Parasha Chayei Sarah/ Lewe van Sara

Shabbat Shalom!
Welkom by Chayei Sarah/Sara se Lewe, hierdie week se Parasha.

Genesis 23:1 – 25:18

*~Genesis Hoofstuk 23 ~*

1 En die lewensdae van Sara was honderd sewe en twintig jaar. Dit was die lewensjare van Sara.

2 En Sara het gesterwe in Kirjat-Arba, dit is Hebron, in die land Kanaän; en Abraham het gekom om oor Sara te rouklaag en haar te beween.

3 Daarna het Abraham opgestaan, van sy dode af weg, en met die seuns van Het gespreek en gesê:

4 Ek is ‘n vreemdeling en bywoner onder julle. Gee my ‘n graf as besitting by julle, dat ek my dode van my af weg kan begrawe.

5 Toe antwoord die seuns van Het vir Abraham en sê aan hom:

6 Luister na ons, my heer! U is ‘n vors van ELOHIM onder ons. Begraaf u dode in die beste graf wat ons het; niemand van ons sal u sy graf weier om u dode te begrawe nie.

7 Toe staan Abraham op en buig hom voor die volk van die land, voor die seuns van Het;

8 en hy het met hulle gespreek en gesê: As julle dit goedvind dat ek my dode van my af weg begrawe, luister dan na my en doen vir my ‘n goeie woord by Efron, die seun van Sohar,

9 dat hy aan my gee die spelonk van Magpéla wat aan hom behoort, wat aan die end van sy stuk grond lê; laat hy dit vir die volle som aan my gee, dat ek ‘n graf onder julle mag besit.

10 En Efron het tussen die seuns van Het gesit. Toe antwoord Efron, die Hetiet, vir Abraham voor die ore van die seuns van Het, van almal wat in die poort van sy stad ingegaan het:

11 Nee, my heer, luister na my. Die stuk grond gee ek aan u; ook die spelonk wat daarin is, dit gee ek aan u; voor die oë van die seuns van my volk gee ek dit aan u; begraaf u dode.

12 Daarop het Abraham hom voor die volk van die land neergebuig

13 en met Efron gespreek voor die ore van die volk van die land: Ja, as dit u is, ag, luister na my! Ek gee die geld vir die stuk grond; neem dit van my aan, dat ek my dode daar kan begrawe.

14 En Efron het Abraham geantwoord en aan hom gesê:

15 My heer, luister na my. ‘n Stuk land van vier honderd sikkels silwer—wat is dit tussen my en u? Begraaf maar u dode.

16 Toe luister Abraham na Efron, en Abraham het aan Efron die geld afgeweeg waarvan hy gespreek het voor die ore van die seuns van Het—vier honderd sikkels silwer gangbaar by die koopman.

17 So het dan die stuk grond van Efron wat in Magpéla teenoor Mamre lê, die stuk grond en die spelonk wat daarin is, en al die bome op die stuk grond wat op die ganse gebied daarvan rondom staan,

18 die eiendom van Abraham geword voor die oë van die seuns van Het, voor almal wat in die poort van sy stad ingegaan het.

19 Daarna het Abraham toe sy vrou Sara begrawe in die spelonk van die stuk grond van Magpéla, oostelik van Mamre, dit is Hebron, in die land Kanaän.

20 So is dan die stuk grond en die spelonk wat daarin was, deur die seuns van Het aan Abraham afgestaan om dit as graf in eiendom te besit.

*~Genesis Hoofstuk 24~*

1 En Abraham was oud en ver op sy dae, en YAHUVEH het Abraham in alles geseën.

2 Toe sê Abraham aan sy dienaar, die oudste van sy huis wat die opsig gehad het oor al sy goed: Lê tog jou hand onder my heup,

3 dat ek jou kan laat sweer by YAHUVEH, die ELOHIM van die hemel en die ELOHIM van die aarde, dat jy vir my seun geen vrou sal neem uit die dogters van die Kanaäniete onder wie ek woon nie;

4 maar dat jy na my land en my familie sal gaan om vir my seun Isak ‘n vrou te neem.

5 Toe sê die dienaar vir hom: Miskien sal die vrou my nie wil volg na hierdie land nie. Moet ek u seun dan maar terugbring in die land waaruit u weggetrek het?

6 En Abraham antwoord hom: Neem jou tog in ag dat jy my seun nie weer

daarheen bring nie.

7 YAHUVEH, die ELOHIM van die hemel, wat my uit my vader se huis en uit my geboorteland weggeneem het, en wat met my gespreek en vir my gesweer het met die woorde: Aan jou nageslag sal Ek hierdie land gee—Hy sal sy engel voor jou uit stuur, en jy moet vir my seun daar ‘n vrou gaan haal.

8 Maar as die vrou jou nie wil volg nie, dan is jy ontslae van hierdie eed aan my. Jy moet net my seun nie weer daarheen bring nie.

9 Toe lê die dienaar sy hand onder die heup van Abraham, sy heer, en hy het vir hom gesweer, met die oog op hierdie saak.

10 En die dienaar het tien kamele van die kamele van sy heer geneem en weggegaan met allerhande kosbare goed van sy heer by hom: hy het klaargemaak en na Mesopotámië, na die stad van Nahor, getrek.

11 En hy het die kamele laat neerkniel buitekant die stad by ‘n put, teen die aand, teen die tyd dat die vroue uitgaan om water te skep,

12 en gesê: YAHUVEH, ELOHIM van Abraham, my heer, laat ek haar tog vandag ontmoet, en bewys guns aan Abraham, my heer.

13 Hier staan ek by die fontein, terwyl die dogters van die manne van die stad uitkom om water te skep.

14 Laat dit nou tog gebeur: as die dogter aan wie ek sal sê: Hou tog jou kruik, dat ek kan drink, antwoord: Drink, en ek sal ook u kamele laat drink—dan is sy dit wat U bestem het vir u kneg Isak, en daaraan sal ek weet dat U guns aan my heer bewys het.

15 Hy het nog nie klaar gespreek nie, of daar kom Rebekka uit wat vir Bétuel, die seun van Milka, die vrou van Nahor, Abraham se broer, gebore is, met haar kruik op haar skouer.

16 En die dogter was baie mooi van aansien, ‘n jongmeisie, en geen man het haar beken nie. En sy het afgedaal na die fontein en haar kruik volgemaak en weer opgekom.

17 Toe loop die dienaar haar tegemoet en sê: Laat my tog ‘n bietjie water uit jou kruik drink.

18 En sy antwoord: Drink, my heer! Daarop laat sy gou haar kruik op haar hand afsak en laat hom drink.

19 Nadat sy hom genoeg laat drink het, sê sy: Ek sal vir u kamele ook skep totdat hulle genoeg gedrink het.

20 Dadelik het sy toe haar kruik in die drinkbak leeggemaak en weer na die put geloop om te skep en vir al sy kamele geskep.

21 En die man het haar stilswyend betrag om te weet of YAHUVEH sy weg voorspoedig gemaak het of nie.

22 En toe die kamele genoeg gedrink het, neem die man ‘n goue ring, ‘n halfsikkel in gewig, en twee armbande vir haar hande, tien sikkels goud in gewig.

23 En hy sê: Wie se dogter is jy? Vertel my tog. Is daar plek vir ons in die huis van jou vader om te vernag?

24 Toe antwoord sy hom: Ek is die dogter van Bétuel, die seun van Milka wat sy vir Nahor gebaar het.

25 Verder sê sy vir hom: Daar is ook strooi en voer in oorvloed by ons, ook plek om te vernag.

26 Toe buig die man hom neer en aanbid YAHUVEH

27 met die woorde: Geloofd sy YAHUVEH, die ELOHIM van Abraham, my heer, wat sy goedertierenheid en sy trou aan my heer nie onttrek het nie. Wat my aangaan, YAHUVEH het my op die weg gelei na die huis van die broers van my heer.

28 Daarna het die dogter geloop en in die huis van haar moeder vertel wat daar gebeur het.

29 En Rebekka het ‘n broer gehad met die naam van Laban, en Laban het uitgeloop na die man buite by die fontein.

30 Want toe hy die ring en die armbande aan die hande van sy suster sien en die woorde van sy suster Rebekka hoor, naamlik: So het die man met my gespreek—het hy na die man gegaan, terwyl hy nog daar staan by die kamele by die fontein,

31 en gesê: Kom in, geseënde van YAHUVEH! Waarom staan jy buitekant terwyl ek die huis reggemaak het en ook plek vir die kamele?

32 En die man het in die huis ingekom—die kamele is afgesaal en vir die kamele is strooi en voer gegee, en water om sy voete te was en die voete van die manne wat by hom was.

33 Daarop het hulle ete voor hom neergesit; maar hy het gesê: Ek sal nie eet voordat ek my saak voorgedra het nie. En hy antwoord: Spreek maar.

34 Toe sê hy: Ek is die dienaar van Abraham.

35 En YAHUVEH het my heer baie geseën, sodat hy groot geword het, en aan hom kleinvee en beeste, silwer en goud, slawe en slavinne en kamele en esels gegee.

36 En Sara, die vrou van my heer, het vir my heer ‘n seun gebaar nadat sy al oud was; en hy het aan hom alles oorgegee wat hy besit.

37 En my heer het my laat sweer en gesê: Jy moet vir my seun geen vrou neem uit die dogters van die Kanaäniete in wie se land ek woon nie;

38 maar jy moet gaan na die huis van my vader en na my geslag en vir my

seun ‘n vrou gaan haal.

39 Toe het ek aan my heer gesê: Miskien sal die vrou my nie volg nie.

40 Maar hy het my geantwoord: YAHUVEH voor wie se aangesig ek gewandel het, sal sy engel met jou saamstuur, en Hy sal jou weg voorspoedig maak, sodat jy vir my seun ‘n vrou uit my geslag en uit die huis van my vader kan gaan haal.

41 Dan sal jy ontslae wees van die eed aan my: as jy by my geslag kom en hulle haar aan jou nie wil gee nie, dan is jy ontslae van die eed aan my.

42 Ek het toe vandag by die fontein gekom en gesê: YAHUVEH, ELOHIM van Abraham, my heer, as U dan my weg waar ek op gaan, voorspoedig wil maak—

43 ek staan hier by die fontein laat dit nou tog gebeur: die jongmeisie wat uitkom om te skep en aan wie ek sal sê: Laat my tog ‘n bietjie water uit jou kruik drink—

44 en wat my sal antwoord: Drink u self, en ook vir u kamele sal ek skep—sy is die vrou wat YAHUVEH vir die seun van my heer bestem het.

45 Ek het nog nie klaar in my hart gespreek nie of daar het Rebekka uitgekom met haar kruik op die skouer en na die fontein afgedaal en geskep. Ek het toe vir haar gesê: Laat my tog drink!

46 En sy het dadelik haar kruik van haar laat afsak en gesê: Drink, en ek sal u kamele ook laat drink. En ek het gedrink, en sy het ook die kamele laat drink.

47 Toe vra ek haar en sê: Wie se dogter is jy? En sy antwoord: Die dogter van Bétuel, die seun van Nahor wat Milka vir hom gebaar het. Daarop het ek die ring aan haar neus gesit en die armbande aan haar hande,

48 en ek het my in aanbidding neergebuig voor YAHUVEH en YAHUVEH geloof, die ELOHIM van Abraham, my heer, wat my op die regte weg gelei het om die dogter van my heer se broer vir sy seun te gaan haal.

49 As julle dan nou guns en trou aan my heer wil bewys, sê dit vir my; en so nie, sê dit vir my, dat ek regs of links kan gaan.

50 Toe antwoord Laban en Bétuel en sê: Van YAHUVEH kom die saak; ons kan jou daar geen kwaad of goed van spreek nie.

51 Daar staan Rebekka voor jou, neem haar en gaan heen, dat sy ‘n vrou kan wees vir die seun van jou heer, soos YAHUVEH gespreek het.

52 Toe die dienaar van Abraham hulle woorde hoor, het hy hom voor YAHUVEH neergebuig na die aarde toe.

53 Daarna het die dienaar silwer— en goue goed en klere uitgehaal en dit aan Rebekka gegee; ook aan haar broer en haar moeder het hy kosbare geskenke gegee.

54 En hulle het geëet en gedrink, hy en die manne wat by hom was, en die nag oorgebly. Toe hulle die môre vroeg opgestaan het, sê hy: Laat my trek na my heer!

55 Maar haar broer en haar moeder sê: Laat die dogter ‘n dag of tien by ons bly; daarna kan jy heengaan.

56 Maar hy antwoord hulle: Moet my nie ophou nie aangesien YAHUVEH my weg voorspoedig gemaak het; laat my trek, dat ek na my heer kan gaan.

57 Toe sê hulle: Laat ons die dogter roep en haar self vra.

58 En hulle het Rebekka geroep en haar gevra: Wil jy met hierdie man saamgaan? En sy antwoord: Ja.

59 Daarop het hulle Rebekka, hulle suster, en haar oppasser laat trek saam met die dienaar van Abraham en sy manne.

60 En hulle het Rebekka geseën en aan haar gesê: Ons suster, mag jy duisende van tien duisende word, en mag jou nageslag die poort van sy vyande in besit neem!

61 Toe het Rebekka en haar diensmeisies hulle klaargemaak en op die kamele weggery en die man gevolg. So het die dienaar dan Rebekka saamgeneem en weggetrek.

62 En Isak het uit die rigting van die put Lagai-Roï gekom; want hy het gaan woon in die Suidland.

63 En Isak het teen die aand uitgegaan om te peins in die veld. En toe hy sy oë opslaan, sien hy meteens kamele aankom.

64 Rebekka het ook haar oë opgeslaan en Isak gesien. Toe het sy van die kameel afgegly

65 en aan haar dienaar gesê: Watter man is dit wat ons tegemoetloop in die veld? En die dienaar antwoord: Dit is my heer. Toe neem sy die sluier en bedek haar.

66 Daarop het die dienaar aan Isak alles vertel wat hy gedoen het.

67 En Isak het haar in die tent van sy moeder Sara ingebring en Rebekka geneem, en sy het sy vrou geword; en hy het haar liefgehad. So is Isak dan getroos ná die dood van sy moeder.

*~Genesis Hoofstuk 25~*

1 En Abraham het weer ‘n vrou geneem met die naam van Ketúra.

2 En sy het vir hom Simran en Joksan en Medan en Mídian en Jisbak en Suag gebaar.

3 En Joksan was die vader van Skeba en Dedan; en die kinders van Dedan was die Assuriete, Letusiete en Leümmiete.

4 En die seuns van Mídian was: Efa en Efer en Henog en Abída en Eldaä. Hulle almal was seuns van Ketúra.

5 En Abraham het aan Isak alles gegee wat hy besit het,

6 maar aan die seuns van die byvroue van Abraham het Abraham geskenke gegee en hulle, nog by sy lewe, van sy seun Isak af oos laat wegtrek, na die Oosland.

7 En dit is die dae van die lewensjare van Abraham wat hy geleef het: honderd vyf en sewentig jaar.

8 Abraham het die asem uitgeblaas en in goeie ouderdom gesterwe, oud en afgeleef. En hy is by sy volksgenote versamel.

9 En sy seuns Isak en Ismael het hom begrawe in die spelonk van Magpéla, in die stuk grond van Efron, die seun van Sohar, die Hetiet, wat oos van Mamre lê,

10 die stuk grond wat Abraham van die seuns van Het gekoop het. Daar is Abraham begrawe en sy vrou Sara.

11 Ná die dood van Abraham het ELOHIM sy seun Isak geseën; en Isak het gewoon by die put Lagai-Roï.

12 En dit is die stamboom van Ismael, die seun van Abraham, wat Hagar, die Egiptiese, die slavin van Sara, vir Abraham gebaar het—

13 dit is die name van die seuns van Ismael, hulle name volgens hulle afstamming: die eersgeborene van Ismael, Nébajot; dan Kedar en Adbeël en Mibsam

14 en Misma en Duma en Massa,

15 Hadad en Tema, Jetur, Nafis en Kedma.

16 Dit is die seuns van Ismael, en dit hulle name, in hulle dorpe en laers, twaalf vorste volgens hulle volkstamme.

17 En dit is die lewensjare van Ismael: honderd sewe en dertig jaar; en hy het die asem uitgeblaas en gesterwe, en hy is versamel by sy volksgenote.

18 En hulle het gewoon van Háwila tot by Sur wat oos van Egipte lê in die rigting van Assur. Teenoor al sy broers het hy hom gevestig.

1 Konings 1:1-31

*~1 Konings Hoofstuk 1 ~*

1 Toe koning Dawid oud en ver op sy dae was, het hulle hom met komberse toegemaak, maar hy kon nie warm word nie.

2 En sy dienaars sê aan hom: Laat hulle vir my heer die koning ‘n jongmeisie soek, dat sy voor die koning kan staan en vir hom ‘n verpleegster wees en in u skoot lê; dan sal my heer die koning warm word.

3 Hulle het toe in die hele grondgebied van Israel ‘n mooi meisie gesoek en Abísag, die Sunamitiese, gevind en haar by die koning gebring.

4 En die meisie was besonder mooi, en sy was vir die koning ‘n verpleegster en het hom bedien; maar die koning het geen gemeenskap met haar gehad nie.

5 Intussen was Adónia, die seun van Haggit, so vermetel om te dink: Ek sal koning word! En hy het vir hom waens en perderuiters aangeskaf en vyftig man wat voor hom uit loop.

6 En sy vader het hom sy lewe lank nie gekrenk deur te sê nie: Waarom maak jy so? Bowendien was hy ook baie mooi van gestalte, en sy moeder het hom ná Absalom gebaar.

7 En hy het met Joab, die seun van Serúja, onderhandel en met Abjatar, die priester, sodat hulle gehelp het as volgelinge van Adónia.

8 Maar Sadok, die priester, en Benája, die seun van Jójada, en Natan, die profeet, en Símeï en Reï en die helde van Dawid het nie met Adónia saamgegaan nie.

9 En Adónia het kleinvee en beeste en vetgemaakte vee geslag by die klip Sohélet wat langs die fontein Rogel staan, en al sy broers, die seuns van die koning, en al die manne van Juda, die dienaars van die koning, genooi;

10 maar Natan, die profeet, en Benája en die helde en sy broer Salomo het hy nie genooi nie.

11 Toe sê Natan vir Bátseba, die moeder van Salomo: Het u nie gehoor dat Adónia, die seun van Haggit, koning geword het sonder dat ons heer Dawid dit weet nie?

12 Kom dan nou, laat ek u tog ‘n raad gee, dat u u lewe en die lewe van u seun Salomo kan red.

13 Gaan en tree binne by koning Dawid en sê vir hom: Het ú nie, my heer die koning, vir u dienares gesweer en gesê nie: U seun Salomo sal sekerlik koning word ná my, en hy sal op my troon sit? Waarom het Adónia dan koning geword?

14 Kyk, terwyl u daar nog met die koning spreek, sal ék agter u inkom en u woorde aanvul.

15 Daarop het Bátseba ingegaan na die koning in die kamer, terwyl die koning baie oud was en Abísag, die Sunamitiese, die koning bedien.

16 En Bátseba het gebuig en neergeval voor die koning. Toe sê die koning: Wat wil u hê?

17 En sy antwoord hom: My heer, ú het by YAHUVEH u ELOHIM vir u dienares gesweer: U seun Salomo sal sekerlik ná my koning word, en hy sal op my troon sit.

18 Maar kyk, nou het Adónia koning geword sonder dat u, my heer die koning, dit weet.

19 Want hy het beeste en vetgemaakte vee en kleinvee in menigte geslag en al die seuns van die koning en Abjatar, die priester, en Joab, die leërowerste, genooi; maar u dienaar Salomo het hy nie genooi nie.

20 Maar op ú, my heer die koning, is die oë van die hele Israel om hulle te kenne te gee wie op die troon van my heer die koning ná hom sal sit.

21 Anders sal dit gebeur, sodra my heer die koning met sy vaders ontslaap het, dat ek en my seun Salomo vir misdadigers gehou sal word.

22 En kyk, terwyl sy nog met die koning spreek, kom die profeet Natan in.

23 En hulle het dit die koning te kenne gegee en gesê: Daar is Natan, die profeet. Toe kom hy voor die koning en buig hom voor die koning met sy aangesig na die aarde toe.

24 En Natan sê: My heer die koning, het ú gesê: Adónia sal ná my koning word, en hy sal op my troon sit?

25 Want hy het vandag gegaan en beeste en vetgemaakte vee en kleinvee in menigte geslag en al die seuns van die koning en die leërowerstes en Abjatar, die priester, genooi, en kyk, hulle eet en drink voor hom en sê: Mag koning Adónia lewe!

26 Maar my, u dienaar, en Sadok, die priester, en Benája, die seun van Jójada, en Salomo, u dienaar, het hy nie genooi nie.

27 As hierdie saak van my heer die koning uitgegaan het, dan het u aan u dienaars nie bekend gemaak wie op die troon van my heer die koning ná hom sal sit nie.

28 Daarop antwoord koning Dawid en sê: Roep Bátseba vir my! En sy het ingekom voor die koning en voor die koning gaan staan.

29 Toe sweer die koning en sê: So waar as YAHUVEH leef wat my uit alle benoudheid verlos het,

30 sekerlik, soos ek u by YAHUVEH, die ELOHIM van Israel, gesweer en gesê het dat u seun Salomo ná my koning moet word en hy op my troon moet sit in my plek, sekerlik so doen ek vandag nog.

31 En Bátseba het met die aangesig na die aarde gebuig en voor die koning neergeval en gesê: Mag my heer die koning Dawid vir ewig lewe!

1 Petrus 3:1-7

*~1 Petrus Hoofstuk 3 ~*

1 Net so moet julle, vroue, aan jul eie mans onderdanig wees, sodat, as sommige aan die woord ongehoorsaam is, hulle ook deur die wandel van die vroue sonder woorde gewin kan word

2 as hulle jul reine, godvresende wandel aanskou het.

3 Julle versiering moet nie uiterlik wees nie: haarvlegtery en omhang van goud en aantrek van klere nie,

4 maar die verborge mens van die hart in die onverganklike versiering van ‘n sagmoedige en stille gees, wat baie kosbaar is voor ELOHIM.

5 Want so het vroeër ook die heilige vroue wat op ELOHIM gehoop het, hulleself versier, en hulle was aan hul eie mans onderdanig,

6 soos Sara gehoorsaam was aan Abraham en hom heer genoem het; wie se kinders julle geword het as julle goed doen en geen enkele verskrikking vrees nie.

7 Net so moet julle, manne, verstandig met hulle saamlewe en aan die vroulike geslag, as die swakkere, eer bewys, omdat julle ook mede-erfgename van die genade van die lewe is—sodat julle gebede nie verhinder mag word nie.

AmightyWind Profesieë

Van Profesie 105 af, het YAHUVEH gesê hierdie moet van nou af op al die Profesieë geplaas word: Elisabeth (Elisheva) EK het jou lank gelede gewaarsku om nie hierdie Bediening na ‘n man of ‘n vrou te vernoem nie, selfs nog voordat daar ‘n Bediening was. EK het dit in jou gees geplaas want niks hiervan was deur jou eie toedoen nie, niks hiervan het uit jou mond voortgekom nie. Dit is uit die Mond van YAHUVEH geboorte gegee. Dit is uit die Mond van YAHUSHUA jou MASHIACH geboorte gegee. Dit is uit die Mond van die RUACH ha KODESH jou IMMAYAH geboorte gegee. As dit net deur jou hand was sou dit lankal misluk het. Dit is deur die SHKHINYAH GLORIE se Wind wat oor hierdie aarde waai, die Heilige Wind van Herlewing, dit is nie deur jou asem nie, anders sou dit misluk het.

“EK is YAHVEH, dit is MY NAAM; en MY EER sal EK aan geen ander gee, of ook MY LOF aan die gesnede beelde nie”. Jes. 42:8

3 November 2018

Torah Gedeelte: Vrugte Dra in Ons Latere Jare

Profesie 103 EK, YAHUVEH, Oordeel Julle volgens Julle Vrugte!

Ek praat met MY Eerste Vrugte. EK praat met diegene wat die 144,000 is. EK gradeer persentasiegewys, nie "as" julle MY gehoorsaam nie, maar hoe vinnig julle MY gehoorsaam. Nie "as" julle MY gehoorsaam nie, maar met watter gesindheid julle het dat julle MY gehoorsaam; hoe vinnig julle MY gehoorsaam én die graad van die uitvoering, hoe volkome julle MY gehoorsaam.

Doen julle dinge in julle tyd? Of doen julle dinge in MY tyd? Wanneer EK vir julle sê dat julle iets moet doen, doen julle dit met 'n vrolike hart? Wanneer EK vir julle sê om hierdie Bediening te ondersteun, gee julle vir hulle slegs die oorskiet kleingeld, asof julle vir 'n kelnerin of 'n kelner 'n fooitjie gee? Maak julle seker dat die profete wat julle bedien, wat julle voed, gevoed en gehuisves is? Want hierdie bediening reis deur die wêreld.

Vir diegene wie slegs in die laerskool is, julle ABBA YAHUVEH het julle so lief! Julle het die eerste stap geneem! Julle het julle lewe vir YAHUSHUA julle MASHIACH gegee. Maar julle kan nie in die laerskool stop nie anders sal julle net vrugte wees wat aan die wingerdstok doodgaan. Julle moet. Julle moet. Julle moet aangaan. Moenie dink julle kan ophou nie. Strewe. Strewe. Strewe daarna om in alle gevalle Heilig te wees want EK verwag meer in hierdie Eindtye. EK sal julle aan julle vrugte ken. Die ander Heiliges sal julle aan julle vrugte ken. Deur julle vrugte gradeer EK julle vir die persentasie van julle vrug, hoeveel is goed en hoeveel is sleg.

Dit is hoekom die Bruid van YAHUSHUA MASHIACH SY Eerste Vrugte genoem word, SY beste. Hulle is gestamp en geslaan en hulle is gekneus deur hierdie wêreld maar in SY oë, in YAHUSHUA se oë, is hulle die beste vrugte want hulle het daardie kneusing gevat, hulle het daardie kneusing terwille van SY Naam gevat en hulle is SY beste vrugte. Hulle is die Bruid.

En nou praat EK met die Bruid van Openbaring 7. Julle is ook goeie vrugte. Ag, maar julle gestamp en julle kneusing was nie tot die graad van die Openbaring 14 Bruid nie, maar julle vrugte behaag MY. En EK kan julle vertrou soos EK die Bruid van Openbaring 14 kan vertrou, want alhoewel julle nie 100% is nie, strewe julle elke dag daarna om dit te wees.

Derhalwe MY Geliefdes, wees aangemoedig. Nou weet julle hoe EK, YAHUVEH julle gradeer en EK ken julle aan julle vrugte. Aan die vrugte van hierdie Bediening, weet julle dit, want julle weet dit was vir julle 'n seën en EK het hierdie dag vir julle vars manna vanuit die Hemel gegee om te eet en nuwe wyn in julle uitgestort en julle het goeie vrugte geëet, vir hulle wie waarlik aan MY Eniggebore Seun, YAHUSHUA, julle MASHIACH behoort. Vir sommige van julle het die werk pas begin, vir sommige van julle kom julle taak tot 'n einde. Vra vir MY wat julle graad is en as EK dink julle kan dit hanteer, sal EK vir julle vertel.

Hulle (Homoseksualiste, Lesbiëns en ander) marsjeer en betoog in die strate en sê, “Ons eis die reg vir selfde-geslag huwelike! Ons eis die reg om erken te word as lesbiëns en gays. Dit is ons Konstitusionele reg.” Die voorvaders wat daardie Konstitusie geskryf het, het nooit dit bedoel nie. In MY oë het julle geen regte nie! Julle wie dit bevorder is 'n gruwel! Julle sal dieselfde lot hê as 'n Sodom en ‘n Gomorrah en die sewe stede wat ook vernietig was. Julle het geen regte nie, behalwe die hel indien julle nie berou nie. EK oordeel julle aan julle vrugte. EK ken julle aan julle vrugte.

Want EK ken die vrug in Barack Hussein Obama en vir die van julle wie huil en treur, wie weet dit is nie Amerika se beste uur nie, bid en vra MY wat julle moet doen en waarheen julle moet gaan voordat die gruwel Amerika oorval, want Amerika, EK ken jou vrugte! Aan jou vrugte, O Amerika, sal EK jou oordeel! Net soos die ander nasies van hierdie wêreld! Dit is die tyd waarin kwaad, goed genoem word, en goed, kwaad genoem word.

Torah Gedeelte: Agter Elke Gesiene Man

Profesie 128 Shavu’ot Profesie 2016 Die Hemel Jubel Oor die Nuwe AmightyWind Leierskap!

Julle sal sien en die mense sal die nuwe Salwing in die Profesieë waarneem! Waar die “Ringmaiden” alleen gestaan het sonder 'n manlike leier aan haar sy—sal sy nie langer in slawerny profeteer nie, en nie langer profeteer terwyl sy mishandel word nie.

Nou!—sal sy profeteer—in vryheid! Met 'n leier wat net liefhet en beskerm, wie haar net sal aanmoedig om aan te hou om net vorentoe te gaan! Beide van hulle hou net aan om vorentoe te gaan! Vir meer Salwing en nie minder nie.

So diegene wie hierdie dag, op Shavu’ot, na hierdie Bediening toe kom, EK vertel julle dit.

Moenie bedroef wees vir die een wat eens 'Nikomia' genoem was nie! Word kwaad vir die een wat eens 'Nikomia' genoem was! Was julle bedroef oor Judas? Moenie dan bedroef wees oor hierdie 'Judas' nie.

Wees eerder bly! Omdat EK julle meer gegee het! Nie net een Apostel nie, twee Apostels! Nie net een Profeet nie, twee Profete! Nie net een Pastoor nie, maar twee Senior Pastore! Nie net een Leraar nie, maar twee Leraars! Nie net een Evangelis nie, maar twee Evangeliste!

EK YAHUVEH sê waar daar een leier was, altyd een leier was—dit was 'n illusie dat daar ooit 'n manlike leier was!—nou gee EK aan julle 'n geseënde, gekose, aangestelde manlike leier. En in eensgesindheid sal Ezra & Elisheva sy aan sy staan, hand aan hand—sielsgenote—met 'n liefde wat hierdie wêreld nooit sal verstaan nie. Omdat selfs hulle, hulle koppe in verbasing skud.

Torah Gedeelte: Alleenlik met Geloof

Profesie 116 Julle moet Geloof-Waterlopers Wees

Sê vir hulle hulle moet op die 5de kom, want alhoewel daar nie vyf is wat vergader nie, simboliseer dit die 5 wyses (Mat. 25: 1-13) As gevolg van die nuwe Woord wat uitgekom het, moet [jul] nie fokus verloor daarvan nie.

En hierdie Woord is verskillend van die ander want EK het dit alreeds bewys terwyl EK die aarde op hierdie dag van Oordeel in MY toorn skud!

Maak gereed om die dominoes te sien val. Onthou Psalm 91, al sien julle 10,000 langs julle val en dit lyk asof almal om julle val, want dit is EK, YAHUVEH wat hulle platslaan.

EK skud hierdie wêreld in MY toorn!

Maar hulle wat MYNE is hoef nie vir MY bang te wees nie. Want julle is in die palm van MY hand en MY ander hand bedek julle. Julle is soos ŉ babakuiken en EK sê dit nou vir julle sodat julle vere nie deurmekaar raak nie, want julle gaan sien wat julle liewer nie wou sien nie en hoor wat julle liewer nie wou hoor nie.

Maar moenie toelaat dat vrees julle oorweldig nie, onthou waar julle vertroue is. Moenie julle vertroue in die ekonomie plaas nie, nie in finansies nie, nie in julle werk waar julle in diens is of watter besighede julle besit nie. Plaas julle vertroue net in MY, ABBA YAHUVEH en MY Eniggebore SEUN YAHUSHUA julle MASHIACH en die kosbare RUACH ha KODESH. Hou julle vertroue en julle oë op die beloftes wat EK vir julle gegee het. Wees waterlopers. Petrus sou nie geweet het dat hy op die water kon loop as hy nie uit die boot geklim het en daardie eerste tree na YAHUSHUA toe gegee het nie. Dit was vrees wat veroorsaak het dat hy begin sink het, maar toe sy oë weereens vir YAHUSHUA aanskou het,

Profesie 134 EK, YAHUSHUA, Vat Jou Na ‘n Nuwe Vlak Van Jou Geloof!

Nou MY kinders neem EK julle geloof na ‘n nuwe vlak. Sien julself in ‘n hysbak. Sien julself waar julle begin het. En hoe nader julle aan die Hemel kom, vat ek julle na ‘n nuwe vloer, ‘n nuwe vlak van julle geloof. EK leer elke een van julle. EK IS JULLE INDIVIDUELE LEERMEESTER. Elke een van julle het MY Oor, het MY Oog. Al wat julle moet doen is om julle lewens oor te gee aan MY en sê, “Ek wil dit nie op my manier doen nie.”

EK ken elke een van julle vrese. Julle kan dit nie vir MY wegsteek nie, so julle kan dit net sowel bely, sodat EK daardie vrese kan verlig. Daar is geen skaamte in vrees nie, behalwe as dit julle keer om te doen wat EK julle vertel het om te doen. Daar is geen skaamte in hartseer nie, behalwe as dit julle keer om te doen wat EK julle vertel het om te doen.

EK het al julle werke aan julle gegee. Julle noem dit ‘n “werk.” EK noem dit ‘n “roeping.” Maar EK het die planne soos ‘n blou afdruk vir julle lewens uitgelê. Sommige van julle kan nog nie die blou afdruk duidelik sien nie. Dit neem ‘n kenner om ‘n blou afdruk te lees.

Maar deur julle geloof sal jul daardie blou afdruk lees. Deur julle geloof sal julle MY stem hoor. Deur julle geloof sal julle deur MY oë sien. Want daar is nie een opoffering wat julle vir MY Glorie doen―[wat] soos dit vir MY bevredigend gevind is, soos ‘n soet geur vir MY Neusgate, sal julle beloon word. Hierdie beloning sal julle na die Hemel volg.

Daar is diegene wat slegs die Hemel sal haal met hulle laaste sterwende asem. Maar MY Bruid julle word nie onder daardie gereken nie. Julle het belonings wat julle volg , want julle dien MY so getrou.

Verheug julle hierdie Hanukkah soos julle geleer is dat dit MY verwekking is. Is EK nie julle YAHUSHUA, julle MASHIACH, julle LEIDENDE LIG nie?

Profesie 122 “Jy Kan Nie Die Poorte Van Die Hemel Afbreek Nie!” So Sê YAHUSHUA HA MASHIACH!

Daar is NIKS wat EK nie kan vernietig nie. Daar is GEEN oë wat EK nie kan verblind nie.

Daar is GEEN masjien wat EK nie kan vernietig nie. Jul moet geloof hê in MY.

Jul moet geloof hê in die legioene van Heilige Engele wat EK oral rondom geposisioneer het.

–My Kosbare Bruid – Jul moet geloof hê in MY. Moenie twyfel nie. Moenie in MY liefde vir jul twyfel nie. Hou jou ore doof vir die wat skree, en sê jy behoort nie aan MY nie.

Profesie 102 YAHUSHUA Sê, “Dis Net ‘n Kwessie Van Tyd.”

En nou praat EK nie met die Bruid nie. EK praat met hulle wie die Gaste by die Huweliksmaal van die LAM sal wees. Julle moet gewillig wees om julle lewe neer te lê vir MY. Julle sal in die Groot Verdrukking wees. Vir julle wie sê, "Dit is te moeilik, te hard om Heilig te lewe, ek sal dit in die Groot Verdrukking regkry." EK wil vir julle dit sê, as julle dit nie nou kan doen nie, en daar was tot dusver geen opoffering wat julle moes maak nie, julle was nie gesê om julle lewe neer te lê nie, om julle kop onder die guillotien te plaas nie, wat laat julle dink julle kan dit dan doen as julle dit nie eers nou kan doen nie? Wat laat julle dink dat julle dan meer geloof sal hê wanneer julle hongersnood en dood en verwoesting en onverstaanbare gruwels rondom julle sal sien? Wanneer julle deur strate vol bloed moet strompel? Wat laat julle dink dat julle dan meer geloof sal hê? Nou kos dit julle niks anders as om 'n Bybel dweeper (Bible thumper) genoem te word nie.

En EK praat nie nou met die lande waar dit julle baie duur te staan kom nie, EK praat met die oorgrote meerderheid op hierdie aarde waar hulle gesê het, “Ag, dit is te moeilik vir my om Heilig te lewe! Ag, die duiwel versoek my so met pornografie! Ag, ek kan nie die sigarette op die altaar neerlê nie! Ag, ek kan nie die drank neerlê nie! Ag, dit is te moeilik om Heilig te lewe! Ek kan nie die vloekwoorde keer wat uit my mond kom nie! Ek kan nie Heilig lewe nie! Bid vir my, ek kan nie Heilig lewe nie!" Wat laat julle dink dit gaan makliker wees dán?

(Fil.4:13 "Ek is tot alles in staat deur YAHUSHUA wat my krag gee")

Julle mae is nou vol! Julle tonge is nie nou uitgedroog van dors nie! (YAHUSHUA ween deur Elisabeth [Elisheva]). En nogtans kan julle MY nie nou Loof nie? Wat laat julle dink dat dit dán makliker gaan wees?!

Einde van Uittreksels

CHAYEI SARAH - Lewe van Sarah

"En die lewe van Sara was [Chayei Sara] honderd en sewe en twintig jaar; Dit was die jare van Sara se lewe. "(Genesis 23: 1)

Alhoewel die titel van hierdie week se Parasha, Chayei Sarah / חַיֵּי שָׂרָה, die lewe van Sarah beteken, fokus dit aanvanklik op haar dood. Dit stem ooreen met die Judaïese gedagte dat die bewustheid van die dood meer betekenis aan die lewe gee.

Sara is die enigste vrou in die Bybel waar 'n Parasha na haar vernoem is. Wat 'n eer! Al die ander Bybelse karakters, waar 'n Parasha na hulle vernoem is, is mans: Balak, Pinchas, Korach, Noach en Yitro. Dit onderstreep hoe belangrik die matriarg Sarah tot ons geloof is.

Sara sterf in Kiryat Arba, en haar begrafnis is die eerste wat in die Torah aangeteken word.

Verlede week se Parasha (Vayera) het geëindig met Abraham se grootste toets - die bindende en nabye opoffering van sy geliefde seun, Isak (Yitzchak); maar ELOHIM het 'n volwasse manlike ram vir 'n offer aangebied. 'n Mens moet wonder wat Sara, Isak se ma gedink het.

Het sy ooit geweet hoekom Abraham vertrek het met hulle seun? Was sy bekommerd dat haar vreugde - haar rede om te lag - Yitzchak - dalk nie lewendig na haar terug huis toe sal kom nie?

Die Skrif noem nie dit nie; maar, In die Brit Chadasha / Nuwe Testament lees ons egter van Sara se radikale gehoorsaamheid aan haar man as voorbeeld van geloof en moed dat vroue van YAHUVEH aangemoedig word om na te volg:

“Want so het vroeër ook die heilige vroue wat op YAHUVEH gehoop het, hulleself versier, en hulle was aan hul eie mans onderdanig, soos Sara gehoorsaam was aan Abraham en hom heer genoem het; wie se kinders julle geword het as julle goed doen en geen enkele verskrikking vrees nie.” (1 Petrus 3: 5-6)

Sara het hierdie radikale gehoorsaamheid aan haar man getoon – eerstens, deur alles agter te laat, insluitende haar huis en familie, om Abraham na 'n nuwe land te volg. Sy het nie geweet waarheen hulle gaan nie en moes soos 'n vreemdeling in 'n tent in die woestyn bly.

Om haar man te beskerm, het sy selfs twee keer ooreengekom om 'n vreemde koning se harem te betree waar sy moontlik potensieel erg benadeel en verontreinig kon word. Tog, selfs hierin, het sy haar man gehoorsaam.

YAHUVEH het Sara se gehoorsaamheid beloon en het haar inderdaad van Farao en Koning Abimilech se harem bevry. Dit was duidelik dat dit YAHUVEH was wat die Koning van Gerar nie toegelaat het om Sara te raak nie.

“Daarop antwoord God hom in die droom: Ek weet ook dat jy dit in die onskuld van jou hart gedoen het, en Ek self het jou daarvan teruggehou om nie teen My te sondig nie. Daarom het Ek jou nie toegelaat om haar aan te raak nie.” (Genesis 20: 6)

Daar is net een manier waarop Sara in so 'n radikale gehoorsaamheid kon gewandel het - en dit is deur absolute geloof en vertroue in YAHUVEH. Sy mag dalk nie haar onvolmaakte man vertrou het wat bereid was om sy vrou op te offer om sy eie vel te red nie, maar sy het ELOHIM vertrou om haar te beskerm en te bewaar teen alle boosheid.

Baie glo dat Sara nie geloof gehad het toe sy haar dienaar Hagar aan Abraham gegee het om kinders vir hom op te rig nie. Die waarheid hou egter vas dat Sara oortuig was dat ELOHIM by SY belofte sou staan om nasies deur Abraham voort te bring en dat sy in geloof opgetree het.

Hagar was ook nie net enige dienaar nie. Sara het haar persoonlik in geloof opgelei. Verder is dit heel moontlik dat sy Farao se dogter was.

Die feit dat Hagar swanger was en Sara nie veroorsaak het dat Hagar sou dink dat sy meer geestelik en dus meer geseënd as Sara was nie. In haar trots het sy haar verhef bokant Sara.

Toe die drie engele Abraham besoek het, het Sara verstaan dat die beloofde kind deur haar sou kom.

Vrugte Dra in Ons Latere Jare

“In die gryse ouderdom sal hulle nog vrugte dra, hulle sal vet en groen wees,” (Psalm 92:14)

Sara gee geboorte aan Yitzhak (Isak) op ‘n ouderdom van 90 jaar.

Dit wys dat daar nie van ons verwag word om rustig op ons wiegstoele te sit soos ons, ons goue jare bereik nie; ons kan gesond en aktief bly.

Beide Abraham en Sara het merkwaardige prestasies bereik, nie in hulle jeug nie, maar in die latere jare van hulle lewe.

Dit is in lyn met ‘n ou Joodse gesegde: “Teen 40 is een beskik vir onderskeiding, teen 50 vir berading, teen 80 vir spesiale krag.

Kaleb is ‘n voorbeeld hiervan. Hy was een van net twee persone uit die generasie van miljoene om die Beloofde Land binne te gaan, en hy het gevra vir ‘n berg om te oorwin op 85 jarige ouderdom!

“En nou, kyk, YAHUVEH het my laat lewe, soos Hy gespreek het, nou al vyf en veertig jaar sedert YAHUVEH hierdie woord met Moses gespreek het toe Israel in die woestyn getrek het; en kyk nou, ek is vandag vyf en tagtig jaar oud; ek is vandag nog so sterk soos die dag toe Moses my uitgestuur het; soos my krag toe was, so is my krag nou nog, om te veg en om uit te gaan en in te gaan. Gee my dan nou hierdie bergland waarvan YAHUVEH daardie dag gespreek het;” (Josua 14:10–12)

Alhoewel dit polities nie korrek geword het om ‘n vrou haar ouderdom te vra nie, het die Skrif nie geaarsel om Sara se ouderdom bekend te maak met haar dood nie.

Die numeriese waarde van die openingsterme van hierdie Parasha (vayih’yu [וַיִּהְיוּ֙] / en was) tel op tot ‘n totaal van 37, wat dieselfde is as die verskil tussen die ouderdom van Sara toe sy geboorte gegee het aan Isak op 90 jaar oud en haar dood op 127.

Hierdie 37 jare was sekerlik sommige van die beste jare van Sara se lewe soos sy die kind grootgemaak het wat sy en Abraham voor gehoop en bid het vir meeste van hulle volwasse lewens.

Die Torah beeld Sara uit as haar man se vennoot in die lewe en sy gelyke. In Joodse tradisie word hulle albei beskou as uitstekende leermeesters in hulle eie reg, met Sara wat die vroue leer en Abraham die mans.

Sy het Abraham se reis met YAHUVEH ten volle gedeel in ‘n gees van geloof, moed, en soos nodig, self-opoffering.

Sy het dit verdra om uit haar geboorteland ontwortel te word, om kinderloos te wees (wat beskou was as ‘n vloek in die Middel Oosterse kultuur) tot die ouderdom van 90, gevangene gehou en uitgelewer was aan die voorskotte van vreemde konings. (twee maal)

Deur dit alles, het sy getrou aan YAHUVEH gebly, aan haar man, en haar roeping.

Dit is duidelik dat Sara ‘n pragtige vrou was. Inteendeel, so pragtig dat Abraham gedwing was om haar sy sister te noem om homself te beskerm teen die bendes van die plunderende soldate wat moontlik versoek was om hom dood te maak om sy vrou te vat.

Alhoewel, Sara eintlik sy half-suster was, het dit nogsteeds nie die misleiding regverdig om sy vrou se eer in gevaar te stel nie. Hoe het Sara so baie moeilike beproewings in haar lewe verduur?

Dit was deur haar optimisme en innerlike kalmte wat net deur geloof in YAHUVEH gekom het, dat Sara instaat was om sulke teenspoed te kon hanteer. Dit was waarskynlik deel van haar appèl en mag.

Die Bybel vertel ons dat ons ook lydsaamheid nodig het:

“Want julle het lydsaamheid nodig, om, nadat julle die wil van ELOHIM gedoen het, die belofte te verkry. (Hebreërs10:36)

Agter Elke Gesiene Man

“Wie sal ‘n deugsame vrou [eshet chayil] vind? want haar waarde is ver bo robyne. Die hart van haar man vertrou op haar, en aan wins sal dit hom nie ontbreek nie.” (Spreuke 31:10–11)

Daar word dikwels gesê dat agter elke gesiene man is daar ‘n gesiene vrou. Sara het hierdie een stap verder gevat. Sy is die Bybelse model van die Goddelike vrou agter die Goddelike man.

Sy het haarself bewys as die gesiene vrou wat bygedra het tot die suksesvolle voorsetting van Abraham se ryk.

Die Lewe van Sara handel nie oor haar dood nie, derhalwe oor haar nalatenskap. Abraham verseker dat haar nalatenskap voortgaan deur dit in werking te laat tree om vir Yitzhak (Isak) ‘n vrou te soek.

Vir hierdie rede, soos hierdie Parasha voortgaan, handel die storie meer oor Isak se lewe en minder oor Abraham.

‘n Groot deel van hierdie Parasha fokus op hoe Abraham se dienskneg ‘n geskikte vrou vir Isak opgespoor het.

Hy het in wese 'n vriendelike vrou gekies wat in staat was vir beslissende, medelydende, Goddelike aksie.

Sy was ‘n vrou wat die tyd sou geneem het om ‘n vreemdeling en sy diere te help.

Sy was ook die tipe vrou wie, sodra sy YAHUVEH se doelwitte geken het, nie sou aarsel om onmiddellik op te tree nie. Sodra sy geweet het dat YAHUVEH haar gekies het om Isak se vrou te wees, het sy nie nog ‘n dag laat verby gaan in die vervulling van haar eindbestemming nie, alhoewel familie lede haar ‘n rede wou gee om haar vertrek te vertraag.

Abraham se huwelik met Sara en Isak se huwelik met Rivkah (Rebekka) onthul dat ‘n metgesel se geestelike kwaliteite ver meer belangrik is as hulle fisiese bydrae alhoewel skoonheid en aandag aan voorkoms natuurlik help.

YAHUVEH het ‘n plan vir ons. Mag ons die wysheid van die RUACH HA KODESH gebruik om te verstaan dat ons keuse van ‘n lewensmaat ‘n invloed sal hê hoe ons, ons roeping vervul en gevolglik, die nalatenskap wat ons agterlaat.

Om voor te berei om so ‘n nalatenskap agter te laat, mag ons deur gebed lewensmaats kies, vir hulle bid selfs voor ons hulle ontmoet. En mag ons, ons besluite met wie ons wil trou op geestelike kwaliteite baseer op, of 'n potensiële lewensmaat die pragtige innerlike eienskappe van YAHUVEH se chesed /liefdevolle goedhartigheid en genade, medelye, onbaatsugtigheid en welwillendheid teenoor almal.

Vir diegene van ons wie alreeds getroud is, kan ons as paartjies bid dat YAHUVEH ons sal gebruik om SY doelwitte te bereik. Ons kan die tipe lewensmaat wees wat ons eggenoot help om in sy of haar eindbestemming te loop. Asook, ons moet bid dat YAHUVEH ons kinders ‘n sin van SY doel vir hulle lewens gee.

ELOHIM het in die lewens van Abraham en Isak gewerk om vir hulle ‘n geskikte lewensmaat te bring deur wie HY Israel sou voortbring. Dit herinner ons dat YAHUVEH ‘n groot plan het waarin die lewens van elke individu ‘n rol speel.

HY werk steeds op dieselfde manier soos wat HY gedoen het tydens die tyd van Abraham, Sara, Isak en Rebekka — nie net alleen om SY doelwitte vir die Joodse mense te bereik nie, maar vir elkeen van ons.

SY oog is op elke “detail” van ons lewens, en HY wil hê dat ons met HOM moet saamwerk in SY doelwitte.

“Want ek wil nie hê, broeders en susters, dat julle hierdie verborgenheid nie moet weet nie, sodat julle nie eiewys mag wees nie: dat die verharding ten dele oor Israel gekom het totdat die volheid van die heidene ingegaan het;
en so sal die hele Israel gered word,” (Romeine 11:25–26)

Shabbat Shalom van AMIGHTYWIND!