Eksodus 30:11 – 34:35

 *~ Eksodus Hoofstuk 30~*

11 Verder het YAHUVEH met Moses gespreek en gesê:

 
12 As jy die volle getal van die kinders van Israel opneem volgens hulle geteldes, moet hulle, elkeen vir sy lewe, losgeld aan YAHUVEH gee as hulle getel word, sodat geen plaag onder hulle mag wees as hulle getel word nie. 

13 Dit moet hulle gee, elkeen wat na die geteldes oorgaan: ‘n halfsikkel volgens die sikkel van die heiligdom—die sikkel is twintig gera—’n halfsikkel as offergawe aan YAHUVEH. 

14 Elkeen wat oorgaan na die geteldes, van twintig jaar oud en daarbo, moet die offergawe van YAHUVEH gee. 

15 Die ryke moet nie meer en die arme moet nie minder as ‘n halfsikkel bring nie, as hulle die offergawe van YAHUVEH gee om vir julle siele versoening te doen. 

16 Neem dan die versoeningsgeld van die kinders van Israel en bestee dit aan die bediening van die Tent van Samekoms, dat dit die kinders van Israel in gedagtenis kan bring voor die aangesig van YAHUVEH, om vir julle siele versoening te doen. 

17 En YAHUVEH het met Moses gespreek en gesê: 

18 Jy moet ook ‘n koperwaskom maak met sy kopervoetstuk, om in te was; en sit dit tussen die tent van samekoms en die altaar, en gooi water daarin, 

19 dat Aäron en sy seuns hulle hande en hulle voete daaruit kan was.

 
20 As hulle in die tent van samekoms gaan, moet hulle hul met water was, sodat hulle nie sterwe nie; of as hulle naby die altaar kom om te dien deur ‘n vuuroffer aan YAHUVEH aan die brand te steek. 

21 Hulle moet dan hul hande en hulle voete was, sodat hulle nie sterwe nie. En dit moet vir hulle ‘n ewige insetting wees, vir hom en sy nageslag in hulle geslagte. 

22 Verder het YAHUVEH met Moses gespreek en gesê: 

23 En jy, neem vir jou van die beste speserye: vyf honderd sikkels fyn mirre en die helfte soveel geurige kaneel, twee honderd en vyftig sikkels, en twee honderd en vyftig sikkels geurige kalmoes 

24 en vyf honderd sikkels kassie, volgens die sikkel van die heiligdom, en ‘n hin olyfolie; 

25 en maak daarvan heilige salfolie, ‘n salfmengsel soos ‘n salfmenger dit maak; heilige salfolie moet dit wees. 

26 Daarmee moet jy dan die Tent van Samekoms salf en die Ark van die Getuienis 

27 en die tafel met al sy gereedskap en die kandelaar met sy gereedskap en die reukaltaar 

28 en die brandofferaltaar met al sy gereedskap en die waskom met sy voetstuk. 

29 So moet jy hulle dan heilig, dat hulle hoogheilig kan wees. Elkeen wat aan hulle raak, word heilig. 

30 Jy moet ook Aäron en sy seuns salf en hulle heilig om vir MY die priesteramp te bedien. 

31 En jy moet met die kinders van Israel spreek en sê: Dit moet vir MY ‘n heilige salfolie wees in julle geslagte. 

32 Op geen mens se liggaam mag dit uitgegiet word nie; julle mag ook, na dieselfde voorskrif, so iets nie maak nie: heilig is dit; heilig moet dit vir julle wees. 

33 Elkeen wat so iets meng of iets daarvan aan ‘n onbevoegde laat kom, moet uit sy volksgenote uitgeroei word. 

34 Verder het YAHUVEH vir Moses gesê: Neem vir jou speserye: storaksgom en naeltjies en gálbanum—speserye en ook suiwer wierook; alles in gelyke hoeveelhede, 

35 en maak daar reukwerk van, ‘n mengsel soos die salfmenger dit maak, met sout gemeng, suiwer, heilig. 

36 En vrywe ‘n gedeelte daarvan heeltemal fyn, en sit ‘n deel daarvan neer voor die Getuienis in die Tent van Samekoms, waar EK met jou sal saamkom; hoogheilig moet dit vir julle wees. 

37 En die reukwerk wat jy moet maak—na dieselfde voorskrif mag julle vir julle nie maak nie; as iets heiligs aan YAHUVEH moet dit vir jou wees. 

38 Elkeen wat so iets maak om daaraan te ruik, moet uit sy volksgenote uitgeroei word.

 *~ Eksodus Hoofstuk 31~*

1 Verder het YAHUVEH met Moses gespreek en gesê: 

2 Kyk, EK het Besáleël die seun van Uri, die seun van Hur, van die stam van Juda, by sy naam geroep; 

3 en EK het hom vervul met die Gees van ELOHIM, met wysheid en verstand en kennis en bekwaamheid vir allerhande werk, 

4 om kunstige planne uit te dink, om dit uit te voer in goud en silwer en koper, 

5 en deur snywerk in stene wat ingelê moet word, en deur houtsnywerk; om werksaam te wees in allerhande werk. 

6 En kyk, EK het hom Ohóliab bygegee, die seun van Ahísamag, van die stam van Dan. En in die hart van elkeen wat kunsvaardig is, het EK wysheid gegee, dat hulle alles wat EK jou beveel het, kan maak: 

7 die Tent van Samekoms en die Ark van die Getuienis en die versoendeksel wat daarop moet wees, en alles wat behoort by die tent, 

8 en die tafel met sy gereedskap en die suiwer kandelaar met al sy gereedskap en die reukaltaar; 

9 ook die brandofferaltaar met al sy gereedskap en die waskom met sy voetstuk 

10 en die kunstige klere en die heilige klere van die priester Aäron en die klere van sy seuns, om die priesteramp te bedien; 

11 ook die salfolie en die reukwerk van speserye vir die heiligdom—net soos EK jou beveel het, moet hulle dit maak. 

12 Verder het YAHUVEH met Moses gespreek en gesê: 

13 Spreek jy met die kinders van Israel en sê: Julle moet sekerlik MY Sabbatte onderhou, want dit is ‘n teken tussen MY en julle in julle geslagte, sodat die mense kan weet dat EK YAHUVEH is wat julle heilig. 

14 Onderhou dan die Sabbat, want dit moet vir julle heilig wees. Hy wat dit ontheilig, moet sekerlik gedood word; want elkeen wat daarop werk verrig, dié siel moet uitgeroei word onder sy volksgenote uit.

 
15 Ses dae lank kan werk verrig word, maar op die sewende dag moet dit wees ‘n dag van volkome rus, heilig aan YAHUVEH. Elkeen wat op die Sabbatdag werk doen, moet sekerlik gedood word. 

16 En die kinders van Israel moet die Sabbat onderhou deur die Sabbat te vier in hulle geslagte as ‘n ewige verbond. 

17 Tussen MY en die kinders van Israel is dit vir ewig ‘n teken; want in ses dae het YAHUVEH die hemel en die aarde gemaak, maar op die sewende dag het HY gerus en HOM verkwik. 

18 En HY het aan Moses, toe HY geëindig het om met hom te spreek op die berg Sinai, die twee tafels van die Getuienis gegee, tafels van klip, beskrywe met die vinger van ELOHIM.

 *~ Eksodus Hoofstuk 32~*

1 Toe die volk sien dat Moses vertoef om van die berg af te kom, het die volk rondom Aäron versamel en vir hom gesê: Kom, maak vir ons gode wat voor ons uit trek; want hierdie Moses, die man wat ons uit Egipteland laat optrek het, ons weet nie wat van hom geword het nie. 

2 En Aäron sê vir hulle: Ruk die goue ringe af wat aan die ore van julle vroue, julle seuns en julle dogters is, en bring dit vir my. 

3 Toe het die hele volk die goue ringe afgeruk wat aan hulle ore was, en dit na Aäron gebring. 

4 En hy het dit uit hulle hand geneem en dit met die beitel bewerk en daar ‘n gegote kalf van gemaak. Daarop sê hulle: Dit is jou gode, o Israel, wat jou uit Egipteland laat optrek het. 

5 Toe Aäron dit sien, het hy daarvoor ‘n altaar gebou. En Aäron het uitgeroep en gesê: Môre is daar fees tot eer van YAHUVEH. 

6 En hulle het die ander dag vroeg klaargemaak en brandoffers geoffer en dankoffers aangebring; daarop het die volk gaan sit om te eet en te drink, en hulle het opgestaan om te speel. 

7 Toe sê YAHUVEH vir Moses: Gaan heen, klim af, want jou volk wat jy uit Egipteland laat optrek het, het verderflik gehandel. 

8 En hulle het gou van die weg afgewyk wat EK hulle beveel het. Hulle het vir hulle ‘n gegote kalf gemaak en daarvoor neergebuig en daaraan geoffer en gesê: Dit is jou gode, o Israel, wat jou uit Egipteland laat optrek het. 

9 Verder het YAHUVEH vir Moses gesê: EK het hierdie volk gesien, en kyk, dit is ‘n hardnekkige volk. 

10 Laat MY dan nou begaan, dat MY toorn teen hulle ontvlam en EK hulle verteer. Dan sal EK jou tot ‘n groot nasie maak. 

11 Maar Moses het YAHUVEH sy ELOHIM om genade gesmeek en gesê: Waarom, o YAHUVEH, sou U toorn ontvlam teen U volk wat U met grote krag en met ‘n sterke hand uit Egipteland uitgelei het? 

12 Waarom sou die Egiptenaars spreek en sê: In kwaadwilligheid het HY hulle uitgelei om hulle in die berge om te bring en hulle van die aardbodem af te vernietig? Wend U af van die gloed van U toorn, en laat dit U berou oor die onheil van U volk. 

13 Gedenk aan Abraham, Isak en Israel, u knegte, vir wie U by Uself gesweer en aan wie U gesê het: EK sal julle nageslag vermenigvuldig soos die sterre van die hemel, en hierdie hele land waarvan EK gespreek het, sal EK aan julle nageslag gee, dat hulle dit vir ewig kan beërwe. 

14 Toe het dit YAHUVEH berou oor die onheil wat HY gesê het dat HY SY volk sou aandoen. 

15 En Moses het omgedraai en van die berg afgeklim, met die twee tafels van die Getuienis in sy hand, tafels wat op altwee kante beskrywe was; hulle was op die een en op die ander kant beskrywe. 

16 En die tafels was die werk van ELOHIM. Die skrif was ook die skrif van ELOHIM, in die tafels gegraveer. 

17 En toe Josua die stem van die volk hoor hoe hulle juig, sê hy aan Moses: Daar is oorlogsgeraas in die laer. 

18 Maar hy antwoord: Dit is nie die geluid van die wat sing van oorwinning nie; dit is ook nie die geluid van die wat sing van neerlaag nie: ek hoor die geluid van beurtgesang. 

19 En toe hy naby die laer kom en die kalf en koordanse sien, het die toorn van Moses ontvlam, en hy het die tafels uit sy hande gegooi en hulle onder aan die berg verbrysel. 

20 En hy het die kalf geneem wat hulle gemaak het, en dit in die vuur verbrand en dit fyn gemaal. Toe het hy dit op die water gestrooi en die kinders van Israel dit laat drink. 

21 En Moses het vir Aäron gesê: Wat het hierdie volk jou gedoen, dat jy so ‘n groot sonde oor hulle gebring het? 

22 Toe antwoord Aäron: Laat die toorn van my heer nie ontvlam nie. U self ken die volk, dat hulle deur en deur sleg is.

23 Hulle het dan aan my gesê: Maak vir ons gode wat voor ons uit trek, want hierdie Moses, die man wat ons uit Egipteland laat optrek het, ons weet nie wat van hom geword het nie. 

24 Daarop het ek hulle geantwoord: Wie goud het, laat dié dit afruk! En hulle het dit aan my gegee. En ek het dit in die vuur gegooi, en hierdie kalf het daaruit gekom. 

25 Toe Moses sien dat die volk bandeloos was—want Aäron het hulle bandeloos laat word tot leedvermaak onder hulle teëstanders— 

26 het Moses in die poort van die laer gaan staan en gesê: Wie vír YAHUVEH is, kom na my toe! Toe het al die seuns van Levi by hom versamel. 

27 En hy het vir hulle gesê: So spreek YAHUVEH, die ELOHIM van Israel: Laat elkeen sy swaard aangord aan sy heup. Gaan heen en weer van poort tot poort in die laer, en laat elkeen sy broer en elkeen sy vriend en elkeen sy naaste doodmaak. 

28 En die seuns van Levi het gehandel volgens die woord van Moses, en daar het van die volk op dié dag omtrent drie duisend man geval. 

29 Toe het Moses gesê: Vul vandag julle hand om te offer aan YAHUVEH—want elkeen is teen sy seun en teen sy broer—sodat HY vandag ‘n seën oor julle kan gee. 

30 En die volgende dag het Moses aan die volk gesê: Júlle het ‘n groot sonde begaan; maar nou sal ek na YAHUVEH opklim: miskien kan ek vir julle sonde versoening doen. 

31 En Moses het na YAHUVEH teruggegaan en gesê: Ag, hierdie volk het ‘n groot sonde begaan en vir hulle goue gode gemaak. 

32 Nou dan, as U tog maar hulle sonde wou vergewe! En so nie, delg my dan maar uit U boek wat U geskryf het! 

33 Toe het YAHUVEH Moses geantwoord: Wie teen MY gesondig het, dié sal EK uitdelg uit MY boek. 

34 Maar gaan nou en lei die volk waarheen EK jou gesê het. Kyk, MY Boodskapper sal voor jou uit gaan. Maar die dag as Ek besoeking doen, dan sal EK hulle sonde oor hulle besoek. 

35 So het YAHUVEH dan die volk getref, omdat hulle die kalf gemaak het wat Aäron vervaardig het.

 *~ Eksodus Hoofstuk 33~*

1 Verder het YAHUVEH met Moses gespreek: Gaan heen, trek hiervandaan op, jy en die volk wat jy uit Egipteland laat optrek het, na die land wat EK met ‘n eed aan Abraham, Isak en Jakob beloof het, met die woorde: Aan jou nageslag sal EK dit gee; 

2 en EK sal MY Boodskapper voor jou uit stuur—en die Kanaäniete, Amoriete, Hetiete, Feresiete, Hewiete en Jebusiete verdrywe— 

3 na ‘n land wat oorloop van melk en heuning; want EK sal in jou midde nie optrek nie, omdat jy ‘n hardnekkige volk is; anders sal jy op die weg verteer word. 

4 Toe die volk hierdie onheilspellende woord hoor, het hulle getreur; en niemand het sy versiersels aangesit nie. 

5 YAHUVEH het naamlik met Moses gespreek: Sê aan die kinders van Israel: Julle is ‘n hardnekkige volk; as EK vir een oomblik in jou midde sou optrek, sou EK jou vernietig. Maar haal nou jou versiersels van jou af, dan sal EK weet wat EK met jou moet doen. 

6 Toe het die kinders van Israel hulleself beroof van hul versiersels, van die berg Horeb af. 

7 En Moses het elke keer ‘n tent geneem en dit vir hom buitekant die laer opgeslaan, ver van die laer af; en hy het dit genoem die Tent van Samekoms. En elkeen wat YAHUVEH wou raadpleeg, het uitgegaan na die Tent van Samekoms wat buitekant die laer was. 

8 En as Moses uitgaan na die Tent, staan die hele volk op en gaan elkeen aan die ingang van sy tent staan. Dan kyk hulle Moses agterna tot hy in die Tent ingegaan het. 

9 En as Moses in die Tent ingaan, kom die wolkkolom af en gaan by die ingang van die Tent staan, en dan spreek HY met Moses. 

10 En as die hele volk die wolkkolom sien staan by die ingang van die Tent, staan die hele volk op en buig, elkeen aan die ingang van sy tent. 

11 Dan spreek YAHUVEH met Moses van aangesig tot aangesig soos ‘n man met sy vriend spreek. Daarna gaan hy na die laer terug; maar sy dienaar Josua, ‘n jongman, die seun van Nun, het hom nie uit die Tent verwyder nie. 

12 Toe het Moses met YAHUVEH gespreek: U sê nou wel aan my: Ek moet hierdie volk laat optrek, maar U laat my nie weet wie U saam met my sal stuur nie, hoewel U gesê het: EK ken jou by die naam, en jy het ook genade in MY oë gevind. 

13 As ek dan nou genade in U oë gevind het, maak my dan tog U weë bekend, dat ek U kan ken; sodat ek genade in U oë kan vind. En bedink tog dat hierdie nasie U volk is. 

14 En HY antwoord: Moet EK Self meegaan om jou die rusplek te verskaf? 

15 Toe sê hy vir HOM: As U nie Self meegaan nie, laat ons dan nie hiervandaan optrek nie. 

16 Want waaraan sou dan bekend word dat ek genade in U oë gevind het, ek en U volk? Is dit nie daaraan dat U met ons saamtrek nie? So sal ons, ek en U volk, onderskeie wees van elke volk wat op die aarde is. 

17 Toe sê YAHUVEH aan Moses: Ook hierdie versoek wat jy uitgespreek het, daaraan sal EK voldoen; want jy het genade gevind in MY oë, en EK ken jou by die naam. 

18 Daarop vra hy: Laat my tog U heerlikheid sien. 

19 Maar HY antwoord: EK sal al MY Majesteit by jou laat verbygaan en voor jou die Naam van YAHUVEH uitroep; maar EK sal genadig wees vir wie EK genadig wil wees, en MY ontferm oor wie EK MY wil ontferm. 

20 Verder het HY gesê: Jy kan MY aangesig nie sien nie, want geen mens kan MY sien en bly lewe nie. 

21 Ook het YAHUVEH gesê: Kyk, hier is ‘n plek by MY waar jy op die rots kan gaan staan. 

22 En as MY Heerlikheid verbygaan, sal EK jou in die skeur van die rots stel en jou met MY Hand oordek totdat EK verbygegaan het. 

23 En as EK MY Hand wegneem, sal jy MY van agter sien; maar MY aangesig kan nie gesien word nie.

 *~ Eksodus Hoofstuk 34~*

1 Toe het YAHUVEH aan Moses gesê: Kap vir jou twee kliptafels soos die eerstes; dan sal EK op die tafels die woorde skrywe wat op die eerste tafels was, wat jy verbrysel het. 

2 En hou jou gereed teen die môre, en klim in die môre op die berg Sinai en gaan daar staan by MY op die top van die berg. 

3 Maar niemand mag saam met jou opklim nie; laat daar ook niemand op die hele berg gesien word nie; laat ook geen kleinvee of beeste teen hierdie berg wei nie. 

4 Toe het hy twee kliptafels gekap soos die eerstes, en Moses het die môre vroeg klaargemaak en op die berg Sinai geklim, soos YAHUVEH hom beveel het, en die twee kliptafels in sy hand geneem. 

5 En YAHUVEH het neergedaal in die wolk en daar by hom gestaan. En HY het die Naam van YAHUVEH uitgeroep. 

6 En toe YAHUVEH by hom verbygaan, het HY geroep: YAHUVEH, YAHUVEH, barmhartige en genadige EL, lankmoedig en groot van goedertierenheid en trou; 

7 wat die goedertierenheid bewaar vir duisende, wat ongeregtigheid en oortreding en sonde vergewe, maar nooit ongestraf laat bly nie; wat die ongeregtigheid van die vaders besoek aan die kinders en aan die kindskinders, aan die derde en aan die vierde geslag. 

8 Toe het Moses hom gou na die aarde toe gebuig en neergeval 

9 en gesê: YAHUVEH, as ek genade in U oë gevind het, laat dan tog YAHUVEH in ons midde trek; want dit is ‘n hardnekkige volk; maar vergewe ons ongeregtigheid en ons sonde, en neem ons aan as ‘n erfdeel. 

10 Toe antwoord HY: Kyk, EK sluit ‘n verbond; voor jou hele volk sal EK wonders doen soos daar op die hele aarde en onder al die nasies nie geskape is nie, sodat die hele volk onder wie jy is, die werk van YAHUVEH kan sien. Want verskriklik is dit wat EK aan jou gaan doen. 

11 Onderhou wat EK jou vandag beveel. Kyk, EK verdrywe voor jou uit die Amoriete, Kanaäniete, Hetiete, Feresiete, Hewiete en Jebusiete. 

12 Neem jou in ag dat jy geen verbond sluit met die inwoner van die land waarin jy kom nie; sodat hy nie miskien ‘n strik by jou word nie. 

13 Maar hulle altare moet julle omgooi en hulle klippilare verbrysel en hulle heilige boomstamme afkap. 

14 Want jy mag jou nie neerbuig voor ‘n ander god nie; want YAHUVEH se Naam is Jaloers—’n jaloerse EL is HY. 

15 Sluit tog nie ‘n verbond met die inwoner van die land nie! As hulle agter hulle gode aan hoereer en aan hulle gode offer, sal hy jou uitnooi, en jy sal van sy offer eet; 

16 en jy sal van sy dogters neem vir jou seuns, en sy dogters sal agter hulle gode aan hoereer en jou seuns agter hulle gode aan laat hoereer. 

17 Jy mag vir jou geen gegote gode maak nie. 

18 Die fees van die ongesuurde brode moet jy hou; sewe dae lank moet jy ongesuurde brode eet soos EK jou beveel het, op die bepaalde tyd in die maand Abib; want in die maand Abib het jy uit Egipte uitgetrek. 

19 Alles wat die moederskoot open, is MYNE; ook al jou vee wat manlik is, die eerstelinge van beeste en kleinvee. 

20 Maar die eersteling van ‘n esel moet jy met ‘n lam loskoop; en as jy dit nie loskoop nie, moet jy sy nek breek. Al jou eersgebore seuns moet jy loskoop, en niemand mag met leë hande voor MY aangesig verskyn nie. 

21 Ses dae moet jy arbei, maar op die sewende dag moet jy rus. In die ploegtyd en in die oestyd moet jy rus. 

22 Die fees van die weke moet jy ook hou, die fees van die eerstelinge van die koring-oes; en die fees van die insameling by die wisseling van die jaar. 

23 Al jou manspersone moet drie maal in die jaar voor die aangesig van die MEESTER YAHUVEH, die ELOHIM van Israel, verskyn. 

24 Want EK sal nasies voor jou uitdrywe en jou grondgebied uitbrei, sodat niemand jou land sal begeer nie terwyl jy opgaan om te verskyn voor die aangesig van YAHUVEH jou ELOHIM, drie maal in die jaar. 

25 Jy mag die bloed van MY offer nie saam met gesuurde brood slag nie, en die offer van die paasfees mag nie tot die môre toe oorbly nie. 

26 Die beste van die eerstelinge van jou grond moet jy in die huis van YAHUVEH jou ELOHIM bring. Jy mag die bokkie nie kook in sy moeder se melk nie. 

27 Verder het YAHUVEH vir Moses gesê: Skrywe vir jou hierdie woorde op, want volgens hierdie woorde het EK ‘n verbond gesluit met jou en met Israel. 

28 En hy was daar by YAHUVEH veertig dae en veertig nagte; hy het geen brood geëet en geen water gedrink nie. En HY het op die tafels die woorde van die verbond, die Tien Woorde, geskrywe. 

29 En toe Moses van die berg Sinai afdaal—die twee tafels van die Getuienis was in die hand van Moses toe hy van die berg afdaal het Moses nie geweet dat die vel van sy gesig blink omdat hy met HOM gespreek het nie. 

30 En toe Aäron en al die kinders van Israel Moses sien, het die vel van sy gesig geblink! Daarom was hulle bevrees om naby hom te kom. 

31 Maar Moses het hulle geroep, en Aäron en al die owerstes in die vergadering het na hom teruggekom; en Moses het met hulle gespreek. 

32 En daarna het al die kinders van Israel nader gekom, en hy het hulle alles beveel wat YAHUVEH met hom gespreek het op die berg Sinai. 

33 Toe Moses klaar met hulle gespreek het, het hy ‘n sluier oor sy gesig getrek. 

34 Maar as Moses voor die aangesig van YAHUVEH kom om met HOM te spreek, neem hy die sluier weg, totdat hy uitgaan. As hy dan uitgaan en aan die kinders van Israel meedeel wat hom beveel is, 

35 sien die kinders van Israel die gesig van Moses, dat die vel van Moses se gesig blink; daarop trek Moses dan weer die sluier oor sy gesig, totdat hy ingaan om met HOM te spreek.

1 Konings 18:1 – 39

*~1 Konings Hoofstuk 18~*

1 En geruime tyd daarna het die Woord van YAHUVEH in die derde jaar tot Elía gekom en gesê: Gaan heen, vertoon jou aan Agab, dan wil EK reën gee op die aarde. 

2 En Elía het gegaan om hom aan Agab te vertoon. En die hongersnood was swaar in Samaría. 

3 Toe laat Agab Obádja, wat oor die paleis was, roep. En Obádja het YAHUVEH baie gevrees. 

4 Want toe Isébel die profete van YAHUVEH uitgeroei het, het Obádja honderd profete geneem en hulle vyftig by vyftig man in ‘n spelonk weggesteek en hulle met brood en water onderhou. 

5 En Agab het vir Obádja gesê: Trek deur die land na al die waterfonteine en na al die spruite; miskien sal ons gras kry, sodat ons die perde en muile in die lewe kan hou en van die vee nie hoef uit te roei nie. 

6 En hulle het die land onder mekaar verdeel om dit deur te trek: Agab het afsonderlik met een pad getrek, en Obádja het afsonderlik met ‘n ander pad getrek. 

7 Terwyl Obádja op pad was, kom Elía hom meteens tegemoet; en toe hy hom herken, val hy op sy aangesig en vra: Is dit u, my heer Elía? 

8 En hy sê: Dit is ek; gaan sê aan jou heer: Elía is daar. 

9 Maar hy vra: Wat het ek gesondig, dat u u dienaar oorgee in die hand van Agab om my om die lewe te bring? 

10 So waar as YAHUVEH u ELOHIM leef, daar is geen nasie of koninkryk waar my heer nie heen gestuur het om u te soek nie; en as hulle sê: Hy is nie hier nie—dan laat hy die koninkryk en die nasie sweer dat hulle u nie kon vind nie.

 
11 En nou beveel u: Gaan sê aan jou heer: Elía is daar! 

12 As ek nou van u af weggaan en die Gees van YAHUVEH u wegneem—ek weet nie waarheen nie—en ek kom om Agab berig te bring en hy vind u nie, dan sal hy my doodmaak; en u dienaar vrees YAHUVEH van sy jeug af. 

13 Is dit nie aan my heer meegedeel wat ek gedoen het toe Isébel die profete van YAHUVEH gedood het nie: dat ek van die profete van YAHUVEH honderd man, vyftig by vyftig, in ‘n spelonk weggesteek en hulle met brood en water onderhou het? 

14 En nou beveel u: Gaan sê aan jou heer: Elía is daar! dat hy my kan doodmaak! 

15 Maar Elía sê: So waar as YAHUVEH van die Leërskare leef, voor Wie se aangesig ek staan, ek sal my verseker vandag aan hom vertoon! 

16 En Obádja het Agab tegemoetgegaan en hom dit meegedeel; en Agab het Elía tegemoetgegaan. 

17 En net toe Agab Elía sien, vra Agab vir hom: Is dit jy, jou beroerder van Israel? 

18 Toe sê hy: Ek het Israel nie in beroering gebring nie, maar u en u familie, deurdat u die gebooie van YAHUVEH verlaat het en agter die Baäls aan geloop het. 

19 Stuur dan nou, laat die hele Israel by my bymekaarkom op die berg Karmel, ook die vier honderd en vyftig profete van Baäl en die vier honderd profete van Asjéra wat aan die tafel van Isébel eet. 

20 En Agab het gestuur onder al die kinders van Israel en die profete op die berg Karmel bymekaar laat kom. 

21 En Elía het nader gekom na die hele volk en gesê: Hoe lank hink julle op twee gedagtes? As YAHUVEH ELOHIM is, volg HOM na; en as Baäl dit is, volg hom na! Maar die volk het hom niks geantwoord nie. 

22 Toe sê Elía vir die volk: Ek het alleen oorgebly as profeet van YAHUVEH, terwyl die profete van Baäl vier honderd en vyftig is. 

23 Maar laat hulle vir ons twee bulle gee; dan kan hulle vir hul een bul uitkies en dit in stukke verdeel en op die hout sit, maar sonder om vuur te maak; en ék sal die ander bul gereedmaak en op die hout sit, maar ek sal geen vuur maak nie. 

24 Roep julle dan die naam van julle god aan, en ék sal die Naam van YAHUVEH aanroep; en die ELOHIM wat met vuur antwoord, HY sal ELOHIM wees. En die hele volk het geantwoord en gesê: Die woord is goed. 

25 Verder het Elía aan die profete van Baäl gesê: Kies vir julle een bul uit en maak dit eerste gereed, want julle is die meeste; en roep die naam van julle god aan, maar julle mag geen vuur maak nie. 

26 En hulle het die bul wat hy hulle gegee het, geneem en dit gereedgemaak en die naam van Baäl van die môre tot die middag aangeroep en gesê: o Baäl, gee ons antwoord! Maar daar was geen stem en niemand wat antwoord nie. En hulle het rondgespring by die altaar wat hulle gemaak het. 

27 En toe dit middag was, het Elía met hulle gespot en gesê: Roep hard; hy is mos ‘n god! Hy is seker in gepeins, of hy het hom seker afgesonder, of hy is seker op reis; miskien slaap hy en moet wakker word. 

28 En hulle het hard geroep en hulleself volgens hul gebruik met swaarde en spiese stukkend gekerwe tot die bloed op hulle uitgespuit het. 

29 En toe die middag verby was, het hulle begin raas tot op die tyd dat die spysoffer gebring word; maar daar was geen stem en niemand wat antwoord nie, en geen opmerksaamheid nie. 

30 Toe sê Elía vir die hele volk: Kom nader na my. En die hele volk het nader gekom na hom; en hy het die altaar van YAHUVEH herstel wat afgebreek was. 

31 Daarop neem Elía twaalf klippe volgens die getal van die stamme van Jakob se kinders tot wie die Woord van YAHUVEH gekom het om te sê: Israel sal jou naam wees— 

32 en hy bou met die klippe ‘n altaar in die Naam van YAHUVEH. Daarna het hy ‘n sloot gemaak rondom die altaar, ‘n ruimte vir omtrent twee mate saad,

 
33 en die hout gerangskik en die bul in stukke verdeel en bo-op die hout gelê.

 
34 Toe sê hy: Maak vier kruike vol water en giet dit op die brandoffer en op die hout. En hy sê: Doen dit vir die tweede maal. En hulle het dit vir die tweede maal gedoen. En hy sê: Doen dit vir die derde maal. En hulle het dit vir die derde maal gedoen, 

35 sodat die water rondom die altaar geloop het; en ook die sloot het hy vol water gemaak. 

36 En op die tyd dat hulle die spysoffer bring, het die profeet Elía nader gekom en gesê: YAHUVEH, ELOHIM van Abraham, Isak en Israel, laat dit vandag bekend word dat U ELOHIM in Israel is, en ek U kneg, en dat ek al hierdie dinge op U Woord gedoen het. 

37 Antwoord my, YAHUVEH, antwoord my, sodat hierdie volk kan erken dat U, YAHUVEH, ELOHIM is, en dat U hulle hart tot U laat terugkeer. 

38 Daarop het die vuur van YAHUVEH neergeval en die brandoffer en die hout en die klippe en die stof verteer, ja, die water wat in die sloot was, opgelek. 

39 En toe die hele volk dit sien, het hulle op hul aangesig geval en gesê: YAHUVEH, HY is ELOHIM, YAHUVEH, HY is ELOHIM! 

Matteus 17:1 – 13

*~Matteus Hoofstuk 17~*

1 En ná ses dae het YAHUSHUA vir Petrus en Jakobus en Johannes, sy broer, saamgeneem en hulle op ‘n hoë berg in die eensaamheid gebring. 

2 En HY het voor hulle van gedaante verander, en SY aangesig het geblink soos die son, en SY klere het wit geword soos die lig. 

3 En kyk, daar verskyn aan hulle Moses en Elía in gesprek met HOM. 

4 Toe begin Petrus vir YAHUSHUA te sê: Meester, dit is goed dat ons hier is; as U wil, laat ons hier drie hutte maak: vir U een en vir Moses een en een vir Elía. 

5 Terwyl hy nog spreek, oordek ‘n helderligte wolk hulle meteens en daar sê ‘n stem uit die wolk: Dit is MY Geliefde SEUN in wie EK ‘n welbehae het. Luister na HOM! 

6 En toe die dissipels dit hoor, het hulle op hul aangesig geval en was baie bevrees. 

7 En YAHUSHUA het nader gekom en hulle aangeraak en gesê: Staan op en moenie vrees nie. 

8 Toe slaan hulle hul oë op en sien niemand meer nie, behalwe YAHUSHUA alleen. 

9 En onderwyl hulle van die berg afklim, het YAHUSHUA hulle bevel gegee en gesê: Julle moet vir niemand iets van die gesig sê voordat die SEUN van YAHUVEH uit die dode opgestaan het nie. 

10 En SY dissipels vra HOM en sê: Waarom sê die skrifgeleerdes dan dat Elía eers moet kom? 

11 En YAHUSHUA antwoord en sê vir hulle: Dis waar, Elía kom eers en sal alles herstel; 

12 maar EK sê vir julle dat Elía al gekom het, en hulle het hom nie erken nie, maar aan hom alles gedoen wat hulle wou. So sal die SEUN van YAHUVEH ook deur hulle ly. 

13 Toe verstaan die dissipels dat HY met hulle van Johannes die Doper gespreek het. 

AmightyWind Profesieë

Van Profesie 105 af, het YAHUVEH gesê hierdie moet van nou af op al die Profesieë geplaas word: Elisabeth (Elisheva) EK het jou lank gelede gewaarsku om nie hierdie Bediening na ‘n man of ‘n vrou te vernoem nie, selfs nog voordat daar ‘n Bediening was. EK het dit in jou gees geplaas want niks hiervan was deur jou eie toedoen nie, niks hiervan het uit jou mond voortgekom nie. Dit is uit die Mond van YAHUVEH geboorte gegee. Dit is uit die Mond van YAHUSHUA jou MASHIACH geboorte gegee. Dit is uit die Mond van die RUACH ha KODESH jou IMMAYAH geboorte gegee. As dit net deur jou hand was sou dit lankal misluk het. Dit is deur die SHKHINYAH GLORIE se Wind wat oor hierdie aarde waai, die Heilige Wind van Herlewing, dit is nie deur jou asem nie, anders sou dit misluk het.

“EK is YAHVEH, dit is MY NAAM; en MY EER sal EK aan geen ander gee, of ook MY LOF aan die gesnede beelde nie”. (Jesaja 42:8)

22 Februarie 2019

Torah Gedeelte: Rustende en Verfrissende Op Die Sabbat Dag

PROFESIE 26 HOOR MY, VREES MY, GLO MY! 

MY Geliefdes, hoor MY Woorde en instruksies vir die komende dae van 1999 en verder. EK hoor MY Kinders se uitroep. EK is nie doof nie, ook nie blind nie, MY hand is nie te kort om julle te bevry van die komende beproewinge nie. Wandel net in geloof en nie deur aanskouing nie. Julle natuurlike ore en oë sal julle in die steek laat of julle mislei. Moenie na die doemvoorspellings luister wat sê dat EK MY Babas, Bruid en Uitverkorenes sal verlaat nie. Staan op MY Woord, glo dit en sê in julle harte: "YAHUVEH het dit gesê, EK GLO DIT EN DIT IS DIT!"

In 1999 sal die woorde "Vrees vir Vlieg" 'n nuwe betekenis aanneem. MY Babas en Bruid sal nie vrees nie. Gerugte van oorlog sal nie langer net gerugte wees nie en dit sal meer as een land op 'n slag wees. EK sien en hoor MY Babas, MY Kinders, EK voel julle pyn terwyl julle luister en vreesbevange in alle rigtings hardloop, of julle is oorweldig en verlam, asof in skok en julle geloof dreineer daagliks oor die wêreld se nuusberigte. Baie van MY Kleintjies is paniekerig want hulle sê "ek kan nie YAHUVEH se stem hoor nie." Hulle ween en kerm in angs en bid, "Asseblief YAHUVEH, sê my waarheen om te gaan en wat om te doen."

MY Kinders, hoor MY, julle het nie gehoor wat om te doen of waarheen om te gaan nie, want dit is nog nie tyd nie. Vertoef nog 'n rukkie langer, EK sal op verskillende maniere in julle gees spreek en bevestig. EK het nie MY Geliefdes, Babas, Bruid en Uitverkorenes verlaat nie. EK sal ook nie. Julle name is in MY Handpalms gegraveer.

Baie van MY Kinders probeer uitwerk wat MY volgende stap sal wees. Het julle nog nie besef dat MY weë hoër is as hoe julle dinge doen nie? Dit is hoekom EK die groot GOD 'EK IS' is en EK maak geen verskoning aan enigiemand vir enigiets wat EK doen nie. Dit sal goed wees as julle in 1999 sal leer, soos julle lankal moes gedoen het, om nie op julle eie begrip staat te maak nie, maar om MY in al julle weë te ken, vra van MY en julle Hemelse VADER, ALMAGTIGE GOD YAHUVEH sal julle paaie rig.

Hou op om MY te probeer verstaan. Dit is nie julle plek om MY te verstaan nie, dit is eerder EK wat julle elke gedagte, handeling, motief en intensies van die hart verstaan. Julle kry net 'n gedagte en voordat julle praat, weet EK wat julle wil sê. EK is die Pottebakker, julle is die klei, hou op om met MY te argumenteer.

Baie van julle neem besluite wat op vrees gebaseer is. EK het julle nie die vrees van julle Hemelse VADER gegee en MY Kinders verlaat of vergeet nie. satan het julle hierdie vrees gegee tesame met geeste van depressie en hopeloosheid. Hou julle hoop lewendig; hou julle geloof lewendig deur die vernuwing van julle verstand. Lees MY Woord, alles wat EK in die vroegste tye gedoen het.

Het EK nie sedert die vroegste tye MY Kinders versorg, wie MY dien, aanbid en probeer gehoorsaam nie? Baie geestelike leiers maak julle bang met feite oor hoe MY Kinders ter wille van MY gemartel en doodgemaak is. Maar EK sê nou vir julle, ja daar was martelaars, EK het altyd Geliefde Kinders gehad wie hulle lewens gewillig neergelê het ter wille van MY. EK sal altyd martelaars hê; hulle bloed is so kosbaar vir MY, net soos MY SEUN SY lewe gewilliglik op Golgota gegee het, so sal hulle ook hulle bloed stort vir MY Eer. 'EK IS' wie 'EK IS' en EK verander vir geen man, of vrou of vir julle seisoene of tye nie.

EK sal hulle seën wie vir MY 'n seën is, hulle vervloek wie 'n vloek vir MY is. Hulle wie MY skande bring sal verewig in pyn en ongekende geesteswroeging (anguish) leef, afgesny van hulle skepper af. Weereens, vanaf 1999 en verder, sal bogenoemde woorde "EK sal hulle seën wie 'n seën vir MY is en vervloek wie 'n vloek vir MY is', 'n nuwe betekenis hê. Hierdie woorde sal deur almal gevoel word. HOOR MY, VREES MY, GLO MY, EK lieg nie! Wat EK profeteer sal gebeur in 1999. 'EK IS' wie 'EK IS', ALMAGTIGE GOD YAHUVEH, die Alfa en Omega, die Heilige Drie-eenheid.

EK sal MY Ware Kinders beloon, wie ywerig daarna soek om MY in alle weë te behaag. Ter wille van MY Eer, sal EK MY Kinders in 1999 beskerm teen die komende beproewinge en verdrukkinge. Nie ter wille van hulle eer nie. EK sal diegene beskerm wie volhard om Heilig te wees soos EK Heilig is, Heilig lewe, Heilig dink, Heilig spreek, 'n lewende getuie vir die heidene. MY Bruid, My kinders julle is afgesonder vir YAHUVEH en YAHUSHUA se Eer alleen. EK het behae daarin om hulle te seën wie hierdie dinge doen.

MY Ware Skape en Lammers sal nooit 'n ander god voor MY aangesig hê nie. MY Bruid sal op geen manier 'n kompromie aangaan met dit wat EK Heilig verklaar het nie. MY Bruid sal MY Gebooie eer, insluitende die een wat deur menigtes oor die hoof gesien word. Dit was misverstaan, gespot, of die gees van rebellie wat die harte binnegedring en verhard het. Nogtans sal MY Bruid nou verantwoordelik gehou word terwyl sommige van julle jul koppe in skaamte sal hang, en nie besef hoe julle MY RUACH ha KODESH bedroef deur nie MY Sabbatdag te Heilig nie.

Ag maar EK kan sien julle skud julle koppe en sê "Nie ek nie, U praat seker met iemand anders, want ek woon op 'n Sondag kerkdienste by," sommige spog selfs 'elke Sondag'. "Maar ag MY liefste kleintjies, DIT IS JULLE WIE MY RUACH ha KODESH BEDROEF HET." Want het julle nie MY Woord, Eksodus 31:12-18 gelees nie : "Verder het die Here met Moses gespreek en gesê : Spreek jy met die kinders van Israel en sê : Julle moet sekerlik MY Sabbatte onderhou, want dit is 'n TEKEN tussen MY en julle in AL julle geslagte, sodat die mense kan weet dat EK die Here is wat julle heilig.

Julle sal daarom die Sabbat onderhou; want dit moet vir julle heilig wees; elkeen wat dit ontheilig, moet sekerlik GEDOOD word; want elkeen wat daarop werk verrig, dié siel moet uitgeroei word onder sy volksgenote uit. Ses dae lank kan werk verrig word, maar op die sewende dag moet dit wees 'n dag van volkome rus, Heilig aan die Here. Elkeen wat op die Sabbatdag werk doen, moet sekerlik GEDOOD word. En die kinders van Israel moet die Sabbat onderhou deur die Sabbat te vier in AL hulle geslagte as 'n EWIGE verbond. Tussen MY en die kinders van Israel is dit vir EWIG 'n TEKEN; want in ses dae het die Here die hemel en die aarde gemaak, maar op die sewende dag het HY gerus en Hom verkwik. En HY het aan Moses, toe Hy geëindig het om met hom te spreek op die berg Sinai, die twee tafels van die Getuienis gegee, tafels van klei, geskrywe met die vinger van GOD" (Ou Vertaling).

Julle werk moet in ses dae gedoen word, maar op die sewende dag moet julle rus, Vrydag Sononder tot Saterdag Sononder. Bid en EK sal julle wys hoe om hierdie dae af te sonder en julle leer om in MY te rus en julle sal MY stem hoor, bemoedig word, verkwik op 'n nuwe manier, geseënd en beskermd teen julle vyande. Het EK nie gesê EK is die groot GOD, 'EK IS' nie? en EK en MY Woord verander nie, vir geen man of vrou or tyd of seisoen nie.

Julle geestelike leiers wat dit nie verkondig nie, moet dit berou en bely. Draai weg van hierdie boosheid deur dit volgens die mens se manier te doen, met mensgemaakte leerstellinge. EK sê weer, MY weë is hoër as julle weë. Vlug weg van enige geestelike leiers wat weier om MY Heilige Woord, waarmee geen kompromie aangegaan kan word nie, te verkondig. EK sê weer, vlug. Dit is by verre beter om die waarheid deur hierdie Diensmaagd te leer as om te sterf met daardie leuen. Oefen nou om MY Sabbatdag te Heilig. Die swaar tye kom nader en julle sal verantwoordelik gehou word vir wat julle nou weet. Julle het nie meer enige verskoning nie.

Weereens, julle wie MY Ware Babas en Bruid is sal geen ander gode voor MY aangesig hê nie. MY Bruid sal MY eer deur MY Sabbatte te Heilig. Moenie sê watter Sabbatdag nie, want EK het duidelik vir julle gesê dit is nie Sondag nie. MY Uitverkorenes weet dit lankal. Julle moet MY elke dag aanbid en erken, maar op die Sabbatdag, VRYDAG sononder tot SATERDAG sononder, moet julle rus, van MY leer, want EK wil julle graag op daardie dag net vir MYSELF hê, op die dag wat EK MY Sabbat noem. 

Die wêreld beskou dit as belaglik en dink dit is hulle dag om te sondig en jolig te wees of te werk, en vertel vir MY Mense dat dit dwaas is om 'n Sabbat-onderhouer te wees; maar MY Mense sal weier om te werk en jolig te wees, en bewys dat die dae van die mense, 'n dwaasheid is. Nogtans is dit MY Heilige dag en satan het julle godsdienstige sisteem gebruik om MY op daardie dag te bespot.

EK wil julle bemoedig, diegene wie Sabbat-onderhouers genoem word, julle is MY WARE BRUID. Julle aroma is aangenaam in MY neusgate, maar deur net 'n Sabbat-onderhouer te wees sal julle nie red nie. Dit moet gekombineer word met aanvaarding van YAHUSHUA as MESSIAS. As die sondige wêreld waarin julle leef, aanhou om opstandigheid te verkondig en MY Tien Gebooie te bemors of verander, sal EK soos in die dae van Moses, wys wat EK met 'n volk met 'n opstandige hart doen.

Menigtes wie voorgee om gelowiges in YAHUSHUA en YAHUVEH te wees, breek weereens die twee kliptafels soos Moses gedoen het, maar hierdie keer op 'n ander manier. Want die opstandige kinders breek MY hart wanneer hulle MY gebooie verbreek en sê om die Sabbat te Heilig is nie meer nodig nie. Die kliptafels is die koue klipharde harte wat ver van MY af is, anders as MY Gebooie. Geestelike leiers herskryf MY Gebooie wat EK aan Moses gegee het, bespot dit, en verbreek dit soos hulle wil. Hulle speel god oor wat geskryf is en wat hulle idee agter die betekenis van MY Gebooie is.

Wat is 'n gebod? Dit is presies dit, 'n gebod, 'n wet, opdragte vanuit die Hemel verorden deur YAHUVEH. Dieselfde opdragte op aarde word in die Hemel gevolg. Soldate ontvang opdragte van die bevelvoerder, maar tog bevraagteken MY soldate MY, wanneer EK opdragte gee.

Hoekom is dit so, is EK nie dieselfde GOD 'EK IS' wat die Skelfsee gekloof het nie? Is EK nie dieselfde groot GOD 'EK IS' wat vir Noag en Moses voorsien het nie? Het EK nie 'n engel gestuur om die bek van die leeu vir Daniël toe te sluit nie? Het EK nie vir Sadrag, Mesag en Abednégo in die vuuroond beskerm nie? Kan julle glo dat EK dit weer sal doen? Dit is die geur van MY soete salwing wat verhoed het dat hulle na rook geruik het. Bid en glo in geloof dat EK julle daarvan sal weerhou om te buig voor ander valse gode.

Plaas MY eerste in al julle weë soos wat hierdie drie Hebreeuse kinders gedoen het. Is EK nie dieselfde groot GOD 'EK IS' wat 'n vrou genaamd Debora as rigter gebruik het om duisende te verslaan en MY vyande na hulle graf toe en na die putte van die hel gesleep het nie? Is EK nie dieselfde groot GOD 'EK IS' wat 'n skaapwagterseun en een klein klippie gebruik het om Goliat vir altyd te verslaan nie? Is EK nie dieselfde groot GOD 'EK IS' wat die bose Farao vervloek het nie? EK het hom geskape vir vernietiging om te bewys 'EK IS' wie 'EK IS'.

Niemand verdruk of probeer om MY Uitverkorenes te beheer wie MY aanbid en dien en YAHUVEH en YAHUSHUA bo alles stel nie. Hulle wie MY Uitverkorenes vervloek sal EK vervloek. Hulle wie dit waag om MY Babas, Bruid en Uitverkorenes dood te maak, te martel, te verdruk, beheer en probeer stilmaak, sal EK terugbetaal soos in die dae van Dawid en Goliat, soos in die dae van die bose Farao. Hierdie komende jaar van 1999 sal EK weer doen wat julle in die verlede van gelees het. Julle sal MY groot hand van toorn of genade sien, almal sal die realiteit sien van watter GOD hulle gedien het.

Hierdie geestelike leiers wat Apostels, Profete, Onderwysers, Predikers en Evangeliste is en sê dit maak nie saak watter dag die Sabbat genoem word nie, verkondig 'n leuen aan MY Mense. Hulle wie sê dat YAHUSHUA die Sabbat is, maar met die volgende asem hulself veroordeel deur te sê ons moet elke dag YAHUVEH en YAHUSHUA dien, dit is waar, ahh, maar luister na die volgende woord en toets die Gees wat met hulle praat wat bely dat hulle MY ken en MY nogtans nie ken nie, nou is hul kans om te bely en die waarheid te verkondig want hulle sê enige dag kan die Sabbat wees.

EK sê nou aan julle dat satan MY Dag van Aanbidding en rus, gesteel het en vervang het met 'n dag wat gerieflik is vir die mensdom. 'n Dag wat die mens ingestel het en nou opdragte uitskryf om te aanbid en te rus op wat nou Sondag genoem word. Maar EK het verklaar, en MY Uitverkorenes ken die dag van rus. Dit is nie bedoel om 'n gerief vir die mensdom te wees nie, maar 'n seën vir die mensdom en MY, YAHUVEH. Dit is nou net 'n dag wat julle inpas by julle besige werk- en speelskedule.

Hulle het selfs die begin en einde van die week verander om by hulle skedule te pas. Selfs hulle wie nie MY SEUN YAHUSHUA as hul Messias aanvaar nie, maar MY Sabbatdag aanvaar en eer as rus en dit Heilig, het meer guns in MY oë as julle wie julself MYNE noem, MY SEUN as MESSIAS aanvaar, maar dit durf waag om MY Gebooie te herskryf. HOOR MY, VREES MY, GLO MY! MY kom die wraak toe, sê YAHUVEH.

Julle wat onder die geestelike leierskap is wat weier om MY Woord te verkondig sonder om 'n jota of titel weg te laat, pasop. Vlug, uit hierdie kerke uit, julle sal van hierdie dag af in vlak, harde grond saad saai. MY RUACH ha KODESH sal weggeneem word uit hierdie plekke. Wat julle in onkunde doen, sal EK vergewe. EK sal julle Geestelike Leiers vergewe as julle sal berou toon en onderrig en doen wat reg is. Baie kerke sal in hierdie komende jaar van 1999, verlate wees, want oordeel het na die Huis van die Here gekom.

HOOR MY, VREES MY, GLO MY! EK is nie 'n GOD wat bespot word nie. Nadat EK klaar met Moses op die Berg Sinai gepraat het, het EK hom die twee kliptafels gegee wat met MY vinger geskryf is, die wette van YAHUVEH. Hoekom het so baie geglo dat YAHUSHUA die Tien Gebooie gekanselleer het? Baie verkondig dat dit nie meer sonde is om die Tien Gebooie te verbreek nie, want, sê hulle, YAHUSHUA het die prys betaal. Hierdie bose geestelike leiers verdraai MY Woord; leer MY Mense dit is onmoontlik om die Tien Gebooie te gehoorsaam.

Moenie vergeet dat EK MY RUACH ha KODESH binne-in julle geplaas het wat 'n uitweg bied vir elke versoeking wat julle teëkom nie. Ander bose leermeesters sê dit is nie sonde om die minste van die gebooie te verbreek nie. Hulle vergeet dat om een te verbreek is om almal te verbreek. Die mens het die gebooie genommer van 1-10, EK sê "Hoekom sê julle julle het MY lief, maar gehoorsaam MY nie? Sal EK vir julle wette gee wat onmoontlik is om te onderhou? Onderhou MY Gebooie; pas dit toe, moenie links of regs daarvan afwyk nie. Om julle Skepper en julle MESSIAS, YAHUSHUA waarlik lief te hê is die essensie van die wet.

MY Babas en Bruid het almal MY Wette verbreek en niemand kan anders sê nie, of hulle lieg. Dit is voordat julle YAHUSHUA aangeneem het as MESSIAS. Nou het julle MY RUACH ha KODESH wat julle aankla en maan as julle voete links of regs afdwaal. Hierdie jaar 1999, sal die Godvresendes MY teenwoordigheid in hulle spraak, handelinge uitstraal; selfs hul gesigte sal MY RUACH ha KODESH uitstraal. In 1999, van vandag af, sal die ongoddelikes meer ongoddelik word.

Hulle sal word soos die seun van ewige veroordeling en sal 'n glans manifesteer soos die engel van lig wat eens Lucifer genoem was of die aangesigte van die goddeloses sal word soos 'n donker mis. Namate MY SEUN die aarde nader, sal die skeiding tussen die skape en die bokke meer duidelik word. Die aarde sidder in groot angs oor die komende oordeel. Die hel spuug gesmelte lawa. Die Poel van Vuur is MY toorn wat oorloop. Hel is deur MY toorn aangesteek. Die rivier van lewe vloei met groot liefde en genade vanuit MY Troon.

Vir MY Babas, Bruid en Uitverkorenes sal 1999 'n jaar vol verlossing wees vir hulle wie MY eerste stel. MY Kinders sal groot seën ervaar deur MY Sabbat te Heilig en wie die belangrikheid om MY Gebooie te onderhou, ken. MY Kinders weet ook dat as hulle teen MY sondig en bely; en wegdraai van daardie sonde, sal slegs YAHUSHUA se Heilige Bloed wat op Golgota gestort is, hulle weer kan skoon was.

MY Babas, Bruid en Uitverkorenes sal in 1999 MY liefdevolle hand van verlossing sien uitreik vanuit die Hemel en sal aanskou hoe YAHUVEH, YAHUSHUA en die RUACH ha KODESH MY Babas, Bruid en Uitverkorenes verlos, en doen wat andersins onmoontlik was. Luister en leer in 1999 hoe om nie op die natuurlike te vertrou nie, maar eerder te vertrou dat YAHUVEH en YAHUSHUA bonatuurlik vir julle sal voorsien!

EK, die Here julle GOD YAHUVEH, is nie beperk om dinge volgens die mens se manier te doen om vir julle te voorsien nie. Want EK het die hele Hemel tot MY beskikking. Want julle wie gebrek het aan geloof, kan julle verduidelik hoekom die son warm is? Wie veroorsaak dat die ys koud is? EK sal bewys dat wat EK gespreek het, sal gebeur. EK spreek dit vervolgens deur MY Ware Profete en Apostels en dit is slegs die begin.

EK sal begin in 1999 en EK sal vervolgens meer vrymoedig, harder, meer dikwels spreek, namate MY SEUN YAHUSHUA naderkom. Niemand sal kan sê EK het nie gewaarsku nie. Tekens in die lug en vrees wat niemand gedink het om te vrees nie. Selfs atëiste sal sidder oor wat EK in 1999 en 2000 gaan doen. Maar onthou, nie al die toorn wat julle gaan sien, sal van MY af kom nie. satan is baie kwaad, sy tyd is kort. satan sal sy diensknegte stuur om in 'n groter mate te steel, slag en te vernietig. Wat satan nie kan bereik nie, sal hy in satan se naam mislei en bereik deur MY SEUN, YAHUSHUA (satan sal die naam ‘JESUS’ gebruik om biljoene te mislei in die Groot Verdrukking) se NAAM te gebruik. satan sal selfs mislei deur MY NAAM YAHUVEH te gebruik.

Julle, MY Babas, Bruid en Uitverkorens sal die gruwel herken wat in die naam van wetenskap, regering en godsdiens gedoen word. Hoor en vrees, julle vyande van die Evangelie van YAHUSHUA, EK sal altyd 'n volk hê! MY Babas, Bruid en Uitverkorenes as EK sê VLUG, sal dit wees soos toe EK die Skelfsee (Rooi See) geopen het en EK sal julle die weg wys. MOENIE VREES NIE, VLUG NET soos Lot gedoen het, MOENIE OMKYK NIE!

Baie het aan die einde van 1998 gedink dit was 'n harde jaar, julle, wie saam 'n heildronk gedrink het, die einde van die jaar 1998 gevier het, die minute afgetel het totdat is verby was, weet nie dat EK ook getel het nie, en MY woede teruggehou het ter wille van siele nie.

Eendag sal julle verlang om 1998 weer te sien, julle sal jammer wees julle het MY Seëninge weggegooi. Julle sal spyt wees omdat julle nie gehoorsaam was nie. Julle sal spyt wees omdat julle nie saad gesaai het vir die moeilike dae vorentoe nie. MY Ware Kinders sal opstaan in oorwinning, want hulle het alles gegee, hulle het niks teruggehou nie. As dit nodig sou wees, sou hulle hul lewens vir MY gegee het.

Want uiteindelik sal MY Babas, Bruid en Uitverkorenes die hand van YAHUVEH en YAHUSHUA sien wat die Goliats van hierdie wêreld sal oorgee en verslaan, en veroorsaak dat hulle vyande in sewe verskillende rigtings vlug. MY Kinders wie MY kan vertrou in hierdie nuwe jaar van 1999, in 'n wêreld wat lyk asof dit gevul is met chaos, maar te midde van daardie chaos, sal MY Kinders die betekenis aanskou van vrede wat alle verstand te bowe gaan. MY Babas, Bruid en Uitverkorenes sal meer seëninge, wysheid, kennis, openbaringe hê om te weet hoe om die vyande se lokvalle te ontduik.

MY Kinders sal soos 'n Joshua wees en aanskou hoe die vyande en hulle mure van boosheid neer tuimel op hierdie bose mense. Veral in die helfte van hierdie jaar 1999, sal julle sien en onthou wat op hierdie dag 12/31/98 deur hierdie Diensmaagd gespreek is. Nog 'n ding, alhoewel hierdie Diensmaagd van Joodse afkoms is, beide moeder en vader, en EK spreek dit nie tot haar voordeel nie, maar vir ander. Dit is nie of julle 'n Jood of 'n nie-Jood is wat julle sal red nie, maar eerder of julle MY SEUN YAHUSHUA as MESSIAS aanvaar het. Het julle 'n Bloedoortapping gehad van YAHUSHUA se gestorte Bloed op Golgota?

Moenie soos die sinagoges van satan wees wie bely dat hulle MYNE is en nogtans nie MY Wette en Sabbatte onderhou en nog nie waarlik die geskenk van YAHUSHUA op Golgota ontvang het nie. MY Joodse volk onderhou MY Wette en Sabbatte, maar weier nogtans YAHUSHUA as MESSIAS. Daar sal geen ander MESSIAS wees nie.

Julle wag tevergeefs ten koste van julle siele. EK spreek dit vrymoedig deur hierdie Diensmaagd, vir wie EK persoonlik na Israel en Jerusalem en ander dele van die wêreld sal stuur om hierdie boodskap af te lewer, in MY liefde nie net hare nie, soos wat EK ook my ander diensknegte gestuur het om vir die Joodse volk te sê, "julle is lief vir en aanbid en dien YAHUVEH, julle hou selfs MY Wette, Feeste en Sabbatdag, maar dit alleen kan niemand red nie, of hulle Jood of nie-Jood is.

Wees gewaarsku, Jood of nie-Jood, julle het slegs die helfte van MY lief as julle nie MY SEUN YAHUSHUA as die enigste MESSIAS erken, aanvaar nie. Die enigste weg na die hemel. Die enigste bemiddelaar voor MY, YAHUVEH die VADER. Al julle offers was tevergeefs, almal wie nie MY Geskenk op Golgota aanvaar het nie, YAHUSHUA is SY NAAM.

Moenie MY Boodskappers haat wat EK vervolgens uitstuur met hierdie boodskap nie, wees eerder lief vir MY Boodskappers wat julle lief genoeg het ter wille van julle siele en met vrymoedigheid die waarheid gespreek het ten spyte van die vervolging. Dit sou vir hulle makliker gewees het om stil te bly, maar EK wou nie toelaat dat hulle lippe stilbly nie, want EK is lief vir MY Joodse volk. Wat sal maak dat julle jul GOD YAHUVEH se geskenk sal raaksien wat EK op Golgota gegee het?

satan beoog om deur diegene wat wette maak, MY Boodskappers wat gestuur is met hierdie boodskap, stil te maak. Hulle lewens is in gevaar, maar daar was altyd 'n hoë prys om MY Woorde sonder om 'n kompromie aan te gaan, te spreek. 1999 sal 'n jaar wees waar MY Ware Diensknegte sal staan en aan die wêreld sê "EK het besluit om YAHUVEH, YAHUSHUA en die RUACH ha KODESH te volg." Om die woord tydig en ontydig te verkondig, in voorspoed of teëspoed, in waarheid sonder ENIGE VREES EN GEEN KOMPROMIE.

Daar is 'n geestelike leier, met 'n ander geestelike leier wat gaan kom, wie op 'n groot troon sit, hy dra 'n kroon van juwele, hou 'n staf in sy hand, mense buig laag voor hom, aanbid, eerbiedig hom, wette word gemaak deur hierdie ongoddelike mensgemaakte koning wat deur die Romeinse Ryk geskep is. En EK spreek met vrymoedigheid deur MY Diensmaagd en sê, "Julle sal in 1999 sien hoe hierdie sogenaamde onheilige koning MY Gebooie herskryf en 'n ander god voor die mense bring. Hierdie keer sal dit 'n vrou wees wat 'n godin sal wees. Dit word gesê sy is deel van die godheid, maar IS DIT NIE!

PASOP wanneer hulle die naam Maria by die VADER, SEUN en Heilige Gees voeg. Pasop vir die leerstellings van mense." Daar is slegs een Godheid, die Groot GOD 'EK IS YAHUVEH, julle Skepper en Hemelse VADER en YAHUSHUA, MY SEUN, julle MESSIAS en die RUACH ha KODESH (Heilige Gees)! GEEN ANDER NIE! Daar is GEEN ander bemiddelaars in die Hemel nie. Kom slegs na MY in die NAAM van YAHUSHUA en EK sal julle aanhoor. Diegene wat weier om dit te glo, wat sal julle doen wanneer julle uitvind dat al julle offers, gebede in ander Heiliges se name, tevergeefs was.

Dit is satan wat julle mislei het. Want julle het ander gode voor MY aangesig gestel, wie hoegenaamd geen gode is nie. Wat sal julle sê wanneer julle voor YAHUVEH en YAHUSHUA staan en uitvind dat daar geen plek is waar julle tussen die hel of die Hemel is nie, slegs Hemel of Hel en dat julle nie iemand uit die Hel uit kan bid nie, ongeag hoeveel kerse julle brand nie. Julle kan nie vergewe word nie, ongeag hoeveel gebede (Hail Mary's) julle opsê nie. Hou op om in die uur van julle afsterwe MY SEUN se moeder, Maria se naam aan te roep, sy kan julle nie help nie, alleenlik die NAAM van YAHUSHUA kan. Dit was nie haar bloed wat op Golgota gestort was nie, maar MY SEUN YAHUSHUA se Bloed wat op Golgota gestort was. Dit is die enigste verbond vir sonde.

MY Geliefde Kinders, wie MY Babas, Bruid en Uitverkorenes is, die heidene noem julle nougesind wanneer julle sê daar is net een weg na GOD die Vader se Troon en slegs in een NAAM, die NAAM van YAHUSHUA wat EK gebede sal beantwoord. Vertel vir hulle , "Ja, EK dink net in een rigting, want die Woord van YAHUVEH kan nie lieg nie en YAHUVEH sê, slegs in die NAAM van YAHUSHUA sal EK julle gebede verhoor en die weg na die Hemel is smal en die weg na die Hel is breed!"

Vertel vir hulle "Dit is die vrysinniges wat in doodsangs sal ly en opeindig, eers in die Hel en dan in die Poel van Vuur!" Waarsku hulle MY Kinders, omdat julle YAHUVEH en YAHUSHUA en vir hulle liefhet. Wees lief genoeg vir hulle om aan hulle gramskap blootgestel te word. Wees lief genoeg vir hulle om 'n aanstoot te wees. EK, YAHUVEH en YAHUSHUA en die RUACH ha KODESH praat die waarheid, die meerderheid wil nie hoor nie en ONS is vir hulle 'n aanstoot.

1999 is nie net 'n jaar van groot verlossing nie, want dit sal na MY Mense toe kom, onthou 9 is die nommer wat verlossing simboliseer en julle het dit driemaal. 3 maal is die getal van MY Drie-eenheid, daarom het julle volkome harmonie, Vader, Seun en Ruach ha Kodesh. Pasop, satan sal 1999 vat en die rigting omdraai, en dit onderste bo draai en dit sal 6661 wees. Soos wat hy alles van Heilig is vervals deur dinge agterlik te doen, en bemors selfs MY Heilige gebede in sy sataniese dienste. So, hierdie jaar 1999 sal vol van sataniese krag wees. Julle sal die mag van satan, die antichris en die valse profeet, die onheilige drie-eenheid sien manifesteer deur die wetenskap, regering en godsdiens en mensgemaakte leerstellinge, wat hulle gaan gebruik om baie te mislei.

satan sal die wetenskap gebruik en sê dit word gebruik ten goede, maar pasop, dit word gebruik vir boosheid. Pasop weereens, dit is ook vir die regering, godsdienste en liefdadigheidsinstansies. Bose dinge en erger, sal in die naam van God gedoen word. MY Geliefdes, julle kan nie sê EK het nie MY Profete en Apostels gestuur om julle te waarsku nie, sodat julle nie in die hande van die vyand se strikke sal val nie.

Want die mense wat sal lewe en die einde van 1999 sien, selfs die ateïste en heidene, sal moet erken, dat tekens, wonders en wonderwerke, verlossingskrag, diegene agtervolg wat in MY glo, MY dien, en aan hulle geloof vashou en as gevolg daarvan sal menigtes gered word, want hulle het hul geloof in YAHUVEH en YAHUSHUA behou en vrymoedig verklaar dat hulle GOD hulle sal red. As gevolg van hulle vrymoedigheid, sal menigtes hoor en gered word.

As gevolg hiervan sal baie nie hoor nie en veroordeel word. Want die heidene sal steeds YAHUSHUA as MESSIAS ontken, selfs nadat YAHUSHUA sy verlossingskrag bewys het vir alle oë om te hou, en sal verantwoordelik gehou word. Moenie soos die heidene sê "Gelukkige Nuwejaar!" nie. Want die heidene weet nie wat kom nie. Maar o MY Babas, Bruid en Uitverkorenes, julle het niks om te vrees nie.

Die heidene se rampe is nie MY Kinders se rampe nie. EK is die GOD van die verlede, hede en toekoms en al wat MY Kinders moet doen is om soos 'n klein lammertjie of skaap te wees, hulle vertrou die herder, hulle hoef nie te kwel of te treur nie, hulle het geloof in die Goeie Herder om vir hulle te sorg. Dit is al wat EK van julle verlang, hou vas aan julle geloof in 1999 en moenie laat los nie. EK sal julle verlos.

Gespreek onder die Salwing van die RUACH HA KODESH

Deur Apostel Profeet Elisheva Eliyahu 01/1/1999

Torah Gedeelte: Staan In Die Gaping

PROFESIE 100 Hebreeuse Vertaler, Kom Na Vore in die Naam van YAHUSHUA HA MASHIACH!

Profetiese Woord: Elisabeth [Elisheva] MY Liefling, daar is selfs 'n ander belangrike rede hoekom hierdie Hebreeuse vertaler moet gehoorsaam, want dit is hoekom die engel hom gestoot het, hulle stoot want daar is meer as een wat geroep is. Jy kan nie in Israel ingaan voordat die Woorde in Hebreeus uitgekom het nie.

Jy het nou alreeds vir baie jare geweet en jy het selfs probeer om voor MY tydsberekening te gaan toe 'n ander jou geskakel het, maar dit was voor MY tydsberekening en soos hy daar gesit het en gewag het en selfs gesê het hy het die akkommodasies gehad—satan het gesoek om voor MY tydsberekening te gaan. Alles sal ingesluit word want EK praat nou tot die hart van die Hebreër wie hier lees. Hoe lief het jy jou volk? Wil jy nie hê dat hulle ook die Waarheid moet ken nie? Die Heilige engel stoot jou want jy plaas ander dinge voor die werk wat EK vir jou bepaal het om te doen. Julle sien Elisabeth [Elisheva], EK het vir julle gesê julle gaan visvang. EK gee vir julle 'n Les oor visvang en vervolgens sê EK vir julle om na die 3de bekendste nuuswebwerf op die internet (rense.com) te gaan en vir hulle die Waarheid te wys wat EK vanuit hierdie bediening gespreek het, nie vanuit 'n nuusleser se lippe nie.

EK sê nou vir jou! Selfs die nederige 'myspace', Elisabeth [Elisheva], EK het vir jou gesê jy sal 'n miljoen siele bereik. Almal van hulle is lokaas om hulle daarheen te lei, om die Waarheid te kry wat hulle nie van enige georganiseerde kerk kry nie. O! EK het 'n oorblyfsel. EK het 'n paar, dun gesaai, maar daar is baie wat nie MY Waarheid verkondig nie. En EK sê nou vir jou, die Hebreeuse vertaler sal na vore tree want dit is selfs dieper vreemde waters waarin EK jou stuur. Maar pasop want as jy dink die stryd was tot dusver taai, wanneer EK jou in die heidense waters instuur, wanneer EK jou voortstuur in die waters waar die Ortodokse Jode woon, sal selfs die Kaballa teen jou gebruik word. Hulle sal hul vloeke gooi. Maar wat hulle gaan uitvind is dat daardie vloeke in hul eie gesigte sal terugkeer want Israel is vol van die okkulte, okkulte wat jy nie verstaan en nooit van geleer het nie, want EK het jou nooit toegelaat om selfs van hierdie dinge te hoor nie, maar jy sal Wysheid hê wat jy nie nou het nie, waar jy nog nie met die vyand slaags geraak het wat teen jou sal kom as hierdie Profesieë in Hebreeus vertaal is nie. Die werklike seun van satan sal opstaan en andere stuur om jou te probeer verslind. Onthou dit, geen Zionistiese Jood is van MY af nie. Zionisme (Joodse politieke beweging) is nie Heilig nie.

EK sê dit vir jou vooruit sodat jy sal verstaan hoekom die Hebreeuse vertaler nog nie na vore getree het nie. Maar dit is nou die tyd! EK het voorheen met hulle gedeel, want daar is meer as een en alhoewel hulle teruggehou het, stoot MY Heilige engele hulle nou aan! Skryf vir hierdie RingDiensmaagd! Skryf vir hierdie Bediening! EK spreek nou tot die hart van die vertalers en EK kon selfs julle name noem, maar EK wil nie toelaat dat die vyand julle name ken nie. En woorde vir die verstandiges, vir die Hebreeuse vertalers, moenie julle regte name gebruik nie.

Gespreek onder die Salwing van die RUACH HA KODESH

Deur Apostel Profeet Elisheva Eliyahu 07/12/2008

Torah Gedeelte: YAH Gee Tweede Kanse

PROFESIE 106 EK, YAHUVEH, Sê, “MAAK SKOON JOU HUIS”!!!

EK het vir jou gesê in 2009 gaan alles en enigiets geskud word wat geskud kan word. Moenie verbaas wees nie, Elisabeth [Elisheva] want julle gaan hulle, wat julle die YDS noem, geskud sien word, ons sal sien hoe duidelik hulle van MY afkomstig is, ons sal sien hoeveel die prys wil betaal om MY Bruid genoem te word. Ons sal sien, soos julle gesien het wat in New Zealand gebeur. Dit is maklik, dit is so maklik as daar geen beproewing is nie, dit is so maklik om te sê, U wil geskied O YAHUVEH. Nogtans wanneer MY wil dan teen julle wil gaan, sal julle nog steeds sê, U wil geskied, O YAHUVEH?

EK sal hulle wat weier om heilig te wandel, selfs hulle wat EK deur MY eie hand bymekaar gebring het, met MY eie hand verdeel. EK praat nie net met hierdie huishouding nie, maar met almal wat beweer hulle behoort aan MY. (Lukas 12:51-53) Wil julle agtergelaat word in die Groot Verdrukking? Wil julle hel toe gaan of wil julle MY gehoorsaam? EK kan dit nie eenvoudiger stel as dit nie. Die begin van wysheid is die vrees van YAHUVEH, om te weet julle is niks anders as stof nie en dat EK deur MY genade daardie stof gevat het en ‘n man geskape het en EK het asem in daardie man ingeblaas. (Psalm 111:10)

Moenie die RUACH ha KODESH bedroef nie, moenie julle IMMAYAH bedroef nie. Moet MY nie langer toets nie want hierdie Bediening is ‘n Bediening van Heiligheid. (Handelinge 5:9)

Te midde van die YDS; sal EK dit wat EK in New Zealand openbaar het, die boosheid ontbloot het wat weggesteek was, so sal EK ook doen met hulle wat beweer dat hul deel wil wees van hierdie Heilige Bediening. Hulle is deel van hierdie Heilige Bediening, maar julle sien, dit is soos jy gesê het, geliefde seun Sylvester, op die oppervlak lyk dit so. Solank die leierskap nie weet nie kan ons doen wat ons wil doen in die geheim, maar EK waarsku julle, hulle wat EK die YDS noem; hulle wat genooi is na die YDS forum om byeen te kom, julle word meer verantwoordelik gehou.

Wees verseker in 2009 sal alles wat verborge is, geopenbaar word. (Mattheus 10:26) Enige sonde wat julle dink julle weggesteek het, sal deur die salwing van die RUACH ha KODESH geopenbaar word. Want MY Woord is waar en in hierdie eindtye groei die bose boser, maar MY Heiliges moet meer Heilig groei en enigiemand wat ‘n vorm van Heiligheid het maar geen Heiligheid van binne nie, sal ontbloot word. EK sal hulle nie toelaat om deel van hierdie Bediening te wees nie. EK sal dit nie toelaat nie. (Prediker 12:14) So, dit is nou julle keuse, wie kies julle regtig om te dien? Die bose van hierdie wêreld? Of die Heiligheid van die Hemel? So, jy sien Elisabeth [Elisheva], EK het ‘n ander rede waarom jy na jou seuns toe moet gaan.

MY Geliefde Seun, hierdie is niks wat EK nie kan vergewe nie, maar jy moet kies, jy moet vandag kies. Want daardie biologiese suster en daardie biologiese vader wil jou net hel toe neem saam met hulle.

EK skud die ganse wêreld. Oordeel begin by MY huis. (1 Petrus 4:17) Heiligheid sal slegs Heiligheid begeer. Sonde moet uitgeskop word. ‘n Berouvolle gees is nie iemand wat net met hulle mond bely nie, dit is iemand wat met hulle kop en hulle hart bely en vasberade is om MY nie te mishaag nie. EK het vir julle (hierdie wêreld) gesê julle staan op die punt van ‘n menseslagting (holocaust). Wil julle hê EK moet julle wegsteek? Wil julle hê EK moet julle beskerm? Wil julle hê EK moet julle seën? Want geen vyand kan julle uit YAHUVEH se hand ruk nie, of wil julle hê EK moet JULLE VERPLETTER? Wil julle hê EK moet JULLE VERBRYSEL? Wil julle hê EK moet JULLE BREEK? Wil julle hê EK moet julle met MY eie hand in die vlamme van die hel werp?

Wil julle hê EK moet julle liefhê? Wil julle hê EK moet julle troos? Wil julle hê EK moet julle mentor? Wat wil julle regtig hê? Wil julle soos Sadrag, Mesag en Abednégo wees, wandel soos hulle gewandel het en in die gloeiende vuuroond gegooi was? (Daniël 3). Nogtans het EK nie eers toegelaat dat dit waarmee hulle gebind was gebrand het nie. EK het nie toegelaat dat hulle klere geskroei het nie, hulle eie klere wat hulle gebind het nie, want julle sien, dit was die vyande wat verbrand het. Dit was net dit wat hulle hande vasgemaak en gebind het, wat verbrand het. Wil julle soos ‘n Sadrag, Mesag en Abednégo wees wat in die gloeiende vuuroond geloop het maar die 4de man was daar en daardie 4de man is YAHUSHUA julle MASHIACH.

Wil julle soos Daniël wees toe hy in die leeukuil gegooi was? Hy was nie opgevreet nie, alhoewel die leeus wreedaardig was. (Daniël 6) Dit is julle keuse. Wil julle MY beskerming hê? Wil julle soos die weduwee van Sarfat wees? (1 Konings 17:10) Die een na wie EK Elijah van Ouds ook gestuur het. Wanneer dit by julle laaste krummeltjie brood kom, wil julle hê EK moet dit vir julle vermenigvuldig sodat julle nooit honger sal ly nie? Sodat julle sal lewe om MY te Verheerlik.

Hulle sê dit is hierdie jaar 2009, volgens hoe die mens die tyd merk. Julle sien EK vra nie net vir julle hierdie vrae nie, EK vra hierdie vrae aan almal wat glo dat die Waarheid uit hierdie Bediening voortkom en dat EK voortspreek. Wat wil julle hê moet EK doen? Wil julle hê EK moet weer die Rooi See kloof sodat julle veilig na die oorkant kan deurgaan wanneer die vyande julle agtervolg? (Eksodus 15:4) Wil julle hê dat die vyande moet verdrink sodat hulle julle nie skade kan aandoen nie? Wat wil julle hê moet EK doen?

EK is YAHUVEH en die mate van (julle) beskerming hang af van julle dade. EK speel nie speletjies nie. Wil julle onder die beskerming van MY vleuels wegkruip soos Psalm 91 sê? Julle sê julle het MY lief en EK praat net met hulle wat sê hulle het MY lief. EK praat net met hulle wat sê hulle is gewas in die gestorte Bloed van YAHUSHUA ha MASHIACH, MY eniggebore SEUN. EK spreek dit nie voort tot die heidene wie se name nie in die LAM se Boek van die Lewe geskryf is nie. Julle is slegs geskik vir oordeel. Julle is slegs geskik vir die hel. Julle is verworpenes “reprobate”. Julle is verworpe silwer.

Maar EK praat nou met hulle in die jaar wat julle gemerk het as 2009, MAAK SKOON JULLE HUIS! Julle huis is die Tempel van die RUACH ha KODESH (1 Korintiërs 6:19). Julle huis is die fisiese sowel as die geestelike. Enigiets wat MY aanstoot gee, gooi dit uit. EK spreek deur hierdie Elijah van Nuuts (In Hebreeus, Eliyahu) en EK spreek die woorde wat Elijah van Ouds (In Hebreeus, Eliyahu) gespreek het, kies julle vandag watter God julle sal dien. Bely en val op julle aangesigte voor MY, maar EK wil nie net woorde hê nie, EK wil aksie agter daardie woorde sien. Geloof sonder werke is dood. (Jakobus 2:20) EK wil nie langer verskonings hoor nie. EK het genoeg van julle verskonings gehad oor hoekom julle sondig. Wat se tipe voorbeeld is julle?

As die wêreld van die verworpenes vandag ‘n hofsitting moes hou, sou daar genoeg bewyse wees dat julle MY dien? Dat julle siele na YAHUSHUA toe bring? Dat julle Heilig vir MY lewe? Sal julle moet sê, “Ek pleit skuldig op al hierdie dinge” omdat dit is wat EK verwag? Is julle gewillig om julle lewe vir YAHUSHUA neer te lê soos wat HY gewillig was om SY lewe vir julle neer te lê?

Hoekom is julle oë op die dinge van die vlees soos pornografie?

Weet julle nie dat dit die trotses is wat neergewerp word nie. Trots kom voor ‘n val. (Spreuke16:18) Ag, hoe baie van julle wat dit sal hoor en dit lees is so opgepof met trots en sê, “O, Ek sal nie beweeg word nie, wanneer YAH in 2009 hierdie wêreld skud, sal ek nie geskud word nie”. Dit is deur die genade en Bloed van YAHUSHUA alleen dat julle nie geskud sal word nie en dit hang af van wat julle gedoen het. (Kolossense 1:13-20) Het julle geheime sonde? Dink julle niemand weet nie? MY oë gaan heen en weer. EK sien tot binne-in jul hart. EK weet wie is waarlik Heilig. EK weet wie speel speletjies met Heiligheid en EK weet wie probeer nie eers nie en maak verskonings vir hul sondes.

EK weet wat julle wil hê EK moet doen en nou het EK vir julle vertel wat EK van julle verwag. Vermy ALLE onheiligheid asof dit die plaag is want julle is omring daarmee. Maar EK herinner julle aan die kinders van Israel en EK herinner julle aan die plae en EK herinner julle oor hoe dit nie op die kinders van Israel gekom het nie. Dit het net op MY vyande gekom. Steek julself weg in die klere van MY geregtigheid. Steek julself weg teen MY toorn. Vir hulle wie EK MY kinders noem as julle maar net daarna wil strewe om te gehoorsaam en waarlik, waarlik bely en wegdraai van boosheid. EK sal julle wegsteek. EK sal julle troos. EK sal julle Seën. EK sal vir julle voorsien. EK sal julle salf, as julle maar net elke woord wil gehoorsaam wat EK sê en ophou om verskonings te maak vir sonde.

EK weet alreeds watter pad julle gevat het. Die pad na die hel is so breed, so wyd. Daar is net ‘n smal weg na die Hemel. Hoe baie van julle wat dit lees en hierna luister sal die smal pad kies? (Mattheus 7:13-14) Dit is nie net ‘n reguit pad nie, dit is ‘n kronkelende pad en toets na toets sal kom, want die beproewinge van julle geloof is kosbaarder as goud. (Een Petrus 1:7)

EK is die een wat julle op die proef stel. EK bring julle na hierdie Bediening want dit het ook ‘n Jeremia 6 (27-30) roeping daarop. Dit is ‘n beproewer van metale. Hoe baie het hierdie leierskap gesien kom. Hoe baie het hulle gesien val. Hoe baie, hoe baie, hoe baie trane het Elisabeth [Elisheva] gestort terwyl hulle wie sy so seker is nie sal val nie, hulle wie sy seker is Heilig voor MY wandel en hulle val. Hoe baie staan nooit weer op nie.

(Jer. 6:27-30) “EK het jou onder My volk as toetser gestel, as vesting, dat jy hulle weg kan ken en toets. Hulle is almal die oproerigstes van die oproeriges wat omgaan met kwaadsprekery; koper en yster is hulle; hulle handel almal verderflik. Die blaasbalk blaas hard; wat uit die vuur kom is lood; tevergeefs hou hulle aan met smelt, maar die slegtes word nie afgeskei nie. Hulle word genoem: 'Verworpe silwer’; want YAHUVEH het hulle verwerp.”)

Waar is jou lojaliteit? Is dit regtig tot MY, YAHUVEH? Is jy regtig gewas in die gestorte Bloed van YAHUSHUA jou MASHIACH? Het jy regtig die RUACH Ha KODESH, jou IMMAYAH in jou? Luister jy na die stem van IMMAYAH, jou Moeder Wysheid? Of luister jy na die dwaasheid van satan self? Dit is jou keuse.

Kyk, hierdie Bediening staan vir Heiligheid. EK sal nie hierdie leierskap toelaat om ‘n woord te verkondig wat hulle nie self navolg nie. Elisabeth [Elisheva] weet sy beter doen wat sy verkondig. Die res wat deel is van hierdie Bediening weet hulle moet doen wat hulle verkondig anders sal satan hulle tot klein flentertjies verskeur.

Julle wie julself YAHUSHUA se Demon Stompers en gebedsintersessors noem, sommige van julle het geheime sondes. EK het dit nog nie bekend gemaak nie, maar wees verseker, dit sal geopenbaar word as julle nie vinnig bely nie. Julle moet vandag kies wie julle wil dien. Hierdie geheime sonde mag dalk ‘n maat wees waaraan julle vasklou waar EK vir julle gesê het om te laat gaan, terwille van jul eie siele, terwille van julle eie lewens. Waar julle meer lojaliteit aan hulle betoon het as wat julle aan MY betoon het.

Julle geheime sonde is om die werk, waarvoor EK jou geroep het, nie te doen nie. Wanneer EK vir julle ‘n taak gee en EK sê “Doen dit om die taal van jou mense te bereik” en jy sê, “Ag nee, ek het nou te veel van my eie persoonlike probleme” en jou oë is meer gevestig op die heidene as op die siele, meer as die skape en die lammers wat nodig het om gevoed te word. Dit is sonde in MY oë, want jy het jou hand aan die ploeg geslaan en teruggekyk. Jy het jou hand van die ploeg afgehaal. Jy het opgehou om die grond te bewerk en te besaai en hierdie Woorde in jou eie taal te spreek sodat ander gevoed kan word. Die gees van selfsugtigheid het oor jou gekom. Jy weet van wie EK praat. Julle weet watter vertalers het MY in die steek gelaat. EK sal nie aanhou wag nie. EK sal iemand anders oprig om jou plek in te neem. (Op hierdie stadium het Elisabeth [Elisheva] ‘n visioen gesien met die woord China).

Pasop vir enigiemand wat hierdie Bediening haat, want hulle haat werklik dit wat Heilig is. Die duisternis vrees die lig.

EK praat nou met hulle wat die waarheid liefhet wat van hierdie Bediening afkom. Julle weet dis EK, YAHUVEH wat praat. Julle weet julle MASHIACH YAHUSHUA praat. Julle weet die RUACH ha KODESH, julle IMMAYAH, Moeder Wysheid, praat. Julle vrees nie die lig nie want julle is deel van die lig en julle laat YAHUSHUA julle MASHIACH toe om julle een en enigste begeleidende lig te wees. (1 Petrus 2:9)

Aan hulle wat teen hierdie Bediening praat, aan hulle wie Elisabeth [Elisheva] ‘n vals profeet noem, ondersoek hulle vrugte (Elisabeth [Elisheva] en die Bediening se vrugte). Maak hulle verskoning om te sondig? Maak hulle verskoning om nie die Torah se wette soos MY Sabbat, na te kom nie? Ondersoek hulle vrugte, julle antwoorde lê daarin. Pof hulle hulself op met trots en sê, “Niemand gaan vir my vertel wat om te doen nie”. Julle sien, EK het vir julle toestemming gegee om vrugte-inspekteurs te wees. Aan hulle vrugte sal julle hulle ken. EK het julle alreeds vooruit gewaarsku, julle grootste vyande kan in jul eie fisiese bloedlyn gevind word.

EK spreek MY oordele uit deur hierdie Profeet. (Hosea 6:5) EK spreek MY liefde en MY leiding uit deur hierdie Profeet. EK spreek MY waarhede uit deur hierdie Bediening wat nie die naam van ‘n man of ‘n vrou dra nie, maar slegs die Naam van die Heilige Drie-eenheid. EK sal altyd ‘n woordvoerder (mondstuk) hê. (Amos 3:7) EK het YAHUSHUA na hierdie aarde toe gestuur om MY woordvoerder te wees. Die Profeet bo alle Profete want YAHUSHUA julle MASHIACH is die ware Gees van Profesie.

Vir die van julle wat sê julle wil ‘n profeet wees. Is julle gewillig om die prys te betaal? Is julle gewillig om die prys te betaal vir die salwing? Is julle gewillig om die prys te betaal om MY vriend genoem te word? Want EK vertel MY geheime aan die Profete. Wil julle regtig MY geheime weet? EK sal net MY geheime aan die Heiliges vertel.

So dit is die Woorde wat EK te sê het. Moenie verbaas wees oor wie volgende gaan val nie want hulle kan staande bly solank hulle nie getoets word nie, maar wanneer die toetsing kom, vir julle wat speletjies gespeel het, julle sal val. Maar julle sien, EK het YAHUSHUA gestuur om die hand te wees wat julle oplig. Dit is SY Bloed wat julle afwas, maar onthou dit, as die verlore seun nie teruggekeer het nie, sou hy hel toe gegaan het. (Lukas 15:11-32)

Moenie MY genade en MY barmhartigheid vat en moenie die Bloed van YAHUSHUA onder julle voet vertrap nie, en dit onheilig maak en ongeoorloof terwyl julle weer en weer sondig en dink HY is net ‘n verskoning om te sondig. EK weet wie speel speletjies en EK weet wie is opreg. EK weet wie ‘n seën vir die Koninkryk van die Hemel is en EK weet wie dit is wat skande gebring het alhoewel hulle dit in YAHUSHUA se Naam gedoen het.

Daar is niks wat julle kan wegsteek nie, daar is geen plek waar julle kan wegkruip nie, want EK, YAHUVEH is daar. EK het julle geskape en MY oog is vir ewig op julle. (Psalm 139)

Kies julle vandag watter God julle waarlik wil dien, nie net met julle monde nie maar met julle dade, want dit spreek harder as julle woorde.

Want wat julle in Israel sien, gebeur met die geestelike Israel. Julle word gebombardeer, missiele word vanuit die hel gestuur om julle te probeer vernietig. Om julle uit te wis. Julle sal slegs staande bly in die Naam en gestorte Bloed van YAHUSHUA, julle een en enigste MASHIACH.

Gespreek onder die Salwing van die RUACH HA KODESH

Deur Apostel Profeet Elisheva Eliyahu 01/04/2009