Levitikus 14:1 – 15:33

 *~ Levitikus Hoofstuk 14~*

1 Verder het YAHUVEH met Moses gespreek en gesê: 

2 Dit is die wet van die melaatse op die dag van sy reiniging. Hy moet na die priester gebring word, 

3 en die priester moet buitekant die laer gaan. As die priester sien dat die plaag van melaatsheid genees is, van die melaatse weg is, 

4 moet die priester bevel gee dat hulle vir hom wat gereinig moet word, twee lewendige rein voëls en sederhout en skarlakendraad en hisop moet bring. 

5 Die priester moet ook bevel gee dat hulle die een voël in ‘n erdepot oor vars water slag. 

6 Die lewendige voël moet hy neem, sowel as die sederhout en die skarlakendraad en die hisop, en dié en die lewendige voël insteek in die bloed van die voël wat oor die vars water geslag is. 

7 En hy moet op hom wat van die melaatsheid gereinig moet word, sewe maal sprinkel en hom reinig, en die lewendige voël moet hy oor die oop veld laat wegvlieg. 

8 Dan moet hy wat gereinig moet word, sy klere was en al sy hare afskeer en ‘n bad neem; dan sal hy rein wees. En daarna kan hy in die laer kom, maar hy moet sewe dae lank buitekant sy tent bly. 

9 En op die sewende dag moet hy al sy hare afskeer, sy hoof en sy baard en sy winkbroue al sy hare moet hy afskeer; en hy moet sy klere was en sy liggaam in die water bad. Dan sal hy rein wees. 

10 En op die agtste dag moet hy twee lammers sonder gebrek neem en een jaaroud ooilam sonder gebrek en drie tiendes van ‘n efa fynmeel as spysoffer, met olie gemeng, en een log olie. 

11 En die priester wat die reiniging bewerk, moet die man wat gereinig word, en dié gawes voor die aangesig van YAHUVEH by die ingang van die Tent van Samekoms stel. 

12 En die priester moet die een lam neem en dit saam met die log olie as skuldoffer aanbring en dit as beweegoffer voor die aangesig van YAHUVEH beweeg. 

13 Dan moet hy die lam slag op die plek waar hulle die sondoffer en die brandoffer slag, in die heilige plek; want die skuldoffer net soos die sondoffer behoort aan die priester; hoogheilig is dit. 

14 En die priester moet van die bloed van die skuldoffer neem, en die priester moet dit stryk aan die regteroorlel van hom wat gereinig word, en aan die duim van sy regterhand en aan die groottoon van sy regtervoet. 

15 Die priester moet ook van die log olie neem en dit giet in die priester se linkerhand. 

16 Dan moet die priester sy regtervinger in die olie steek wat in sy linkerhand is, en met sy vinger van die olie sewe maal sprinkel voor die aangesig van YAHUVEH. 

17 En van die orige olie wat in sy hand is, moet die priester stryk aan die regteroorlel van hom wat gereinig word, en aan die duim van sy regterhand en aan die groottoon van sy regtervoet, bo oor die bloed van die skuldoffer. 

18 Wat dan oor is van die olie wat in die priester se hand is, moet hy stryk op die hoof van hom wat gereinig word. So moet die priester dan vir hom versoening doen voor die aangesig van YAHUVEH. 

19 Die priester moet ook die sondoffer berei en vir hom wat gereinig word, versoening doen weens sy onreinheid; en daarna moet hy die brandoffer slag.

 
20 En die priester moet die brandoffer en die spysoffer op die altaar offer. So moet die priester dan vir hom versoening doen, en hy sal rein wees. 

21 Maar as hy arm is en dit nie kan bekostig nie, moet hy een lam as skuldoffer neem om beweeg te word, om vir hom versoening te doen; daarby een tiende van ‘n efa fynmeel met olie gemeng as spysoffer, en ‘n log olie; 

22 ook twee tortelduiwe of twee jong duiwe wat hy kan bekostig; en die een sal wees ‘n sondoffer en die ander ‘n brandoffer. 

23 Hy moet hulle dan op die agtste dag ná sy reiniging na die priester bring by die ingang van die tent van samekoms voor die aangesig van YAHUVEH. 

24 En die priester moet die skuldofferlam en die log olie neem; en die priester moet dit as beweegoffer voor die aangesig van YAHUVEH beweeg. 

25 Dan moet hy die skuldofferlam slag, en die priester moet van die bloed van die skuldoffer neem en dit stryk aan die regteroorlel van hom wat gereinig word, en aan die duim van sy regterhand en aan die groottoon van sy regtervoet. 

26 Ook moet die priester van die olie in die priester se linkerhand giet. 

27 Dan moet die priester met sy regtervinger van die olie wat in sy linkerhand is, sewe maal sprinkel voor die aangesig van YAHUVEH. 

28 En die priester moet van die olie wat in sy hand is, stryk aan die regteroorlel van hom wat gereinig word, en aan die duim van sy regterhand en aan die groottoon van sy regtervoet, bo oor die plek van die bloed van die skuldoffer. 

29 Wat dan oor is van die olie wat in die priester se hand is, moet hy stryk op die hoof van hom wat gereinig word, om versoening vir hom te doen voor die aangesig van YAHUVEH. 

30 Dan moet hy een van die tortelduiwe berei of van die jong duiwe wat hy kan bekostig 

31 die een as sondoffer en die ander as brandoffer, saam met die spysoffer. So moet die priester dan vir hom wat gereinig word, versoening doen voor die aangesig van YAHUVEH. 

32 Dit is die wet vir hom op wie die plaag van melaatsheid was, wat by sy reiniging nie vermoënd is nie. 

33 Verder het YAHUVEH met Moses en Aäron gespreek en gesê: 

34 As julle in die land Kanaän inkom wat EK julle as besitting gee, en EK die plaag van melaatsheid in ‘n huis van die land van julle besitting laat kom, 

35 moet hy aan wie die huis behoort, kom en aan die priester te kenne gee en sê: Dit lyk my of daar ‘n plaag in die huis is. 

36 En die priester moet bevel gee dat hulle die huis ontruim, voordat die priester die plaag kom bekyk, sodat alles wat in die huis is, nie onrein word nie; en daarna moet die priester kom om die huis te bekyk. 

37 As hy die plaag bekyk en sien dat die plaag aan die mure van die huis is soos liggroen of rooierige kuiltjies, en hulle dieper lyk as die muur, 

38 dan moet die priester uit die huis uitgaan na die deur van die huis en die huis sewe dae lank toesluit. 

39 Op die sewende dag moet die priester dan terugkom; sien hy dan dat die plaag hom uitgebrei het aan die mure van die huis, 

40 dan moet die priester bevel gee dat hulle die klippe uitbreek waaraan die plaag is, en dit buitekant die stad op ‘n onrein plek gooi. 

41 En die huis moet hulle binnekant rondom afkrap en die klei wat hulle afgekrap het, buitekant die stad op ‘n onrein plek weggooi. 

42 Dan moet hulle ander klippe neem en in die plek van daardie klippe insit, en hulle moet ander klei neem en die huis pleister. 

43 Maar as die plaag weer in die huis uitbreek nadat hulle die klippe uitgebreek en die huis afgekrap het en dit gepleister is, 

44 moet die priester kom; en as hy sien dat die plaag in die huis versprei het, dan is dit ‘n kwaadaardige melaatsheid in die huis; dit is onrein. 

45 Daarom moet hulle die huis afbreek: sy klippe en sy hout en al die klei van die huis, en hulle moet dit buitekant die stad op ‘n onrein plek uitbring. 

46 En hy wat in die huis kom, al die tyd dat hulle dit toegesluit hou, sal tot die aand toe onrein wees. 

47 En hy wat in die huis slaap, moet sy klere was; en hy wat in die huis eet, moet sy klere was. 

48 Maar as die priester kom en sien dat die plaag nie in die huis versprei het nadat die huis gepleister is nie, dan moet die priester die huis rein verklaar, want die aangetaste plek het gesond geword. 

49 Dan moet hy om die huis te ontsondig twee voëls neem en sederhout en skarlakendraad en hisop, 

50 en die een voël in ‘n erdepot oor vars water slag. 

51 Dan moet hy die sederhout en die hisop en die skarlakendraad en die lewendige voël neem en dit in die bloed van die geslagte voël en in die vars water insteek; en hy moet die huis sewe maal besprinkel. 

52 So moet hy dan die huis ontsondig met die bloed van die voël sowel as met die vars water en die lewendige voël en die sederhout en die hisop en die skarlakendraad. 

53 Daarop moet hy die lewendige voël buitekant die stad oor die oop veld laat wegvlieg. So moet hy dan vir die huis versoening doen, en dit sal rein wees. 

54 Dit is die wet oor elke plaag van melaatsheid en oor skurfte 

55 en oor melaatsheid van klere en huise 

56 en oor swelsels en uitslag en ligte vlekke, 

57 om te onderrig wanneer iets onrein en wanneer iets rein is. Dit is die wet oor die melaatsheid.

 *~ Levitikus Hoofstuk 15~*

1 Verder het YAHUVEH met Moses en Aäron gespreek en gesê: 

2 Spreek met die kinders van Israel en sê vir hulle: As enige man ‘n vloeiing uit sy vlees het, dan is dié vog onrein. 

3 En dit sal sy onreinheid deur die vloeiing wees: As sy vlees die vog laat loop of sy vlees verstop raak van die vog dit is ‘n onreinheid in hom. 

4 Elke bed waar hy op lê wat die vloeiing het, sal onrein wees; en alles waar hy op sit, sal onrein wees. 

5 En elkeen wat aan sy bed raak, moet sy klere was en ‘n bad neem en hy bly tot die aand toe onrein; 

6 en die een wat gaan sit op die voorwerp waarop hy gesit het wat die vloeiing het, moet sy klere was en ‘n bad neem en hy bly tot die aand toe onrein; 

7 en die een wat aan die liggaam raak van hom wat die vloeiing het, moet sy klere was en ‘n bad neem en hy bly tot die aand toe onrein. 

8 En as hy wat die vloeiing het, op ‘n reine spuug, moet dié een sy klere was en ‘n bad neem, en hy bly tot die aand toe onrein. 

9 En elke saal waar hy op ry wat die vloeiing het, sal onrein wees. 

10 En elkeen wat aan iets raak wat onder hóm is, sal onrein wees tot die aand toe. En die een wat dit dra, moet sy klere was en ‘n bad neem en hy bly tot die aand toe onrein. 

11 En elkeen aan wie hy raak wat die vloeiing het, sonder dat hy eers sy hande in die water afgespoel het, dié een moet sy klere was en ‘n bad neem, en hy bly tot die aand toe onrein. 

12 Ook die erdegoed waar hy aan raak wat die vloeiing het, moet stukkend gebreek word; maar al die voorwerpe van hout moet in die water afgespoel word. 

13 En as hy wat die vloeiing het, van sy vloeiing rein word, moet hy sewe dae tel ná sy reiniging en sy klere was en sy liggaam in vars water bad; dan sal hy rein wees. 

14 En op die agtste dag moet hy vir hom twee tortelduiwe of twee jong duiwe neem en voor die aangesig van YAHUVEH kom, by die ingang van die Tent van Samekoms, en dié aan die priester gee; 

15 en die priester moet hulle berei, die een as sondoffer en die ander as brandoffer; so moet die priester dan vir hom vanweë sy vloeiing versoening doen voor die aangesig van YAHUVEH. 

16 En as daar van ‘n man ‘n saadvloeiing uitgaan, moet hy sy hele liggaam in die water bad, en hy sal tot die aand toe onrein wees. 

17 Ook elke kledingstuk en elke vel waar die saadvloeiing op kom, moet in die water gewas word en dit bly tot die aand toe onrein. 

18 En wat die vrou aangaan met wie ‘n man vleeslike gemeenskap het altwee moet ‘n bad neem en sal tot die aand toe onrein wees. 

19 En as ‘n vrou ‘n vloeiing het, en die vloeiing in haar vlees bloed is, dan bly sy sewe dae lank in haar onreinheid; en elkeen wat aan haar raak, sal tot die aand toe onrein wees. 

20 En alles waar sy in haar onreinheid op lê, sal onrein wees; en alles waar sy op sit, sal onrein wees. 

21 En elkeen wat aan haar bed raak, moet sy klere was en ‘n bad neem en hy bly tot die aand toe onrein. 

22 En elkeen wat raak aan enige voorwerp waar sy op sit, moet sy klere was en ‘n bad neem en hy bly tot die aand toe onrein; 

23 en as daar iets op die bed is of op die voorwerp waar sy op sit, as hy dit aanraak, sal hy tot die aand toe onrein wees. 

24 En as ‘n man met haar gemeenskap het, sodat haar onreinheid op hom kom, sal hy sewe dae lank onrein wees; en elke bed waar hy op lê, sal onrein wees. 

25 En as ‘n vrou lank ‘n bloedvloeiing het, buiten die tyd van haar onreinheid, of as sy vloei oor die tyd van haar onreinheid, moet sy gedurende al die dae van haar onreine vloeiing wees soos in die dae van haar maandelikse onreinheid; sy is onrein. 

26 Elke bed waar sy gedurende al die dae van haar vloeiing op lê, sal vir haar soos die bed van haar maandelikse onreinheid wees; en alles waar sy op sit, sal net so onrein wees soos iets wat deur haar maandelikse onreinheid verontreinig is. 

27 En elkeen wat aan hierdie dinge raak, sal onrein wees: dié een moet sy klere was en ‘n bad neem en bly tot die aand toe onrein. 

28 Maar as sy van haar vloeiing rein geword het, moet sy sewe dae tel, en daarna sal sy rein wees. 

29 En op die agtste dag moet sy vir haar twee tortelduiwe of twee jong duiwe neem en dié by die ingang van die Tent van Samekoms na die priester bring. 

30 Dan moet die priester die een as sondoffer en die ander as brandoffer berei; en die priester moet vanweë haar onreine vloeiing vir haar versoening doen voor die aangesig van YAHUVEH. 

31 So moet julle dan die kinders van Israel van hulle onreinheid afsonder, dat hulle nie deur hulle onreinheid sterwe nie deurdat hulle my tabernakel wat in hulle midde is, verontreinig. 

32 Dit is die wet vir hom wat ‘n vloeiing het en vir hom van wie ‘n saadvloeiing uitgaan, sodat hy daardeur onrein word; 

33 en vir die vrou wat deur haar onreinheid onwel is, en vir die een wat aan ‘n vloeiing ly, man of vrou, en vir ‘n man wat met ‘n onrein vrou gemeenskap het.

2 Konings 7:3 – 20

*~2 Konings Hoofstuk 7~*

3 En daar was vier melaatse manne by die ingang van die poort; hulle het die een vir die ander gesê: Wat bly ons hier totdat ons sterwe? 

4 As ons sê: Laat ons in die stad ingaan—aangesien daar hongersnood in die stad is—sal ons daar sterwe; en as ons hier bly, sal ons sterwe; kom dan nou en laat ons oorloop na die laer van die Arameërs. As hulle ons laat lewe, dan bly ons lewe; en as hulle ons doodmaak, dan sterwe ons. 

5 En hulle het klaargemaak in die aandskemer om in die laer van die Arameërs in te gaan; maar toe hulle aan die buitekant van die laer van die Arameërs kom, was daar niemand nie. 

6 Want YAHUVEH het die leër van die Arameërs ‘n gedruis van waens en ‘n gedruis van perde, ‘n gedruis van ‘n groot leërmag laat hoor, sodat hulle die een vir die ander gesê het: Kyk, die koning van Israel het die konings van die Hetiete en die konings van die Egiptenaars teen ons gehuur om ons te oorval. 

7 Daarom het hulle in die skemer klaargemaak en gevlug, maar hulle tente en perde en esels, die laer soos dit was, in die steek gelaat; en hulle het vir hul lewe gevlug. 

8 En toe daardie melaatse manne by die kant van die laer kom, het hulle een tent binnegegaan en geëet en gedrink en daar silwer en goud en klere uit weggeneem en dit gaan begrawe. Daarna het hulle teruggekom en ‘n ander tent binnegegaan en ook daaruit weggeneem en dit gaan begrawe. 

9 Toe sê hulle die een vir die ander: Ons doen nie reg nie. Hierdie dag is ‘n dag van goeie boodskap, en ons bly stil! As ons vertoef tot die môrelig toe, dan sal ons skuldig staan. Kom dan nou, laat ons gaan en dit in die huis van die koning vertel. 

10 En hulle het gekom en na die poortwagters van die stad geroep en aan hulle berig gebring en gesê: Ons het by die laer van die Arameërs gekom, maar kyk, daar was niemand en geen mens se stem nie, maar net vasgemaakte perde en vasgemaakte esels en tente net soos dit was. 

11 En die poortwagters het geroep en dit binne-in die huis van die koning vertel. 

12 Toe staan die koning in die nag op en sê aan sy dienaars: Laat ek julle vertel wat die Arameërs aan ons gedoen het. Hulle weet dat ons honger ly; daarom het hulle uit die laer getrek om hulle in die veld weg te steek, en gesê: As hulle uit die stad uittrek, sal ons hulle lewendig vang en in die stad inkom. 

13 Maar een van sy dienaars antwoord en sê: Laat hulle dan tog vyf van die perde wat hier oorgebly het, neem—kyk, hulle is soos die hele menigte van Israel wat hier oor is; kyk, hulle is soos die hele menigte van Israel wat omgekom het—laat ons dié dan stuur en sien. 

14 Hulle neem toe twee strydwaens met perde; en die koning het agter die leër van die Arameërs aan gestuur en gesê: Gaan kyk. 

15 En hulle het agter hulle aan gegaan tot by die Jordaan; en kyk, die hele pad was vol klere en voorwerpe wat die Arameërs in hulle oorhaastige vlug weggegooi het. Daarop draai die boodskappers om en deel dit aan die koning mee. 

16 Toe gaan die volk uit om die laer van die Arameërs te plunder; en ‘n maat fynmeel het ‘n sikkel gekos, en twee mate gars ‘n sikkel, volgens die Woord van YAHUVEH. 

17 En die koning het die adjudant op wie se arm hy geleun het, oor die poort aangestel; maar die volk het hom in die poort vertrap, sodat hy gesterf het volgens die woord van die man van ELOHIM, deur hom uitgespreek toe die koning na hom afgekom het. 

18 Want toe die man van ELOHIM met die koning gespreek en gesê het: Môre omtrent sulke tyd sal twee mate gars ‘n sikkel, en ‘n maat fynmeel ‘n sikkel werd wees in die poort van Samaría— 

19 het die adjudant die man ELOHIM geantwoord en gesê: Al maak YAHUVEH ook vensters in die hemel, sou so iets kan gebeur? En hy het gesê: Kyk, jy sal dit met jou oë sien, maar nie daarvan eet nie. 

20 En so het dit met hom gegaan—die mense het hom in die poort vertrap, sodat hy gesterf het

Markus 1:35 – 45

*~Markus Hoofstuk 1~*

35 En vroeg in die môre, nog diep in die nag, het HY (YAHUSHUA) opgestaan en uitgegaan en na ‘n eensame plek vertrek en daar gebid. 

36 En Simon en die wat by hom was, het HOM gevolg. 

37 En toe hulle HOM vind, sê hulle vir HOM: Almal soek U. 

38 En HY sê vir hulle: Laat ons na die naburige dorpe gaan, sodat EK ook daar kan preek; want daarvoor het EK uitgegaan. 

39 En HY het die hele Galiléa deur in hulle sinagoges gepreek en die duiwels uitgedryf. 

40 En daar kom ‘n melaatse na HOM toe wat HOM smeek en voor HOM op die knieë val en vir HOM sê: As U wil, kan U my reinig. 

41 En YAHUSHUA het vir hom innig jammer gevoel en die hand uitgesteek en hom aangeraak en vir hom gesê: EK wil, word gereinig! 

42 En toe HY dit sê, het die melaatsheid hom dadelik verlaat, en hy is gereinig. 

43 En nadat HY hom ernstig aangespreek het, stuur HY hom dadelik weg 

44 en sê vir hom: Pas op dat jy aan niemand iets vertel nie, maar gaan vertoon jou aan die priester en offer vir jou reiniging wat Moses voorgeskryf het, tot ‘n getuienis vir hulle. 

45 Maar hy het uitgegaan en begin om baie dinge rond te vertel en die saak rugbaar te maak, sodat HY nie meer openlik in ‘n stad kon ingaan nie; maar HY was buite in verlate plekke, en hulle het van alle kante na Hom gekom.

AmightyWind Profesieë

Van Profesie 105 af, het YAHUVEH gesê hierdie moet van nou af op al die Profesieë geplaas word: Elisabeth (Elisheva) EK het jou lank gelede gewaarsku om nie hierdie Bediening na ‘n man of ‘n vrou te vernoem nie, selfs nog voordat daar ‘n Bediening was. EK het dit in jou gees geplaas want niks hiervan was deur jou eie toedoen nie, niks hiervan het uit jou mond voortgekom nie. Dit is uit die Mond van YAHUVEH geboorte gegee. Dit is uit die Mond van YAHUSHUA jou MASHIACH geboorte gegee. Dit is uit die Mond van die RUACH ha KODESH jou IMMAYAH geboorte gegee. As dit net deur jou hand was sou dit lankal misluk het. Dit is deur die SHKHINYAH GLORIE se Wind wat oor hierdie aarde waai, die Heilige Wind van Herlewing, dit is nie deur jou asem nie, anders sou dit misluk het.

“EK is YAHVEH, dit is MY NAAM; en MY EER sal EK aan geen ander gee, of ook MY LOF aan die gesnede beelde nie”. (Jesaja 42:8)

12 April 2019

Die Oorsaak van Tzaraat

PROFESIE 23 KERK VAN DIE WAT VOORGEE…LAAT MY MENSE GAAN! 

"LAAT MY MENSE GAAN!" 'n Nuwe Profesie kom vandag na vore. 'n Waarskuwing aan die wolwe in skaapsklere wat in die amp van die Apostel, Profeet, Evangelis, Pastoor en Onderwyser staan en daarop uit is om MY Skape te verslind, dood te maak of hulle te vermink, beheer, mislei, of hulle weg te jaag. "LAAT MY MENSE GAAN!" Soos in die dae van Moses, toe Ek met die Bose Farao gepraat het en EK gesê het "LAAT MY MENSE GAAN!" So sê EK vandag vir julle, aan die wolwe wie voorgee om MYNE te wees, maar nie eers weet wie EK is nie. Hulle wie voorgee om MY lief te hê en MY te dien en MY Woorde aanhaal, en nogtans nie eers weet wie EK is nie. EK sê vandag vir julle "LAAT MY MENSE GAAN!"

Daar is baie wolwe in skaapsklere, hulle doen wonderwerke en tekens en wonders. Hulle sê hulle doen hierdie wonderwerke in MY NAAM. Hulle is op julle televisies en radiostasies en EK vertel vir julle dit, dit is nie deur die krag van MY RUACH ha KODESH wat hulle hierdie dinge doen nie. Dit is deur die krag van Hel self. Moenie mislei word nie. Moenie op 'n dwaalspoor gelei word nie. Want die antichris gaan dit doen en baie meer. Pasop MY onskuldige kinders. Daar is sommige wat nou hier lees wat nie sal luister nie, maar julle sal later hierdie woorde onthou wat EK gespreek het. Nie almal wat tekens, wonders en wonderwerke doen is van MY nie. Daar is altyd 'n vervalser, onthou dit. Satan vervals slegs die ware salwing en gawes van MY RUACH ha KODESH.

Maar EK beveel hierdie wolwe vandag wie MY Skape mislei en hulle op 'n dwaalspoor lei met valse leerstelinge, gedagtebeheer, gedagtemisleiding, gedagtemanipulasie, leuen- en misleidende geeste : "LAAT MY MENSE GAAN!" EK is 'n GOD wat nie langer bespot sal word nie. Julle het hulle tiendes en offergawes gesteel. Dit wat bedoel was om Heilig te wees en EK sê nou vir julle, julle sal verantwoordelik gehou word vir wat julle gedoen het. Want julle het dit in die NAAM van YAHUSHUA ha MASHIACH gedoen. Julle het voorgegee om MYNE te wees maar julle harte is ver van MY af. So, EK sê vandag vir julle, "Wolwe in skaapsklere, oordeel begin in die huis van YAHUVEH, selfs vir die kerk van die aanspraakmakers (pretenders). 

Vir die laaste maal "LAAT MY MENSE GAAN!" Julle het MY Skape en MY Lammers mishandel, bose herders, wolwe in skaapsklere en wolwe met 'n skaap se masker. Julle het hulle genadeloos geslaan. Julle het hulle laat dink julle is 'n god wat aanbid en vereer moet word en dat net julle van MY hoor. Julle het vir hulle gelieg en gesê dat selfs hulle 'n god is, hulle is klein messiasse. Julle verdraai MY Skrifte en lei hulle op 'n dwaalspoor. Die gees van die pastoor is die gees van die kerk. Julle bose herders, julle vat MY Heilige tiendes en offergawes en julle laat die mense dink dit gaan vir herdekorering of 'n nuwe gebou en julle vul julle sakke met hulle goud en julle dink hulle het geen reg om te weet waarvoor dit regtig gaan nie. Julle het MY kudde geskeer (fleeced). Julle bose herders onderrig nie reg van verkeerd nie.

NEE, O NEE, julle mag dalk julle tiendes of gemeentes verloor as julle die waarheid spreek dat onbelyde sonde, onvergifnis en nie wegdraai van sonde nie, na die Hel lei. Julle vertel nie vir hulle owerspel lei na die Hel as hulle nie wegdraai daarvan nie. Julle leer hulle nie dat aborsie MOORD is en na die Hel toe lei as dit nie bely word nie. Julle leer hulle nie dat homoseksualiteit en egbreuk sonde is en na die Hel toe lei as dit nie bely word nie. Julle leer hulle nie 'WEES HEILIG want EK IS HEILIG' nie, nee, julle stel julle self bloot vir MY gramskap. Julle is te bang is om teen die regering praat, omdat julle bang is julle verloor julle belastingvrystellingstatus. Julle praat nie teen ander leraars wat die kudde mislei of dat hulle moet oppas nie, want dit mag ander teen julle laat draai. Wanneer julle wel vir ander vertel om Heilig te lewe, lewe julle self soos die duiwel. Julle, wie dink dat EK blind is en dat EK nie kan hoor of sien wat julle sê en hoe julle MY en alles wat Heilig is, bespot nie PASOP! Want as julle nie BELY nie sal EK kom wanneer julle dit die minste verwag en julle sal slegs geskik wees vir MY TOORN!

"LAAT MY MENSE GAAN!" EK sê dit nog een maal vir julle. "LAAT MY MENSE GAAN!" Voordat die STAF van die Hemel neerkom en julle werkers van onheil en sonde vernietig. Die Groot GOD, 'EK IS' sal nie langer gespot word nie. Kerk van die aanspraakmakers (Pretenders) WEES GEWAARSKU! Pastore van die kerk van die aanspraakmakers PASOP! Apostels, Profete, Onderwysers en Evangeliste van die kerk van die aanspraakmakers, PASOP DIE STAF VAN MY TOORN IS AAN DIE KOM! Draai weg van euwel. EK is nie 'n godsdiens nie; EK is 'n verhouding met julle Skepper en Verlosser. Julle preek dit, leef dit nou. EK is nie 'n GOD wat bespot kan word nie. EK SAL NIE LANGER BESPOT WORD NIE! Julle sit in hierdie kerke en julle vul die kerkbanke en nogtans ken julle MY glad nie. Julle staan agter die preekstoele en hoor MY Woorde en preek MY Woord en sluit julle ore. Want julle ken MY glad nie. Hoe kan julle ander na MY toe lei en verwag dat hulle gered moet word, as julle MY nie eens ken nie? EK sê weer vir julle, "LAAT MY MENSE GAAN!"

Julle is wrede en gulsige pastore. Julle sê moenie teen mekaar praat nie. Julle bedek mekaar se sondes, nogtans slaan JULLE MY Mense genadeloos met julle woorde, aksies, liefdeloosheid en onbetrokkenheid. Julle het 'n dubbele maatstaf en wanneer julle sien 'n pastoor pleeg sonde, of ander in die bediening, moet hulle hul ore en oë sluit en dit nie waag om 'n woord te sê nie, want om dit doen, word vir hulle gesê: dit is sonde om die pastoor se sondes bekend te maak. Oordeel het by die Huis van die Here begin en by die geestelike leiers, selfs hulle wie voorgee om geestelike leiers te wees en vir hulle wie MY Mense mislei, julle sal op hierdie dag verantwoordelik gehou word.

Oordeel het by die Huis van YAHUVEH begin oor die dinge wat julle bose herders gedoen het. O, EK sal die heidene oordeel en EK het begin om die heidene te oordeel soos wat die plae uitgegiet is. Maar JULLE, JULLE, JULLE, wie daar so vroom sit, julle wie voorgee dat julle MY Woord ken. Julle wie MY Woord aanhaal, julle wie sê : "In YAHUSHUA ha MASHIACH se NAAM" en nogtans MY nie eens ken nie. "LAAT MY MENSE GAAN!" EK waarsku julle vooruit op hierdie dag want groot plae gaan op julle neerkom soos wat hierdie wêreld nog nie gesien het nie, soos toe EK die Israeliete en die Egiptenare geskei het, maar hierdie keer, hierdie keer sal dit nie net die heidene wees wat gestraf word nie.

Hierdie keer as die nuwe plaag uitbreek, sal dit neerkom op hulle wie voorgegee het om MYNE te wees en nogtans MY nie ken nie. Hulle het die tiendes en offergawes gesteel. Hulle gee voor om MYNE te wees, maar hulle ken MY nie eers nie. Hulle gee ook nie eers om nie. Hulle het MY Skape geslaan en hulle weggedryf en toe hulle hul nie kon beheer nie, het hulle hul monde toegestop en hulle het hulle tot onderdanigheid geslaan en hulle weggedryf. O, kom na MY toe, julle Here, julle GOD, julle Verlosser, My Skape en Lammers, want EK is die enigste Goeie Skaapwagter. EK sal julle wonde verbind, en EK sal julle rus gee.

O, O, O kan julle MY hoor TREUR!! EK het dit nie aan julle gedoen nie, MY Geliefdes. EK het dit nie aan julle gedoen nie MY Skape, MY Lammers, MY Kinders, MY Bruid. O, die wolwe gaan boet, want die STAF sal op hierdie dag op 'n magtige manier op die wolwe neerkom. EK sal vervolgens wys en EK sal die wolwe ontbloot en EK sal hierdie kruik wat nou hier spreek, gebruik en sy sal in MY krag die maskers van julle gesigte afruk en die skape sal julle sien vir wie julle is. Eers sê julle julle is 'n skaap en sit 'n masker op, maar onder het julle 'n ander masker en dit is die masker van die wolf. Maar EK sê vir julle onder daardie masker is die ware gesig, want dit is die gesig van 'n demoon wat hierdie leuens verkondig en dit kom uit die put van die Hel!

O, O, O EK sê weereens aan julle, voordat julle totaal beset word deur die demoon, wolwe in skaapsklere, kry nou bevryding. Erken wat julle gedoen het voor die ganse Hemel en aarde, HARDLOOP, HARDLOOP, HARDLOOP want EK is die Here GOD ALMAGTIGE YAHUSHUA ha MASHIACH vir wie julle GESPOT HET! Julle sê julle is nie 'n bediening nie en gee nogtans voor om 'n leraar te wees of julle gee voor om 'n bediening te wees en julle skeer (fleece) nogtans MY kudde. EK sal die een wees wat julle met MY STAF jaag en EK bring 'n leërmag van Elias en Jeremias en Johannes die Dopers op die been en hulle sal agter julle aankom in MY NAAM en in MY KRAG vir MY EER ALLEEN!

Julle sê EK praat nie van oordeel nie. Julle sê EK praat nie van toorn nie. Julle onderdruk MY Heilige Profete en julle sê 'DIE RUACH ha KODESH (Heilige Gees) Ag, jou arme ding, jy ly gebrek!' Maar EK sê vandag vir julle bose mense, EK praat van oordeel en EK praat van toorn en JULLE, JULLE, JULLE wie in MY NAAM gespreek het. JULLE, JULLE JULLE wie MY Skape en MY Lammers mishandel het, julle wie MY Bruid, MY Klein Babas in YAHUSHUA mishandel het. JULLE, JULLE JULLE, JULLE sal op hierdie dag, MY toorn op 'n magtige wyse ervaar wanneer die oordeel oor julle kom,

O ja, julle sal 'n droewige les leer. O ja, julle bose skaapwagters julle sal dit deeglik leer as julle nie op hierdie dag bely nie. Dit is wat EK wél sê. Hierdie is nie 'n speletjie wat julle besluit het om te speel nie. Julle het MY kudde geskeer (fleeced) en hulle op 'n dwaalspoor gelei, maar EK sal julle laat boet. O, julle gaan boet. HARDLOOP WOLWE HARDLOOP! Hardloop weg van dit wat julle van plan was om te doen. Hardloop weg van dit wat julle gedoen het, hardloop weg, BELY! Gaan op julle knieë, en roep uit om genade vir dit wat julle gedoen het. Roep om genade wat nog kan kom. Julle maak MY Ware Profete en Apostels stil. Julle sê "As julle nie goed kan praat en my laat goed voel nie, as dit nie opbouend is nie, en bemoedig nie, en opbou nie", sê julle "NEE, julle wil geen profesieë van hulle hoor nie." Julle noem hulle valse profete en sê "Gaan Weg!"

Waarlik, die RUACH ha KODESH praat nie vandag deur julle nie. Alhoewel EK hulle keer op keer stuur en WAARSKU en WAARSKU en WAARSKU en julle sluit julle ore en julle gee voor dat EK nie eers praat nie, maar in julle hart vrees julle dat ander mense sal hoor. Hoeveel het julle laat afdwaal? Vir hoeveel het julle gelieg? Vir hoeveel het julle oortuig dat hulle 'n god is en hulle het voor MY gestaan en EK moes sê "GAAN WEG!" Dit is deur julle, julle bose leiers dat EK moes sê "Gaan weg van MY julle werkers van ongeregtigheid, EK het julle nooit geken nie, gaan Hel toe om daar te bly". Julle vat MY Woorde en julle verdraai dit, sodat dit sê wat EK nie bedoel het nie.

Julle bose leiers, julle voer hulle gif wanneer MY Woord soos 'n Heuningkoek smaak, Soet, o, so soet. Dit is bedoel om aangenaam te wees en nogtans soos kragtige vleis. Die melk is bedoel om doodgewoon wees, selfs vir die kleinste kindjie maar julle verander dit in gif deur die leuens wat julle verkondig het. Julle leer hulle dat EK nie weer sal kom nie. Julle sê vir hulle dat dit al sedert die tyd van Noag gesê word. In plaas daarvan leer julle hulle om te spot en julle leer hulle om te lag vir alles wat MY RUACH ha KODESH doen en alles wat gesê is. Julle leer hulle dat aborsie reg is en dat homoseksualisme liefde is en dat EK nie hierdie sonde sal oordeel nie, maar kan julle nie sien dat EK alleen rein en Heilig is nie en dat die afskuwelikheid van benede kom en nie van bo nie. Dit is waar, EK het die sondaar lief. Dit is waar, EK haat die sonde. Dit is 'n GRUWEL in MY OË en elkeen wat luister sal MY RUACH ha KODESH (Heilige Gees) van binne hoor.

O! HOOR MY! O! HOOR MY! O! HOOR MY, julle predikers en leiers wie MY kudde laat afdwaal. O! HOOR MY! O! HOOR MY! O! HOOR MY, wolwe gee op hierdie dag pad van MY kudde af anders sal EK julle neerwerp in julle bloeityd. EK sal julle kansels platslaan. Daar gaan sterfgevalle wees. Tussen hulle wie dit gewaag het om MY op hierdie dag uit te daag. EK sal julle geheime sondes ontbloot in 'n groter mate as wat julle gedink het julle het tot dusver gesien; wag maar net want EK het maar net begin.

Julle wie ongelyk verbind is EK sê vandag vir julle, LUISTER AANDAGTIG, neig julle ore tot elke woord wat EK sê. O, daar is soveel huwelike wat tot stand gekom het, maar dit was nie MY besluit dat die mense in huwelik moes tree nie. Daar is so baie huwelike en EK sê vir julle in MY oë kan EK nie die vlek van die sonde wat MY Bruid bedek verduur nie, want hulle is die persone wat dit gedoen het. EK sê vir julle dit, luister aandagtig wat EK nou gaan sê.

EK praat met die heidene met wie hulle getroud is, wie hulle bedek met elke soort van verleiding, boosheid, skuld en sonde. LAAT MY BRUID GAAN! Julle het haar besoedel met SEKSUELE SONDE! Julle hoereer rond en dan kom julle na haar toe. EK sê vir julle dit: julle mans wat afgedwaal het. EK sê vir julle dit, julle wie mans het wat hoereer. satan soek om MY Bruid te besoedel, dit wat bedoel is om Vlekloos en Wit te wees en EK vertel vir julle nou. EK SAL DIT NIE LANGER VERDUUR NIE! EK sê nou vir julle; EK SAL DIT NIE LANGER VERDUUR NIE! EK neem MY Swaard en EK verdeel huwelike. Dié wat Godvresend is sal bly staan; dié wat nie is nie, sal val. EK is nie vir Egskeiding nie, dit is net groter slawerny.

EK kom om MY kinders vry te maak en dit is presies wat dit gaan wees. O, julle wie voorgee om MYNE te wees en getroud is met Godvresende vrouens en nogtans op die internet ingaan op soek na sonde en pornografie. Julle besoedel julle oë en julle pleeg egbreuk met julle gees en siel en julle dink niemand gaan weet nie. Wel, Ek het nuus vir julle en glo MY, EK sê vir julle en dit is waar want EK is 'n GOD wat nie kan lieg oor hierdie sonde nie, as julle nie bely nie GAAN JULLE STERF want julle het MY Bruid besoedel. Die huwelik is bedoel om Heilig te wees. Verstaan julle nie? Die huwelik is bedoel om Heilig te wees. Dit is tussen 'n vrou en 'n man. Die huweliksbed is bedoel om Heilig te wees want dit verteenwoordig EENHEID in MY.

Want wanneer julle werklik met Verstand, Ligaam, Gees en Siel saam is, dan is julle een met MY en die Heilige Drie-eenheid. Maar hoe kan julle een wees met iemand wie rond hoereer? Hoe kan julle een wees met iemand wie se gedagte aan elke vorm van sonde dink? Hoe kan julle een wees met iemand wat MY werklike NAAM haat? O, EK vertel vir julle dit, EK sal dit baie eenvoudig stel. EK sal dit nie langer duld dat MY Bruid besoedel word deur seksuele sonde nie. EK sal dit nie langer duld nie en julle beter hierdie woorde ernstig opneem, want julle sien, EK is nie 'n GOD wat bespot kan word nie en julle ken MY ware stem en EK sê vir julle dit, of julle die man of die vrou is, julle bedrieg hulle nie, julle bedrieg YAHUSHUA ha MASHIACH. Veral julle sogenaamde Christen mans wie voorgee om MYNE te wees en nogtans kan julle nie MY Gees hoor nie en julle geestelike oë is blind. Julle het nie net daardie man bedrieg nie en julle het nie net daardie vrou bedrieg nie. EK sê WEEREENS VIR JULLE, JULLE HET YAHUSHUA ha MASHIACH BEDRIEG! EK gaan julle uitlig en openlik BESKAAM. Dit was die begin toe hierdie President van hierdie nasie voor die mense gekom en gesê het "Alhoewel ek verkeerd gedoen het, is dit nie julle besigheid nie" en die mense het saamgestem.

Wel, EK sê vandag vir julle. Dit is die Here GOD ALMAGTIG se besigheid en EK waarsku julle vandag. Kerk van die aanspraakmakers (pretenders) luister aandagtig na wat EK sê. Selfs al gee julle voor om MYNE te wees, selfs al gee julle voor, soos hierdie leier van hierdie nasie voorgee om MYNE te wees, sal EK julle uitlig en openlik beskaam soos wat EK met hierdie leier gedoen het en EK sal dit weer doen. Julle wie voorgee om MYNE te wees, julle sluip agter julle huweliksmaat se rug en julle gaan knoop owerspelige verhoudings aan en pleeg seksuele sondes en wellus, en julle het geen tekort nie. Maar EK sê vir julle terwyl julle volgende keer besig is met owerspel, onthou dit, die volgende asemteug wat julle inasem, die volgende hartklop is MYNE, julle weet nie watter dag of tyd nie. EK gaan toelaat dat julle huweliksmaat presies weet wat julle is. Die wêreld gaan kopskud en hulle gaan nie verstaan hoekom PROSTAATKANKER so algemeen by mans voorkom nie. Maar EK gaan presies wys wat EK van seksuele sonde dink en EK gaan wys, en julle is vandag gewaarsku, dat julle verantwoordelik gehou word vir wat julle nou weet.

Julle beter BELY en op julle aangesigte en knieë neerval en julle beter BELY nie net voor julle Almagtige Here YAHUSHUA ha MASHIACH nie en EK sal julle vandag vergewe, maar julle moet dan voor julle huweliksmaat bely vir wie julle beledig en bedrieg het. Want EK sê vir julle dit, EK gaan nie bespot word nie, nee nie nog 'n dag nie. Julle mag besig wees met owerspel en dink dat julle weggekom het daaramee. Maar EK sê vir julle dit; EK die Here GOD sal julle laat dood neerslaan en julle weet nie wanneer EK dit gaan doen nie en julle sal op jul eie SPERM tot in die HEL gly! EK vertel dit vir julle want EK is 'n GOD van Genade, julle hoor en julle hoor baie goed. Julle is geleer "Ag wel, ek is net 'n man. Ek kan doen wat ek wil solank my vrou dit nie sien nie, dan is alles wel."

Maar julle vergeet julle het 'n Hemelse Vader selfs as julle voorgee om MYNE te wees, EK ken julle o so goed en julle sogenaamde Christen vrouens wie voorgee om MYNE te wees, is nie beter nie. Hoeveel dae glip julle weg en julle dink solank as my man nie weet nie, dan is alles reg. Maar EK sê vandag vir julle, EK hou julle verantwoordelik en ook julle weet nie wanneer EK julle Lewe gaan neem nie. Ook julle sal deur kanker gepla word en daar sal geen genesing wees nie. Neem MY op MY Woord want julle weet dat hierdie woorde wat julle hoor van MY RUACH ha KODESH af is en julle is vreesbevange. Want julle weet met wie EK praat. Dit is JY en JY en JY! Julle kan al die wette uitbring soos julle wil, en probeer sê dat huwelike tussen dieselfde geslag Heilig is.

Maar, O!, hierdie state wat hierdie wet goedkeur gaan dit berou, want EK sal nie bespot word nie. Want die huwelik is 'n Heilige instelling. Dit simboliseer die eenheid van die Vader, Seun en Heilige Gees. Julle is EEN en wanneer julle trou, is julle EEN. As julle met 'n heiden trou gaan daar altyd 'n stryery wees of dit lig is wat duisternis probeer oorneem, of duisternis wat lig probeer oorneem. Maar EK het die krete van MY Kinders gehoor wie in ongelyke slawerny gebonde is en EK sê vandag vir julle deur hierdie Profeet Sherrie Elijah [Elisheva Sherie Eliyahu], EK spreek dit uit op 'n magtige manier! EK GAAN DIE LEWE EIS VAN DIE EEN WAT AANHOU OM MY BRUID VAN YAHUSHUA ha MASHIACH TE BESOEDEL! MY Kinders, diegene wie MY waarlik ken, julle moet in hierdie wêreld lewe, maar nie soos hierdie wêreld word nie. Wees julle Heilig soos EK Heilig is, lewe Heilig, praat Heilig, dink Heilig en handel HEILIG! Afgesonder van alles van onheilig is. Daar moet geen onheiligheid in julle wees nie. Kinders bid in die NAAM van YAHUSHUA want EK sal julle VRYMAAK! Julle moet dan geloof hê dat dit gedoen is en glo net.

Gespreek onder die Salwing van die RUACH HA KODESH

Deur Apostel Profeet Elisheva Eliyahu 08/26/1998

Die Messias: Nederig en Verhef

PROFESIE 102 YAHUSHUA Sê, "Dis Net 'n Kwessie van Tyd"

O' MY kosbare Bruid, MY kosbare Bruid, My kosbare Bruid, in hierdie tyd van feesviering gedurende Sukkot gee EK vir julle hierdie Boodskap van hoop. EK praat met hulle wat MY eerste stel in hulle liefde, in hulle lewe. Wie nie skaam is vir die Naam van YAHUSHUA julle MESSIAS nie. Al die ander gaan voort en bly doof en bly blind. Hierdie Woord is nie vir julle op hierdie tyd nie.

EK wys vir jou, Elisabeth [Elisheva] 'n visioen van 'n tronkvenster met 5 tralies. MY kosbare Bruid, julle word verteenwoordig deur die 5 Wyse Maagde in die Gelykenis in die Heilige Skrifte. Die vyand sal probeer om julle te vang en op te sluit op 5 verskillende maniere. Daar is net een uitweg. Daar is net een uitsig.

Want EK verwyder daardie tralies reg voor jou oë Elisabeth [Elisheva], want dit is MY belofte aan MY Bruid en julle sal soos daardie denneboom staan wat geplant is by water, die LEWENDE WATER en EK spreek gesondheid, en EK spreek voorspoed en EK spreek die seëninge wat in Deut. 28 gereserveer is vir hulle wie gehoorsaam. En die 5 bome verteenwoordig die 5 Wyse Maagde wie MY Ware Bruid verteenwoordig.

EK sal altyd vir julle 'n weg voorsien om te ontsnap, selfs wanneer julle dink die vyand het julle ingeperk, keer op keer het EK vir Elisabeth [Elisheva] gesê, julle wandel in geloof en nie deur sig nie. Pasop MY kosbare Bruid, 5 verskillende maniere, die vyande van hierdie wêreld en die vyande wat na hierdie wêreld toe kom, sal op 5 verskillende maniere probeer om julle gevange te neem.

EK waarsku julle nou, soek MY, bid waar julle Ark is. Bid wanneer dit nie meer vir julle veilig is om te bly waar julle nou is nie, bid dat EK vir julle 'n plek van veilige bewaring (safe house) sal oprig, 'n veilige heiligdom. EK sê vir julle voor die tyd wat die vyand beplan om te doen.

Dit is net 'n kwessie van tyd. Dit is net 'n kwessie van tyd.

Weeg julle woorde versigtig. Geliefde Bruid, raak gewoond daaraan om oor jul skouer te kyk want selfs hulle wie julle liefhet, sal aanval as hulle nie gered is nie. Pasop MY Bruid. Bewaar julle tong. So was dit in die dae van ouds. Jammer om te sê hierdie dae het vir sommige aangebreek. Vir andere sal dit later aanbreek.

Die vyand spioeneer op julle. Hulle probeer om elke beweging van julle dop te hou. Hulle verdraai julle woorde asof dit 'n dolk is om in julle hart te druk. MY geliefde Bruid, daar is nie meer so iets soos vryheid vir julle op hierdie aarde nie, tensy dit deur MY is nie. In MY Naam, in die Naam van YAHUSHUA julle MESSIAS, is daar vryheid in MY. So, verberg julleself vir 'n kort rukkie totdat MY woede en MY raserny en MY toorn oor hulle wie net goed genoeg is om MY vyande te wees, verbygaan. Vir die haatlike woorde en dade wat aan julle gedoen word, vir die vervolging wat na julle toe kom, dit is omdat hulle MY in julle sien.

Hulle kan MY nie aanraak nie. Maar omdat julle in die vlees is, weet die vyand waarheen hulle hul wapens kan gooi. Julle leef in 'n bose, bose, bose tyd waar goed boosheid genoem word en boosheid goed genoem word, waar seksuele sonde onbeheersd rondwoed en al die moraliteitsgrense verduister is; selfs in die meerderheid kerke weier hulle om te praat oor wat sedelikheid is! Hulle vrees die regering meer as vir YAHUVEH! En hiervoor gaan julle pastore boet. Julle het julle siele verkoop vir hierdie belastingvrystellingstatus. Hoe julle geldelik beloon kan word deur van MY te preek.

Sommige van julle het bely want julle het nie geweet wat julle doen nie. Sommige van julle het gesê, "Vat hierdie belastingvrystellingstatus (Elisabeth [Elisheva] sê, "Goed, ek sal dit sê") en druk dit waar die son nooit skyn nie!" Julle behaag MY. Julle is vergewe. Julle het die verkeerde reggestel.

Maar vir die ander pastore van die ander kerke wie hierdie omkopery van die regering gevat het en 'n slot en grendel op julle lippe geplaas het, (Elisabeth [Elisheva] sê, “Ai tog, my hand is gevoelloos!") sê EK, “Weg van MY af! EK het julle nooit geken nie! MY GEES is nie in julle kerke nie.”

Joel Osteen, jy het 'n prys om te betaal. Met jou siel sal jy betaal! Jy is niks meer as die Spreker nie. Jy staan agter 'n kansel maar daar is niks Heiligs in jou of jou vrou en die gemeente wat hierdie saal volmaak en die kerkbanke vlak vir vlak volmaak nie, EK ken niemand van julle nie! Julle is nie Heilig nie.

Julle kom net om julle ore te vul met dit wat julle die begeertes van julle harte gee. Julle wil van niks weet van enige iets wat met julle gees te doen het nie, behalwe om blymoedige gedagtes te koester en gelukkig te wees nie! Julle is bedwelm, julle verkeer onder 'n illusie! Julle is onder breinbeheer, julle is onder breinmanipulasie! Julle vul die offersakke tot oorlopends toe, en hoop die rykdom op vir iemand wat homself (Elisabeth [Elisheva] begin probleme ondervind om te praat. Die duiwel wil nie hê sy moet praat nie en val haar stembande aan) as 'n keiser beskou.

Joel Osteen, en Ek praat met al die pastore wat in sy voetspore volg, EK gaan die goue kalf reg voor julle oë van julle af wegruk! Julle sal die vloeke van Deut. 28 soos 'n tweede vel dra, want julle het die mense mislei. Die blindes lei die blindes. Julle het hul oë op die rykdom van hierdie wêreld gefokus sodat hulle nie die armoede in hul eie siele sal raaksien nie!

Wees bemoedig MY kosbare Bruid. Julle gaan sien hoe hierdie vyande val. EK waarsku julle MY kosbare Bruid, julle grootste vyande sal in julle eie huishouding gevind word. Hulle wat nie hul lewens en hulle liefde aan my oorgegee het nie, hulle wat MY nie eerste in hul lewens en hul liefde plaas nie, hulle wat weier om die Waarhede in die Heilige Skrifte te glo, hulle wat weier om te erken dat daar net een weg na die Hemel is, deur MY Naam en gestorte Bloed, hulle wat weier om te glo dat daar 'n hel is om te betaal vir onbelyde sonde.

Julle grootste vyand sal in julle eie huishouding gevind word, want dit is hulle wat die meeste pyn kan toedien. Dit is hoekom EK MY skeidingswaard bring! Dit is niks nuuts nie. Lees die Woord. EK beskerm julle want daar kom 'n dag en dit is net 'n kwessie van tyd, dat diegene wat julle beskou as jul geliefdes, julle sal verraai, julle aan die geregshowe van die land sal offer, aan die beloning op julle koppe gehoor sal gee wanneer hulle vra, "Waar is hulle?"

Dit is hoekom EK dit nou vir julle sê, wees voorbereid want Bruid, voordat EK julle huis toe neem na die Hemel, voordat julle weggeraap word saam met MY, gaan EK julle moet leer hoe om te hardloop en weg te kruip, hoe om weg te kruip vir die oë van die vyande, maar dis alles in orde, MY geliefdes, want dit is net 'n kwessie van tyd.

Hou styf vas aan die soom van MY kleed. Moenie laat los nie. Terwyl julle in julle Sukkhas slaap, onthou dat dit net 'n tydelike tabernakel is, net soos hierdie sterflike vlees 'n tydelike tabernakel is. En net soos wat EK julle veilig bewaar in julle Sukkhas, hoeveel te meer sal EK vir julle doen terwyl julle MY op die Heilige Feeste eer, terwyl julle die feesdae van hierdie wêreld vermy, terwyl julle aan MY vasklou soos aan 'n Geliefde wie se omhelsing julle nie wil verlaat nie, hoeveel te meer sal EK julle vashou? Hoeveel meer sal EK julle liefkoos?

(Elisabeth [Elisheva] sê, "O, ek wil net sê, die Salwing is so intens!")

O, hoe lief het EK julle. Soos wat julle daarna verlang dat EK moet kom, hoeveel te meer verlang EK om na julle toe te kom! Ek vang elke traandruppel van julle op. Die flessies word hier in die Hemel gestoor en wanneer julle na MY uitroep omdat julle vervolg word, vang EK elke traandruppel van julle op! Goue flessies wat met juwele omhul is en elkeen van julle het 'n verskillende een. Elkeen het 'n ander skoonheid. Dit hang af van die lyding wat julle namens MY gely het, hoe gewillig julle was om vervolg te word en allerhande bose name genoem te word, hoeveel julle gely het en gewillig was om dit tot MY Eer te doen. Dit is hoe lieflik julle flessie is. Hoeveel julle vir MY opgeoffer het. Hoe die van julle jul 'weduwee se laaste bydrae' (widow’s last mite) vir hierdie Bediening gegee het, verstaan julle nie? Niks was vermors nie.

Vir hulle wie opgeoffer en opgestaan het vir die moraliteit, julle lê julle lewens neer om ‘n ongebore kind te beskerm. Julle was gewillig om verneder te word en in die tronk gegooi te word om teen aborsie, dieselfde-geslag huwelike te protesteer. Op soveel verskillende maniere, afhangende van waar julle in die wêreld is. Sommige was mishandel; sommige was gemartel; sommige was toegesluit. Ag MY geliefdes! Afhangende van die vervolging, afhangende van die lyding wat julle moes ly, dit is die beskrywing van julle lieflike flessie wat julle trane bevat wat soos 'n soete geur in MY neusgate opkom en EK omhels daardie flessies liefdevol want EK weet watter prys julle terwille van MY betaal! En MY liefste Bruid, dit gaan nie makliker raak nie! (YAHUSHUA huil deur Elisabeth [Elisheva]) Want satan haat julle so! Hy haat julle! Hy haat julle! Hy haat julle! Want MY lof is voortdurend in julle mond! Hy sê woedend, "Prys my! Aanbid my!" Maar in plaas daarvan sê julle, "Ons bestraf jou satan! Gaan weg! Die gestorte Bloed van YAHUSHUA is teen jou!" En hy krimp ineen en hy hardloop!

EK het vir julle ons Heilige Name geleer. EK het vir julle die belangrikheid van die Heilige Feeste gewys. EK het vir julle gesê om op te staan vir Heiligheid en nooit 'n kompromie aan te gaan deur te doen wat julle weet verkeerd is nie! Julle treur en julle huil wanneer EK julle families skei, wanneer EK 'n man beveel om van 'n vrou te skei of 'n vrou om van 'n man te skei. Moenie hierdie Profeet haat wat hier praat nie, want sy praat niks wat nie in MY Heilige Woord is nie. Die Heilige Woord sê, "Moenie ongelyk gebonde wees nie". Hierdie is die Eindtyd.

(2 Kor.6:14) (Matt. 10:34 Handel oor swaard wat skeiding bring.)

Dit is net 'n kwessie van tyd...

Alles wat deur hierdie Bediening geprofeteer was, sal gebeur!

Die gevalle engele gaan opstaan. Die gevalle engele sal sê "Moenie langer in hierdie Bybel glo nie! Dit is verouderd! (passe) Dit is net 'n boek vol feëverhale! Dit is die 'Moderne eeu’. ”Homoseksualiteit en dieselfde-geslag huwelike ... hulle sal skree hul is reg om die ongebore baba in die moederskoot dood te maak.

Die politieke leiers, wie se harte satan oorlopens toe gevul het, sal te kere gaan en skree, "Julle wie in hierdie YAHUSHUA glo, julle koppe sal rol!"

Dit is net 'n kwessie van tyd.

En nou praat EK nie met die Bruid nie. EK praat met hulle wie die Gaste by die Huweliksmaal van die LAM sal wees. Julle moet gewillig wees om julle lewe neer te lê vir MY. Julle sal in die Groot Verdrukking wees. Vir julle wie sê, "Dit is te moeilik, te hard om Heilig te lewe, ek sal dit in die Groot Verdrukking regkry." EK wil vir julle dit sê, as julle dit nie nou kan doen nie, en daar was tot dusver geen opoffering wat julle moes maak nie, julle was nie gesê om julle lewe neer te lê nie, om julle kop onder die guillotien te plaas nie, wat laat julle dink julle kan dit dan doen as julle dit nie eers nou kan doen nie? Wat laat julle dink dat julle dan meer geloof sal hê wanneer julle hongersnood en dood en verwoesting en onverstaanbare gruwels rondom julle sal sien? Wanneer julle deur strate vol bloed moet strompel? Wat laat julle dink dat julle dan meer geloof sal hê? Nou kos dit julle niks anders as om 'n Bybel dweeper (Bible thumper) genoem te word nie.

En EK praat nie nou met die lande waar dit julle baie duur te staan kom nie, EK praat met die oorgrote meerderheid op hierdie aarde waar hulle gesê het, “Ag, dit is te moeilik vir my om Heilig te lewe! Ag, die duiwel versoek my so met pornografie! Ag, ek kan nie die sigarette op die altaar neerlê nie! Ag, ek kan nie die drank neerlê nie! Ag, dit is te moeilik om Heilig te lewe! Ek kan nie die vloekwoorde keer wat uit my mond kom nie! Ek kan nie Heilig lewe nie! Bid vir my, ek kan nie Heilig lewe nie!" Wat laat julle dink dit gaan makliker wees dán? (Fil.4:13 "Ek is tot alles in staat deur YAHUSHUA wat my krag gee")

Julle mae is nou vol! Julle tonge is nie nou uitgedroog van dors nie! (YAHUSHUA ween deur Elisabeth [Elisheva]). En nogtans kan julle MY nie nou Loof nie? Wat laat julle dink dat dit dán makliker gaan wees?!

Julle spot Profete soos hierdie! Julle sê, "Moenie dit waag om van die hel en die gevolge van sonde te praat nie!" Julle spot Bedienings soos hierdie! Julle sê, "Julle is niks anders as verdoeming en donkerheid (doom and gloom) nie." EK sal vir julle verdoeming en donkerte wys!

En nou praat EK met die vyande van hierdie Bediening en hulle wat (on)heiligheid verkondig. EK sal vir julle verdoeming wys. EK sal vir julle wys wat dors is. EK sal vir julle wys wat honger is! Diegene wie hulle oë op die Goue Kalf van hierdie wêreld vestig, EK sal vir julle wys wat honger is! Julle sal julle eie tonge weens honger kou! Julle wat so ryk en magtig is, julle vertrap en trap op diegene wat nie in julle inkomstegroep val nie, EK sal julle wys. EK sal julle wys wat gebeur met daardie Goue Kalf. EK sal julle wys!

Kyk, EK was net eenmaal daardie geslagte LAM. EK het die vyand toegelaat om MY gesig te slaan. Maar dit was net eenmaal! EK het die doringkroon gedra! EK het die vernedering van hierdie wêreld verdra! Maar dit was net eenmaal..... EK het aan daardie Kruis gehang! EK was onherkenbaar geslaan! EK het gedors na julle! EK het gedors vir julle ongeregtigheid! EK het gesmag na julle! EK was gespot en EK was verag! Hierdie (Sukkot) is die tyd van MY geboorte op aarde! En hoe min erken dit selfs! Hulle sal 'n heidense vakansiedag vat wat toegewy is aan 'n ander heiden (Koning Nimrod) wat direk uit die put van die hel is, en hulle het MY daardie verjaardag gegee? Maar hoe min eer MY in hierdie tyd van Sukkot? Hoe min eer die prys wat EK betaal het?...

O, maar EK het my getroue Bruid. EK het die prys betaal, maar dit was slegs eenmaal! EK moes slegs eenmaal sterf! En geen mens het MY lewe geneem nie! Dit was EK en net EK, YAHUSHUA wat gesê het dit is volbring! En dit was MY tyd! EK het nie op 'n mens se tyd gesterf nie! EK het nie op 'n mens se tyd opgestaan nie! EK het in YAHUVEH se tyd opgestaan!

So, EK sê vir julle dit, O vyande van MY, julle wat hierdie lasterlike leuens oor hierdie Profeet en Bediening skryf, dit is net 'n kwessie van tyd, EK gaan op julle trap! EK het julle vervloek net so seker as wat EK die vyeboom vervloek het wat nie vrugte gedra het nie! Dit is net 'n kwessie van tyd! So, gaan voort en doen julle toordery. Gaan voort en probeer die Profeet wat hier praat, vernietig. Julle sien, EK rig haar net weer en weer op! En sy kom net terug en spreek weer MY Woorde uit. Julle kan nie haar lewe neem nie! Dit behoort nie aan julle nie! satan het geen deel aan hierdie Bediening nie! Gaan voort en verkleineer hierdie Bediening! Beskuldig haar dat sy "te Heilig" is, "te regverdig". Gaan voort en bespot hierdie Bediening wat sê julle moet die Tien Gebooie gehoorsaam en Heilig lewe soos wat YAH Heilig is. Gaan voort en spot...

EK het die Farisieërs gespot. EK het hulle "slange" genoem en EK het hulle "adders" genoem. EK het gesê hulle is net geskik vir die hel! En nou sê EK dieselfde vir julle!

Dit is net 'n kwessie van tyd.

En die hel en die poel van vuur sal julle siele eis. Julle het een kans; dit is nadat julle hierdie Boodskap hoor. Sal julle bekeer? En die van julle wat bid en julle sê daar is net een Naam en SY Naam is J-E-S-U-S, JESUS, EK het nooit gesê daar is in hierdie tyd geen krag in daardie Naam nie. EK het vervolgens weer en weer in hierdie Profetiese Boodskappe gepraat en gesê daar is vergifnis, genesing, bevrydingskrag in die Naam van JESUS CHRISTUS.

Maar dit is net 'n kwessie van tyd wanneer die Groot Verdrukking aanbreek en die man van verderf daar staan, Judas het weer teruggekeer, en hy sal alles wat Heilig is bespot. Hy sal sê hy is "Jesus Christus". Hy sal die Naam van YAHUSHUA vermy want die Naam van YAH is in daardie Naam. Wat sal julle dan doen? Want wanneer julle in die naam van Jesus Christus bid en hy sy hand opsteek en sê, "Hier is ek", wat sal julle dan doen?

Want julle weier om MY Hebreeuse Naam te gebruik! Julle sê, "Enige naam sal doen". En dan praat EK met diegene wat aanhou sê "Yeshua", EK het oor en oor gesê "YAH" is in MY Naam. YAHUVEH is MY VADER. EK IS SY Eniggebore SEUN. EK het vir julle gesê EK gee nie om of julle YAHUVEH of YAHWEH sê nie, maar laat ons dit nie nou tot die uiterste neem nie, want enige naam sal nie deug nie.

O die haatlike, haatlike, haatlike, haatlike briewe, hoe durf, hoe durf sommige van julle julself MYNE noem? Wanneer julle hierdie Boodskap hoor, beter julle op julle aangesigte neerval voor MY. Julle beter bely en julle beter 'n brief aan hierdie Bediening skryf en probeer om die wonde te streel wat julle toegedien het omdat sy durf waag om oor die hel te waarsku, omdat hierdie Bediening van Heiligheid preek, omdat hierdie Bediening oor die gevolge van sonde waarsku, omdat hierdie Bediening die toekoms vooruit profeteer.

Wat dink julle is 'n Profeet? En vir hulle wat lag en spot en sê, "Daar is nie so iets soos Profesieë nie;" "Daar is nie meer sulke goed soos Profete nie," wat sal julle met MY Heilige Skrifte doen? Besef julle nie dat EK die GEES VAN PROFESIE is nie! Wat sal julle met MY Heilige Skrifte doen?! EK is PROFEET VAN DIE PROFETE! EK is PROFESIE! Die Profete het geprofeteer dat EK sou kom! As daar nie so iets soos Profete was nie wat gaan julle met die boek van Openbaring doen! Hoe dwaas, hoe dwaas, hoe dwaas is so baie van julle, want Johannes die Openbaarder het geprofeteer oor wat gaan kom.

(Open. 1:1

dat dit "Die openbaring van YAHUSHUA ha MASHIACH is, wat YAHUVEH aan hom gegee het om SY diensknegte te wys wat binnekort moet gebeur.”

Open. 1:1-2

Die openbaring van YAHUSHUA ha MASHIACH..... HY het dit bekend gemaak deur SY engel na SY kneg Johannes te stuur, wat van alles getuig wat HY gesien het -- wat die Woord van YAH en die getuienis van YAHUSHUA ha MASHIACH is.”

Open. 19:10

Want die getuienis van YAHUSHUA ha MASHIACH is die gees van profesie." En die profesie watYAHUSHUA ha MASHIACH aan ons gegee het is die boek van Openbaring.

Open. 22:16

"EK, YAHUSHUA het MY engel gestuur om vir jou hierdie getuienis te gee om aan die gemeentes oor te dra.)

Elende wag op hulle wat nie waardig gevind word om die Groot Verdrukking te ontvlug nie! Elende! Elende! Elende! Elende! Elende wag op hulle wie nie waardig geag word om die Groot Verdrukking te ontvlug nie! Julle weet nie wat julle gedoen het nie. Julle weet nie wat julle gedoen het nie! Maar dán sal julle. Sommige sal die Gaste wees. Ag, hoe baie het julle hierdie Bediening gehaat! Julle sal in daardie tyd huil en julle sal bely oor die gees van verwoesting wat julle gestuur het. O, julle sal bely, maar dit gaan julle jul lewens kos. En julle gaan Elisabeth [Elisheva] in die oë moet kyk in die Hemel en julle sal moet erken hoe lief EK haar het. En julle sal haar bedank vir die prys wat sy betaal het. En almal wat hierdie Waarheid verkondig. Julle sal almal vir wie julle gespot en verag het, in die oë kyk en julle sal hulle om verskoning vra.

Dit is net 'n kwessie van tyd. Dit is net 'n kwessie van tyd...

Dit is net 'n kwessie van tyd dat die reuse uit die lug sal val. (YAHUSHUA ween dwarsdeur hierdie laaste gedeelte). O! satan spot en hy sê, "Die ruimteskip sal op hierdie datum kom." Hy spot wetende dat dit MY tyd is en nie syne nie. En die reuse sal uit die lug val.

EK laat nie toe dat net enige droom by hierdie Bediening geplaas word nie. Hierdie is Heilige Intersessors. En EK het vir hulle drome na drome gegee wat vooruit waarsku oor wat uit die lug sal kom, wanneer die mens na die lug sal opkyk en hulle harte sal beswyk weens vrees. Julle het geen idee nie! Julle het geen idee wat hierheen gestuur word nie! So, wanneer julle leuens hoor wat uitgespreek word, godslasterlike leuens wat teen hierdie Profeet en hierdie Bediening gespreek word, onderskei die vrug waarvandaan dit kom en julle sal sien dat EK dit vervloek het.

Hierdie Bediening lê alles neer, elke finansie, offer na offer op maniere wat julle nie kan begin om te verstaan nie, net om een siel te bereik op maniere wat niemand van julle sal weet nie. Hoeveel van julle het gehelp? Hoeveel van julle het selfs 'n weduweesbydrae gegee? Hoeveel kan sê hulle is deel van hierdie Bediening? Hoeveel van julle kom selfs terug en sê "Dankie"? Dit is nie anders as toe EK tien melaatses genees het en net een teruggekom het om "Dankie" te sê nie. Julle sien, wanneer EK vir julle sê om hierdie Bediening te ondersteun sodat dit kan voortgaan om te doen wat EK dit geroep het om te doen, doen EK dit nie net om hulle te seën nie, EK doen dit omdat EK julle wil seën! Julle wat nou hier lees, julle wat luister, julle moes niks opoffer nie, julle moes nie 'n prys betaal nie, want met elke Profesie wat deur Elisabeth [Elisheva] gespreek word, is daar 'n prys om te betaal, want hoe groter die Salwing hoe groter is die prys wat betaal word. Ware Profete weet wat lyding is.

Die lammers word ter slagting gelei. Die Sondag kerke sal die Slagpale wees. In die Groot Verdrukking sal dit die Slagpale wees. Martelaars sal soos nagmaalbrood opgedien word. Die wyn in hul glase sal die bloed van die martelaars wees. EK het julle gewaarsku wat die Merk van die Dier is. Die Waarheid is hier. Hoeveel van julle sal julle ore toedruk? Hoeveel van julle sal julle oë bedek? Hoeveel van julle sal sê, "Ek wil dit nie hoor nie?"

Maar, EK praat nou met die Gaste. Die Groot Verdrukking is op die horison. Julle staan op die rand van die afgrond. En julle sal hier wees. En dit is net 'n kwessie van tyd. Dan praat EK met die Gaste. Julle beter nou julle geloof baie fyn instel, want as julle nie nou genoeg geloof het om MY in die klein dingetjies te vertrou nie, hoe kan julle my in die Groot Verdrukking vir groter dinge vertrou? Sal julle die geloof hê om vir 'n klip in MY Naam te sê dit is brood? Vir die van hulle wat EK wegsteek en vir die van hulle vir wie EK voorsien, sal dit soos manna wees, soos doudruppels op die gras in julle agterplase. Maar net julle oë sal dit sien, en dit is net as julle geloof het en in MY glo. Julle beter julle geloof nou fyn instel. Anders gaan julle geloof net genoeg wees om julle lewe te gee.

(Open. 14:12

Hier kom die lydsaamheid van die heiliges te pas; hier is hulle wat die gebooie van ELOHIM en die geloof in YAHUSHUA bewaar.

Open. 12:17

En die draak …het weggegaan om oorlog te voer teen haar ander nakomelinge wat die gebooie van ELOHIM bewaar en die getuienis van YAHUSHUA hou.”

Dit is net 'n kwessie van tyd.

Dit is net hulle wat nou na MY uitroep wat beskerm word teen die Breinbeheer-golwe wat in die lug is. Hulle beheer julle verstand deur die water en deur die kos wat julle eet. Hulle plant die ‘chips’ wanneer julle dit die minste verwag, om julle soos 'n hond op te spoor om presies te weet waar julle is. As dit nou so erg is, kan julle dink hoe dit in die Groot Verdrukking sal wees?

Dit is net 'n kwessie van tyd.

Maar aan My Bruid, aan MY kosbare, kosbare Bruid, EK het vir julle die tronktralies gewys. EK het vir julle gewys hoe hulle dink hulle jul in 5 verskillende maniere gaan gevange neem en EK het vir julle die visioen gewys toe EK die tralies wegneem, en daar sal julle staan, julle wat MY Vyf Wyse Maagde verteenwoordig, julle BRUIDEGOM kom! Julle BRUIDEGOM kom! En EK bring MY belonings saam met MY! En EK waardeer elkeen van julle liefdevol! Julle BRUIDEGOM kom!

Hou styf vas aan die soom van MY kleed! Moenie, moenie deur die oë van die vlees kyk nie! Kyk deur die oë van julle kosbare RUACH ha KODESH, julle IMMAYAH! Kyk deur die oë van julle MOEDER WYSHEID! Bid vir meer Wysheid! Bid vir meer Wysheid want julle het dit nou nodig! En ag, julle wie die Gaste is, bid vir meer Wysheid! Bid vir groter onderskeiding want julle het dit nie net nou nodig nie, julle gaan dit nodig hê in die tyd van Jakob se Benoudheid (Jer. 30:7). Julle gaan dit nodig kry in die Groot Verdrukking wanneer 'n blote mens, aanbid en vereer gaan word! Julle het nou julle afgode o wêreld. Julle noem hulle rolprentsterre of bose demoniese politici, maar EK vertel vir julle dit, daar kom 'n man wat die seun van die verderf gaan wees, die werklike seun van satan. Pasop! Julle is gewaarsku! Wees gewaarsku! Wees versigtig! Wees baie versigtig! Wees waaksaam! Wees op julle hoede! As hulle wie jul dink julle kan vertrou, nie vol van MY GEES is nie, as hulle nie hul knie voor MY gebuig het nie, as hulle nie gehoorsaam voor MY lewe nie, as hulle hart nou gevul is met opstandigheid, dink net hoeveel erger dit sal wees. Julle is gewaarsku!

Julle kla omdat EK huwelike opbreek, maar dit is huwelike wat EK nooit georden het nie. Dit was julle vlees wat julle saamgevoeg het. En vir die veiligheid, vir die veiligheid van MY Bruid, vir die veiligheid van selfs die Gaste, vat EK MY skeidingswaard en EK skei moeder en vader en kinders, hulle wat hulself mans en vrouens noem, susters en broers, lede van die familie en vriende, EK skei hulle wie ongelyk gebonde is in besighede, op alle maniere. Julle kan net dié vertrou wie MY Naam aanroep.

Dit is net 'n kwessie van tyd. Dit is net 'n kwessie van tyd.

EK sal MY Bruid bymekaar maak, beide Open. 7 en 14, ag julle sal aan MY sy wees, maar verberg julleself nog vir 'n klein tydjie. Verberg julleself vir 'n klein tydjie totdat MY toorn oorgaan. Want YAHUVEH sal nie aanhoudend gespot word nie.

Dit is net 'n kwessie van tyd.

En dink aan die belonings wat julle verdien het en dit alles sal verbygaan en julle sal weet dit was die moeite werd, watter lyding julle ookal bestem was om te ly, doen dit soos vir MY. Wanneer julle om MY Naams ontwil vervolg word, weet dan dat hulle MY in julle sien.

Dit is net 'n kwessie van tyd.

En julle sal sien MY Liefde vir julle is so 'n werklikheid. So, vat MY Genade en vat MY Goedertierenheid. Neem MY hand. Laat EK MY arms om julle vou. Laat EK julle omhels! Ag, hoe baie dank EK julle dat julle MYNE is, dat julle gewillig is om die prys te betaal om YAHUSHUA HA MASHIACH se Bruid genoem te word.

Gespreek onder die Salwing van die RUACH HA KODESH

Deur Apostel Profeet Elisheva Eliyahu 10/17/2008

Torah Gedeelte: Die terugkeer van die Messias

PROFESIE 15 DIT IS EEN MINUUT VOOR MIDDERNAG! YAHUSHUA KOM IN DIE MIDDERNAG UUR!

So Spreek YAHUVEH, tensy hierdie nasie hulself voor MY en die ganse Hemel en aarde verootmoedig, sal hierdie nasie, Amerika, wat afgesonder is om aan MY Lof, Eer en Glorie te bring, nooit weer 'n oorlog wen nie. Dit is tot dusver slegs deur MY Genade, dat hierdie nasie vry is. Maar nou het jou leiers agter ander gode aan begin hoereer, hulle wie hulself MYNE noem, maar alles wat Heilig is bespot. Hulle lieg nie eers soos die bose Farao gedoen het nie.

Julle staatshoof, julle president, swaai alles wat Heilig is, selfs die heiligheid van die huwelik, in MY gesig en lei die nasie in 'n oorlog wat EK nie uitgeroep het nie, maar wat EK wel sal toelaat, want die leiers het nie MY wysheid, raad of leiding gevra nie. Hulle bespot MY met die Hooggeregshof. Hierdie nasie sê "God Bless America". EK sal, as Amerika maar net weer 'n seën vir MY sal wees.

Jy is 'n doring in MY vlees, Amerika. EK is hewig vererg, want EK sien wat in die skole onderrig word terwyl julle kinders in die hole van die antichris sit terwyl evolusie geleer word en nie skepping nie. Terwyl een leuen na die ander die goeie uitvee en verkrag wat die ouers hulle kinders in die weg van heiligheid geleer het. Julle kinders lê nakend en verkrag. Tog doen julle weinig om hulle te beskerm. Ja, EK praat met MY Kinders, nie met die heidene wat nie van beter weet nie. Julle kinders word 'n woordeskat gevoer waaruit MY NAAM verwyder is en slegs as 'n vloekwoord gebruik word. Hulle word onheiligheid geleer en opstandigheid teen alles wat Heilig is.

Hoekom staan MY Kinders en toekyk en bly stil? Musiek wat geskape is vir skoonheid en vir genesing vir die siel en vir lof en aanbidding tot MY, word nou deur die hel en satan gebruik om MY Kinders weg te lei van Heiligheid af en plaas instede daarvan die geeste van onheiligheid in hulle. Luister julle na julle kinders se musiek? Dink julle regtig dit is onskadelik? Hulle word gedemoniseer deur musiek. Julle het nie julle kinders beskerm nie; geweld en opstandigheid word daagliks in julle kinders gehamer.

Gee julle aandag aan die speletjies? Dit is uitvindsels uit die Hel. Gee julle aandag aan die televisieprogramme waarna hulle kyk? Die gruwelflieks waaraan hulle aandag gee wat net hulle harte verhard teenoor moord en geweld. Totdat satan hulle uiteindelik 'n regte moord op die nuus laat sien en dan sê hulle, 'wat daarvan, dis nie so erg nie'. Rebellie teen die ouers en die wette in Amerika sê dit is verkeerd om jou kind 'n loesing te gee.

satan is besig om dit nou aan te hits deur kindersmishandeling wat in die minderheid is te vat en te sê, "Pasop, dit sal kindersmishandelaars vorm as julle jul kinders pakgee." Lees MY Woord wat nie kan lieg nie. Julle kinders is nie in rebellie as gevolg van dissipline nie, maar as gevolg van gebrek aan dissipline. EK het die agterstewes nie net geskape om op te sit nie, maar ook om pak te gee. Die regering probeer om julle kinders op te voed. Hulle doen dit alreeds en julle besef nie wat aan die gebeur is nie. Selfs die skole leer hulle om hul reëls te gehoorsaam, nie YAHUVEH se reëls nie. Respekteer die regering en die wette van hierdie land, anders sal julle gestraf word, word algemeen in Amerika verkondig. Maar met dieselfde stem word gesê, "Rebelleer teen Heiligheid". Jong meisies het regte om aborsies te ondergaan sonder die ouer se wete. Die state het julle regte weggeneem. 

Kondome word aan kinders gegee en daar word aan hulle gesê, gaan voort, 'julle kan maar seks hê sonder nagevolge, ons sal nie vir julle ouers vertel nie'. Wette word uitgevaardig wat rebellie aanmoedig teen wat EK geleer het. Selfs julle president bespot MY Tien Gebooie. Maar gee die mense om? Hulle gee slegs om hoe dit hulle affekteer. MY pastore is bang om te praat want hulle kan nie bekostig om hulle belastingstatus te verloor nie. EK sal julle wys wie om te vrees, want julle sal julle belastingstatus verloor.

Julle kyk neer op pastore wat EK geroep het, soos hierdie een aan wie EK nou hierdie profesie gee. Julle bespot haar, want sy gebruik haar eie geld saam met ander wat liefdesoffers of tiendes gee, maar het nooit self 'n salaris geneem nie. Maar sy sal 'n salaris hê, en MY ander predikers wie die bedienings uit hul eie sakke ondersteun, wat nooit neem nie, maar slegs aan ander gee. Hulle sal die seëninge ontvang, want MY Woord sê, "Die rykdom van die bose word opgegaar vir die regverdiges."

EK sal hulle seën wie dit waag om in MY NAAM op te staan en die wolwe in skaapsklere bestraf. Alhoewel hulle vlees ineenkrimp, juig die RUACH ha KODESH, want hulle gehoorsaam MY en nie 'n mens nie. Julle pastore wie die luukse motors bestuur wat met die gemeente se geld gekoop is wat veronderstel was om MY Heilige tiendes te wees. Julle pastore wat in weelderige paleise, geskik vir 'n koning woon wat met MY tiendes gespandeer is. Julle pastore vir wie die regering op die rug klop, wie die waarheid verkoop het vir leuens. Sien julle nie dat julle omgekoop is om stil te bly nie anders sal julle jul belastingvrystellingstatus verloor nie?

Julle sál julle belastingvrystellingstatus verloor en die finansiële seëninge van bo sal inderdaad ook tot 'n einde kom. Julle is gewaarsku. Diegene vir wie julle nou bespot sal sien hoe julle voor die wêreld verneder word as julle nie vandag berou toon nie. Gee terug vir MY die tiendes en offergawes wat gesteel is en wat julle opgegaar het vir beter dae. Wanneer julle dit hoor, sal julle MY beskuldigings herken en weet vir wie hierdie woord is. Julle staan voor MY en die wysers van die horlosie staan op een minuut voor middernag. Julle maak MY siek omdat Heiligheid op julle televisieprogramme bespot word. Julle kinders word geleer dat homoseksualiteit net 'n ander lewenswyse is. Clinton gaan dit wetttig verklaar dat daar nie teen homoseksualiste gediskrimineer mag word nie, of dit 'n pastoor of 'n onderwyser is.

Wees gereed, die aanval van demoniese geïnspireerde wette is aan die kom. Maar hulle wie MYNE is, julle sal weet wat om te sê en julle sal dit hierdie keer doen. Die President en leiers van hierdie land is besig om MY verterende gramskap te ervaar omdat hulle hierdie nasie mislei. Moenie mislei word nie, EK is 'n jaloerse GOD. Wraak kom MY toe, sê YAHUVEH. BEROU, dit is een minuut voor middernag. Dan sal dit weer wees soos wat dit in die ou tyd was, Eksodus 11:4. Soos EK MY SEUN gestuur het om julle te red, soos wat EK Moses gestuur het om vir Farao te waarsku, so stuur EK nou hierdie Profeet vooruit om julle te waarsku, om die Bruid te bemoedig. Dit is een minuut voor middernag. Wat gaan julle doen? EK het vooruit gespreek deur hierdie Diensmaagd, Profeet Sherrie Elijah [Elisheva Eliyahu], om julle te waarsku.

EK spreek hierdie waarskuwing vooruit aan diegene wie beweer dat hulle leiers van hierdie land is. LAAT MY MENSE GAAN sodat hulle Heilig voor MY kan lewe. Laat hulle MY aanbid en alles waarvoor EK staan. Los MY Kinders alleen. Hou op om hulle te vervolg. Die vloeke van Deuteronómium is vir die ongehoorsames gereserveer. Eksodus 11:4 sal weereens julle vonnis wees. Draai weereens terug na die GOD van julle voorvaders. Draai terug, leiers van hierdie nasie en word RUACH ha KODESH (Heilige Gees) gevulde leiers van hierdie nasie. Bestraf die sonde en straf onheiligheid anders sal die lot van Farao julle lot wees. LAAT MY MENSE GAAN, so spreek YAHUVEH.

EK gaan weereens bewys dat EK nie 'n GOD is wat bespot of geïgnoreer kan word nie. Amerika wees gereed, wêreld wees gereed en vyande van die Evangelie van YAHUSHUA ha MASHIACH wees gereed. Hulle wie nie MYNE is nie, sal 'n skeiding sien tussen hulle wie MY aanbid en hulle wie MY en alles wat Heilig is, haat. Julle sal sien hoe EK die heidene gaan straf en met julle oë sien op watter manier EK die Heiliges beskerm en die onheiliges straf en almal wat sonde vryspreek. Al julle rykdomme sal nie in staat wees om te stop wat Almagtige GOD YAHUVEH gaan doen nie.

Onthou julle die plaag van die rotte wat op die Withuis toegesak het? Omdat EK MY Profete gestuur het en julle wou nie luister nie. EK het MY Profesieë gestuur en julle het dit verbrand. SPOTTEND! Dit sal selfs erger wees as voorheen. Toon berou voordat dit te laat is. Dit is een minuut voor middernag. Daar is nog tyd voordat EK MY Kinders huis toe neem saam met MY en hierdie nasie sal op hul tande kners weens pyn want hulle het dit durf waag om die groot GOD YAHUVEH en YAHUSHUA te bespot. Teen Middernag sal MY toorn val. Julle weet nie watter middernag EK vir YAHUSHUA, MY Geliefde SEUN, stuur nie. Wees gereed Bruid, julle seëninge is aan die kom.

Gespreek onder die Salwing van die RUACH HA KODESH

Deur Apostel Profeet Elisheva Eliyahu 05/02/1998

Shabbat Shalom van AMIGHTYWIND!

Reddings Gebed