Parasha Noach

Shabbat Shalom!
Baie welkom by Parasha Noach - Noag, hierdie week se Torah gedeelte.

Genesis 6:9–11:32;

HOOFSTUK 6

9 Dit is die geskiedenis van Noag. Noag was ‘n regverdige, opregte man onder sy tydgenote. Noag het met ELOHIM gewandel.

10 En Noag het drie seuns gehad: Sem, Gam en Jafet.

11 Maar die aarde was verdorwe voor die aangesig van ELOHIM, en die aarde was vol geweld.

12 Toe sien ELOHIM die aarde aan, en—dit was verdorwe, want alle vlees het sy wandel op die aarde verderwe.

13 En ELOHIM sê vir Noag: Die einde van alle vlees het volgens my besluit gekom; want die aarde is deur hulle vervul met geweld. En kyk, Ek gaan hulle saam met die aarde verdelg.

14 Maak vir jou ‘n ark van goferhout. Met afdelings moet jy die ark maak en dit binne en buite met pik bestryk.

15 Só moet jy dit maak: drie honderd el die lengte van die ark, vyftig el sy breedte en dertig el sy hoogte.

16 ‘n Opening moet jy aan die ark maak; en op die maat van ‘n el moet jy dit aan die bokant afwerk en die deur van die ark aan die sykant insit. Jy moet dit met ‘n onderste, tweede en derde verdieping maak.

17 Want kyk, Ék bring ‘n watervloed oor die aarde, om van onder die hemel te verdelg alle vlees waar ‘n lewensgees in is. Alles wat op die aarde is, sal wegsterwe.

18 Maar met jou sal Ek my verbond oprig; jy moet in die ark gaan, jy en jou seuns en jou vrou en die vroue van jou seuns saam met jou.

19 En van al wat lewe, van alle vlees, moet jy twee van elke soort in die ark laat ingaan om dit saam met jou in die lewe te hou: mannetjie en wyfie moet hulle wees.

20 Van die voëls volgens hulle soorte en van die vee volgens hulle soorte, van al die kruipende diere van die aarde volgens hulle soorte, twee van elke soort, moet na jou kom om in die lewe te bly.

21 En jy, neem vir jou van al die voedsel wat geëet word, en versamel dit by jou, dat dit vir jou en hulle as voedsel kan dien.

22 En Noag het dit gedoen. Net soos ELOHIM hom beveel het, so het hy gedoen.

HOOFSTUK 7

1 Daarna het YAHUVEH aan Noag gesê: Gaan in die ark, jy en jou hele huisgesin, want jou het Ek regverdig bevind voor my aangesig in hierdie geslag.

2 Van al die rein diere moet jy vir jou telkens sewe paar neem, die mannetjie met sy wyfie; maar van die diere wat nie rein is nie, twee, die mannetjie met sy wyfie.

3 Ook van die voëls van die hemel telkens sewe paar, die mannetjie met die wyfie, om die geslag in die lewe te hou op die hele aarde.

4 Want oor nog sewe dae sal Ek laat reën op die aarde, veertig dae en veertig nagte, en al die lewende wesens wat Ek gemaak het, van die aarde verdelg.

5 En Noag het gedoen net soos YAHUVEH hom beveel het.

6 En Noag was ses honderd jaar oud toe die watervloed oor die aarde gekom het.

7 En Noag en sy seuns en sy vrou en die vroue van sy seuns saam met hom het in die ark gegaan vanweë die waters van die vloed.

8 Van die rein diere en van die diere wat nie rein is nie, en van die voëls en van alles wat op die aarde kruip,

9 het daar twee-twee na Noag in die ark gegaan, ‘n mannetjie en ‘n wyfie, soos ELOHIM Noag beveel het.

10 Ná die sewe dae kom toe die waters van die vloed op die aarde.

11 In die ses honderdste jaar van die lewe van Noag, in die tweede maand, op die sewentiende dag van die maand, op dieselfde dag, is al die fonteine van die groot watervloed oopgebreek, en die sluise van die hemel is geopen;

12 en die stortreën was op die aarde veertig dae en veertig nagte lank.

13 Op daardie selfde dag het Noag en Sem en Gam en Jafet, die seuns van Noag, sowel as die vrou van Noag en die drie vroue van sy seuns saam met hulle in die ark gegaan.

14 Hulle en al die wilde diere volgens hulle soorte en al die vee volgens hulle soorte en al die diere wat op die aarde kruip, volgens hulle soorte en al die voëls volgens hulle soorte, voëls van allerhande vere—

15 van al die vlees waar ‘n lewensgees in was, het twee-twee na Noag in die ark gegaan.

16 En die wat ingaan, het gegaan as mannetjie en wyfie van alle vlees soos ELOHIM hom beveel het. En YAHUVEH het agter hom toegesluit.

17 En die vloed was veertig dae lank op die aarde: die waters het vermeerder en die ark opgehef, sodat dit opgerys het bo die aarde.

18 En die waters het die oorhand gekry en grootliks vermeerder op die aarde, terwyl die ark op die waters drywe.

19 En die waters het heeltemal die oorhand gekry op die aarde, sodat al die hoë berge onder die ganse hemel bedek was.

20 Vyftien el bo hulle het die waters die oorhand gekry, sodat die berge bedek was.

21 En alle vlees wat op die aarde beweeg, het weggesterwe: die voëls en die vee en die wilde diere en al die gedierte wat op die aarde wemel, en al die mense.

22 Alles wat die asem van die lewensgees in sy neusgate gehad het, alles wat op die droë grond was, het doodgegaan.

23 So is dan al die lewende wesens verdelg wat op die aarde was, die mens sowel as die vee en die kruipende diere en die voëls van die hemel; hulle is verdelg van die aarde af. En net Noag het oorgebly en wat by hom in die ark was.

24 En die waters het die oorhand behou oor die aarde honderd en vyftig dae lank.

HOOFSTUK 8

1 En ELOHIM het gedink aan Noag en aan al die wilde diere en al die vee wat saam met hom in die ark was; en ELOHIM het ‘n wind oor die aarde laat waai, sodat die waters gesak het.

2 Ook die fonteine van die watervloed en die sluise van die hemel het toegegaan, en die stortreën uit die hemel het opgehou.

3 Toe het die waters geleidelik van die aarde teruggegaan, en die waters het afgeneem aan die end van honderd en vyftig dae.

4 En die ark het in die sewende maand, op die sewentiende dag van die maand, op die gebergte van Ararat gerus.

5 En die waters het geleidelik afgeneem tot die tiende maand. In die tiende maand, op die eerste van die maand, het die toppe van die berge sigbaar geword.

6 Toe het Noag aan die end van veertig dae die venster oopgemaak van die ark wat hy gebou het,

7 en ‘n kraai uitgestuur wat gedurig heen en weer gevlieg het totdat die waters weggedroog het van die aarde af.

8 Daarop laat hy ‘n duif van hom af wegvlieg om te sien of die waters oor die aarde verminder het.

9 Maar die duif het geen rusplek vir die holte van sy voet gevind nie en na hom teruggekeer in die ark; want die waters was oor die hele aarde. So het hy dan sy hand uitgesteek en hom gegryp en in die ark by hom gebring.

10 Daarna het hy weer sewe dae gewag. Toe stuur hy die duif weer uit die ark.

11 En die duif het teen die aand na hom gekom, en daar was ‘n groen olyfblad in sy bek! Toe merk Noag dat die waters oor die aarde verminder het.

12 Daarna wag hy weer sewe dae en stuur die duif uit. Maar hy het nie weer na hom teruggekeer nie.

13 In die ses honderd en eerste jaar, in die eerste maand, op die eerste van die maand, het die waters weggedroog van die aarde af. En Noag het die deksel van die ark weggeneem en uitgekyk, en die aarde was droog—

14 in die tweede maand, op die sewe en twintigste dag van die maand, was die aarde droog.

15 En ELOHIM het met Noag gespreek en gesê:

16 Gaan uit die ark, jy en jou vrou en jou seuns en die vroue van jou seuns saam met jou.

17 Laat saam met jou uitgaan al die diere wat by jou is, van alle vlees: die voëls en die vee en al die diere wat op die aarde kruip, dat hulle kan wemel op die aarde en vrugbaar wees en vermeerder op die aarde.

18 Toe gaan Noag uit en sy seuns en sy vrou en die vroue van sy seuns saam met hom.

19 Al die diere, alles wat kruip, en al die voëls, alles wat op die aarde beweeg, volgens hulle soorte, het uit die ark uitgegaan.

20 En Noag het vir YAHUVEH ‘n altaar gebou en van al die rein diere en al die rein voëls geneem en brandoffers op die altaar gebring.

21 En YAHUVEH het die lieflike geur geruik, en YAHUVEH het in sy hart gesê: Ek sal die aarde verder nie meer vervloek ter wille van die mens nie, want die versinsels van die mens se hart is sleg van sy jeug af. En Ek sal verder nie meer al die lewende wesens tref soos Ek gedoen het nie.

22 Van nou af sal al die dae van die aarde, saaityd en oestyd, koue en hitte, somer en winter, dag en nag nie ophou nie.

HOOFSTUK 9

1 En ELOHIM het Noag en sy seuns geseën en aan hulle gesê: Wees vrugbaar en vermeerder en vul die aarde.

2 Die vrees en die skrik vir julle sal wees oor al die diere van die aarde en al die voëls van die hemel: alles wat op die aarde beweeg, en al die visse van die see. Hulle is in julle hand oorgegee.

3 Alles wat beweeg en lewe, sal julle voedsel wees. Net soos die groen plante, gee Ek dit alles aan julle.

4 Net die vleis met sy siel, met sy bloed, mag julle nie eet nie.

5 Maar wat julle eie bloed betref, dit sal Ek eis: van al die diere sal Ek dit eis. Ook van die mens, van die een teenoor die ander, sal Ek die siel van die mens eis.

6 Hy wat die bloed van ‘n mens vergiet, sy bloed sal deur die mens vergiet word; want ELOHIM het die mens na sy beeld gemaak.

7 Maar julle, wees vrugbaar en vermeerder; wemel op die aarde en vermeerder daarop.

8 Verder het ELOHIM met Noag en sy seuns by hom gespreek en gesê:

9 Maar Ek, kyk, Ek rig my verbond met julle op en met julle nageslag ná julle,

10 en met al die lewende wesens wat by julle is: die voëls, die vee en al die wilde diere van die aarde by julle—al wat uit die ark uitgegaan het, naamlik al die diere van die aarde.

11 En Ek rig my verbond met julle op, dat alle vlees nie meer deur die waters van die vloed uitgeroei sal word nie, en dat daar geen vloed meer sal wees om die aarde te verwoes nie.

12 En ELOHIM het gesê: Dit is die teken van die verbond wat Ek sluit tussen My en julle en al die lewende wesens wat by julle is, vir ewige geslagte:

13 my boog gee Ek in die wolke; dit sal ‘n teken wees van die verbond tussen My en die aarde.

14 As Ek dan wolke oor die aarde bring en hierdie boog verskyn in die wolke,

15 dan sal Ek dink aan my verbond wat daar bestaan tussen My en julle en al die lewende wesens, in alle vlees. En die waters sal nie meer ‘n vloed word om alle vlees te verdelg nie.

16 As die boog dan in die wolke staan, sal Ek dit aansien om gedagtig te wees aan die ewige verbond tussen ELOHIM en al die lewende wesens in alle vlees wat op die aarde is.

17 En ELOHIM het vir Noag gesê: Dit is die teken van die verbond wat Ek opgerig het tussen My en alle vlees wat op die aarde is.

18 En die seuns van Noag wat uit die ark uitgegaan het, was Sem en Gam en Jafet. En Gam was die vader van Kanaän.

19 Hierdie drie was die seuns van Noag; en met hulle begin die uitbreiding van al die aardbewoners.

20 En Noag het as landbouer ‘n wingerd begin plant.

21 Maar toe hy van die wyn gedrink het, het hy dronk geword en naak in sy tent gelê.

22 En Gam, die vader van Kanaän, het sy vader se naaktheid gesien en dit aan sy twee broers daarbuite te kenne gegee.

23 Toe neem Sem en Jafet die bo-kleed en hou dit op hulle skouers terwyl hulle agteruitloop, en hulle het die naaktheid van hulle vader bedek: hulle gesig was agtertoe gedraai, sodat hulle die naaktheid van hulle vader nie gesien het nie.

24 Toe Noag van sy wyn wakker word en merk wat sy jonger seun hom aangedoen het,

25 sê hy: Vervloek is Kanaän! ‘n Kneg van die knegte moet hy wees vir sy broers.

26 Verder het hy gesê: Geseënd is YAHUVEH, die ELOHIM van Sem. Maar Kanaän moet sy dienskneg wees.

27 Mag ELOHIM aan Jafet ruimte verskaf, en mag hy woon in die tente van Sem! Maar Kanaän moet sy dienskneg wees.

28 En Noag het ná die vloed drie honderd en vyftig jaar gelewe.

29 So was dan al die dae van Noag nege honderd en vyftig jaar, en hy het gesterwe.

HOOFSTUK 10

1 En dit is die stamboom van die seuns van Noag: Sem, Gam en Jafet—vir hulle is daar seuns gebore ná die vloed.

2 Die seuns van Jafet was: Gomer en Magog en Madai en Jawan en Tubal en Meseg en Tiras.

3 En die seuns van Gomer was: Askenas en Rifat en Togárma.

4 En die seuns van Jawan was: Elísa en Tarsis, die Kittiërs en Dodaniete—

5 uit hulle het verdeeld geraak die kuslande van die nasies, in hulle lande, elkeen na sy taal, volgens hulle geslagte, in hulle nasies.

6 En die seuns van Gam was: Kus en Misraim en Put en Kanaän.

7 En die seuns van Kus was: Seba en Háwila en Sabta en Raéma en Sábtega. En die seuns van Raéma: Skeba en Dedan.

8 Kus was ook die vader van Nimrod. Hy het begin om ‘n geweldenaar op aarde te wees.

9 Hy was ‘n geweldige jagter voor die aangesig van YAHUVEH. Daarom sê hulle: Soos Nimrod, ‘n geweldige jagter voor die aangesig van YAHUVEH.

10 En die begin van sy ryk was Babel en Ereg en Akkad en Kalne in die land Sínear.

11 Uit hierdie land het hy getrek na Assur en gebou: Ninevé en Réhobot-Ir en Kalag

12 en Resen, tussen Ninevé en Kalag—dit is die groot stad.

13 En Misraim was die vader van die Ludiete en Anamiete en Lehabiete en Naftuhiete

14 en die Patrusiete en Kasluhiete—waaruit die Filistyne voortgekom het—en Kaftoriete.

15 En Kanaän was die vader van Sidon, sy eersgeborene, en Het

16 en die Jebusiete en Amoriete en Girgasiete

17 en die Hewiete en Arkiete en Siniete

18 en die Arwadiete en Semariete en Hamatiete. En daarna het die geslagte van die Kanaäniete hulle versprei.

19 En die gebied van die Kanaäniete was van Sidon af in die rigting van Gerar tot by Gasa, in die rigting van Sodom en Gomorra en Adma en Sebóim tot by Lesa.

20 Dit was die seuns van Gam volgens hulle geslagte, na hulle tale, in hulle lande, in hulle nasies.

21 En ook vir Sem, die stamvader van al die seuns van Heber, die ouer broer van Jafet, is seuns gebore.

22 Die seuns van Sem was: Elam en Assur en Arpagsad en Lud en Aram.

23 En die seuns van Aram was: Us en Hul en Geter en Mas.

24 En Arpagsad was die vader van Selag, en Selag van Heber.

25 En vir Heber is twee seuns gebore; die naam van die een was Peleg, want in sy dae het die aardbewoners verdeeld geraak; en die naam van sy broer was Joktan.

26 En Joktan was die vader van Almódad en Selef en Hasarmáwet en Jerag

27 en Hadóram en Usal en Dikla

28 en Obal en Abímael en Skeba

29 en Ofir en Háwila en Jobab. Hulle almal was seuns van Joktan.

30 En hulle woonplek was van Mesa af in die rigting van Sefar, die berg van die Ooste.

31 Dit is die seuns van Sem volgens hulle geslagte, na hulle tale, in hulle lande, volgens hulle nasies.

32 Dit is die geslagte van die seuns van Noag volgens hulle afstamming, in hulle nasies; en uit hulle het die nasies op die aarde hulle verdeel ná die vloed.

HOOFSTUK 11

1 En die hele aarde het dieselfde taal gehad en een en dieselfde woorde.

2 En toe hulle wegtrek na die ooste, vind hulle ‘n laagte in die land Sínear; en daar het hulle gaan woon.

3 Daarop sê hulle vir mekaar: Kom laat ons stene vorm en dit goed brand. Hulle gebruik toe die bakstene vir bousteen en die lymgrond vir klei.

4 En hulle sê: Kom, laat ons vir ons ‘n stad bou en ‘n toring waarvan die spits tot aan die hemel reik; en laat ons vir ons ‘n naam maak, sodat ons nie oor die hele aarde verstrooid raak nie.

5 Toe daal YAHUVEH neer om die stad en die toring te besien waaraan die mensekinders gebou het.

6 En YAHUVEH sê: Daar is hulle nou een volk en het almal een taal! En dit is net die begin van hulle onderneming: nou sal niks vir hulle meer onmoontlik wees van wat hulle van plan is om te doen nie.

7 Kom, laat Ons neerdaal en hulle taal daar verwar, sodat die een die taal van die ander nie kan verstaan nie.

8 So het YAHUVEH hulle dan daarvandaan oor die hele aarde verstrooi; en hulle het opgehou om die stad te bou.

9 Daarom het hulle dit Babel genoem, want daar het YAHUVEH die taal van die hele aarde verwar, en daarvandaan het YAHUVEH hulle oor die hele aarde verstrooi.

10 Dit is die stamboom van Sem: Toe Sem honderd jaar oud was, het hy die vader van Arpagsad geword, twee jaar ná die vloed.

11 En Sem het ná die geboorte van Arpagsad nog vyf honderd jaar gelewe. En hy het seuns en dogters gehad.

12 Toe Arpagsad vyf en dertig jaar oud was, het hy die vader van Selag geword.

13 En Arpagsad het ná die geboorte van Selag nog vier honderd en drie jaar gelewe. En hy het seuns en dogters gehad.

14 Toe Selag dertig jaar oud was, het hy die vader van Heber geword.

15 En Selag het ná die geboorte van Heber nog vier honderd en drie jaar gelewe. En hy het seuns en dogters gehad.

16 Toe Heber vier en dertig jaar oud was, het hy die vader van Peleg geword.

17 En Heber het ná die geboorte van Peleg nog vier honderd en dertig jaar gelewe. En hy het seuns en dogters gehad.

18 Toe Peleg dertig jaar oud was, het hy die vader van Rehu geword.

19 En Peleg het ná die geboorte van Rehu nog twee honderd en nege jaar gelewe. En hy het seuns en dogters gehad.

20 Toe Rehu twee en dertig jaar oud was, het hy die vader van Serug geword.

21 En Rehu het ná die geboorte van Serug nog twee honderd en sewe jaar gelewe. En hy het seuns en dogters gehad.

22 Toe Serug dertig jaar oud was, het hy die vader van Nahor geword.

23 En Serug het ná die geboorte van Nahor twee honderd jaar gelewe. En hy het seuns en dogters gehad.

24 Toe Nahor nege en twintig jaar oud was, het hy die vader van Tera geword.

25 En Nahor het ná die geboorte van Tera nog honderd en negentien jaar gelewe. En hy het seuns en dogters gehad.

26 Toe Tera sewentig jaar oud was, het hy die vader geword van Abram, Nahor en Haran.

27 En dit is die stamboom van Tera: Tera het die vader geword van Abram, Nahor en Haran, en Haran van Lot.

28 En Haran het gesterwe terwyl sy vader Tera nog geleef het, in sy geboorteland, in Ur van die Chaldeërs.

29 En Abram en Nahor het vir hulle vroue geneem. Die naam van Abram se vrou was Sarai, en die naam van Nahor se vrou was Milka, die dogter van Haran, die vader van Milka en die vader van Jiska.

30 En Sarai was onvrugbaar, sy het geen kind gehad nie.

31 En Tera het sy seun Abram geneem en Lot, die seun van Haran, sy kleinseun, en Sarai, sy skoondogter, die vrou van sy seun Abram, en dié het saam met hulle uit Ur van die Chaldeërs getrek om na die land Kanaän te gaan. En hulle het tot by Haran gekom en daar gaan woon.

32 En die dae van Tera was twee honderd en vyf jaar, en Tera het in Haran gesterwe.

Jesaja 54:1–55:5;

HOOFSTUK 54

1 Jubel, onvrugbare, wat nie gebaar het nie! Breek uit in gejubel en juig, jy wat geen weë gehad het nie! Want die kinders van die eensame is meer as die kinders van die getroude, sê YAHUVEH.

2 Maak die plek van jou tent wyd, en laat hulle die doeke van jou tentwonings oopspan. Verhinder dit nie! Maak jou lyne lank en slaan jou penne styf in.

3 Want jy sal regs en links uitbreek, en jou nageslag sal nasies in besit neem en verwoeste stede bevolk.

4 Wees nie bevrees nie, want jy sal nie beskaamd staan nie; en vrees geen skande nie, want jy sal nie nodig hê om te bloos nie; maar jy sal die skande van jou jonkheid vergeet en aan die smaad van jou weduweeskap nie meer dink nie.

5 Want jou Maker is jou Man; HERE van die leërskare is sy Naam; en die Heilige van Israel is jou Verlosser. Hy sal die ELOHIM van die hele aarde genoem word.

6 Want soos ‘n verlate vrou en ‘n bedroefde van gees het YAHUVEH jou geroep, en soos ‘n vrou uit die jeugtyd as sy versmaad was, sê jou ELOHIM.

7 Vir ‘n klein oomblik het Ek jou verlaat, maar met groot ontferminge sal Ek jou vergader.

8 In ‘n uitstorting van toorn het Ek vir ‘n oomblik my aangesig vir jou verberg, maar met ewige goedertierenheid ontferm Ek My oor jou, sê YAHUVEH, jou Verlosser.

9 Soos in die dae van Noag is dit vir My: soos Ek gesweer het dat die waters van Noag nie meer oor die aarde sou gaan nie, so het Ek gesweer dat Ek nie op jou toornig sal wees of jou sal dreig nie.

10 Want berge mag wyk en heuwels wankel, maar my goedertierenheid sal van jou nie wyk en my vredeverbond nie wankel nie, sê YAHUVEH, jou Ontfermer.

11 Jy, ellendige, deur storm gejaagde, ongetrooste! Kyk, Ek lê jou stene in sierklei, en Ek grondves jou in saffiere;

12 en jou borswerings maak Ek van robyne en jou poorte van karbonkels en jou hele ringmuur van edelgesteentes.

13 En al jou kinders sal deur YAHUVEH geleer wees, en die vrede van jou kinders sal groot wees.

14 Deur geregtigheid sal jy bevestig word; wees ver van verdrukking, want jy hoef nie bevrees te wees nie; en ver van verskrikking, want dit sal nie by jou kom nie.

15 As hulle ook die aanval begin—dit is nie uit My nie; wie jou aanval, sal oor jou val.

16 Kyk, Ék het die smid geskape wat die koolvuur aanblaas en ‘n wapen voortbring volgens sy ambag; ook het Ék die verderwer geskape om te verniel.

17 Elke wapen wat teen jou gesmee word, sal niks uitrig nie; en elke tong wat teen jou opstaan in die gereg, sal jy weerlê. Dit is die erfdeel van die knegte van YAHUVEH en hulle geregtigheid wat uit My is, spreek YAHUVEH.

HOOFSTUK 55

1 o Almal wat dors het, kom na die waters; en wie geen geld het nie, kom, koop en eet; ja, kom, koop sonder geld en sonder prys, wyn en melk!

2 Waarom weeg julle geld af vir wat geen brood is nie, en julle arbeid vir wat nie kan versadig nie? Luister aandagtig na My en eet die goeie, en laat julle siel hom in vettigheid verlustig.

3 Neig julle oor en kom na My toe, luister, en julle siel sal lewe; Ek wil met julle ‘n ewige verbond sluit: die bestendige genadebewyse van Dawid.

4 Kyk, Ek het hom tot ‘n getuie van die volke gemaak, tot ‘n vors en ‘n gebieder van die nasies.

5 Kyk, nasies wat jy nie geken het nie, sal jy roep; en nasies wat jou nie geken het nie, sal na jou hardloop, ter wille van YAHUVEH jou ELOHIM en van die Heilige van Israel, omdat Hy jou verheerlik het.

1 Petrus 3:8–22

8 En eindelik, wees almal eensgesind, medelydend, vol broederliefde en ontferming, vriendelik.

9 Vergeld geen kwaad met kwaad of skeldwoorde met skeldwoorde nie, maar seën inteendeel, omdat julle weet dat julle hiertoe geroep is, sodat julle seën kan beërwe.

10 Want wie die lewe wil liefhê en goeie dae wil sien, moet sy tong bewaar vir wat verkeerd is, en sy lippe dat hulle geen bedrog spreek nie.

11 Hy moet afwyk van wat verkeerd is, en doen wat goed is; hy moet vrede soek en dit najaag.

12 Want die oë van YAHUVEH is op die regverdiges en sy ore tot hulle gebed, maar die aangesig van YAHUVEH is teen die kwaaddoeners.

13 En wie is dit wat julle kwaad sal aandoen as julle navolgers is van die goeie?

14 Maar as julle ook moet ly ter wille van die geregtigheid, salig is julle. En vrees hulle glad nie, en wees nie ontsteld nie.

15 Maar heilig YAHUSHUA ELOHIM in julle harte en wees altyd bereid om verantwoording te doen aan elkeen wat van julle rekenskap eis omtrent die hoop wat in julle is, met sagmoedigheid en vrees;

16 met behoud van ‘n goeie gewete, sodat in die saak waarin hulle van julle kwaad spreek soos van kwaaddoeners, húlle beskaam mag word wat julle goeie lewenswandel in Christus belaster.

17 Want dit is beter, as die wil van ELOHIM dit eis, dat julle ly wanneer julle goed doen as wanneer julle kwaad doen.

18 Want Christus het ook eenmaal vir die sondes gely, Hy die Regverdige vir die onregverdiges, om ons tot ELOHIM te bring—Hy wat wel gedood is na die vlees, maar lewend gemaak deur die Gees;

19 in wie Hy ook heengegaan en gepreek het vir die geeste in die gevangenis,

20 wat eertyds ongehoorsaam was toe die lankmoedigheid van ELOHIM een maal gewag het in die dae van Noag, onderwyl die ark gereed gemaak is, waarin weinig, dit is agt, siele deur water heen gered is;

21 waarvan die teëbeeld, die doop, ons nou ook red, nie as ‘n aflegging van die vuilheid van die vlees nie, maar as ‘n bede tot ELOHIM om ‘n goeie gewete—deur die opstanding van Jesus Christus

22 wat heengegaan het na die hemel en aan die regterhand van ELOHIM is, terwyl engele en magte en kragte aan Hom onderwerp is.

AmightyWInd Profesieë

YAHUVEH SE WAARSKUWING WAT VOOR ELKE Profesie bygevoeg moet word:

Elisabeth (Elisheva), EK het jou lank gelede gewaarsku om nie hierdie Bediening na ‘n man of ‘n vrou te vernoem nie, selfs nog voordat daar ‘n Bediening was het EK dit in jou gees geplaas.

Want niks hiervan was deur jou eie toedoen nie, niks hiervan het uit jou mond voortgekom nie. Dit is uit die mond van YAHUVEH geboorte gegee.

Dit is uit die mond van YAHUSHUA jou MASHIACH geboorte gegee.

Dit is deur die Mond van Die RUACH HA KODESH jou IMMAYAH geboorte gegee.

As dit net deur jou hand was sou dit lankal misluk het.

Dit is deur die SHKHINYAH GLORIE se WIND wat oor hierdie aarde waai, die Heilige WIND van Herlewing, dit is nie deur jou asem nie, anders sou dit misluk het.

(van Profesie 105)

EK IS YAHVEH, DIT IS MY NAAM; EN MY EER SAL EK AAN GEEN ANDER GEE, OF OOK MY LOF aan die gesnede beelde nie.

Jes 42:8

Torah (Gedeelte) Portion: Noach Beteken Rus

Profesie 52, EK, Vader YAHUVEH Sal Julle Weereens Verlos!

Geliefde kinders van MY, soveel van julle roep uit na MY met ‘n geween en trane en julle steek julle vrees weg, vir die wêreld en vir julle vriende. Tog moet julle net op julle PAPPA YAHUVEH en MESSIAS YAHUSHUA vertrou. Julle kom na ons met nat gehuilde gesigte, in die Naam van MY Seun YAHUSHUA, en dan sê julle, "Wat moet ons nou doen? Waarheen moet ons gaan?" Geliefdes van MY, EK is nie nou kwaad vir julle nie, dit is vir die bose mense vir wie EK baie kwaad is. EK sien hoe die bose mense skelmstreke het en planne maak, en dit is net soos in die tye van ouds met die slang in die Tuin van Eden, waar hulle vir julle probeer mislei en julle laat dink dat julle nie sal kan wen sonder enige wêreldse kennis nie. Julle VADER, EK, YAHUVEH is alle kennis, en wanneer julle vir MY, YAHUVEH en YAHUSHUA en die RUACH HA KODESH (HEILIGE GEES ) soek, is julle op soek na waarheid en kennis.

Wees verseker, solank as wat julle soek, sal julle, wanneer die tyd daar is, die antwoorde kry. As julle nie weet wat om te doen nie, wees dan verseker dat dit nog nie tyd vir julle is om te weet waarheen om te gaan en wat om te doen nie. EK, YAHUVEH sal nie vir julle die reiskaartjie gee, totdat die tyd nie reg is vir julle om weg te gaan nie. EK, YAHUVEH is nooit te vroeg of nooit te laat nie, maar EK is altyd daar, reg op tyd. Soms, met tye, nie ‘n sekonde om te spaar nie. Maar EK, YAHUVEH sal jou nooit agter los of verlaat nie. EK, YAHUVEH is die Skepper van die hele mensdom. Julle hoef nie bang te wees vir wat die bose mense wil doen nie, omdat EK, YAHUVEH, gewone dingetjies soos julle gebede gebruik om die sogenaamde wyse mense van hierdie wêreld, dronk te slaan.

EK, YAHUVEH is selfs instaat om julle DNA te verander. Het julle dit geweet? Ja, wanneer EK dit so goed dink. EK, YAHUVEH kan selfs die kleur van jou vel en jou oë verander. Moenie verbaas wees nie. Onthou julle, EK YAHUVEH is die Skepper? EK, YAHUVEH is daartoe instaat om julle deurskynend te maak, as EK wil. Julle het nie ‘n idee watter standaard EK teen die bose mense sal bring nie. Die houvas, siektes en plae wat die bose mense, wat die kinders van satan genoem word, oor julle wil bring, sal hulleself dronkslaan. ‘n Magdom van MY kinders sal nie seerkry nie. Die bose mense se eie families sal eerder hierdie plae en siektes kry, en hulle sal geen antwoord hê, waarom dit gebeur nie. Hulle sal maar net moet erken dat dit EK, YAHUVEH was wat dit gedoen het.

Die bose mense streef daarna om hulleself te beskerm, en hulle dink hulle is wys, omdat hulle selfs hulle families, geliefdes en vriende ook inent. En tog sal EK, YAHUVEH daardie beskerming tot niet laat gaan. Die bose mense, die wat voorgee, die wat MY kinders wil seermaak, sal met dieselfde graad gestraf word, as dit waarteen hulle beplan om MY kinders aan te doen. Die seerkry sal oor hulleself kom. Begin nou om hiervoor te bid. Daar is groot krag in julle gebede vir MY, YAHUVEH, in die Naam van julle MESSIAS, MY enigste Seun, YAHUSHUA. Bid dat EK, YAHUVEH, groter geestelike wapens aan julle sal gee, sodat julle dit teen die vleeslike mense wat teen julle versamel, kan gebruik. Die wat teen MY geliefdes, hulle wat MY gesig daagliks soek, wil versamel.

Bid dat julle, net soos Elisa gesien het hoe die mantel van Elia "Elijah" van ouds af val, ook dit weer sal aanskou, en dat julle toegerus sal word met nog meer van die RUACH HA KODESH (HEILIGE GEES) se salwing. Wanneer dit gebeur hoef julle nie bekommerd te wees hoe julle na ‘n ander nasie toe sal gaan nie. Wanneer EK, YAHUVEH julle stuur, sal julle net verskyn. Dink julle dit is vreemd? Lees julle Skrifte en dan sal julle sien hoeveel het alreeds die krag gehad om sommer net op ‘n plek te verskyn. En julle moet ook weet dat die bose mense alreeds sulke kragte gebruik vir bose redes.

Diegene van MY wat weggesteek is, het die kennis. Hulle het ook ‘n uitweg, wat verby elke wapen van die vyand kan gaan. Hierdie vyand wil MY kinders en die wêreld vernietig. Moenie op dit wat julle verstaan staatmaak nie. Neem eerder vir MY, YAHUVEH en YAHUSHUA, in alle weë, in ag, en EK, YAHUVEH sal julle dan op die regte pad lei. Dit alleen, wat julle verstaan, veroorsaak dat julle die onbekende sal vrees. EK, YAHUVEH slaap nie. EK, YAHUVEH sluimer nie. MY oë is op die nasies waar mense in gebed uitroep na MY, sodat EK hulle kan red. Moenie luister na diegene wat net die heeltyd oordeel verkondig en dan sê dat EK, YAHUVEH nie ‘n plek van beskerming vir MY kinders en MY geliefdes gereed sal hê nie. MY kinders wat vir YAHUSHUA volg en hulle bes doen om gehoorsaam te wees aan MY wette. Hoekom wil MY kinders gehoorsaam wees aan MY, YAHUVEH? Omdat hulle hulle Hemelse Vader liefhet.

Profesie 24, Pasop, Die Ark Se Deur En Boek Van Die Heidene Maak Toe!

Kom Nou in, die Ark se deur en Boek van die Heidene maak toe. Kom in die Ark in. Kom in My arms in waar dit veilig is. Hulle wie MY Beminde noem en EK noem hulle MY Geliefde Bruid, MY Kinders. Kom, glo nog 'n keer in julle SALIGE HOOP, Julle ALMAGTIGE GOD, Heer, Verlosser en BRUIDEGOM. Glo in die SALIGE HOOP. EK sal julle red van die komende toorn. Vir hulle wat die SALIGE HOOP weier, MY koms vir MY Geliefde Bruid, my geheime wegneming van haar in die middernagtelike uur. Julle beledig MY as julle sê EK sal haar laat ly onder die Toorn van die ALMAGTIGE GOD. Sy is MY Geliefde, hoekom sal EK MY Bruid aanrand? EK is nie 'n vroueslaner nie.

Julle is alreeds getoets en waardig bevind om MY Bruid genoem te word, anders sou EK julle nie kom wegneem saam met MY nie. So, hou op om MY te beledig en glo dat EK 'n beloner is vir hulle wat ywerig na MY soek en uitkyk na MY koms en verlang na MY wederkoms. Soos in die Dae van Noag, toe EK Noag gewaarsku het dat die reën sou kom. Alhoewel Noag nie geweet het wat 'n vloed was nie, het hy MY geglo. EK het vir Noag beveel om 'n Ark te bou, alhoewel die werk moeilik was en spottery en vervolging groot was. Alhoewel die werk wat EK vir Noag gegee het om te doen, baie jare geneem het om te voltooi, is julle vandag hier, as gevolg van sy gehoorsaamheid. Al die diere wat hy gered het, behalwe dié wat julle laat uitsterf het, het die aarde gevul. EK het vooraf geweet wie EK geskape het om met vrymoedigheid deur die krag en salwing van MY RUACH ha KODESH (Heilige Gees), boodskappe te bring wat die harte veroordeel van dié met geestelike ore om te hoor en oë om te sien.

Noag het NIE getwyfel nie, daarom moet MY Profete vandag ook nie. Maar so baie doen, selfs al spreek EK MY Woorde van vuur en gebruik hulle monde om te praat en hande om te skryf, en nogtans waag hulle om te twyfel en wonder of hulle van die Hemel hoor. Noag het nie getwyfel nie, Jeremia het nie getwyfel nie, Jona het nie getwyfel nie, Elia het nie getwyfel nie, Esegiël het nie getwyfel nie, Daniël het nie getwyfel nie, waarom betwyfel MY Profete van vandag MY dan? Dit wat EK spreek sal EK doen. Moenie na die spotters en skimpers luister nie, want soos dit in die dag van Noag en Lot en Moses was, so sal dit weer wees. Daar kom 'n reën (rain) maar dit is die Regering (Reign) van MY Heilige Terreur, van die GROOT GOD 'EK IS' se toorn en Oordeel.

Daar is 'n vloed aan die kom maar nie net 'n watervloed nie, maar 'n vloed van die skale met vloeke wat uitgegiet word. EK sal hierdie aarde oorstroom met MY gramskap sedert die tyd van Adam en Eva se sonde teen MY. Soos wat EK 'n Noag gehad het wat teen die vloed gewaarsku het, Moses wat gewaarsku het teen die vloeke en Lot wat gewaarsku het dat die vuur van die Hemel sal val, so sal EK dit weer doen, so waarsku EK nou deur MY Diensmaagd. Dit sal julle goed doen om elke woord wat EK nou deur haar spreek en skryf, te bestudeer. EK sal altyd 'n oorblyfsel hê wat sal luister en MY stem sal hoor. Daar is altyd 'n skare wat sal skimp en spot, net so seker as wat die heidene vir Noag, Moses en Lot gespot het. Net so seker as wat die verwoesting en toorn van die Groot GOD 'EK IS' gekom het soos 'n vloed, vloeke en vuur, so sal dit weer wees.

Wat julle nou vir MY Eer doen en wat julle gedoen het vir MY Eer alleen, sal veroorsaak dat MY Seun julle sal spaar teen die komende afgryse van MY toorn en Oordeel. Die deur na MY Ark maak toe; kom so vinnig in as wat julle kan. Die heidene het in die tyd van Noag teen die deur van die Ark geslaan om in veiligheid te kom, maar dit was te laat, toe die toorn begin neerdaal het. Die heidene het die eerste druppels reën geìgnoreer net soos wat hulle dit nou ignoreer, maar maak oop julle oë, die toorn het alreeds oral oor die wêreld begin val maar in 'n kleiner graad as wat dit gaan wees. Kom gou na YAHUSHUA toe, aanvaar HOM as julle Here, Verlosser en GOD. Julle ken die weg na ontsnapping, waarvoor wag julle? Die Ark is soos die Ark van MY Verbond. Die ARK is MY belofte van veiligheid. Slegs MY Seun YAHUSHUA is julle Ark van veiligheid.

Torah Gedeelte (Portion): Die Gehoorsaamheid van Geloof

Profesie 31, Julle Pasga ('PASSOVER') Woon Waar Julle Geloof Woon!

Maar onthou vir Moses en leer die les by die kinders van Israel. Die plae het nie naby hulle gekom wie hul vertroue in MY, die GOD van Abraham, Isak en Jakob gestel het nie. Maar hulle het die plae aanskou wat oor die ander gekom het. EK stuur MY Geliefde Seun YAHUSHUA, julle MESSIAS om te kom en om MY Bruid weg te raap. Het EK nie vir julle tekens in die Heilige Skrifte gee van wat om te verwag en waarna om op te let nie? Het julle nie gesien dat hierdie dinge begin gebeur nie? Het EK nie gesê. "Waarlik EK sê vir julle, hierdie geslag sal sekerlik nie verbygaan voordat al hierdie dinge gebeur het en julle die Seun van God, YAHUSHUA se wederkoms gesien het nie". Hoekom twyfel julle aan MY? Hoekom is daar slegs 50% van julle wat sê julle het MY lief en dien MY, wat glo dat EK MY Geliefde Seun YAHUSHUA stuur om hulle te red wie nie bestem is vir MY komende toorn nie? Vir dié van julle wat weier om julle geloof te gebruik om te glo in hierdie SALIGE HOOP het EK nuus, HY kom nie vir julle nie.

Net soos julle nie gered kan word sonder om te glo dat dit die waarheid is nie, net so sal julle nie waardig geag word om YAHUSHUA se Bruid te wees as julle nie geloof het nie. As julle leef asof MY SEUN YAHUSHUA nie kom nie en jare vooruit beplan, en slegs geïnteresseerd is in wêreldse dinge en besittings. Dan het EK nuus vir julle, julle is nie ingesluit by die Bruidegom se lys van hulle wie verseël is om SY BRUID te wees nie. Nie enigiemand is geskik om 'n Bruid van YAHUSHUA genoem te word nie. Sommige is slegs geskik om Gaste te wees. Dit beteken nie dat julle nie een of ander tyd gered sal word nie. Dit beteken slegs dat tot julle in 'n wêreld beweeg wat slegs geskik is vir MY toorn, julle sal sien wat julle gemis het, en julle sal dan op 'n nuwe manier met 'n nuwe geloof na MY toe draai.

Profesie 7, Hou Styf Vas Aan Die Soom Van MY Kleed!

Julle sal beledig, verwerp, vervolg word, maar as julle aanhou om vas te hou aan julle geloof, alhoewel EK nie dadelik verlos nie, dan sal julle net soos hierdie Kananése vrou beloon word. Want EK sal sien hoe groot julle geloof is. Want in hierdie eindtye berei EK MY Liggaam op hierdie manier voor, wanneer EK weer kom, hoeveel sal aan hulle geloof vasgehou het? Hoeveel sal wegdraai wanneer hulle in gebed uitgeroep het vir 'n behoefte en EK het nie dadelik geantwoord nie?

Jy moet vir hulle vertel om bereid te wees om met MY te worstel vir hulle seëninge net soos Jakob gedoen het. Want EK begeer om te seën. EK wil slegs toets en kyk hoe ernstig julle hierdie seën soek. Sal julle MY steeds aanbid as EK nie dadelik antwoord nie? Dit is nie MY kastyding wat dit veroorsaak nie, want die vrou het aan MY voete neergeval en MY aanbid. Julle aanbid by MY voete. Maar oordeel het begin by die huis van YAHUVEH en een van die dinge wat EK toets, is hoe sterk is julle geloof?

Hoe lojaal en hoeveel sal julle op MY staatmaak? Net soos die Kananése vrou, sal julle geloof en lojaliteit beloon word want julle sal dit wat julle begeer, aanskou, en EK sal MY Seëninge selfs meer oortreflik en meer oorvloediglik neerstort soos 'n rivier wat oorloop. Julle sal soveel vreugde hê en EK sal julle so baie seën dat julle verplig sal wees om vir ander ook te gee. Hou styf vas aan die soom van MY kleed. Moenie laat los nie. Hou aan om te klop totdat die deur oopgaan na julle seëninge waarvoor julle gevra het. EK sal uiteindelik antwoord. Moenie op julle eie insig staatmaak nie, maar ken MY in al julle weë en EK sal julle paaie gelykmaak.

Onthou, die beproewinge van julle geloof is kosbaarder as goud. Hou julle oë op julle Verlosser en nie op die ontstuimigheid van die see nie, anders sal die golwe julle verdrink. Maar EK is hier om julle te red. Want EK is julle Redder en Verlossser, is EK nie? EK sal julle nie begewe of julle verlaat nie. EK weet hoeveel druk EK op die klei moet sit voordat dit breek, hoeveel hitte julle moet deurstaan voordat julle verteer word. Die golwe van vertwyfeling sal julle nie verdrink nie. Want EK is hier om julle te red en te verlos, nie net julle siele nie, maar julle verstand, liggaam en Gees. Vertrou MY en julle sal dit sien gebeur. Onthou dan wie julle verlos het, dit was nie 'n man of vrou nie, maar julle GOD wat julle geskape het.

Torah Gedeelte (Portion): Soos in die Dae van Noag

Profesie 73, Oordeel! Oordeel! Oordeel!

Omdat julle dink daar is niks verkeerd om 'n baba dood te maak terwyl hy in sy ma se baarmoeder is nie, sal EK julle eie babas doodmaak, EK sal hulle voor jou laat doodgaan. Deur die hand van Almagtige Lewende YAHUVEH sal EK julle wys, EK is 'n GOD wat nie getart word nie! Omdat julle MY getart het vir MY genade, sal julle baie kortliks sien daar is geen genade meer nie! EK sal nie verskoning maak vir Sodom en Gomora en die ander omliggende stede nie. EK sal nie verskoning maak vir Ninevè nie, omdat julle sondes selfs groter is as almal van hulle s'n saam! Die stank van julle sondes het MY neusgate bereik. Hoeveel hou hulleself nederig en val op hulle gesigte. O, as dit nie vir die bloed van YAHUSHUA HA MESSIAS was nie, sou EK julle almal uit die ganse mensdom uitgevee het!

O maar EK het 'n paar, so baie min, wie EK MY kinders en MY skat noem, wie huil en ween voor MY, wie sê , "Laat hierdie sonde nie teen ons tel nie!" En net so seker soos EK Noag en sy familie gespaar het, net so seker soos EK Lot en sy familie, behalwe een, gespaar het, net so seker sal EK 'n manier aanbied vir ontsnapping, 'n manier om te seën, 'n manier om MY geliefdes weg te steek. Gaan en steek julleself weg, MY Kinders. Julle beter onder die skuiling van MY vlerke inkruip, julle beter seker maak dat die gestorte bloed van YAHUSHUA, elkeen van julle sondes bedek. MY woede is magtig, so magtig soos MY NAAM, en die Groot Verdrukking wat sal kom, is nie so ver weg nie.

Julle wil oorloë begin teen die wat nie oorloë aangehits het nie. Julle wil hulle onder julle voete vertrap net omdat julle kan. EK het die wapens van 'n mens gesien, maar hulle kan nie vergelyk word met die wapens van die Hemel nie. Julle tart die fliek genaamd, "Passion of the Christ", nou tart julle ook 'n fliek, genaamd, "The Day After Tomorrow", wat julle die tyd vooruit vertel, omdat EK dit in die geheue van 'n heiden geplaas het om julle die Oordeel te wys wat sal kom! En julle politikusse staan op en sê, "Moenie luister nie, dit is verregaande, dit sal nie gebeur nie!", maar wie is hulle om te sê, hoe weet hulle waar EK die reën opberg? Hoe weet hulle waar EK die winde opberg?

O, hulle het hul mensgemaakte masjien, wat hulle sê, die weer kan beheer, maar EK is EK, en EK alleen sal julle wys wat EK met die masjien doen! EK sal die einste snare van hulle HARP breek! EK sal die dronkslaan, wie dink hulle is wys. EK is nie die skrywer van alle wysheid nie en julle het niks gemaak nie, dit is EK wat die uitvinder is. EK alleen is die Skepper, en EK sal julle wys wat EK doen met die wapens van massa vernietiging, omdat julle die verwoesting vanuit die Hemel sal sien, net soos Sodom en Gomora en die omliggende stede dit gesien het.

So julle wil MY tart! Nou sal EK julle wys wat gebeur wanneer EK, die Skepper julle sal tart! Die instelling van die huwelik was geskep sodat ons een kon wees. Dit was sekerlik nooit geskep vir mense met dieselfde geslag om een te wees nie. Julle tart selfs die instelling van 'n huwelik!

A.g.v. die genade van MY SEUN, het EK MY woede teruggehou. Wanneer julle een nasie onder GOD sal sien, die laaste van die seëls wat gaan, sal julle waarlik selfs die woord, die generiese woord GOD, uit julle nasie gegooi het. Julle kies 'n paar, wat met die hand uitgekies is deur satan, om die een vryheid na die ander weg te neem. Julle bly stil, en tog kom julle na MY om te bid? Die vyand bly nie stil nie, die vyand brul en maak homself bekend, terwyl satan soos 'n brullende leeu rondgaan en soek wie hy kan verslind.

So vir die wie nie hulle sondes laat was het in die bloed van YAHUSHUA nie, vir die wie nie MY en MY SEUN, eerste in hulle lewe en liefde gemaak het nie, julle sal hierdie rampe sien kom!

Profesie 74, EK, YAHUVEH Het Oorlog Op Die Aarde, Vanuit Die Hemel Verklaar!

Maar dit is EK, YAHUVEH, dit is EK, YAHUVEH, die SKEPPER van nie net hierdie planeet nie, maar ook alles wat tussen in lê, EK sal die klippe vanuit die Lug gooi! En net soos in Sodom en Gomorra en die sewe stede, buitendien EK IS dieselfde YAHUVEH wat Ninevé verwoes het. Was sy nie nog steeds verwoes, hoewel EK haar tyd gegee het om te berou in die einde nie? EK is dieselfde YAHUVEH, dieselfde ANITIEKE VAN DAE, en wat EK eenkeer voorheen gedoen het, sal EK weer 'n keer doen.

Julle is so besig met julle oorloë, dat julle MY nie eers vrees of notisie neem van MY nie. EK het oor en oor vir julle tekens in die lug gegee en die oordeel kom al hoe nader aan julle! Maar nie vir MY kinders nie, julle dink hulle is so onkundig en naïef, maar julle, slegtes van "Lucifer", vergeet dat hulle waarlik aan MY behoort! Hulle het nie geld om gereed te maak nie, maar hulle weet hulle het 'n HEMELSE VADER YAHUVEH, wat omgee! Dit sal MY Engel se arms wees wie hulle skuiling sal bied van die woede wat uit die lug gaan kom! Die Regerings vat julle geld en hulle gaan en sê dat hulle die buitenste ruimte wil verower. Van wanneer af het EK hulle die planete gegee. Hulle het dan nie eers dit wat EK gegee het, goed versorg nie!

O dwase, dwase mense, wat sal julle doen wanneer julle te laat agterkom dat daar OORLOG VERKLAAR IS VANUIT DIE HEMEL! Maar die wat waarlik aan MY behoort, die wat die "Torah" letterlik opneem, die wat glo dat EK in staat is om te beskerm, die wie MY eerste in hulle lewe en liefde geplaas het, die wat alles op die altaar van opoffering neergelê het, julle sal agterkom dat EK 'n YAHUVEH is wat nie 'n leuen kan vertel nie! O dwase Aarde, die bose mense wat op die aarde woon, dit is waar, net soos EK aan hierdie Diensmaagd lank terug vertel het, toe sy die Aardbewings gesien het, toe sy die wind gekombineer met vloede en vulkane gesien het, vir die wat oorleef het en boos was en selfs die wie regverdig deur MY Seun is, het sy die volgende gehoor, "Nou, die einde van rondte nommer een. Nou vir rondte nommer twee!"

Dit is soos 'n boks geveg, hoeveel rondtes? En dit sal gebeur wanneer julle dit die minste sal verwag, dit is hoekom EK julle vertel het MY Kinders, "Steek julleself weg, net vir 'n kort tydjie." Steek julleself weg in die teenwoordigheid van MY boesem, steek julleself weg onder MY VLERKE, omdat dit slegs EK, YAHUVEH sal wees wie julle dan sal kan beskerm. Dieselfde een wie julle nou beskerm, sal julle ook dan beskerm.

Herontdek die belangrikheid van verbond en eenheid!

NOACH (Noag / Rus)

"Dit is die rekening van Noag en sy familie. Noag was 'n regverdige man, onberispelik onder die mense van sy tyd, en hy het getrou met ELOHIM geloop. "(Genesis 6: 9)

Verlede week in Parasha Bereisheet is Adam en Chava (Eva) uit die tuin van Eden verban weens sonde. Hulle het vrugbaar geword en vermenigvuldig, soos YAHUVEH beoog het, maar sonde was in hul seun Kain geopenbaar toe hy sy broer Abel vermoor het.

Tragies het Kain nie die geleentheid gebruik, toe ELOHIM hom wou laat bekeer en sy denke en gedrag verander om YAHUVEH te volg. Moord was vyf generasies later in sy afstammeling Lamech geopenbaar, wat ook geweier het om te bekeer.

Hierdie week se Torah-gedeelte identifiseer spesifiek dat teen die tyd van Noag, die aarde vol geweld was.

YAHUVEH het besluit om die wêreld daarvan te reinig deur 'n Groot Vloed op die aarde te stuur wat elke lewende ding wat Hy geskep het, sou vernietig.

"So het ELOHIM aan Noag gesê, ek gaan 'n einde maak aan alle mense, want die aarde is gevul met geweld as gevolg van hulle. Ek gaan sekerlik hulle sowel as die aarde vernietig. '"(Genesis 6:13)

Noag beteken Rus

"Deur die geloof Noag, toe hy gewaarsku was oor dinge wat nog nie gesien is nie, het hy in heilige vrees 'n ark gebou om sy familie te red. Deur sy geloof het hy die wêreld veroordeel en erfgenaam geword van die geregtigheid wat in ooreenstemming is met die geloof. "

(Hebreërs 11: 7)

Alhoewel die wêreld vol onreg, wreedheid en geweld was, het YAHUVEH een man gevind wat die moeite werd was om te red. Noach (Noag) was in sy geslag die enigste ish tzadik / regverdige man.

In Hebreeus beteken die naam Noach rus of troos. Dit is verwant aan die woord vir troos.

Sy vader het hom Noach genoem en geglo dat hy hom rus sal bring van harde arbeid oor die grond wat vervloek is weens die sonde.

(Genesis 5:29)

Miskien het sy vader ook 'n groter roeping van Noach gesien om rus te bring.

Omdat Noach 'n regverdige man was, het ELOHIM hom beveel om die ark te bou om homself, sy familie en die wêreld se diere van die komende vloed te red. Op dié manier het diegene wat Noach in die ark gevolg het, rus gevind van YAHUVEH se oordeel.

Toe sy familie die ark verlaat het, het hulle ingetree in 'n nuwe wêreld.

Die Gehoorsaamheid van Geloof

Alhoewel Noach waarskynlik nie eens 'n vloed kon voorstel wat so erg is dat alles en almal op aarde vernietig sou word nie, het hy ELOHIM gehoorsaam.

Jaar na jaar het hy in die son gewerk en op YAHUVEH se instruksies gevolg.

Hy het nie nodig gehad om bewyse van die komende reën te sien nie; Hy het geloof in ELOHIM gehad.

Dit was Noach se groot geloof wat hom gelei het om gehoorsaam te werk met 'n Goddelike vrees om 'n ark te bou vir die redding van sy familie. (Hebreërs 11: 7)

Daar moet egter op gelet word dat Noach se Ark / Tevat Noach slegs hul fisiese redding gewaarborg het, nie hul geestelike lot nie.

Die ark lyk asof dit die beskerming van die Israeliete voorstel, deur die bloed van die lam op die deurposte in Egipte.

Net soos die ark het die bloed net die fisiese veiligheid en verlossing van die finale plaag in Egipte, die dood van die eersgeborene, gewaarborg. (Eksodus 12:12)

Dit het ook nie gewaarborg dat diegene wat oorleef het as gevolg van die bloed, dit tot die Beloofde Land sou maak nie. Elke persoon het hul eie toegang tot daardie land bepaal.

Tragies, net soos die meeste mense in die vloed verdwyn het, het die oorgrote meerderheid van die kinders van Israel ook as gevolg van ongeloof in die woestyn gesterf.

Slegs twee mans, Caleb en Josua, wat met harte geloop het met YAHUVEH, het die reg gegee om die Beloofde Land in te gaan.

Ongeloof lei tot ongehoorsaamheid wat ons van die rus van YAHUVEH beroof.

"En aan wie het YAHUVEH gesweer dat hulle nooit sy rus sal ingaan nie, tensy hulle nie gehoorsaam is nie? Ons sien dus dat hulle nie kon ingaan nie weens hul ongeloof. "(Hebreërs 3: 18-19)

Die geloof van Noach is iets van 'n parallel met ons eie lewenswandel met YAHUVEH en toegang tot die "Nuwe Jerusalem."

Dit is deur die geloof dat ons die beloftes, nie goeie werke, beërf nie, alhoewel goeie dade en gehoorsaamheid noodsaaklike kenmerke van 'n lewende geloof is.

Noach sy geloof nie net met woorde vasgestel nie; Hy het dit getoon met getroue gehoorsaamheid.

"Maar iemand sal sê: 'Jy het geloof; Ek het dade. Wys my jou geloof sonder dade, en Ek sal jou my geloof laat sien deur my dade. "(Jakobus 2:18)

Die Reënboog: Die Teken Van Die Verbond

Nadat Noach en sy familie uit die ark opgekom het, het hulle vir ELOHIM 'n offer aangebied van die skoon diere wat vir daardie doel op die Ark gedra is.

ELOHIM belowe Noag dat Hy nooit weer die aarde sal vervloek weens die goddeloosheid van die mens nie en nooit weer elke lewende, asemhalende wese op aarde vernietig soos HY in die vloed gedoen het nie:

"En ELOHIM het 'n strelende geur geruik. Toe sê ELOHIM in SY hart: EK sal nooit weer die grond ter wille van die mens vloek nie, alhoewel die verbeelding van die mens se hart boos is van sy jeug; En Ek sal ook nie elke lewende ding vernietig, soos ek gedoen het nie. "(Genesis 8:21)

ELOHIM stel 'n reënboog in die lug as 'n teken van die verbond ot brit / אוֹת בְּרִית met alle mense van die aarde: "Ek het MY reënboog in die wolk gesit, en dit sal wees vir die teken van die verbond tussen MY en die aarde. "(Genesis 9:13)

Dit is nie die enigste verbond wat ELOHIM gemaak het nie. Ander verbonde was om te volg, en elkeen het sy eie besondere teken / ot. Die teken van die Abrahamiese verbond is die besnydenis van alle manlike babas op die agtste dag.

Die teken van die Mosaïese verbond is om die Sewende-Dag Sabbat te onderhou.

YAHUSHUA het gesê dat die groot kenmerk van geloof in HOM - om die Torah in ons harte en gedagtes geskryf te hê in die Brit Chadashah Nuwe Verbond – is liefde:

"Hieraan sal almal weet dat julle MY dissipels is, as julle mekaar liefhet." (Johannes 13:35)

Haftarah / Profetiese Gedeelte

"Vir MY is dit soos die dae van Noag toe ek gesweer het dat die waters van Noag die aarde nooit weer sou oordek nie. So het ek nou gesweer dat ek nie kwaad vir julle moet wees nie, om jou nooit weer te berispe nie.

Alhoewel die berge geskud word en die heuwels verwyder word, sal my onberispelike liefde vir julle nie geskud word nie, en my verbond van vrede sal nie verwyder word nie, spreek YAHUVEH, wat medelye met julle het.

(Jesaja 54: 9-10)

Die Haftarah-gedeelte van hierdie week se lees, beklemtoon YAHUVEH se verbond met Noag om nooit weer die aarde deur 'n vloed te verwoes nie.

Dit beklemtoon ook YAHUVEH se onfeilbare liefde vir Israel en SY vergifnis, verlossing en herstel deur sy vredeverbond.

YAHUVEH belowe dat die ballinge van Israel wat vir hulle sondes gestraf is, eendag vergewe, verlos en sal terugkeer na hulle land in vervulling van Bybelprofesie.

"Vir 'n kort oomblik het ek jou verlaat, en met groot barmhartighede sal Ek jou versamel." (Jesaja 54: 7)

Soos in die dae van Noach

'n Finale oordeel en vernietiging kom oor die wêreld; maar net soos in die dae van Noach voor die vloed, gaan die meeste voort met die lewe soos gewoonlik, heeltemal onbewus van wat gaan kom.

"Maar soos die dae van Noag was, so sal ook die koms van die Seun van die mens wees. Want soos in die dae voor die sondvloed het hulle geëet en gedrink, getrou en in die huwelik gegaan tot die dag toe Noag in die ark ingegaan het, en nie geweet het voordat die sondvloed gekom het en hulle almal weggeneem het nie. "(Mattheüs 24:36). -39)

Diegene wat YAHUVEH liefhet en getrou aan SY Woord is, sal nie verteer word nie, maar sal SY heerlikheid in die nuwe hemele en die nuwe aarde laat sien:

"Soos die nuwe hemele en die nuwe aarde wat ek maak, voor MY sal verdra, verklaar YAHUVEH, so sal jou naam en afstammelinge verduur. Van een Nuwe Maan na 'n ander en van een Sabbat na 'n ander, sal die hele mensdom voor MY kom buig, sê YAHUVEH. "

(Jesaja 66: 22-23)

YAHUSHUA het belowe om 'n veilige toevlug vir ons te wees; Daarom, ongeag watter beproewinge ons kan verduur, kan ons in sy belofte van ewige veiligheid rus.

Mag ons uit hierdie verlossings ark kom om die vestiging van die nuwe hemele en die nuwe aarde van vrede en geregtigheid en volmaakte geregtigheid onder die heerskappy van YAHUSHUA Ha MASHIACH te sien.

"Kyk dus en bid altyd dat jy waardig geag mag word om al hierdie dinge te ontvlug wat sal gebeur, en om voor die SEUN VAN GOD te staan." (Lukas 21:36)

Shabbat Shalom van AMIGHTYWIND!