nie. Wees gewaarsku, julle word verantwoordelik gehou vir wat julle weet. Die herders is veronderstel om vir die skape te voorsien, geeneen moet tekort hê nie. Dit is MY lammers wat julle ignoreer.

So spreek YAHUVEH van die ganse Skepping, julle het julle GOD, MY SEUN, YAHUSHUA geneem en HOM in die skande gesteek voor die ganse Hemele en Hel. satan spot met MY Herders vir wie EK agtergelaat het om die kuddes namens MY te versorg. Die Hemel ween terwyl die wolk van getuies toekyk hoe die vet herders vetter word en MY kuddes al maerder word. Niemand hoef na 'n kerk toe te gaan en geestelik honger weggaan nie, nogtans doen hulle. Niemand hoef liggaamlik honger te ly nie; deel dit wat julle het met hulle wat nie het nie. Dit is MY gebod. Hoe kan julle staan en toekyk en sê, 'ek sal vir jou bid', terwyl julle weet julle suster of broer is honger? Julle het voedsel, julle het skuilplek, MY Kinders hoef nie haweloos te wees nie.

Waar is die herders vir wie 'EK IS' geroep het om MY Skape te versorg? Moenie julself 'n pastoor noem as julle nie MY Skape voed nie, beide liggaamlik en geestelik. Hou op om die Heilige tiendes en offergawes te gebruik om julself vet te voer, instede daarvan gebruik dit om MY Skape en Baba Lammers vet te voer. Julle word verantwoordelik gehou want dit is aan julle gesê. Sê MY Woord nie, "Moenie vir julleself silwer en goud op hierdie aarde bymekaar maak waar die dief inbreek en steel, en mot en roes verniel nie, maar maak julle skatte in die Hemel bymekaar."

Hoeveel van julle herders vir wie EK roem toegelaat het sodat julle name op die tong van elke skaap is, gehoorsaam die Ware Evangelie van YAHUSHUA ha MASHIACH? Hoeveel van julle stel voorbeelde vir MY Skape en Lammers? Het EK regtig vir jou gesê om daardie 7 miljoen dollar gebou te bou? NEE. Die gees van trots het julle mislei. Kyk mooi, MY liewe skapies, MY Skape sal MY stem ken. Los hierdie herders wie julle uitbuit. EK is nie in hul kerke nie. EK is op die trappe en waarsku julle deur stemme soos hierdie Diensmaagd wat nou hier praat. Hardloop terug na die verhouding wat julle eens met MY gehad het. Hardloop weg van die gees van godsdiens. Daardie kerkgebou, so pragtig en in skuld kan nie julle siele red nie. Daardie pastoor wat in snyerspakke gekleed is, kan julle nie red nie. Die kerke is nie in MY Kleed van Geregtigheid geklee nie, maar in hul eie modeparades van smerige toiings. Stroop julleself van hierdie gees van trots wat daarop uit is om mekaar te beïndruk.

Skape wie ore het om te hoor en luister en oë om te sien, onthou, hierdie soort kerke kan nie julle gebede beantwoord nie. EK kan nie julle tiendes eer as dit gaan vir dit wat EK nie as Heilig geseën het nie. EK, YAHUSHUA ha MASHIACH julle Redder, staan op die trappe en sê, pasop almal wie by hierdie kerke ingaan waar die herders geld hulle god gemaak het en goue afgode. Pasop vir die geboue waar die herders nie MY Woorde spreek nie, maar hulle eie woorde.

Waar die herders byeenkomste hou maar geen woord oor belydenis, verlossing of waarskuwing van oordeel of verdoeming word genoem nie. Ellende vir die profete, herders wie MY Skape mislei met leuens wat die jeukende ore streel en die siele van MY Volk/Mense skade berokken. Julle bose herders, wie MY NAAM gebruik asof dit julle eie is. Julle gebruik die NAAM van YAHUSHUA (Jesus) om julle wêreldse wins te vermeerder. Julle is bang om aanstoot te gee daarom verkondig julle eenheid ten koste van die lammers wat op satan se altaar geoffer word.

Julle bose herders en vals profete, julle wie die mense leer om in julle beeld van god te verander en nie MY Woord wat nie kan lieg nie, die beeld van YAHUSHUA ha MASHIACH is die Woord van YAHUVEH wat vlees geword het. Julle bose vet welvarende herders, wie van die armes geneem en vir die rykes gegee het, julle sal verantwoordelik gehou word vir wat julle weet. Moenie dink julle sal "Mooi so goeie en getroue dienskneg, kom in en rus", hoor nie. Julle offers sal tevergeefs wees.

Waarlik, hierdie wêreldse rykdom, roem sal julle enigste beloning wees. BEROU! Gee terug MY Heilige tiendes en offergawes aan bedienings wat MY Woord sonder kompromie en sonder vrees verkondig. Toon berou voor die GOD wie julle beledig het. Toon berou voor die kudde wat julle uitgebuit het. Toon berou voor die een wie EK gebruik om hierdie boodskappe te bring, want hulle sal vervolg word omdat hulle MY gehoorsaam. Toon berou, julle word verantwoordelik gehou vir wat julle weet. Luister na MY Heilige Profete wat MY woede uitspreek oor julle hardkoppigheid, harde koppe, harde harte. Aanvaar die teregwysing en val op julle knieë voor YAHUSHUA ha MASHIACH neer en EK sal julle vergewe.

Julle boses wat sê ons moenie die skape waarsku waar die wolwe is nie, want as ons dit doen sal ons hulle beledig, die Almagtige GOD YAHUVEH sê dit vir julle, "Die magtige herders sal naak gestroop word van hulle roem en wêreldse krag. EK, YAHUVEH, bevorder een en raak ontslae van 'n ander. Bevordering kom uit MY hand alleen". Wees gereed want hierdie jaar sal julle hulle sien wie dwaling aan MY Skape verkondig het en hulle wol afgeskeer en hulle nakend gelaat het vir hul eie wins en hulle gemors gevoer het wat nie eers goed genoeg vir varke is nie.

Julle sal hierdie jaar sien hoe EK die bome skud van hulle wie in hul eie geregtigheid staan, nie in MYNE nie, wie in hul eie krag en in hul eie beeld staan. Hulle sal val soos wat Dawid vir Goliat verslaan het; die Goliats wie hulself herders noem maar dit nie is nie. EK het die mag en mandaat gegee om julle te waarsku want EK wil nie hê julle moet val nie, maar dit is jul eie keuse. Toon berou voor die Koninkryk van die Hemel en hierdie wêreld. Toon berou want baie siele is Hel toe nadat hulle jul sogenaamde kerkdienste verlaat het, want julle het niks gedoen om die lammers te beskerm nie.

Julle boses wie probeer om MY Profete stil te maak, weet dit; as een val, sal EK 'n menigte oprig wie harder sal praat as die een wat julle mislei, beperk, muilband en verdoof. EK sal Profete oprig wat nie stilgemaak sal word nie, soos MY Dogter wie nie in haar dapperheid, krag of regverdigheid staan nie, want sy staan nie in haar krag nie, sy weet al hierdie kom nie uit haarself nie, maar van MY, die Groot GOD 'EK IS', wie haar stuur om die wolwe te waarsku dat julle maskers van julle gesigte afgeruk is.

Julle is nie een van MY kudde nie, julle het weggedraai van die Ware Lewende GOD en begin om 'n ander te aanbid wat nie EK is nie. MY gesig is nie op julle geldeenheid of julle land nie, MY gesig is nie op julle goue muntstukke gemunt nie, MY gesig is in die Woord van GOD. Julle probeer om MY te ken, lees dan die Bybel. Val op julle aangesigte voor MY neer en soek wie die GOD van Verlossing werklik is. Bose herders, valse profete, julle sal nie die helfte van julle dae uitleef nie weens die boosheid wat julle voor MY aangesig gedoen het. Julle is gewaarsku! EK spreek nou hierdie waarskuwing weereens uit, hou op om aan hierdie aardse koninkryk te bou en begin om weereens aan die Koninkryk van die Hemel te bou.

Jesse Duplantis, hoor MY stem. MY Profeet kon nie jou naam onthou nie, maar sy hou aan om jou gesig te sien. EK het jou naam op haar lippe geplaas want EK moet haar gebruik om jou te tugtig. Toon berou want jy bou multi-miljoen dollar geboue wat EK nie vir jou gesê het om te bou nie. Jy word mislei want jou naam word gebruik om weereens die kudde se wol in te samel en hulle nakend agter te laat, terwyl jy, Benny en Jan en Paul Crouch dit wat hulle hande opgerig het, verheerlik. Maar EK het nie vir julle gesê om die wol van die kudde te steel om julself met trots op te pof nie.

Ja, julle het goed sowel as sleg gedoen maar die goeie wat julle doen word oortref deur die boosheid van aanbidding van goue afgode van hierdie wêreld. Kenneth Copeland, keer terug. Hoekom het jy so ver afgedwaal van MY Waarheid en MY Wil af? Keer terug. Hulle wie eens by MY NAAM geroep was en nou antwoord julle op die geroep van 'n ander bose herder, maar hou aan om te sê dat dit MY NAAM is. Al julle offers was tevergeefs. Sommige sal hul siele verloor en sal tot in ewigheid in die Hel gemartel word as gevolg van wat julle gepreek het. EK sal julle verantwoordelik hou omdat julle nie MY kudde gevoed het nie en omdat julle hul uitgebuit en nakend, honger, blind en verdoof agtergelaat het.

Julle Profete het mekaar toegejuig en by 'n Profeteklub aangesluit sodat julle profesieë kon vergelyk en sien wie kan die vinnigste op watter TV kollig verskyn. EK profeteer dit nou, julle sal 'n profesie sien waar word, terwyl julle MY toorn sal ken, deur woorde uit te spreek wat EK nie gespreek het nie. Want julle het nie gedoen wat hierdie Diensmaagd nou doen nie, julle het nie die vet herders gewaarsku om hulle sondige maniere te staak nie. Julle het MY Opregte waarskuwing van oordele bestraf omdat julle populer wou bly. Julle sal aanspreeklik gehou word. As julle weet waar dwaling is, moet julle dit uitspreek. Het EK nie die bose profete deur Jeremia, Elia, Johannes, Jona, die lys gaan aan, gewaarsku nie. Het EK gesê, "Sjuut, moenie name noem nie, ons wil in eenheid bly", of het EK gesê dat die kwaad wat in die donker gepleeg word vanaf die huise se dakke af verkondig moet word. In hierdie geval die internet want dit is die hoogste dak wat EK op hierdie aarde kan vind.

Hulle wie probeer om MY Boodskappers stil te maak wat vooruit gestuur word met hierdie waarskuwing, PASOP, die STOK van MY toorn kom op julle neer, hoe meer julle probeer om hulle stil te maak, te intimideer, hulle te skei en hulle as vals profete te etiketteer. Maak MY Profete los, laat hulle vry om MY Woord van Heilige Gees Vuur uit te spreek. Haal die muilbande van hulle monde af, haal die blinddoeke af. Julle hou konvensies en noem julleself bondgenote en beoordeel mekaar se profesieë. Enigeen wie probeer om hul profesieë deur 'n mens te laat beoordeel en nie deur Almagtige GOD YAHUVEH, wie die outeur van ware profesieë is en geen oordeel van man of vrou nodig het nie, PASOP.

Jy, Pam Clark, sê jy het 'n verbond van 'n Profeet, maar jy is nie van MY verbond nie. Jy vra geld vir gebede en EK het nooit vir enigiemand gesê om vir MY Skape te sê hulle moet iemand betaal om vir hulle te bid nie. Jy sê jou tyd is waardevol, hoeveel te meer was MY tyd waardevol op Golgota? Toon berou, val op jou knieë neer en bely teenoor MY en die mense. Gee elke sent terug wat jy van MY kudde gebuit het. Julle wie tiendes en liefdesoffers gegee het aan hulle wie MY Skape mislei, julle moet julle geld terug eis. Sê vir hulle julle weet julle het verkeerd gedoen. Sê vir hulle julle veroordeel hulle nie, maar die Woord van GOD het hulle veroordeel. Maar moenie verwag om julle tiendes en offergawes terug te kry nie, maar bewys aan MY dat julle jul fout besef het. Julle word verantwoordelik gehou waar julle jul tiendes en offergawes gesaai het.

Pam Clark (Paz), jy skryf 'n boek en MY RUACH ha KODESH (Heilige Gees) word nie toegelaat om die waarheid te spreek nie want jy het enige Profeet weggejaag wat jou opreg gewaarsku het om berou te hê. Jy sê 'n engel verskyn aan jou en sê vir jou wie om weg te jaag en wie nie. Maar EK sê vir jou die Hemel het nie hierdie engele uitgestuur nie. Hel het jou jeukende ore weereens mislei. Jy omring jouself met profete wie slegs jou trots meer oppof. Jy noem jouself 'n onderwyser en tog verkondig jy dwaling.

TOON BEROU Pam Clark en Craig Martin, TOON BEROU Andrew Strom. Julle gaan die toorn van Almagtige GOD se STOK van toorn voel en EK sal julle op maniere straf wat julle nie van geweet het nie en al die ander wie julle bose werke toejuig. Julle kan die mense mislei en so statig en Heilig lyk en tog kan julle nie die een mislei wat julle harte ken nie. Omdat EK julle liefhet, alhoewel julle MY seergemaak het, sal EK weereens vir julle sê voordat dit te laat is, VERBRAND die boeke. Begin weer van vooraf en spreek hierdie keer waarlik MY Profete se woorde onveranderd. Daar is nog tyd vir julle om julself dit wat gaan kom, te spaar. MY Mense weet dit; 'n Profeet is nie 'n populariteitswedstyd nie.

Pasop vir hulle en vermy hulle wat dink dit is wel so 'n wedstryd. MY Ware Profete is diegene wat verwerp word deur die waarheid uit te spreek, die harde waarheid. MY Ware Profete is selfs bevrees om een woord, selfs grammatika te verander, wat hierdie wêreld as onvanpas sou beskou. MY Ware Profete sê, "YAHUSHUA, moet ek hierdie spreek, want ek wil niemand beledig nie. Ek wil geliefd wees deur almal en in eenheid bly?" Maar daar kan geen eenheid tussen onheiligheid en Heiligheid wees nie. Tog sê EK vir hulle, "Daar kan geen eenheid wees tussen hulle wie met die bose geeste van satan gevul is en hulle wie met die RUACH ha KODESH gevul is nie." Julle is in die midde van 'n Profeet terwyl julle dit lees en MY Skape sal die stem wat uit haar voortkom, herken as hulle enigste Goeie Herder. EK, YAHUSHUA ha MASHIACH, het hierdie woorde gespreek, nie om te beskuldig nie, maar om hulle te oordeel wie EK genoem het. Hulle is voorheen gewaarsku, een vir een, want EK het baie Profete gestuur om dieselfde woorde te spreek, maar hulle sluit hul ore.

Nou het EK hierdie webwerf gesalf en geplaas waar die wêreld MY Woord sal hoor en niemand sal instaat wees om MY Apostel en Profetiese Diensmaagd, Elijah stil te maak of te intimideer nie, want sy het onder die vervolging van die dieselfde persone gely na wie toe EK haar gestuur het om lief te hê, te beskerm en te waarsku. Nogtans het sy Almagtige GOD YAHUVEH en YAHUSHUA gehoorsaam en dit gedoen onder die salwing van die RUACH ha KODESH (Heilige Gees) nie vir beloning of wins nie, maar omdat sy waarlik 'n Profeet is wat geen wêreldse wins maak deur die woorde wat EK vir haar sê om te spreek nie.

Haar wins sal in die wete wees dat sy die een gehoorsaam het wat haar salf en haar stuur om met die nasies te praat in die NAAM van YAHUSHUA ha MASHIACH, soos wat EK ander Profetiese Soldate salf en stuur om dieselfde te spreek. Pasop, enigeen wat haar beledig, beledig die een wat haar stuur en salf. As julle haar seën en bemoedig is dit soos murg in haar gebeente en julle het YAHUSHUA jul Verlosser geseën. As julle haar vervloek het julle die vloeke op julself geplaas, want julle het nie vir haar vervloek nie maar die een wat haar stuur.

Julle is gewaarsku. Julle het 'n moeder van Profete in julle midde, sy verstaan nie eers hoekom EK haar vereer het met so 'n titel nie, maar eendag sal sy. EK het 'n kruik gekies wat nie 'n mens se keuse was nie, maar Almagtige GOD YAHUVEH se keuse was, vir MY eie redes en nie die wysheid of openbaring van hierdie wêreld nie. EK het hierdie woorde deur hierdie Profeet gespreek en sy is in julle midde tesame met menige ander Profete wat EK stuur. Wat sal julle met MY Seuns en Dogters doen wat slegs probeer om julle te seën deur MY seëninge te proklameer of van MY vloeke te waarsku, dit is julle keuse. MY Ware Profete staan in julle midde, wat sal julle met hulle doen? Want hulle wie beledig voel nadat hulle dit gelees het, gaan dan terug na julle profete toe wie julle jeukende ore sal streel, julle oë verblind, julle ore verdoof en julle monde toestop.

Gaan terug en sit onder die 3 apies en die 3 apie vloeke. Meeste wil nie berou toon nie, hulle harte is verhard, maar sommige bose herders sal hulle sonde erken, sal berou toon en besef EK kom en dit is die middernaguur en sal die kudde gereed kry sonder vlek of wrimpel. Bou aan die Koninkryk van die Hemel, nie aan die geboue van hierdie aarde nie. Selfs 'n tent sal beter af wees en meer gesalfd as hulle wie hierdie miljoen dollar geboue bou, want MY RUACH ha KODESH sal nie daar aangetref word nie. Ook sal MY Ware Profete en herders nie daar welkom wees nie. Skape en lammers waarsku die herders wat EK genoem het, sodat hulle kan berou toon. Slegs EK weet wie het die hart om MY stem te hoor en dieselfde woorde teenoor hulle pastore uit te spreek, wie so besig is om te herdekoreer en te herbou en nuwe dinge bedink hoe om die wol van die skape te buit, en hulle nakend agter te laat en selfs MY Heilige Woord te verdraai om dit tot hulle voordeel te doen. Waarsku hulle, want EK jaag hulle hierdie jaar met MY STOK van toorn en oordeel, so spreek Almagtige GOD YAHUVEH.

Gespreek onder die Salwing van die RUACH HA KODESH

Deur Apostel Profeet Elisheva Eliyahu 03/04/1998

Torah Gedeelte: Die Weduwee se Bydrae

PROFESIE 102 YAHUSHUA Sê, "Dis Net 'n Kwessie van Tyd"

O' MY kosbare Bruid, MY kosbare Bruid, My kosbare Bruid, in hierdie tyd van feesviering gedurende Sukkot gee EK vir julle hierdie Boodskap van hoop. EK praat met hulle wat MY eerste stel in hulle liefde, in hulle lewe. Wie nie skaam is vir die Naam van YAHUSHUA julle MESSIAS nie. Al die ander gaan voort en bly doof en bly blind. Hierdie Woord is nie vir julle op hierdie tyd nie.

EK wys vir jou, Elisabeth [Elisheva] 'n visioen van 'n tronkvenster met 5 tralies. MY kosbare Bruid, julle word verteenwoordig deur die 5 Wyse Maagde in die Gelykenis in die Heilige Skrifte. Die vyand sal probeer om julle te vang en op te sluit op 5 verskillende maniere. Daar is net een uitweg. Daar is net een uitsig.

Want EK verwyder daardie tralies reg voor jou oë Elisabeth [Elisheva], want dit is MY belofte aan MY Bruid en julle sal soos daardie denneboom staan wat geplant is by water, die LEWENDE WATER en EK spreek gesondheid, en EK spreek voorspoed en EK spreek die seëninge wat in Deut. 28 gereserveer is vir hulle wie gehoorsaam. En die 5 bome verteenwoordig die 5 Wyse Maagde wie MY Ware Bruid verteenwoordig.

EK sal altyd vir julle 'n weg voorsien om te ontsnap, selfs wanneer julle dink die vyand het julle ingeperk, keer op keer het EK vir Elisabeth [Elisheva] gesê, julle wandel in geloof en nie deur sig nie. Pasop MY kosbare Bruid, 5 verskillende maniere, die vyande van hierdie wêreld en die vyande wat na hierdie wêreld toe kom, sal op 5 verskillende maniere probeer om julle gevange te neem.

EK waarsku julle nou, soek MY, bid waar julle Ark is. Bid wanneer dit nie meer vir julle veilig is om te bly waar julle nou is nie, bid dat EK vir julle 'n plek van veilige bewaring (safe house) sal oprig, 'n veilige heiligdom. EK sê vir julle voor die tyd wat die vyand beplan om te doen.

Dit is net 'n kwessie van tyd. Dit is net 'n kwessie van tyd.

Weeg julle woorde versigtig. Geliefde Bruid, raak gewoond daaraan om oor jul skouer te kyk want selfs hulle wie julle liefhet, sal aanval as hulle nie gered is nie. Pasop MY Bruid. Bewaar julle tong. So was dit in die dae van ouds. Jammer om te sê hierdie dae het vir sommige aangebreek. Vir andere sal dit later aanbreek.

Die vyand spioeneer op julle. Hulle probeer om elke beweging van julle dop te hou. Hulle verdraai julle woorde asof dit 'n dolk is om in julle hart te druk. MY geliefde Bruid, daar is nie meer so iets soos vryheid vir julle op hierdie aarde nie, tensy dit deur MY is nie. In MY Naam, in die Naam van YAHUSHUA julle MESSIAS, is daar vryheid in MY. So, verberg julleself vir 'n kort rukkie totdat MY woede en MY raserny en MY toorn oor hulle wie net goed genoeg is om MY vyande te wees, verbygaan. Vir die haatlike woorde en dade wat aan julle gedoen word, vir die vervolging wat na julle toe kom, dit is omdat hulle MY in julle sien.

Hulle kan MY nie aanraak nie. Maar omdat julle in die vlees is, weet die vyand waarheen hulle hul wapens kan gooi. Julle leef in 'n bose, bose, bose tyd waar goed boosheid genoem word en boosheid goed genoem word, waar seksuele sonde onbeheersd rondwoed en al die moraliteitsgrense verduister is; selfs in die meerderheid kerke weier hulle om te praat oor wat sedelikheid is! Hulle vrees die regering meer as vir YAHUVEH! En hiervoor gaan julle pastore boet. Julle het julle siele verkoop vir hierdie belastingvrystellingstatus. Hoe julle geldelik beloon kan word deur van MY te preek.

Sommige van julle het bely want julle het nie geweet wat julle doen nie. Sommige van julle het gesê, "Vat hierdie belastingvrystellingstatus (Elisabeth [Elisheva] sê, "Goed, ek sal dit sê") en druk dit waar die son nooit skyn nie!" Julle behaag MY. Julle is vergewe. Julle het die verkeerde reggestel.

Maar vir die ander pastore van die ander kerke wie hierdie omkopery van die regering gevat het en 'n slot en grendel op julle lippe geplaas het, (Elisabeth [Elisheva] sê, “Ai tog, my hand is gevoelloos!") sê EK, “Weg van MY af! EK het julle nooit geken nie! MY GEES is nie in julle kerke nie.”

Joel Osteen, jy het 'n prys om te betaal. Met jou siel sal jy betaal! Jy is niks meer as die Spreker nie. Jy staan agter 'n kansel maar daar is niks Heiligs in jou of jou vrou en die gemeente wat hierdie saal volmaak en die kerkbanke vlak vir vlak volmaak nie, EK ken niemand van julle nie! Julle is nie Heilig nie.

Julle kom net om julle ore te vul met dit wat julle die begeertes van julle harte gee. Julle wil van niks weet van enige iets wat met julle gees te doen het nie, behalwe om blymoedige gedagtes te koester en gelukkig te wees nie! Julle is bedwelm, julle verkeer onder 'n illusie! Julle is onder breinbeheer, julle is onder breinmanipulasie! Julle vul die offersakke tot oorlopends toe, en hoop die rykdom op vir iemand wat homself (Elisabeth [Elisheva] begin probleme ondervind om te praat. Die duiwel wil nie hê sy moet praat nie en val haar stembande aan) as 'n keiser beskou.

Joel Osteen, en Ek praat met al die pastore wat in sy voetspore volg, EK gaan die goue kalf reg voor julle oë van julle af wegruk! Julle sal die vloeke van Deut. 28 soos 'n tweede vel dra, want julle het die mense mislei. Die blindes lei die blindes. Julle het hul oë op die rykdom van hierdie wêreld gefokus sodat hulle nie die armoede in hul eie siele sal raaksien nie!

Wees bemoedig MY kosbare Bruid. Julle gaan sien hoe hierdie vyande val. EK waarsku julle MY kosbare Bruid, julle grootste vyande sal in julle eie huishouding gevind word. Hulle wat nie hul lewens en hulle liefde aan my oorgegee het nie, hulle wat MY nie eerste in hul lewens en hul liefde plaas nie, hulle wat weier om die Waarhede in die Heilige Skrifte te glo, hulle wat weier om te erken dat daar net een weg na die Hemel is, deur MY Naam en gestorte Bloed, hulle wat weier om te glo dat daar 'n hel is om te betaal vir onbelyde sonde.

Julle grootste vyand sal in julle eie huishouding gevind word, want dit is hulle wat die meeste pyn kan toedien. Dit is hoekom EK MY skeidingswaard bring! Dit is niks nuuts nie. Lees die Woord. EK beskerm julle want daar kom 'n dag en dit is net 'n kwessie van tyd, dat diegene wat julle beskou as jul geliefdes, julle sal verraai, julle aan die geregshowe van die land sal offer, aan die beloning op julle koppe gehoor sal gee wanneer hulle vra, "Waar is hulle?"

Dit is hoekom EK dit nou vir julle sê, wees voorbereid want Bruid, voordat EK julle huis toe neem na die Hemel, voordat julle weggeraap word saam met MY, gaan EK julle moet leer hoe om te hardloop en weg te kruip, hoe om weg te kruip vir die oë van die vyande, maar dis alles in orde, MY geliefdes, want dit is net 'n kwessie van tyd.

Hou styf vas aan die soom van MY kleed. Moenie laat los nie. Terwyl julle in julle Sukkha’s slaap, onthou dat dit net 'n tydelike tabernakel is, net soos hierdie sterflike vlees 'n tydelike tabernakel is. En net soos wat EK julle veilig bewaar in julle Sukkha’s, hoeveel te meer sal EK vir julle doen terwyl julle MY op die Heilige Feeste eer, terwyl julle die feesdae van hierdie wêreld vermy, terwyl julle aan MY vasklou soos aan 'n Geliefde wie se omhelsing julle nie wil verlaat nie, hoeveel te meer sal EK julle vashou? Hoeveel meer sal EK julle liefkoos?

(Elisabeth [Elisheva] sê, "O, ek wil net sê, die Salwing is so intens!")

O, hoe lief het EK julle. Soos wat julle daarna verlang dat EK moet kom, hoeveel te meer verlang EK om na julle toe te kom! Ek vang elke traandruppel van julle op. Die flessies word hier in die Hemel gestoor en wanneer julle na MY uitroep omdat julle vervolg word, vang EK elke traandruppel van julle op! Goue flessies wat met juwele omhul is en elkeen van julle het 'n verskillende een. Elkeen het 'n ander skoonheid. Dit hang af van die lyding wat julle namens MY gely het, hoe gewillig julle was om vervolg te word en allerhande bose name genoem te word, hoeveel julle gely het en gewillig was om dit tot MY Eer te doen. Dit is hoe lieflik julle flessie is. Hoeveel julle vir MY opgeoffer het. Hoe die van julle jul 'weduwee se laaste bydrae' (widow’s last mite) vir hierdie Bediening gegee het, verstaan julle nie? Niks was vermors nie.

Vir hulle wie opgeoffer en opgestaan het vir die moraliteit, julle lê julle lewens neer om ‘n ongebore kind te beskerm. Julle was gewillig om verneder te word en in die tronk gegooi te word om teen aborsie, dieselfde-geslag huwelike te protesteer. Op soveel verskillende maniere, afhangende van waar julle in die wêreld is. Sommige was mishandel; sommige was gemartel; sommige was toegesluit. Ag MY geliefdes! Afhangende van die vervolging, afhangende van die lyding wat julle moes ly, dit is die beskrywing van julle lieflike flessie wat julle trane bevat wat soos 'n soete geur in MY neusgate opkom en EK omhels daardie flessies liefdevol want EK weet watter prys julle terwille van MY betaal! En MY liefste Bruid, dit gaan nie makliker raak nie! (YAHUSHUA huil deur Elisabeth [Elisheva]) Want satan haat julle so! Hy haat julle! Hy haat julle! Hy haat julle! Want MY lof is voortdurend in julle mond! Hy sê woedend, "Prys my! Aanbid my!" Maar in plaas daarvan sê julle, "Ons bestraf jou satan! Gaan weg! Die gestorte Bloed van YAHUSHUA is teen jou!" En hy krimp ineen en hy hardloop!

EK het vir julle ons Heilige Name geleer. EK het vir julle die belangrikheid van die Heilige Feeste gewys. EK het vir julle gesê om op te staan vir Heiligheid en nooit 'n kompromie aan te gaan deur te doen wat julle weet verkeerd is nie! Julle treur en julle huil wanneer EK julle families skei, wanneer EK 'n man beveel om van 'n vrou te skei of 'n vrou om van 'n man te skei. Moenie hierdie Profeet haat wat hier praat nie, want sy praat niks wat nie in MY Heilige Woord is nie. Die Heilige Woord sê, "Moenie ongelyk gebonde wees nie". Hierdie is die Eindtyd. (2 Kor.6:14) (Matt. 10:34 Handel oor swaard wat skeiding bring.)

Dit is net 'n kwessie van tyd...

Alles wat deur hierdie Bediening geprofeteer was, sal gebeur!

Die gevalle engele gaan opstaan. Die gevalle engele sal sê "Moenie langer in hierdie Bybel glo nie! Dit is verouderd! Dit is net 'n boek vol feëverhale! Dit is die 'Moderne eeu’. ”Homoseksualiteit en dieselfde-geslag huwelike ... hulle sal skree hul is reg om die ongebore baba in die moederskoot dood te maak.

Die politieke leiers, wie se harte satan oorlopens toe gevul het, sal te kere gaan en skree, "Julle wie in hierdie YAHUSHUA glo, julle koppe sal rol!"

Dit is net 'n kwessie van tyd.

En nou praat EK nie met die Bruid nie. EK praat met hulle wie die Gaste by die Huweliksmaal van die LAM sal wees. Julle moet gewillig wees om julle lewe neer te lê vir MY. Julle sal in die Groot Verdrukking wees. Vir julle wie sê, "Dit is te moeilik, te hard om Heilig te lewe, ek sal dit in die Groot Verdrukking regkry." EK wil vir julle dit sê, as julle dit nie nou kan doen nie, en daar was tot dusver geen opoffering wat julle moes maak nie, julle was nie gesê om julle lewe neer te lê nie, om julle kop onder die guillotien te plaas nie, wat laat julle dink julle kan dit dan doen as julle dit nie eers nou kan doen nie? Wat laat julle dink dat julle dan meer geloof sal hê wanneer julle hongersnood en dood en verwoesting en onverstaanbare gruwels rondom julle sal sien? Wanneer julle deur strate vol bloed moet strompel? Wat laat julle dink dat julle dan meer geloof sal hê? Nou kos dit julle niks anders as om 'n Bybel dweeper (Bible thumper) genoem te word nie.

En EK praat nie nou met die lande waar dit julle baie duur te staan kom nie, EK praat met die oorgrote meerderheid op hierdie aarde waar hulle gesê het, “Ag, dit is te moeilik vir my om Heilig te lewe! Ag, die duiwel versoek my so met pornografie! Ag, ek kan nie die sigarette op die altaar neerlê nie! Ag, ek kan nie die drank neerlê nie! Ag, dit is te moeilik om Heilig te lewe! Ek kan nie die vloekwoorde keer wat uit my mond kom nie! Ek kan nie Heilig lewe nie! Bid vir my, ek kan nie Heilig lewe nie!" Wat laat julle dink dit gaan makliker wees dán? (Fil.4:13 "Ek is tot alles in staat deur YAHUSHUA wat my krag gee")

Julle mae is nou vol! Julle tonge is nie nou uitgedroog van dors nie! (YAHUSHUA ween deur Elisabeth [Elisheva]). En nogtans kan julle MY nie nou Loof nie? Wat laat julle dink dat dit dán makliker gaan wees?!

Julle spot Profete soos hierdie! Julle sê, "Moenie dit waag om van die hel en die gevolge van sonde te praat nie!" Julle spot Bedienings soos hierdie! Julle sê, "Julle is niks anders as verdoeming en donkerheid (doom and gloom) nie." EK sal vir julle verdoeming en donkerte wys!

En nou praat EK met die vyande van hierdie Bediening en hulle wat (on) heiligheid verkondig. EK sal vir julle verdoeming wys. EK sal vir julle wys wat dors is. EK sal vir julle wys wat honger is! Diegene wie hulle oë op die Goue Kalf van hierdie wêreld vestig, EK sal vir julle wys wat honger is! Julle sal julle eie tonge weens honger kou! Julle wat so ryk en magtig is, julle vertrap en trap op diegene wat nie in julle inkomstegroep val nie, EK sal julle wys. EK sal julle wys wat gebeur met daardie Goue Kalf. EK sal julle wys!

Kyk, EK was net eenmaal daardie geslagte LAM. EK het die vyand toegelaat om MY gesig te slaan. Maar dit was net eenmaal! EK het die doringkroon gedra! EK het die vernedering van hierdie wêreld verdra! Maar dit was net eenmaal..... EK het aan daardie Kruis gehang! EK was onherkenbaar geslaan! EK het gedors na julle! EK het gedors vir julle ongeregtigheid! EK het gesmag na julle! EK was gespot en EK was verag! Hierdie (Sukkot) is die tyd van MY geboorte op aarde! En hoe min erken dit selfs! Hulle sal 'n heidense vakansiedag vat wat toegewy is aan 'n ander heiden (Koning Nimrod) wat direk uit die put van die hel is, en hulle het MY daardie verjaardag gegee? Maar hoe min eer MY in hierdie tyd van Sukkot? Hoe min eer die prys wat EK betaal het?...

O, maar EK het my getroue Bruid. EK het die prys betaal, maar dit was slegs eenmaal! EK moes slegs eenmaal sterf! En geen mens het MY lewe geneem nie! Dit was EK en net EK, YAHUSHUA wat gesê het dit is volbring! En dit was MY tyd! EK het nie op 'n mens se tyd gesterf nie! EK het nie op 'n mens se tyd opgestaan nie! EK het in YAHUVEH se tyd opgestaan!

So, EK sê vir julle dit, O vyande van MY, julle wat hierdie lasterlike leuens oor hierdie Profeet en Bediening skryf, dit is net 'n kwessie van tyd, EK gaan op julle trap! EK het julle vervloek net so seker as wat EK die vyeboom vervloek het wat nie vrugte gedra het nie! Dit is net 'n kwessie van tyd! So, gaan voort en doen julle toordery. Gaan voort en probeer die Profeet wat hier praat, vernietig. Julle sien, EK rig haar net weer en weer op! En sy kom net terug en spreek weer MY Woorde uit. Julle kan nie haar lewe neem nie! Dit behoort nie aan julle nie! Satan het geen deel aan hierdie Bediening nie! Gaan voort en verkleineer hierdie Bediening! Beskuldig haar dat sy "te Heilig" is, "te regverdig". Gaan voort en bespot hierdie Bediening wat sê julle moet die Tien Gebooie gehoorsaam en Heilig lewe soos wat YAH Heilig is. Gaan voort en spot...

EK het die Farisieërs gespot. EK het hulle "slange" genoem en EK het hulle "adders" genoem. EK het gesê hulle is net geskik vir die hel! En nou sê EK dieselfde vir julle!

Dit is net 'n kwessie van tyd.

En die hel en die poel van vuur sal julle siele eis. Julle het een kans; dit is nadat julle hierdie Boodskap hoor. Sal julle bekeer? En die van julle wat bid en julle sê daar is net een Naam en SY Naam is J-E-S-U-S, JESUS, EK het nooit gesê daar is in hierdie tyd geen krag in daardie Naam nie. EK het vervolgens weer en weer in hierdie Profetiese Boodskappe gepraat en gesê daar is vergifnis, genesing, bevrydingskrag in die Naam van JESUS CHRISTUS.

Maar dit is net 'n kwessie van tyd wanneer die Groot Verdrukking aanbreek en die man van verderf daar staan, Judas het weer teruggekeer, en hy sal alles wat Heilig is bespot. Hy sal sê hy is "Jesus Christus". Hy sal die Naam van YAHUSHUA vermy want die Naam van YAH is in daardie Naam. Wat sal julle dan doen? Want wanneer julle in die naam van Jesus Christus bid en hy sy hand opsteek en sê, "Hier is ek", wat sal julle dan doen?

Want julle weier om MY Hebreeuse Naam te gebruik! Julle sê, "Enige naam sal doen". En dan praat EK met diegene wat aanhou sê "Yeshua", EK het oor en oor gesê "YAH" is in MY Naam. YAHUVEH is MY VADER. EK IS SY Eniggebore SEUN. EK het vir julle gesê EK gee nie om of julle YAHUVEH of YAHWEH sê nie, maar laat ons dit nie nou tot die uiterste neem nie, want enige naam sal nie deug nie.

O die haatlike, haatlike, haatlike, haatlike briewe, hoe durf, hoe durf sommige van julle julself MYNE noem? Wanneer julle hierdie Boodskap hoor, beter julle op julle aangesigte neerval voor MY. Julle beter bely en julle beter 'n brief aan hierdie Bediening skryf en probeer om die wonde te streel wat julle toegedien het omdat sy durf waag om oor die hel te waarsku, omdat hierdie Bediening van Heiligheid preek, omdat hierdie Bediening oor die gevolge van sonde waarsku, omdat hierdie Bediening die toekoms vooruit profeteer.

Wat dink julle is 'n Profeet? En vir hulle wat lag en spot en sê, "Daar is nie so iets soos Profesieë nie;" "Daar is nie meer sulke goed soos Profete nie," wat sal julle met MY Heilige Skrifte doen? Besef julle nie dat EK die GEES VAN PROFESIE is nie! Wat sal julle met MY Heilige Skrifte doen?! EK is PROFEET VAN DIE PROFETE! EK is PROFESIE! Die Profete het geprofeteer dat EK sou kom! As daar nie so iets soos Profete was nie wat gaan julle met die boek van Openbaring doen! Hoe dwaas, hoe dwaas, hoe dwaas is so baie van julle, want Johannes die Openbaarder het geprofeteer oor wat gaan kom.

(Open. 1:1

dat dit "Die openbaring van YAHUSHUA ha MASHIACH is, wat YAHUVEH aan hom gegee het om SY diensknegte te wys wat binnekort moet gebeur.”

Open. 1:1-2

Die openbaring van YAHUSHUA ha MASHIACH..... HY het dit bekend gemaak deur SY engel na SY kneg Johannes te stuur, wat van alles getuig wat HY gesien het -- wat die Woord van YAH en die getuienis van YAHUSHUA ha MASHIACH is.”

Open. 19:10

Want die getuienis van YAHUSHUA ha MASHIACH is die gees van profesie." En die profesie watYAHUSHUA ha MASHIACH aan ons gegee het is die boek van Openbaring.

Open. 22:16

"EK, YAHUSHUA het MY engel gestuur om vir jou hierdie getuienis te gee om aan die gemeentes oor te dra.)

Elende wag op hulle wat nie waardig gevind word om die Groot Verdrukking te ontvlug nie! Elende! Elende! Elende! Elende! Elende wag op hulle wie nie waardig geag word om die Groot Verdrukking te ontvlug nie! Julle weet nie wat julle gedoen het nie. Julle weet nie wat julle gedoen het nie! Maar dán sal julle. Sommige sal die Gaste wees. Ag, hoe baie het julle hierdie Bediening gehaat! Julle sal in daardie tyd huil en julle sal bely oor die gees van verwoesting wat julle gestuur het. O, julle sal bely, maar dit gaan julle jul lewens kos. En julle gaan Elisabeth [Elisheva] in die oë moet kyk in die Hemel en julle sal moet erken hoe lief EK haar het. En julle sal haar bedank vir die prys wat sy betaal het. En almal wat hierdie Waarheid verkondig. Julle sal almal vir wie julle gespot en verag het, in die oë kyk en julle sal hulle om verskoning vra.

Dit is net 'n kwessie van tyd. Dit is net 'n kwessie van tyd...

Dit is net 'n kwessie van tyd dat die reuse uit die lug sal val. (YAHUSHUA ween dwarsdeur hierdie laaste gedeelte). O! satan spot en hy sê, "Die ruimteskip sal op hierdie datum kom." Hy spot wetende dat dit MY tyd is en nie syne nie. En die reuse sal uit die lug val.

EK laat nie toe dat net enige droom by hierdie Bediening geplaas word nie. Hierdie is Heilige Intersessors. En EK het vir hulle drome na drome gegee wat vooruit waarsku oor wat uit die lug sal kom, wanneer die mens na die lug sal opkyk en hulle harte sal beswyk weens vrees. Julle het geen idee nie! Julle het geen idee wat hierheen gestuur word nie! So, wanneer julle leuens hoor wat uitgespreek word, godslasterlike leuens wat teen hierdie Profeet en hierdie Bediening gespreek word, onderskei die vrug waarvandaan dit kom en julle sal sien dat EK dit vervloek het.

Hierdie Bediening lê alles neer, elke finansie, offer na offer op maniere wat julle nie kan begin om te verstaan nie, net om een siel te bereik op maniere wat niemand van julle sal weet nie. Hoeveel van julle het gehelp? Hoeveel van julle het selfs 'n weduweesbydrae gegee? Hoeveel kan sê hulle is deel van hierdie Bediening? Hoeveel van julle kom selfs terug en sê "Dankie"? Dit is nie anders as toe EK tien melaatses genees het en net een teruggekom het om "Dankie" te sê nie. Julle sien, wanneer EK vir julle sê om hierdie Bediening te ondersteun sodat dit kan voortgaan om te doen wat EK dit geroep het om te doen, doen EK dit nie net om hulle te seën nie, EK doen dit omdat EK julle wil seën! Julle wat nou hier lees, julle wat luister, julle moes niks opoffer nie, julle moes nie 'n prys betaal nie, want met elke Profesie wat deur Elisabeth [Elisheva] gespreek word, is daar 'n prys om te betaal, want hoe groter die Salwing hoe groter is die prys wat betaal word. Ware Profete weet wat lyding is.

Die lammers word ter slagting gelei. Die Sondag kerke sal die Slagpale wees. In die Groot Verdrukking sal dit die Slagpale wees. Martelaars sal soos nagmaalbrood opgedien word. Die wyn in hul glase sal die bloed van die martelaars wees. EK het julle gewaarsku wat die Merk van die Dier is. Die Waarheid is hier. Hoeveel van julle sal julle ore toedruk? Hoeveel van julle sal julle oë bedek? Hoeveel van julle sal sê, "Ek wil dit nie hoor nie?"

Maar, EK praat nou met die Gaste. Die Groot Verdrukking is op die horison. Julle staan op die rand van die afgrond. En julle sal hier wees. En dit is net 'n kwessie van tyd. Dan praat EK met die Gaste. Julle beter nou julle geloof baie fyn instel, want as julle nie nou genoeg geloof het om MY in die klein dingetjies te vertrou nie, hoe kan julle my in die Groot Verdrukking vir groter dinge vertrou? Sal julle die geloof hê om vir 'n klip in MY Naam te sê dit is brood? Vir die van hulle wat EK wegsteek en vir die van hulle vir wie EK voorsien, sal dit soos manna wees, soos doudruppels op die gras in julle agterplase. Maar net julle oë sal dit sien, en dit is net as julle geloof het en in MY glo. Julle beter julle geloof nou fyn instel. Anders gaan julle geloof net ge-noeg wees om julle lewe te gee.

(Open. 14:12

Hier kom die lydsaamheid van die heiliges te pas; hier is hulle wat die gebooie van ELOHIM en die geloof in YAHUSHUA bewaar.

Open. 12:17

En die draak …het weggegaan om oorlog te voer teen haar ander nakomelinge wat die gebooie van ELOHIM bewaar en die getuienis van YAHUSHUA hou.”

Dit is net 'n kwessie van tyd.

Dit is net hulle wat nou na MY uitroep wat beskerm word teen die Breinbeheer-golwe wat in die lug is. Hulle beheer julle verstand deur die water en deur die kos wat julle eet. Hulle plant die ‘chips’ wanneer julle dit die minste verwag, om julle soos 'n hond op te spoor om presies te weet waar julle is. As dit nou so erg is, kan julle dink hoe dit in die Groot Verdrukking sal wees?

Dit is net 'n kwessie van tyd.

Maar aan My Bruid, aan MY kosbare, kosbare Bruid, EK het vir julle die tronktralies gewys. EK het vir julle gewys hoe hulle dink hulle jul in 5 verskillende maniere gaan gevange neem en EK het vir julle die visioen gewys toe EK die tralies wegneem, en daar sal julle staan, julle wat MY Vyf Wyse Maagde verteenwoordig, julle BRUIDEGOM kom! Julle BRUIDEGOM kom! En EK bring MY belonings saam met MY! En EK waardeer elkeen van julle liefdevol! Julle BRUIDEGOM kom!

Hou styf vas aan die soom van MY kleed! Moenie, moenie deur die oë van die vlees kyk nie! Kyk deur die oë van julle kosbare RUACH ha KODESH, julle IMMAYAH! Kyk deur die oë van julle MOEDER WYSHEID! Bid vir meer Wysheid! Bid vir meer Wysheid want julle het dit nou nodig! En ag, julle wie die Gaste is, bid vir meer Wysheid! Bid vir groter onderskeiding want julle het dit nie net nou nodig nie, julle gaan dit nodig hê in die tyd van Jakob se Benoudheid (Jer. 30:7). Julle gaan dit nodig kry in die Groot Verdrukking wanneer 'n blote mens, aanbid en vereer gaan word! Julle het nou julle afgode o wêreld. Julle noem hulle rolprentsterre of bose demoniese politici, maar EK vertel vir julle dit, daar kom 'n man wat die seun van die verderf gaan wees, die werklike seun van satan. Pasop! Julle is gewaarsku! Wees gewaarsku! Wees versigtig! Wees baie versigtig! Wees waaksaam! Wees op julle hoede! As hulle wie jul dink julle kan vertrou, nie vol van MY GEES is nie, as hulle nie hul knie voor MY gebuig het nie, as hulle nie gehoorsaam voor MY lewe nie, as hulle hart nou gevul is met opstandigheid, dink net hoeveel erger dit sal wees. Julle is gewaarsku!

Julle kla omdat EK huwelike opbreek, maar dit is huwelike wat EK nooit georden het nie. Dit was julle vlees wat julle saamgevoeg het. En vir die veiligheid, vir die veiligheid van MY Bruid, vir die veiligheid van selfs die Gaste, vat EK MY skeidingswaard en EK skei moeder en vader en kinders, hulle wat hulself mans en vrouens noem, susters en broers, lede van die familie en vriende, EK skei hulle wie ongelyk gebonde is in besighede, op alle maniere. Julle kan net dié vertrou wie MY Naam aanroep.

Dit is net 'n kwessie van tyd. Dit is net 'n kwessie van tyd.

EK sal MY Bruid bymekaar maak, beide Open. 7 en 14, ag julle sal aan MY sy wees, maar verberg julleself nog vir 'n klein tydjie. Verberg julleself vir 'n klein tydjie totdat MY toorn oorgaan. Want YAHUVEH sal nie aanhoudend gespot word nie.

Dit is net 'n kwessie van tyd.

En dink aan die belonings wat julle verdien het en dit alles sal verbygaan en julle sal weet dit was die moeite werd, watter lyding julle ookal bestem was om te ly, doen dit soos vir MY. Wanneer julle om MY Naams ontwil vervolg word, weet dan dat hulle MY in julle sien.

Dit is net 'n kwessie van tyd.

En julle sal sien MY Liefde vir julle is so 'n werklikheid. So, vat MY Genade en vat MY Goedertierenheid. Neem MY hand. Laat EK MY arms om julle vou. Laat EK julle omhels! Ag, hoe baie dank EK julle dat julle MYNE is, dat julle gewillig is om die prys te betaal om YAHUSHUA HA MASHIACH se Bruid genoem te word.

Gespreek onder die Salwing van die RUACH HA KODESH

Deur Apostel Profeet Elisheva Eliyahu 10/17/2008

Torah Gedeelte: Offers van Tyd en Talent

PROFESIE 28 IS JY EEN VAN MY WEGGESTEEKTES?

Die wapens waarmee julle oorlog maak is nie vleeslik nie, maar is magtig om satan se vestings neer te werp. 'n Skootrekenaar sal een van daardie wapens wees wat gebruik word om die vyand te ontbloot, om teen die vyand te waarsku, om die vyand te keer om nie MY Volk te vernietig nie, weens 'n gebrek aan kennis. Vertel aan MY Mense om in hierdie hedendaagse werktuig te belê, want wanneer hulle moet vlug, sal hulle nie met groot rekenaars kan reis nie. Ek het die rekenaars ontwerp vir 'n tyd soos hierdie en vir hierdie doel. Dit is die kennis wat vermeerder en heen en weer hardloop. Dit is hoe julle in staat sal wees om op een plek te wees maar op 'n ander plek met MY Mense regoor die wêreld te praat. Moet vir geen oomblik dink dat hierdie wapen nie kragtig is nie. satan beoog om die internet te beheer om MY Mense stil te maak, maar hy kan niks doen wat EK nie toelaat nie.

Julle tyd is kort maar EK sal julle in kontak bring met hulle wat rekenaarkennis het. In hierdie eindtyd sal 'n netwerk van MY mense 'n luide stem wees. MY rekenaar-genies was weggesteek vir 'n tyd soos hierdie. Diegene met die wysheid van YAHUVEH en YAHUSHUA was weggesteek vir 'n tyd soos hierdie. Hulle werk in die wêreld om die maniere van die heidene te leer, om in staat te wees om op die regte tyd teen die heidene en hul maniere gebruik te word. EK het MY Mense in alle gebiede waarvoor julle bang is. Van die polisie, tot die weermag, tot die Inkomstebelastingdiens, tot die regering, tot die kruidenierswinkels, en die internetverskaffers, kyk maar uit vir MY Mense. Julle sal hul vind. Dit is nou die tyd dat hulle sal opstaan en skyn. Hulle sal vervolgens skyn soos die son. 

Die kennis wat opgedoen was in inrigtings (colleges) wat deur die vyand voorsien is, sal teen die vyand gebruik word om te beskerm wat EK MYNE noem. Hulle sal maniere ken om die wette te omseil wat julle gedink het onmoontlik is. EK het prokureurs, dokters; EK het onderwysers in alle areas. Moenie dink die heidene het meer wysheid nie. MY Genies was weggesteek vir 'n vasgestelde tyd. MY Genies het die wysheid van MY, YAHUVEH en YAHUSHUA en kan vinnig enigiets leer, selfs as hulle nooit tevore gedink het om dit te leer nie. Kommunikasie sal 'n waardevolle werktuig wees in hierdie eindtye.

Daar is maniere om dit wat die wêreld van voornemens is om te doen om MY Mense stil te maak, te omseil. EK sal nie nou die maniere openbaar nie, maar julle sal dit herken wanneer julle dit hoor. EK kan julle dit sê, hulle bou hul torings van Babel; EK sal aan MY Kinders 'n uitweg voorsien om altyd in kontak te bly. Vertrou MY en leer MY weë, wees bewus daarvan dat MY Mense weggesteek was, hulle het verborge gawes van die RUACH ha KODESH (Heilige Gees), hulle het alleen gewandel sonder raad van 'n ander, om onderrig te word, en is vervolgens deur MY RUACH ha KODESH onderrig.

Dit gaan uiters moeilik word om van een land na 'n ander te reis sonder daardie land se toestemming. Maar EK vertel julle EK het MY Mense reeds aan die werk in hierdie gebiede en MY Mense sal ontsnap wanneer dit tyd is om te ontvlug. Ek het vliegtuie, vlieëniers en lugwaardinne. EK het MY plan in mag. EK is 'n GOD wat nie verras kan word nie, maak nie saak wat die vyand dink nie. EK het 'n plan en MY plan vir julle is goed en nie sleg nie. MY plan vir MY Geliefde Babas, Bruid en Uitverkorenes is tot seën, so baie seëninge dat julle nie in staat sal wees om dit almal op te noem nie.

MY planne vir My vyande is tot vervloeking, so baie dat hulle nie instaat sal wees om dit almal op te noem nie. Wees gereed vyande, die vloeke is oppad na julle toe. Hulle sal dit natuurrampe noem, maar daar is niks natuurliks in die rampe wat deur die hand kom van 'n YAHUVEH wat KWAAD is nie. Julle spog met Julle surplusse, maar daar sal geen surplus wees nie, want MY toorn sal onverdund uitgegiet word, maar dit sal nie MY Mense benadeel nie. EK sal MY Mense beskerm soos wat EK in die tyd van Noag gedoen het, soos in die tyd van Lot, soos in die tyd van Moses.

Die vyand sal hul tande kners weens woede en raserny, want hulle sal sien dat niks diegene kan stop of verhinder wie gehoorsaam is aan en glo in YAHUSHUA as hulle Goeie Herder, nie. Die wolwe kan MY Skape nie verras nie. EK gaan voor die wolwe uit en spreek woorde aan MY Profete en Apostels en waarsku vooruit waar en wanneer die wolwe gaan aanval. Julle sien, hierdie wolwe is nie bloot net wolwe met skerp slagtande nie, hulle is woes en as hulle eenkeer gebyt het, is dit dodelik. So dit is nie bloot net 'n byt nie, maar julle siele en lewens is op die spel.

Die slange wat gestuur is om julle te omsingel, is nie net een nie, maar baie. Die slange sal probeer om juille te omsingel en hulle byt is nie net 'n slangbyt nie, maar daar is kobras wat gif in julle Gees spuit en vir julle vertel dat YAHUVEH en YAHUSHUA nie hulle skape kan versorg nie, dit is hopeloos, hulle wil julle met 'n leuengif inspuit en sê : "Vertrou die regering nie julle GOD nie". Dan sal hulle 'Boa Constrictor' slange (Suid-Amerikaanse soort luislang) gebruik om julle op enige manier te probeer druk, finansieel, geestelik, liggaamlik en verstandelik. Die regering sal julle druk soos 'n 'boa constrictor' en sal terselfdertyd die kobra gebruik om die giftige venyn van leuens in te spuit, om selfs die sterkstes in geloof, te laat bewe van vrees.

Maar EK praat nou vervolgens deur hierdie Diensmaagd om vir julle, MY Geliefdes, te vertel dat julle nie hierdie wolwe of slange moet vrees nie. EK het julle vertel dat EK altyd 'n volk het wat die Groot GOD 'EK IS' aanbid, dien en gehoorsaam en altyd sal. EK, YAHUVEH en MY Seun YAHUSHUA kyk stilweg en neem waar wat die vyand doen en ons rapporteer dit deur ons Profete en op hulle beurt waarsku hulle nie net nie, maar bemoedig julle ook soos nou, om julle te laat weet dat EK op MY tyd vir julle sal vertel wanneer om te vertrek, wat om te doen, hoe om die 'boa constrictors' en die dodelike kobras te vermy.

Wag slegs op MY, want EK die Here julle GOD is nooit te vroeg of te laat nie. EK sal MY Mense op 'n wonderbaarlike manier red. Ja, daar sal sommige wees wat gemartel word en nog sal word, maar hulle bloed val in die grond en sal net andere laat opstaan om vervolgens te spreek en groter werke in MY SEUN YAHUSHUA se NAAM te laat doen. Moenie treur oor hulle vir wie EK toelaat om doodgemaak te word ter wille van MY nie, maar treur eerder oor die een wat doodmaak en martel. Hulle sal vir ewig ly vir wat hulle gedoen het, vir wat hulle aan MY Kinders gedoen het wie hulle lewens vir MY neergelê het. Hulle sal vir ewig op dieselfde manier in die Hel gemartel word. Hulle wie gemartel was het in lewe gely, maar sal in ewigheid nooit weer ly nie. Hulle belonings is GROOT in die Hemel.

EK kom vir MY Bruid sonder 'n vlek of kreukel. Leer nou hoe om MY te behaag. Leer nou en gehoorsaam MY. Leer nou hoe om alles op MY offeraltaar neer te lê. Wat EK vir julle teruggee is bedoel as 'n seën, wat EK van julle wegneem was nie bedoel om te besit nie, want dit sal julle slegs benadeel. EK is 'n Goeie GOD. EK is julle Hemelse Vader en EK waak versigtig oor hulle wat uitroep na MY om met hulle te praat, om hulle te wys wat om te doen, wanneer om dit te doen, waarheen om te gaan. Moenie vir een oomblik dink julle gebede word nie gehoor nie. Dit is bloot nog nie die tyd om die antwoorde te spreek nie.

EK wag, soos wat julle wag, EK wag geduldig terwyl meer siele daagliks na YAHUSHUA draai as hulle verlosser en saligmaker. EK kan nie veel langer wag nie want die vyand beplan om 'n wêreldwye aanval op dieselfde tyd te loods. EK sal nie toelaat dat MY Kinders wie na MY stem luister, mislei word nie. Luister aandagtig na die vyande se stem en julle sal sien wanneer julle dit oor al die luggolwe hoor dat dit nie die stem van julle Skepper en Verlosser is nie. Luister aandagtig en kyk na die oë as hulle praat, moenie met julle fisiese ore luister nie, maar gebruik julle geestelike ore en moenie met julle fisiese oë kyk nie, maar vra die RUACH ha KODESH om julle te wys met julle geestelike oë.

Alles in hierdie wêreld is nie wat dit voorgee om te wees nie. In hierdie wêreld regeer die god van leuens en vernietiging in baie lande. Maar die GOD van Waarheid is YAHUVEH en YAHUSHUA en EK het die RUACH ha KODESH in almal geplaas wie MY aanbid, dien en gehoorsaam en ONS sal die waarheid van die leuens skei. ONS sal julle beskerm teen die komende vernietiging en verwoesting. Moenie toelaat dat julle oë net gefokus word op die duisternis, die negatiewe van hierdie wêreld nie, maar dink eerder aan die goeie gedagtes, die beskerming, die wonderwerke wat EK sal doen om MY Kinders te red. Net soos in die tyd van Moses, so sal EK dit weer doen. Op 'n nuwe manier, met nuwe hedendaagse gereedskap, maar nietemin, EK sal my Babas, Bruid en Uitverkorenes beskerm. EK sal nie net beskerm nie, maar EK sal MY Geliefde Bruid seën op maniere wat hulle nooit van gedroom het nie. VERTROU MY NET!

EK sal nie almal wat hulself MY Bruid noem en op MY wag, op daardie dag saam met MY huis toe neem nie. MY SEUN YAHUSHUA sal slegs 'n Bruid sonder vlek of rimpel aanvaar. Lewe julle met sorgelose gemak in sonde maar bedek dit in die gestorte Bloed van YAHUSHUA? Dink julle julle hoef nie MY Gebooie en MY opdrag tot Heiligheid te gehoorsaam nie, want dit is mee weggedoen aan die kruis van YAHUSHUA? As julle so dink, dan is julle nie MY Bruid nie want MY Bruid weet dat om MY lief te hê is om MY te gehoorsaam. MY Bruid toets MY nie om te sien hoe vêr sy in die Hel kan afbuig en nogsteeds die Hemel sal haal nie. MY Bruid wag nie om te sien of EK sal straf om hulle te laat besef hulle het gesondig nie. Hulle word oortuig deur MY RUACH ha KODESH en bely voordat EK hulle hoef te straf.

Want almal wie hulself deur MY SEUN YAHUSHUA se NAAM geroep noem, en sê hulle is gered en nogtans 'n lewe van sonde ly, julle flous niemand anders behalwe julleself nie. BETOON VANDAG BEROU! EK sal MY Bruid die komende gruwel spaar, maar nie vir julle wie speletjies speel met die gestorte Bloed van YAHUSHUA ha MASHIACH op Golgota nie. Julle dink dit bedek julle sonde wanneer julle vooraf oor julle sondes mediteer? Julle dink deur kerktoe te gaan word daardie sonde weggewas, omdat julle heilig voor ander optree, dit beteken nie dat julle Heilig voor MY is nie. JULLE MOET BEROU HÊ! Die komende verskriklike dae sal bewys wie waarlik na MY soek en wie wegkruip vir MY. Moenie vergeet dat EK julle harte ken nie, EK ken julle gedagtes; EK ken julle motiewe sonder dat julle 'n woord spreek. EK, YAHUVEH, wie julle geskape het, ken julle op alle maniere. Niks is verborge vir MY nie. Onthou vir Ananìas en Saffìra, hulle het gedink hulle kon vir die RUACH ha KODESH lieg. Soos in die dae van Ananìas en Saffìra, so sal dit weer wees. Hulle wie dit durf waag om MY te bespot, sal gespot word! (Handelinge 5:1-11).

Die Bloed van YAHUSHUA ha MASHIACH op Golgota sal òf red of deur ontkenning of weiering van die geskenk op Golgota, sal julle veroordeel word. Een of die ander, vir sommige is die geskenk op Golgota 'n seën en hulle sal die ewigheid in die Hemel ken. Vir andere, sal MY Geskenk wat ek op Golgota gegee het soos 'n vloek wees, want hulle verwerp die enigste weg na die Hemel, die enigste weg na vergifnis. Deur dit te doen, aanvaar hulle satan en die Hel en alles wat dit bied. Ellende wag op hulle wie in hierdie eindtye die weë van satan aanvaar en 'n lewe van onheiligheid lewe, want julle lewe sal vrugteloos wees en elke seëning wat julle het, sal afgesny word. Maar vir diegene wat probeer en MY Gebooie onderhou, en geen ander GOD as YAHUVEH en YAHUSHUA het nie en slegs na die stem van die RUACH ha KODESH luister en nie agter die verleidende geeste aanloop nie. Julle lewens sal vol seëninge op aarde en in die Hemel wees. EK sal julle nooit begewe of verlaat nie. Glo net. Moenie julle geloof wegwerp soos julle die komende Oordeelsdag sien nie.

Gespreek onder die Salwing van die RUACH HA KODESH

Deur Apostel Profeet Elisheva Eliyahu 01/25/1999

Shabbat Shalom from AMIGHTYWIND!