Eksodus 10:1 – 13:16

 *~Eksodus Hoofstuk 10~*

1 Verder het YAHUVEH vir Moses gesê: Gaan na Farao toe, want ÉK het sy hart verhard, ook die hart van sy dienaars, sodat EK hierdie tekens van MY onder hulle kan verrig, 

2 en dat jy voor die ore van jou kind en jou kindskind kan vertel wat EK Egipte aangedoen het, en MY tekens wat EK onder hulle gedoen het, dat julle kan weet dat EK YAHUVEH is. 

3 Toe gaan Moses en Aäron na Farao, en hulle sê vir hom: So spreek YAHUVEH, die ELOHIM van die Hebreërs: Hoe lank weier jy om jou voor MY te verootmoedig? Laat MY volk trek, dat hulle MY kan dien. 

4 Want as jy weier om MY volk te laat trek, kyk, dan bring EK môre sprinkane in jou grondgebied, 

5 en hulle sal die oppervlakte van die land oordek, sodat ‘n mens die land nie sal kan sien nie. En hulle sal die oorblyfsel afeet van wat gered is, wat vir julle van die hael oorgebly het; en al die bome wat vir julle uit die veld opgroei, sal hulle afeet. 

6 En jou huise en die huise van al jou dienaars en die huise van al die Egiptenaars sal vol van hulle wees—soos jou vaders en die vaders van jou vaders nie gesien het van die dag af dat hulle op die aarde gewees het tot vandag toe nie. Daarop het hy omgedraai en van Farao af weggegaan. 

7 Toe vra Farao se dienaars vir hom: Hoe lank sal die man vir ons ‘n strik wees? Laat die manne trek, dat hulle YAHUVEH hulle ELOHIM kan dien. Weet u nog nie dat Egipte te gronde gaan nie? 

8 Daarop bring hulle Moses en Aäron na Farao terug, en hy sê vir hulle: Gaan heen, dien YAHUVEH julle ELOHIM. Wie is dit eintlik wat wil gaan? 

9 En Moses antwoord: Ons wil gaan met ons jong mense en ons ou mense, met ons seuns en ons dogters; met ons kleinvee en ons beeste wil ons gaan, want ons wil ‘n fees vir YAHUVEH hou. 

10 Toe sê hy vir hulle: Mag YAHUVEH só met julle wees as wat ek julle en julle kinders sal laat trek! Pas op, want julle het ‘n verkeerde ding voor oë. 

11 Nie so nie! Gaan dan, julle manne, en dien YAHUVEH, want dít het julle verlang. En hulle het hulle van Farao af weggedrywe. 

12 Toe sê YAHUVEH vir Moses: Steek jou hand uit oor Egipteland vanweë die sprinkane, dat hulle opkom oor Egipteland en al die plante van die land opeet, alles wat die hael laat oorbly het. 

13 En Moses het sy staf oor Egipteland uitgesteek, en YAHUVEH het ‘n oostewind in die land gebring, daardie hele dag en die hele nag; toe dit môre word, het die oostewind die sprinkane aangevoer: 

14 die sprinkane het opgekom oor die hele Egipteland en in die hele gebied van Egipte gaan sit, ‘n baie groot menigte—tevore was daar so ‘n sprinkaanswerm nie gewees nie, en daarna sal so iets nie weer voorkom nie. 

15 En hulle het die oppervlakte van die hele land bedek, sodat die land swart was; en hulle het al die plante van die land opgeëet en al die vrugte van die bome wat die hael laat oorbly het—daar het geen groenigheid aan die bome of plante van die veld in die hele Egipteland oorgebly nie. 

16 Toe het Farao gou vir Moses en Aäron laat roep en gesê: Ek het gesondig teen YAHUVEH julle ELOHIM en teen julle. 

17 Vergeef dan tog nou net dié keer my sonde, en bid tot YAHUVEH julle ELOHIM, dat HY net hierdie dood van my af wegneem. 

18 En hy het van Farao af weggegaan en tot YAHUVEH gebid. 

19 Daarop laat YAHUVEH die wind omslaan in ‘n baie sterk westewind; dié het die sprinkane opgetel en hulle in die Skelfsee gedrywe. Daar het nie een sprinkaan in die hele gebied van Egipte oorgebly nie. 

20 Maar YAHUVEH het Farao se hart verhard, sodat hy die kinders van Israel nie laat trek het nie. 

21 Verder het YAHUVEH vir Moses gesê: Steek jou hand na die hemel uit, en daar sal duisternis oor Egipteland kom, sodat ‘n mens die duisternis kan gryp. 

22 Toe Moses sy hand uitsteek na die hemel, kom daar ‘n dik duisternis in die hele Egipteland, drie dae lank. 

23 Die een het die ander nie gesien nie, en niemand het van sy plek opgestaan nie, drie dae lank. Maar al die kinders van Israel het lig in hulle woonplekke gehad. 

24 Toe het Farao Moses laat roep en gesê: Gaan heen, dien YAHUVEH; net julle kleinvee en julle beeste moet agtergehou word. Selfs julle kinders kan met julle saamgaan. 

25 Maar Moses antwoord: U moet self ook slagoffers en brandoffers met ons saam gee, dat ons dit aan YAHUVEH onse ELOHIM kan aanbied. 

26 En ons vee moet ook met ons saamgaan: daar mag geen klou agterbly nie! Want daarvan moet ons neem om YAHUVEH onse ELOHIM te dien. En ons weet nie waarmee ons YAHUVEH onse ELOHIM sal dien voordat ons daar kom nie. 

27 Maar YAHUVEH het Farao se hart verhard, en hy wou hulle nie laat trek nie. 

28 Maar Farao sê vir hom: Gaan weg van my af! Pas op dat jy my aangesig nie weer sien nie; want die dag as jy my aangesig sien, sal jy sterwe. 

29 En Moses antwoord: U het reg gepraat. Ek sal u aangesig nie weer sien nie.

 *~ Eksodus Hoofstuk 11~*

1 Verder het YAHUVEH vir Moses gesê: Nog een plaag sal EK oor Farao en oor Egipte bring. Daarna sal hy julle hiervandaan laat trek. As hy julle geheel en al laat trek, sal hy julle selfs hiervandaan wegdrywe. 

2 Sê tog voor die ore van die volk dat elke man van sy naaste en elke vrou van haar naaste silwergoed en goue goed moet eis. 

3 En YAHUVEH het aan die volk guns verleen in die oë van die Egiptenaars. Ook was die man Moses baie groot in Egipteland, in die oë van Farao se dienaars en in die oë van die volk. 

4 Toe sê Moses: So het YAHUVEH gespreek: Omtrent middernag trek EK uit dwarsdeur Egipte; 

5 dan sal al die eersgeborenes in Egipteland sterwe, van Farao se eersgeborene af wat op sy troon sit, tot die eersgeborene van die slavin agter die handmeul en al die eersgeborenes van die vee. 

6 En daar sal ‘n groot gejammer in die hele Egipteland wees soos daar nie gewees het en soos daar nie weer sal wees nie. 

7 Maar teen geeneen van die kinders van Israel sal ‘n hond sy tong verroer nie, van die mense af tot die diere toe, dat julle kan weet dat YAHUVEH ‘n onderskeid maak tussen die Egiptenaars en die Israeliete. 

8 Dan sal al hierdie dienaars van u na my toe afkom en voor my neerbuig en sê: Trek uit, jy en die hele volk wat jou volg. En daarna sal ek uittrek. Toe het hy van Farao af weggegaan in gloeiende toorn. 

9 En YAHUVEH het vir Moses gesê: Farao sal na julle nie luister nie, sodat MY wonders in Egipteland baie kan word. 

10 En Moses en Aäron het al hierdie wonders voor Farao gedoen. Maar YAHUVEH het Farao se hart verhard, sodat hy die kinders van Israel nie uit sy land laat trek het nie.

 *~ Eksodus Hoofstuk 12~*

1 En YAHUVEH het met Moses en Aäron in Egipteland gespreek en gesê: 

2 Hierdie maand moet vir julle die begin van die maande wees; dit moet vir julle die eerste van die maande van die jaar wees. 

3 Spreek tot die hele vergadering van Israel en sê: Op die tiende van hierdie maand moet hulle elkeen ‘n lam neem volgens die families, ‘n lam vir ‘n huisgesin. 

4 Maar as ‘n huisgesin te klein is vir ‘n lam, dan moet hy en sy buurman wat die naaste aan sy huis is, dit neem volgens die sieletal; na wat elkeen gewoond is om te eet, moet julle die getal op die lam bereken. 

5 Julle moet ‘n lam hê sonder gebrek, ‘n jaaroud rammetjie. Van die skape of van die bokke kan julle dit neem. 

6 En julle moet dit in bewaring hou tot die veertiende dag van hierdie maand; en die hele vergadering van die gemeente van Israel moet dit slag teen die aand. 

7 En hulle moet van die bloed neem en dit stryk aan die twee deurposte en aan die bo-drumpel, aan die huise waarin hulle dit eet. 

8 En hulle moet die vleis in dieselfde nag eet, oor die vuur gebraai; saam met ongesuurde brode moet hulle dit met bitter kruie eet. 

9 Julle moet daarvan nie eet as dit rou is en as dit in water gaar gekook is nie, maar oor die vuur gebraai, die kop en pootjies saam met die binnegoed. 

10 Julle mag daar ook niks van laat oorbly tot die môre toe nie; maar wat daarvan tot die môre oorbly, moet julle met vuur verbrand. 

11 En só moet julle dit eet: Julle heupe moet omgord wees, julle skoene aan jul voete en julle staf in jul hand; baie haastig moet julle dit eet. ‘n Pasga van YAHUVEH is dit. 

12 Want EK sal in hierdie nag deur Egipteland trek en al die eersgeborenes in Egipteland tref, van mense sowel as van diere. En EK sal strafgerigte oefen aan al die gode van Egipte, EK, YAHUVEH. 

13 Maar die bloed sal vir julle ‘n teken wees aan die huise waarin julle is: as EK die bloed sien, sal EK by julle verbygaan. En daar sal geen verderflike plaag onder julle wees wanneer EK Egipteland tref nie. 

14 En hierdie dag moet vir julle ‘n gedenkdag wees, en julle moet dit as ‘n fees tot eer van YAHUVEH vier. Julle moet dit in julle geslagte as ‘n ewige insetting vier. 

15 Sewe dae lank moet julle ongesuurde brode eet; alreeds op die eerste dag moet julle die suurdeeg uit julle huise verwyder. Want elkeen wat gesuurde brood eet, van die eerste dag af tot die sewende toe, dié siel moet uit Israel uitgeroei word. 

16 En op die eerste dag moet daar ‘n heilige samekoms wees; ook op die sewende dag moet daar vir julle ‘n heilige samekoms wees. Daar mag géén werk op dié dae gedoen word nie; net wat deur elkeen geëet moet word, dit alleen mag deur julle berei word. 

17 Onderhou dan die ongesuurde brode, want op daardie selfde dag het EK julle leërs uit Egipteland uitgelei. Daarom moet julle hierdie dag in julle geslagte as ‘n ewige insetting hou. 

18 In die eerste maand, op die veertiende dag van die maand, in die aand, moet julle ongesuurde brode eet, tot op die een en twintigste dag van die maand, in die aand. 

19 Sewe dae lank mag daar geen suurdeeg in julle huise gevind word nie. Want elkeen wat iets eet met suurdeeg in, dié siel moet uit die vergadering van Israel uitgeroei word, of hy al ‘n vreemdeling is of ‘n kind van die land. 

20 Julle mag niks eet met suurdeeg in nie. In al julle woonplekke moet julle ongesuurde brode eet. 

21 Moses het toe al die oudstes van Israel laat roep en aan hulle gesê: Gaan haal vir julle kleinvee vir julle families en slag die pasga. 

22 En neem ‘n bossie hisop en steek dit in die bloed wat in die skottel is, en stryk aan die bo-drumpel en aan die twee deurposte van die bloed wat in die skottel is. Maar niemand van julle mag uit die deur van sy huis uitgaan tot die môre toe nie. 

23 Want YAHUVEH sal deurtrek om die Egiptenaars swaar te tref. Maar wanneer HY die bloed sien aan die bo-drumpel en aan die twee deurposte, sal YAHUVEH by die deur verbygaan en die verderwer nie toelaat om in julle huise in te gaan om te slaan nie. 

24 Onderhou dan hierdie saak as ‘n insetting vir jou en jou kinders tot in ewigheid. 

25 En as julle in die land kom wat YAHUVEH aan julle sal gee soos HY beloof het, moet julle hierdie diens onderhou. 

26 En as julle kinders julle vra: Wat beteken die diens daar? 

27 dan moet julle sê: Dit is ‘n paasoffer aan YAHUVEH, wat by die huise van die kinders van Israel in Egipte verbygegaan het, toe HY die Egiptenaars getref maar ons huise gered het. Toe het die volk in aanbidding neergebuig.

28 En die kinders van Israel het gegaan en dit gedoen. Soos YAHUVEH Moses en Aäron beveel het, so het hulle gedoen. 

29 En middernag het YAHUVEH al die eersgeborenes in Egipteland getref, van die eersgeborene van Farao af wat op sy troon gesit het, tot die eersgeborene van die gevangene toe wat in die gevangenis was, en al die eersgeborenes van die diere. 

30 Toe staan Farao in die nag op, hy en al sy dienaars en al die Egiptenaars, en daar was ‘n groot gejammer in Egipte, want daar was geen huis waar geen dooie in was nie. 

31 Daarop het hy Moses en Aäron in die nag laat roep en gesê: Maak julle klaar, trek weg onder my volk uit, julle sowel as die kinders van Israel, en gaan dien YAHUVEH soos julle gespreek het. 

32 Neem ook julle kleinvee en julle beeste saam soos julle gespreek het, en gaan weg en seën my ook. 

33 En die Egiptenaars het by die volk sterk aangehou—om hulle gou uit die land uit te stuur. Want hulle het gesê: Ons is almal dood! 

34 Toe neem die volk hulle deeg voordat dit ingesuur was, met hulle bakskottels, in hulle mantels toegebind, op die skouers. 

35 En die kinders van Israel het gehandel volgens die woord van Moses: hulle het van die Egiptenaars silwergoed en goue goed en klere geëis; 

36 en YAHUVEH het aan die volk guns verleen in die oë van die Egiptenaars, en dié het hulle versoek ingewillig. So het hulle dan die Egiptenaars berowe. 

37 En die kinders van Israel het van Raämses na Sukkot weggetrek, omtrent ses honderd duisend te voet, die manne buiten die kinders. 

38 En ‘n menigte mense van gemengde bloed het ook saam met hulle opgetrek, en kleinvee en beeste—’n groot hoeveelheid vee. 

39 En hulle het van die deeg wat hulle uit Egipte gebring het, ongesuurde koeke gebak; want dit was nie ingesuur nie, omdat hulle uit Egipte uitgedryf is, sodat hulle nie kon vertoef nie en ook geen padkos vir hulle klaargemaak het nie. 

40 En die tyd wat die kinders van Israel in Egipte gewoon het, was vier honderd en dertig jaar. 

41 En ná verloop van vier honderd en dertig jaar, op daardie selfde dag, het al die leërskare van YAHUVEH uit Egipteland uitgetrek. 

42 Dit is ‘n nag om plegtig onderhou te word tot eer van YAHUVEH, omdat HY hulle uit Egipteland uitgelei het. Dit is dié nag van YAHUVEH om plegtig onderhou te word by al die kinders van Israel in hulle geslagte. 

43 Verder het YAHUVEH aan Moses en Aäron gesê: Dit is die insetting van die pasga: Géén uitlander mag daarvan eet nie. 

44 Maar elke slaaf wat ‘n man met geld gekoop het, dié moet hy besny; dan kan hy daarvan eet. 

45 Geen vreemde inwoner of huurling mag daarvan eet nie. 

46 In een huis moet dit geëet word; jy mag niks van die vleis uit die huis buitentoe bring nie; en julle mag geen been daarvan breek nie. 

47 Die hele vergadering van Israel moet dit hou. 

48 En as ‘n vreemdeling by jou vertoef en tot eer van YAHUVEH die pasga wil vier, moet by hom almal wat manlik is, besny word; en dan mag hy nader kom om dit te vier, en hy sal soos ‘n kind van die land wees. Maar géén onbesnedene mag daarvan eet nie. 

49 Een wet moet geld vir die kind van die land en vir die vreemdeling wat onder julle vertoef. 

50 En al die kinders van Israel het dit gedoen. Soos YAHUVEH Moses en Aäron beveel het, so het hulle gedoen. 

51 En op daardie selfde dag het YAHUVEH die kinders van Israel, volgens hulle leërafdelings, uit Egipteland uitgelei.

 *~ Eksodus Hoofstuk 13~*

1 Toe het YAHUVEH met Moses gespreek en gesê: 

2 Heilig vir MY al die eersgeborenes. Alles wat die moederskoot open onder die kinders van Israel, van mense en van diere, dit is MYNE. 

3 Verder het Moses aan die volk gesê: Dink aan hierdie dag waarop julle uit Egipte, uit die slawehuis, uitgegaan het; want YAHUVEH het julle deur ‘n sterke hand hiervandaan uitgelei; daarom mag geen gesuurde brood geëet word nie. 

4 Vandag trek julle uit, in die maand Abib. 

5 En as YAHUVEH jou bring in die land van die Kanaäniete en Hetiete en Amoriete en Hewiete en Jebusiete, wat HY aan jou vaders met ‘n eed beloof het om aan jou te gee, ‘n land wat oorloop van melk en heuning, dan moet jy hierdie diens in hierdie maand onderhou. 

6 Sewe dae lank moet jy ongesuurde brode eet, en op die sewende dag is daar fees tot eer van YAHUVEH. 

7 Ongesuurde brode moet die sewe dae geëet word: by jou mag geen gesuurde brood gesien word nie, en geen suurdeeg mag by jou in jou hele grondgebied gesien word nie. 

8 En jy moet jou seun op dié dag vertel en sê: Dit geskied ter wille van wat YAHUVEH aan my gedoen het toe ek uit Egipte uitgetrek het. 

9 En dit moet vir jou as ‘n teken wees op jou hand en ‘n gedenkteken tussen jou oë, sodat die Wet (Torah) van YAHUVEH in jou mond mag wees; want deur ‘n sterke hand het YAHUVEH jou uit Egipte uitgelei. 

10 Daarom moet jy hierdie insetting onderhou op die daarvoor bepaalde tyd, van jaar tot jaar. 

11 En as YAHUVEH jou in die land van die Kanaäniete bring, soos HY aan jou en jou vaders met ‘n eed beloof het, en HY dit aan jou gee, 

12 dan moet jy alles wat die moederskoot open, aan YAHUVEH afgee; ook elke eersteling, die aanteel van vee, wat jy sal hê—wat manlik is, behoort aan YAHUVEH. 

13 Maar elke eersteling van ‘n esel moet jy met ‘n lam loskoop. En as jy dit nie loskoop nie, moet jy sy nek breek. Maar al die eersgeborenes van mense onder jou seuns moet jy loskoop. 

14 En as jou seun jou later vra en sê: Wat beteken dit? dan moet jy hom antwoord: YAHUVEH het ons deur ‘n sterke hand uit Egipte, uit die slawehuis, uitgelei. 

15 Want toe Farao swarigheid gemaak het om ons te laat trek, het YAHUVEH al die eersgeborenes in Egipteland gedood, van die eersgeborene van die mense af tot die eersgeborene van die diere toe. Daarom offer ek aan YAHUVEH alles wat die moederskoot open wat manlik is; maar al die eersgeborenes van my seuns koop ek los. 

16 En dit sal as ‘n teken wees op jou hand en ‘n voorhoofsband tussen jou oë; want YAHUVEH het ons deur ‘n sterke hand uit Egipte uitgelei. 

Jeremia 46:13 – 28

*~Jeremia Hoofstuk 46~*

13 Die woord wat YAHUVEH tot die profeet Jeremia gespreek het aangaande die koms van Nebukadrésar, die koning van Babel, om Egipteland te verower. 

14 Verkondig dit in Egipte en laat dit hoor in Migdol; ja, laat dit hoor in Nof en in Tagpánhes. Sê: Staan reg, en maak jou klaar, want die swaard het verslind wat rondom jou is. 

15 Waarom is jou ruitery neergewerp? Dit het nie bly staan nie, omdat YAHUVEH dit omgestoot het. 

16 HY het baie laat struikel, ja, die een val oor die ander, sodat hulle gesê het: Staan op en laat ons teruggaan na ons volk en na die land van ons geboorte weens die verdrukkende swaard. 

17 Hulle het daar geroep: Farao, die koning van Egipte, is oorlogsrumoer; hy het die bepaalde tyd laat verbygaan. 

18 So waar as EK leef, spreek die KONING, wie se Naam is YAHUVEH van die Leërskare, daar sal sekerlik een kom soos Tabor onder die berge en soos Karmel by die see. 

19 Maak vir jou toebereidsels om in ballingskap te gaan, o inwoner, dogter van Egipte; want Nof sal ‘n woesteny word en dit sal verniel word, sonder inwoner wees. 

20 Egipte is ‘n pragtige vers; ‘n steekvlieg kom, dit kom van die noorde af. 

21 Ook is haar huurtroepe daar by haar soos kalwers uit die stal; maar hulle het ook omgedraai, almal saam gevlug, hulle het nie bly staan nie; want die dag van hulle ondergang het oor hulle gekom, die tyd van hulle besoeking. 

22 Haar geluid is soos van ‘n slang wat wegseil; want met ‘n leërmag trek hulle en kom na haar met byle soos houtkappers. 

23 Hulle kap haar bos om, spreek YAHUVEH; want hulle is onberekenbaar: want hulle is meer as sprinkane, sodat ‘n mens hulle nie kan tel nie. 

24 Die dogter van Egipte staan beskaamd; sy is oorgegee in die hand van die volk uit die Noorde. 

25 YAHUVEH van die Leërskare, die ELOHIM van Israel, sê: Kyk, EK doen besoeking oor Amon van No en oor Farao en Egipte en sy gode en sy konings, ja, oor Farao en die wat op hom vertrou; 

26 en EK sal hulle oorgee in die hand van die wat hulle lewe soek, en in die hand van Nebukadrésar, die koning van Babel, en in die hand van sy dienaars. Maar daarna sal dit bewoon word soos in die dae van die voortyd, spreek YAHUVEH. 

27 Maar jy, MY kneg Jakob, wees nie bevrees nie; en wees nie verskrik nie, o Israel! Want kyk, EK verlos jou uit ver plekke en jou kroos uit die land van hulle gevangenskap; en Jakob sal terugkom en stil en gerus wees sonder dat iemand hom verskrik. 

28 Jy, o MY kneg Jakob, wees nie bevrees nie, spreek YAHUVEH, want EK is met jou. Want EK sal ‘n einde maak aan al die nasies waarheen EK jou verdryf het; maar aan jou sal EK geen einde maak nie, maar EK sal jou tugtig met mate, al sal EK jou sekerlik nie ongestraf laat bly nie.

Openbaring 9:1 – 21

*~Openbaring Hoofstuk 9~*

1 En toe die vyfde engel blaas, sien ek ‘n ster wat uit die hemel op die aarde geval het, en aan hom is die sleutel van die put van die afgrond gegee. 

2 En hy het die put van die afgrond oopgemaak, en daar het rook opgekom uit die put soos rook van ‘n groot oond, en die son en die lug is deur die rook van die put verduister. 

3 En uit die rook het daar sprinkane uitgekom op die aarde, en aan hulle is mag gegee soos die skerpioene van die aarde mag het. 

4 En aan hulle is gesê dat hulle nie die gras van die aarde of enige groenigheid of enige boom moet beskadig nie, maar net alleen die mense wat die seël van ELOHIM nie op hulle voorhoofde het nie. 

5 En dit is aan hulle gegee, nie om hulle dood te maak nie, maar dat hulle vyf maande lank gepynig sou word; en hulle pyniging was soos die pyniging van ‘n skerpioen wanneer hy ‘n mens steek. 

6 En in dié dae sal die mense die dood soek en dit nie vind nie; en hulle sal verlang om te sterwe, en die dood sal vir hulle wegvlug.

 
7 En die voorkoms van die sprinkane was soos dié van perde wat vir die oorlog toegerus is, en op hulle koppe was iets soos krone wat net soos goud gelyk het, en hulle gesigte was soos die gesigte van mense.

 
8 En hulle het hare gehad soos vrouehare, en hulle tande was soos dié van leeus. 

9 En hulle het borsharnasse gehad soos van yster, en die gedruis van hulle vlerke was soos die gedruis van baie strydwaens met perde wat opruk na die oorlog.

 
10 En hulle het sterte gehad soos dié van skerpioene, en daar was angels in hulle sterte, en hulle mag was om die mense vyf maande lank skade aan te doen. 

11 En hulle het as koning oor hulle die engel van die afgrond; sy naam in Hebreeus is Abáddon, en in Grieks het hy die naam van Apóllion. 

12 Die een wee het verbygegaan; hierna kom daar nog twee weë. 

13 En die sesde engel het geblaas, en ek het ‘n stem gehoor uit die vier horings van die goue altaar wat voor ELOHIM is, 

14 en dié het aan die sesde engel met die basuin gesê: Maak die vier engele los wat gebind is by die groot rivier, die Eufraat. 

15 Toe is die vier engele losgemaak wat gereed gehou was vir die uur en dag en maand en jaar, om ‘n derde van die mense dood te maak. 

16 En die getal van die leërs van perderuiters was twee maal tien duisend maal tien duisend; en ek het hulle getal gehoor. 

17 En só het ek in hierdie gesig die perde gesien en die wat op hulle sit, met vuurrooi en blou en swawelgeel borsharnasse. En die koppe van die perde was soos leeukoppe, en uit hulle bekke het vuur en rook en swawel uitgegaan. 

18 Deur hierdie drie plae is ‘n derde van die mense gedood, deur die vuur en deur die rook en deur die swawel wat uit hulle bekke uitgegaan het;

 
19 want hulle mag is in hulle bek en in hulle sterte; want hulle sterte is soos slange en het koppe, en daarmee rig hulle skade aan. 

20 En die orige mense wat deur hierdie plae nie gedood is nie, het hulle nie bekeer van die werke van hul hande, om die duiwels te aanbid, of die afgode van goud en silwer en koper en klip en hout wat nie kan sien of hoor of loop nie. 

21 En hulle het hul nie bekeer van hul moorde en hul towerye en hul hoerery en hul diefstalle nie.

AmightyWind Profesieë

Van Profesie 105 af, het YAHUVEH gesê hierdie moet van nou af op al die Profesieë geplaas word: Elisabeth (Elisheva) EK het jou lank gelede gewaarsku om nie hierdie Bediening na ‘n man of ‘n vrou te vernoem nie, selfs nog voordat daar ‘n Bediening was. EK het dit in jou gees geplaas want niks hiervan was deur jou eie toedoen nie, niks hiervan het uit jou mond voortgekom nie. Dit is uit die Mond van YAHUVEH geboorte gegee. Dit is uit die Mond van YAHUSHUA jou MASHIACH geboorte gegee. Dit is uit die Mond van die RUACH ha KODESH jou IMMAYAH geboorte gegee. As dit net deur jou hand was sou dit lankal misluk het. Dit is deur die SHKHINYAH GLORIE se Wind wat oor hierdie aarde waai, die Heilige Wind van Herlewing, dit is nie deur jou asem nie, anders sou dit misluk het.

“EK is YAHVEH, dit is MY NAAM; en MY EER sal EK aan geen ander gee, of ook MY LOF aan die gesnede beelde nie”. Jes. 42:8

11 Januarie 2019

Torah Gedeelte: Farao Het Kennis Gemaak Met Die Krag van YAH Israel

PROFESIE 123

VERWOESTING GAAN KOM! VERWOESTING IS HIER!

Laat hierdie NIE ongesiens verby gaan nie! Publiseer hierdie gebed. Laat ALMAL weet - die gebedsvegters van hierdie Bediening: om hulle (die wat in die storm is) se behoeftes voor MY op te lig vandag…

Kyk NIE net na die verwoesting nie ! Maar loof MY! Want MY Heilige Engele werk oortyd! Julle kan nie die wonderwerke wat plaasvind begryp nie! Mense wat vermoedelik dood was, sal gevind word. Die wat in isolasie is, sal herenig word met hul families.

Kyk NIE nét na die verwoesting nie! Maar weet dit: diegene wie se name geskryf staan in die2 LAM se BOEK van LEWE, MY Heilige Engele bewaak hulle, beskerm hulle. En ja , sommige word huis toe geneem maar hulle voel GEEN pyn nie.

So Elisabeth [Elisheva], terwyl jy na die fotos kyk op hierdie Sabbatdag….

Kyk NIE net na die verwoesting nie! Want EK IS in die storms! EK IS in die orkaan ! EK sal doen wat ookal nodig is. Want MY woede is ontsagliker as wat julle begryp. MY NAAM word gelaster. MY GELIEFDE SEUN se NAAM word gelaster. Die RUACH HA KODESH, MY LIEFLIKE, LIEFLIKE, KOSBARE HEILIGE GEES, soos julle sê, word gelaster.

HIERDIE IS NET 'N VOORBEELD VAN MY TOORN!

HIERDIE IS NET 'N VOORBEELD VAN MY WOEDE!

EK WAARSKU JULLE EN EK WAARSKU JULLE, EN EK WAARSKU JULLE

DIE VERWOESTING KOM.

EK GEE JULLE PROFESIE OP PROFESIE EN WAARSKU

DAT VERWOESTING KOM.

IS EK NIE 'N YAH WIE SY WOORD HOU NIE?

HIERDIE IS NET 'N VOORBEELD!

WAG TOTDAT DIE HELE WÊRELD WOED!

WAG TOT DIE VULKANE UITBARS SOOS ‘N KETTINGREAKSIE!

JULLE WIL MY UITTART!?

Julle wil dit wat ʼn gruwel is “abomination” [Obama-Nation 1] aanvaarbaar noem, net maar iets om te doen! Hulle gooi die Heiligheid terug in MY GESIG! EK het gesê MY WOORD waarsku. Profesie op Profesie het EK voortgespreek, “VERWOESTING KOM! “ WATTER DEEL VERSTAAN JULLE NIE?

EK IS ʼn GOD, YAH, wat Heiligheid eis. Moet NIE dink jy kan sommer net wegkom met ʼn gebed nie. Moet NIE dink jy kan maar net sê , “O, maar GOD is net liefde” nie. EK IS IN DAARDIE ORKAAN! EK IS IN DAARDIE VLOED! EK IS IN DAARDIE TORNADO! EK IS IN DAARDIE STORMS! So hierdie is net 'n voorbeeld van die verwoesting wat kom!

Moet NIE net na die verwoesting kyk nie maar fokus op die wonderwerke wat EK terselfdertyd sal doen. Want die wat Heilig is - selfs al woon hulle op dieselfde vasteland - is weggesteek onder die beskerming van MY Vlerke. MY Heilige Engele sal julle beskerm (Psalm 91). EK sal voorsien in jul behoeftes.

EK gebruik hierdie Bediening om Asië te bereik .

Julle kan nie begryp nie hoe baie mense op hul kneë gekom het en YAHUSHUA as MASHIACH bely het. Julle kan nie begryp hoe EK hierdie Bediening gebruik en al die verskillende tale nie. En meer is oppad. Sodat, wanneer verwoesting kom, weet hulle na wie om te kyk, weet hulle Wie om aan te roep en MY HAND is op hulle en EK hou hulle liefdevol vas.

Meer verwoesting gaan kom.

Laat Hollywood lag. Laat Hollywood spot! Die Kookende Swart Bloed Plaag! Hulle sal dit nie ontvlug nie. [The Boiling Black Blood plague]. Dit wat EK 'n Obama-nation (abomination/gruwel) noem, die getart van satan - die bespotting oor die skepping van Adam en Eva.

Jy het gewaarsku. Mense sê: “Elisabeth [Elisheva] ons soek ʼn nuwe Profesie vandag. “ Wat meer is daar om te sê? Hoeveel jare het EK deur jou voortgespreek en hoeveel tale nou? Hoor die Woorde.

EK het gewaarsku, EK doen niks, niks, niks sonder om eers MY Heilige Profete te stuur om eers te waarsku nie (Amos 3:7) En EK hét gewaarsku. EK waarsku nie net die Verenigde State (USA) nie EK waarsku die wêreld.

EK IS YAHUVEH, EN EK SAL NIE BESPOT WORD NIE.

EK IS DIE SKEPPER VAN ALLE DINGE. EN HIERDIE IS NET ‘N VOORBEELD.

Val op jul aangesigte voor MY voordat dit te laat is. Aanvaar MY SEUN YAHUSHUA as jul HERE, GOD EN REDDER voordat dit te laat is! BEROU OOR JUL SONDE VANDAG voordat dit te laat is!

DANK MY nou vir jou voedsel ANDERS VAT EK DIT WEG! DANK MY vir jou woning ANDERS VAT EK DIT WEG! DANK MY vir julle families voordat EK hulle wegneem… Wees dankbaar teenoor MY, EK IS MOEG vir hierdie wêreld se ondankbaarheid! Selfs hulle wat aanspraak maak daarop dat hul MYNE is, EK IS moeg vir jul ondankbaarheid en klagtes.

Hou op om te fokus op dit wat EK nie gee nie want dis nog nie die bestemde tyd daarvoor nie. In plaas daarvan, fokus op wat MY liefde is en hoe EK julle WEL seen. Want verwoesting kom - soos hierdie wêreld nog nooit gesien het nie. En hierdie is net 'n voorbeeld.

EK DOEN DIT OM HIERDIE WÊRELD TE SKUD, OM JULLE WAKKER TE SKUD.

JULLE SKEPPER HET JUL SO LIEF, DAT EK JULLE WAKKER SKUD.

EN EK GEBRUIK DIE AARDBEWINGS, EK GEBRUIK DIE ORKANE.

EK GEBRUIK DIE TORNADO’S. EK GEBRUIK DIE VLOEDE.

EK GEBRUIK DIE STORMS. EK GEBRUIK DIE DROOGTES.

EK GEBRUIK SELFS SIEKTES,

SODAT JULLE NA MY SAL UITROEP.

SO HUIL EN ROU

VIR DIE VERWOESTING WAT JULLE SIEN IN ASIË, IN DIE FILIPPYNE NOU.

WANT ASIË HET AL VAN TE VORE HIERDIE VERWOESTING GEKEN.

MAAR OOK AS JUL HUIL EN ROU…

LOOF MY TE MIDDE VAN DIE STORM:

WANT DIE WAT MYNE IS - IS IN DIE PALM VAN MY HAND;

HULLE WAT BEHOORT AAN YAHUSHUA

-IS IN DIE PALM VAN SY HAND.

So, hou aan om te waarsku. Wanneer EK dit so verkies spreek Ek voort. En kry weer daardie Profesie voor almal. [Profesie 55, Waarsku die Mense! Verwoesting gaan Kom! ] EK het alreeds voor-af gesê dat verwoesting gaan kom. EK gaan alles skud wat geskud kan word (Heb. 12: 26-27) - elke fondasie - op maniere wat julle nie kan begryp nie. Maak net seker jou huis is nie op dryfsand nie en dat dit gebou is op die SOLIEDE ROTS, YAHUSHUA jou MASHIACH, MY ENIG VERWEKTE SEUN, jou ENIGSTE HOOP OP REDDING.

EK sal nie langer bespot word nie. EK het julle gewaarsku. EK het julle gesê MY woede groei sterker elke keer wanneer dit vertraag word. Die Bruid van YAHUSHUA roep daagliks uit, “Wanneer gaan U kom? “ Eers, verwoesting.

En hierdie is maar net ‘n voorbeeld.

So, gaan voort, hou aan om MY te tart met julle wette van homoseksualiteit. Gaan voort, hou aan om die babas in die baarmoeder te vermoor.

Hierdie is net ‘n voorbeeld van die verwoesting.

Julle wat dink julle is so ryk en vroom. Kayne West, wat homself yeezus noem - VERWOESTING GAAN KOM! Julle wat onheiligheid promoveer, pornografie - die mees perverse seks, SELFS TOT SO LAAG AS SOOFILIE (seks met diere)!!! - Julle kan verseker wees hiervan: VERWOESTING GAAN KOM! Julle sal NIE baie langer spot nie. Gaan voort, maak julle wette van hierdie wêreld, maar julle betaal die prys! En hierdie is maar net ‘n voorbeeld.

Wag tot jul sien WAT VAN DIE HEMEL AF KOM!!!! Wag tot jul dit wat julle bespot - sien kom in die hemele.

Julle kan verseker wees hiervan, EK IS YAHUVEH, EK IS die SKEPPER . En EK sal NIE bespot word sonder ernstige gevolge nie. Wil julle MY vyand wees?

O, julle rykes en beroemdes van Hollywood? EK sal julle ‘n vyand wys. EK lag en EK spot met julle – julle met jul goue toilette, EK SAL JULLE BY DIE AFVOERPYPE AFSPOEL!!!! Julle wat jul goud bymekaar maak en skatte opgaar en julle ondersgrondse skuilings bou. ‘Sciëntologie’ (Scientology) Ha ha ha! EK spot met julle! Verwoesting gaan kom. Julle dink julle is onaantasbaar? Julle het NIE ‘n idéé wat EK vir julle in vooraad het nie.

Maar EK wil bemoedig - as jou huis gebou is op die SOLIEDE ROTS en nie op die dryfsand nie, as jou ANKER YAHUSHUA MASHIACH is en jy leef elke dag om MY te behaag, indien EK en MY SEUN en die LIEFLIKE RUACH HA KODESH die EERSTE LIEFDES van jou lewe is - o MY geliefdes :

JY HET NIKS OM VOOR BANG TE WEES NIE. JOU PAPPA IS HIER.

AS JY DIE STANDAARD VAN HEILIGHEID VOLHOU

EN JY SPREEK UIT TEEN ONHEILIGHEID:

HET JY NIKS OM TE VREES NIE. WANT JOU ABBA YAH IS HIER.

WANNEER JY GEWILLIG IS OM GEHAAT TE WORD TERWILLE VAN MY SEUN YAHUSHUA SE NAAMS ONTWIL EN JY WORD VERVOLG EN ALLERHANDE BOSE NAME GENOEM:

WEES VERSEKER JOU ABBA YAH IS HIER.

EK SIEN ALLES. EK WEET ALLES. EK HOOR ALLES.

EK SIEN ELKE TRAAN WAT VAL.

HULLE IS SO KOSBAAR VIR MY.

HULLE IS IN VLESSE (PSALM 56:8)

OORGETREK MET JUWELE IN DIE HEMEL.

EN WANNEER JULLE HUIS TOE KOM ,

AL DIE KERE WAT JUL GEDINK HET JULLE IS ALLEEN

EN (GEDINK HET) EK HET JULLE NIE HOOR HUIL NIE,

GAAN EK JULLE DIE VLESSE WYS, 2

GAAN EK HULLE OOPMAAK EN JULLE GAAN DIE SOETE GEUR SIEN

WAT DAARUIT VOORTKOM…

EN JULLE SAL ONTHOU, DAT EK HEELTYD DAAR WAS.

Want wanneer jy huil om geregtigheids onthalwe, soos MY Profeet nou doen, word daardie trane in ʼn fles gesit. En elkeen se juwele is anders, want EK alleen weet wat is die prys wat jy betaal. Maar moenie opgee nie! Moenie ophou nie! Want groot, groot, groot is julle belonings wat vir julle wag in die Hemel. En wanneer jul werk hier op aarde gedoen is , sal EK jul verwelkom en sê “ Opdrag wel gedaan!”

EK het lief genoeg om te waarsku. En EK doen dit nou al vir baie jare. Lees die Heilige Skrifte. EK IS dieselfde YAHUVEH wat beide seën en vervloek, verwond en genees (Dt 32:39). EK IS dieselfde YAHUVEH wat die dooies opwek. EK IS dieselfde YAHUVEH wat of oordeel of redding gee. EK het nie verander nie. MY SEUN YAHUSHUA het nie verander nie. Die LIEFLIKE RUACH HA KODESH het nie verander nie. Die HEILIGE GEES oortuig. Dit is jou keuse of jy wil gehoorsaam.

Want ONS, Die HEILIGE DRIE-EENHEID het nie verander nie.

Gespreek onder die Salwing van die RUACH HA KODESH

Deur Apostel Profeet Elisheva Eliyahu 11/09/2013

Torah Gedeelte: Negende Plaag - Duisternis

PROFESIE 38

ROOI PLAAG DROOM

YAHUVEH praat en waarsku onder andere deur visioene, drome en openbaringe.

Ek sien in die lug 'n donker rooi mistigheid aankom terwyl ek opkyk en soos dit nader kom en die wind dit waai val dit op die mense. Hulle velle was bedek met ROOI stowwerige mis (diep rooi) en die mense word BAIE siek en daar was 'n polisieman wat my bewaak het en hy het hierdie rooi mistige stof op hom en hy spring buite in 'n sement swembad, terwyl ek daar staan. Ek het geweet die poel sou besmet wees, maar hy wou die rooi stowwerige mis van hom afkry. Hierdie polisieman was iemand vir wie ek baie omgegee het. Ek het getreur want dit was nie genoeg nie.

Die oomblik wat hierdie ROOI MIS die vel geraak het, het dit die vel bedek en groot siektes het ontstaan en die vel het begin versmoor. Ek het my geliefde polisieman wie my wag was, dopgehou, hulpeloos om hom te help. Toe sien ek dit in die lug kom. Vir een of ander rede het ek dit nie gevrees nie maar ek kon sien dat dit van ver af kom. Dit het begin soos 'n donker vog, net ver af in die lug en toe, soos dit nader kom, het dit rooikleurig geword. Mense het probeer weghardloop van dit maar kon nie. Mense het dit probeer afwas, maar toe dit eers die vel raak, was dit te laat. Dit is hoekom satan probeer om my stem stil te maak op enige manier wat hy kan. Laat die spotters spot. Ek is verantwoordelik vir wat ek sê en wat ek nie sê nie. Eseg 3:17-21. 

Gespreek onder die Salwing van die RUACH HA KODESH

Deur Apostel Profeet Elisheva Eliyahu 06/08/2000

Torah Gedeelte: Tiende Plaag: Neervel Van die Eersgeborenes

PROFESIE 31

JULLE PASGA ('PASSOVER') WOON WAAR JULLE GELOOF WOON!

EK het dit teen jou Amerika. Jou leier is nie net 'n hoer lustige nie, maar 'n oorlogslustige. Jou strate word nie deur genoeg verdorwenheid en genoeg bloedvergieting oorstroom nie, nou moet jy dit na ander nasies toe vat ook. Jy slag die ongeborenes af met minder genade as die diere wat jy dood ter wille van voedsel. Jy toon meer agting en meegevoel teenoor die kreature as teenoor die babas wat daagliks uitmekaar geskeur en lewendig verbrand word. 

EK het dit teen jou Amerika. Jy was 'n nasie wat afgesonder was deur MY Goddelike Hand om die Here GOD ALMAGTIG te verheerlik wie se NAAM 'EK IS' is. Jy wat eens vir Goddelikheid bekend was, is nou niks meer as 'n leë dop nie. Jy stort jou wraak uit op 'n nasie op wie jy geen reg het om jou oordele uit te stort nie. 'EK IS' is die enigste een wie die reg het want die wraak is MYNE, sê die Here. Hoe kan jy splinters uit hulle oë haal terwyl jy 'n balk in jou eie oë het? Haal eers die balk uit jou eie oë en help dan iemand met 'n splinter.

Hoe kan jy 'diktator' skree terwyl jy jou eie diktators het? Amerika EK het dit uit die Hemel bepaal, as jy nie op jou knieë val en jou sondes erken, soos wat EK vroeër die waarskuwing deur hierdie Diensmaagd uitgeskree het nie, sal EK dit weer deur haar spreek, sowel as deur ander Profete : "Amerika BELY want jy sal nooit weer 'n oorlog wen nie!" Jy sal maai wat jy saai. Jy sal dieselfde maat van verwoesting wat jy nou uitstort en dieselfde maat van dood wat jy uitgiet, self drink uit MY beker van toorn, totdat daar niks meer oor is nie. Amerika, jy was eens 'n betroubare en gerespekteerde nasie, maar nou is jy 'n bespotting vir alles wat Heilig is. Jou mense was eens bekend vir sedelikheid, so ook jou leiers, maar nou staan jou mense en jou leiers oor die wêreld bekend as onsedelik en onbetroubaar. Jy verdedig die onreg en jy wil die reg stilmaak. 

Jy bombardeer 'n land wat ten minste 'n God aanbid. Selfs 'n heidense God is beter as niks want selfs 'n heiden nasie erken hulle is nie oppermagtig nie. Amerika EK het dit teen jou. Jy dien geen God nie. Jy buig jou knie voor geen God nie, alhoewel jou geldeenheid sê : "In God We Trust", jy vertrou op geen God nie. Jy Amerika, het 'n vorm van Godsaligheid maar geen Godsaligheid in jou nie. Amerika jy sal maai wat jy saai.

Jy wat sendelinge na ander lande stuur en EK seën daardie sendelinge met MY salwing en heidense lande leer YAHUSHUA ken as Heer en Verlosser. Nogtans bespot jou eie land dieselfde boodskap. Nie almal doen dit nie, want EK het 'n volk. EK het 'n oorblyfsel wat nie beweeg sal word nie. Hulle sal nie hul knieë voor satan en die doktrines van die antichris buig nie, maar ag so min. O EK ween, so baie verdwaal. Menigtes luister na leringe oor vreemde vuur, demonstreer vreemde vuur in hul kerke en bid selfs vreemde vuurgebede. Kom uit hulle uit. Luister na die stem van MY RUACH ha KODESH julle ken die stem van julle Goeie Herder. Toets elke aksie met die woord van YAHUVEH. Toets die gees wat praat. Die valse profete lyk so goed in hierdie tyd en seisoen. Hulle spreek woorde wat sê "Alles is goed en vorentoe is daar slegs seëninge".

Ja, MY kinders sal EK beskerm. Maar onthou vir Moses en leer die les by die kinders van Israel. Die plae het nie naby hulle gekom wie hul vertroue in MY, die GOD van Abraham, Isak en Jakob gestel het nie. Maar hulle het die plae aanskou wat oor die ander gekom het. EK stuur MY Geliefde Seun YAHUSHUA, julle MESSIAS om te kom en om MY Bruid weg te raap. Het EK nie vir julle tekens in die Heilige Skrifte gee van wat om te verwag en waarna om op te let nie? Het julle nie gesien dat hierdie dinge begin gebeur nie? Het EK nie gesê. "Waarlik EK sê vir julle, hierdie geslag sal sekerlik nie verbygaan voordat al hierdie dinge gebeur het en julle die Seun van God, YAHUSHUA se wederkoms gesien het nie". Hoekom twyfel julle aan MY? Hoekom is daar slegs 50% van julle wat sê julle het MY lief en dien MY, wat glo dat EK MY Geliefde Seun YAHUSHUA stuur om hulle te red wie nie bestem is vir MY komende toorn nie? Vir dié van julle wat weier om julle geloof te gebruik om te glo in hierdie SALIGE HOOP het EK nuus, HY kom nie vir julle nie.

Net soos julle nie gered kan word sonder om te glo dat dit die waarheid is nie, net so sal julle nie waardig geag word om YAHUSHUA se Bruid te wees as julle nie geloof het nie. As julle leef asof MY SEUN YAHUSHUA nie kom nie en jare vooruit beplan, en slegs geïnteresseerd is in wêreldse dinge en besittings. Dan het EK nuus vir julle, julle is nie ingesluit by die Bruidegom se lys van hulle wie verseël is om SY BRUID te wees nie. Nie enigiemand is geskik om 'n Bruid van YAHUSHUA genoem te word nie. Sommige is slegs geskik om Gaste te wees. Dit beteken nie dat julle nie een of ander tyd gered sal word nie. Dit beteken slegs dat tot julle in 'n wêreld beweeg wat slegs geskik is vir MY toorn, julle sal sien wat julle gemis het, en julle sal dan op 'n nuwe manier met 'n nuwe geloof na MY toe draai.

Dan is daar andere wie waardig is om MY Bruid te wees (ek glo hier word gepraat van die 7de Dag Adventiste geloof) en nogtans het satan julle mislei deur julle te laat dink julle doen MY 'n guns deur agter te bly gedurende die Groot Verdrukking om te help om mense te bedien. Julle geloof is soos wat julle sê "Ek sal hier bly en die Groot Bruilofsdag misloop sodat ek vir ander tot hulp kan wees!" Waar julle geloof is daar sal julle woon. Dink julle nie dat EK ander kan oprig wie hierdie tugtiging nodig het om hulle gereed te kry vir die Hemel nie? Dink julle regtig EK het nodig om MY Geliefde Bruid agter te laat, vir wie EK in MY Heilige Skrifte sê : "Bid dat julle waardig geag sal word om die komende toorn te ontvlug? Nogtans sê julle julle is waardig en ag dit 'n voorreg om agter gelaat te word. Wees gewaarsku, waar julle geloof is daar sal julle woon. Sommige sal hulle self in die tyd van Groot Verdrukking bevind omdat hulle dit so verkies. Nie MY keuse nie maar hulle s'n. EK sal doen soos wat hulle glo en sal hulle beskerm as hulle geloof MY toelaat om so te doen. Soveel lyding sal egter onnodig wees as hulle slegs nou bely deur so te praat en te dink.

Die wêreld sal in volle en onverdunde maat maai wat gesaai is. EK het die bose Farao gewaarsku en EK waarsku weer MY vyande. BELY! Draai weg van die Bose. EK het Ninive gewaarsku en hulle was gespaar maar teen die einde het hulle weer teruggedraai na boosheid en EK moes vernietig wat EK vooruit beskik het om te vernietig. Want EK ken die harte van die voorafbeproefdes. Hulle soos die Bose Farao wie praat asof hulle jammer is en hulle bose maniere stop, net om met die volgende asem met die bose te verbind deur vir MY en MY Mense te lieg. Daar is geen waarheid in die voorafbeproefdes nie. Maak nie saak wat EK met hulle doen nie, hulle sal MY nie dien of MY aanbid nie.

EK het 'n boodskap vir MY Geliefde eiewyse dogter Israel. Geliefde Israel julle het nie nodig om te gee wat EK nie vir julle gegee het om te gee nie. Julle het baie meer weggegee. EK het aan julle 'n land van melk en heuning belowe. EK, die GOD van Abraham, Isak en Jakob het belowe om julle land met skoonheid en voorspoed te seën, het EK nie? Nogtans sit die leiers van hierdie land vreesbevange in 'n hoek soos swak vrouens deur die hande van 'n krenkende metgesel. Israel glo die leuens van 'n bullebak. Israel bid tot die GOD 'EK IS' en vra vir verlossing maar wys deur hulle handelinge dat hulle nie glo 'EK IS' kan en sal 'n land beskerm waar MY Seun YAHUSHUA binnekort SY voete op die Olyfberg sal sit nie. Israel weier om te glo die GOD van Abraham, Isak en Jakob het alreeds MY liefde vir hulle bewys deur aan hulle hul MESSIAS, hulle VERLOSSER, YAHUSHUA is SY NAAM te stuur.

MY Geliefde Joodse Volk, EK het MY Seun as een van julle eie gestuur, HY is nie net 'n Verlosser vir die Nie-Jode nie, maar ook vir julle geliefdes. MY begeerte is dat beide Jood en Nie-Jood een in YAHUSHUA sal word. Hoekom wag julle vir 'n ander Verlosser? Terwyl EK MY beste vir julle gegee het. Satan beoog om julle met sy beste te verlei. EK stuur MY Profete en EK stuur hulle weer om jou te vertel O pragtige eiewyse dogter van MY, luister na julle eie geskrifte. Kyk met nuwe oë van onderskeiding na julle eie Feeste en feesvieringe. Moenie net die helfte van MY liefhê nie, maar wees lief vir alles van MY.

Julle wie sê julle behoort aan die GOD van Abraham, Isak en Jakob en EK het 'n oorblyfsel wat so doen, net soos in ander dele van die wêreld, maar julle moet MY geheel en al aanvaar. Want YAHUSHUA is MY Geliefde Seun wie doodgemaak is as 'n perfekte vlekkelose offerlam vir almal wie die Reddende Bloed op Golgota aanvaar vir die verlossing van sonde. SY Bloed het die grond op Golgota deurdrenk maar soos dit uitgestort in die grond is, het dit ook vir Jerusalem met genade bedek. 'Vader vergewe hulle want hulle weet nie wat hulle doen nie', is vir julle ook. EK het meer geduld met jou gehad geliefde eiewyse kind wie soek om MY te behaag en nogtans MY Geskenk op Golgota afwys. Die enigste weg na die Hemel is deur YAHUSHUA; daar is geen ander naam wat kan red nie behalwe SYNE.

EK het beoog om julle jaloers te maak en het hierdie begrip vir die Nie-Jode gegee, hulle wie nie eers na 'n MESSIAS gesoek het nie. Nou kom EK terug na julle deur hierdie Profeet en andere en EK sê moenie vir YAHUSHUA wegjaag nie. HY is nie net 'n MESSIAS vir die Nie-Jode nie, maar HY was eerstens na die Joodse volk gestuur, vir wie EK liefhet met 'n liefde wat julle nie kan begryp nie. Was YAHUSHUA nie uit die lendene van 'n Joodse Diensmaagd gebore nie? Jy Israel moenie die reuse in die land vrees nie. Hoekom vergeet julle dat EK belowe het om hulle te beskerm wie afgesonder en verlos is?

Jy Israel, moenie meer land weggee as wat EK nie vir julle gegee het om weg te gee nie. EK het dit vir julle gegee deur julle voorvaders. Hierdie land kan nie geneem word nie, maar jy kan en is geboelie om te dink dat die reuse die land sal besit en hulle kan nie vat wat julle nie vir hulle gee nie. MY Volk skree weereens uit vir 'n 'Passover' van die bose Farao. MY Volk, 'EK IS' beveel die RUACH ha KODESH om hulle wie glo 'EK IS' is 'n GOD wat nie verander nie en wie dieselfde bly en almal beskerm wat sê wat MYNE is joune, wat joune is MYNE. Moet net nie voor 'n ander god neerbuig nie, Israel. Israel, moenie buig voor die heindse mense wie nie 'n god is nie maar slegs stof is wat onder julle voete vertrap moet word nie.

Moenie na die strelende woorde van die vyand luister wat sê gee ons 'n bietjie meer land, dan sal ons weggaan en julle in vrede laat. EK het MY Kinders in die Heilige Geskrifte beveel om te bid vir die Vrede van Jerusalem. Vandag, deur hierdie Profeet, spreek EK weereens hierdie woorde. Moenie diegene vertrou wat soos reuse kom en 'n klein kindjie intimideer nie. Jy is nie 'n klein kindjie nie Israel. EK het MY salwing op jou land uitgestort. Gebruik dit vir 'EK IS' se Glorie. Jou traandeurdronge Tempelmuur is ewig voor MY. Jou krete eggo in MY ore. O, EK verlang daarna om MY arms om jou te slaan en jou te troos en EK sal. Maar moenie langer MY Geskenk wegwys wat EK op Golgota vir jou gegee het nie, SY NAAM is YAHUSHUA. HY alleen is jou Verlossing.

Moenie slegs die gebede wat jy bid, herhaal nie Israel, maar glo die gebede wat jy herhaal. Moenie net 'Passover' vier nie, glo dat dit jou 'Passover' is. Dit geld vir al MY Geliefde Kinders wie soek om MY te behaag, wie MY gehoorsaam, wie my dien, MY aanbid, MY die groot GOD 'EK IS' eerste stel bo alle dinge. EK stuur hierdie boodskap en het dit alreeds tot menigtes gespreek deur MY RUACH ha KODESH. As julle 'n 'Passover' verlossing uit die hande van die vyande verlang, dan moet julle feesvier en glo en mekaar bemoedig. Dit is julle 'Passover' en julle sal waardig geag word om die komende toorn van 'EK IS' te ontvlug. Die plae sal verby julle gaan en julle nie raak nie, al die plae, soos in die tyd van Moses sal weer wees, maar julle sal 'n uitweg hê. Julle sal weereens 'n 'Passover' hê. Die Bloed van YAHUSHUA is julle 'Passover'. As julle dit nou lees dan sal julle verantwoordelik gehou word vir wat julle weet. Wat gaan julle met dit doen?

Die Pasga 'Passover' is julle belofte. Die God van Abraham, Isak en Jakob, die groot GOD 'EK IS' sal julle weereens verlos op maniere wat julle nie kan dink nie, as julle net kan glo. Waar julle geloof is dit is waar julle 'Passover' is. Hulle wie in Amerika woon en EK het die komende toorn geprofeteer, dit is waar maar vir hulle wie glo 'EK IS' is die 'Passover' en soos vir Moses, sal EK ook vir julle 'n uitweg voorsien, julle sal nie beskaamd staan vir wat julle geglo het nie. EK sal bewys dat die groot GOD 'EK IS' nie kan lieg nie en nie vir julle sal lieg nie. Waar julle geloof is, daar sal julle 'Passover' wees.

MY Geliefdes moenie dink EK sê niemand van julle sal nie ly nie, want daar is pyn en lyding in hierdie wêreld maar EK het 'n uitweg gestuur. EK stuur MY Seun soos EK belowe het. Nogtans, dit beteken nie sit terug en moet niks doen nie. Dit is nou die tyd dat julle die eindtydse oes bymekaar maak terwyl daar nog tyd is. Gebruik julle papier en plastiek as saad om Eer aan MY te bring. Ondersteun met julle gebede en aalmoese, bedienings wat EK aan julle gegee het om voor in te tree en saam te werk. Nie sodat hierdie bedienings skatte op aarde kan opgaar nie, want die bedienings wat dit doen, EK sal persoonlik toesien dat alles wat hulle doen afgestomp sal word en slegs geskik vir vernietiging sal wees.

Eet die brood van ellende wat matzoh genoem word. Eet dit nie net omdat dit 'n simbool is van wat die Israeliete geeët het toe hulle gevlug het voordat die brood kon rys nie EK wil ook hê julle moet deelneem in die dae van die ongesuurde brood en die brood van ellende eet, in herinnering aan YAHUSHUA en hoe HY die prys as die brood van ellende betaal het. HY was in ellende ter wille van julle. Die brood is hard want die prys wat HY vir julle betaal het, was nie maklik nie. Neem deel aan die Here se Laaste Avondmaal soos YAHUSHUA gedoen het. Doen dit op die vooraand van 31 Maart 1999. Doen dit in herinnering aan die Bloed wat YAHUSHUA gestort het sodat julle gered kon word en die Brood wat in die Bloed gedoop was, want YAHUSHUA is die Brood van die Lewe en SY LIGGAAM was geoffer sodat julle gemeenskap met 'EK IS' kan hê en tot vergifnis van sonde sodat julle 'n uitweg uit die vlamme van die Hel kan hê. Satan het geen reg op hulle wie waarlik MYNE is nie.

Elke keer wanneer julle bid, onthou nou is die tyd om te bid dat julle waardig geag word om die komende oordeel oor die aarde te ontvlug. Die toorn van 'EK IS' is nie net 'n onbeheersde woedebui nie, dit het opgehoop en dit is vreeslik om in die hande van 'n Lewende GOD te val. Maar MY Babas, Bruid en Uitverkorenes hoef nie te vrees nie. EK sal julle oorlaai met MY seëninge nie MY toorn nie. Ween oor dit wat Amerika en haar bondgenote besig is om te doen. Ween want selfs die heiden aanbid 'n god. Ween want sommige is julle broers en susters in YAHUSHUA op wie die bomme val. Hierdie bloed wat gestort word en wraak wat uitgevoer word en 'EK IS' kyk en dit word tot dusver toegelaat want hulle wat daaraan deelneem is besig om verwoesting oor hul eie lande en oor hulself op te hoop. Moenie deel hê aan hierdie oorlog nie, moenie die propaganda en die verskonings daaroor glo nie. Die regerings het hul eie motiverings en om die Groot GOD 'EK IS' te behaag, is nie een van dit nie. Om die vertraptes te red is nie een van dit nie. Arrogansie en trots is wel een van die redes. Bid dat julle leiers sal berou toon oor hierdie boosheid, voordat dit te laat is.

Protesteer, praat teen hierdie oorlog. Amerika, jy het dit oor jouself gebring deur jou trots en jou dominerende gees. Jy het dit wat gaan kom, oor ' n nasie gebring wat EK persoonlik tot nou toe met MY hand beskerm het. Oorlog het nog nie jou oorde bereik nie, maar dit sal. Ter wille van MY Geliefdes sal EK die hand van die laksman vir 'n kort rukkie terughou, maar ag vir slegs so 'n kort rukkie. Jy stuur oorlog na ander nasies. Jy sal die smaak van oorlog in jou eie nasie proe weens jou arrogansie. Jy praat teen 'n ander nasie en tog hoor jy nie die eggo van wat jy sê terugkeer na jou eie ore nie. Want dit is die woorde waarvan jy 'n ander nasie beskuldig, wat jou leiers self in die geheim doen. Elke Amerikaner moet sidder oor wat gebeur. Beide jou politieke en geestelike leiers beter bely en wegdraai van dit waarmee hulle besig is. As MY Volk , oor wie MY NAAM uitgeroep is, hulle verootmoedig en bid en MY aangesig soek en hulle bekeer van hul verkeerde weë, dan sal EK uit die Hemel hoor en hulle sonde vergewe en hulle land genees. Ag maar hulle is hardnekkig en hardkoppig en sê hulle sondig nie en tog sien die hele wêreld die sonde maar nie die Amerikaanse politici en hulle wie agter die bose mense aanloop, en dit doen nie. 

As Amerika nie bely nie sal 'EK IS' hulle land vernietig, EK sal 'n bespotting maak van die land wat eens bekend was vir sy vryheid en dapperheid. Aan al MY Babas, Bruid en Uitverkorenes wat hier lees, moenie teen Jerusalem draai nie. Moenie teen Israel draai nie. Bid vir die vrede van Jerusalem sodat EK julle kan seën. Bid vir die nasies wat deur NATO in oorlog gedompel is. Bid MY Volk en treur oor dit wat gedoen word. MY Heilige Dae word weereens deur die heidene besoedel. EK is nie 'n GOD wat gespot moet word nie. Almal wie 'n 'PASSOVER' teen MY toorn begeer, EK gee hierdie opdrag wat nog nooit verander het nie, neem waar en bid dat julle 'PASSOVER' sal kom. SY NAAM is YAHUSHUA ha MASHIACH en bid dat julle waardig geag mag word om MY komende toorn en verdrukking te ontvlug. Maak vir julleself 'n vlugplan vir ingeval julle dit nodig sal kry voordat julle MESSIAS julle kom haal. Daar is sommiges wat nou hier lees wat deur die vuur van MY toorn en verdrukking moet loop. Sommige sal dit doen en EK sal hulle beskerm op 'n manier wat julle nie kan dink nie.

Andere sal hier lees en die Diensmaagd wat hierdie boodskap bring bespot. Pasop, hierdie is nie haar woorde wat julle bespot nie, so wees gewaarsku. Hierdie woorde wat julle nou bespot sal terugkeer en by julle spook want julle bespot die Groot GOD 'EK IS' en nie die woorde van Sherrie Elijah nie. As dit haar woorde was sou dit lugblasies gewees het, maar wanneer dit MY Woorde is wat gespreek word, is dit woorde van lewende krag en EK sal doen wat EK sê. EK stuur MY Profete en Apostels vooruit om te profeteer voordat EK die verdoeming of seëninge stuur. Die van julle wat spot sal MY komende toorn proe. Sy het opdrag om MY Woorde te spreek ongeag of dit strelend op julle ore is of nie. Sy sal verantwoordelik gehou word indien sy terughou en skik uit vrees vir wat julle, of ander met gesag, sal sê. Al MY Profete wie die Groot GOD 'EK IS' hoor, en geskik het en slegs woorde gespreek het wat strelend op die ore is, maar baie droefheid sal veroorsaak wanneer dit wat julle spreek nie gebeur nie. Julle is bekommerd oor wat jul Profeteklub te sê het en nie wat die Groot GOD 'EK IS' spreek nie. Julle vergelyk notas en onderskei deur jul eie wysheid en openbaringe, nie MY wysheid en openbaring nie.

Pasop julle wie julself MY Profete noem en nooit die woord 'BELY en draai weg van sonde', noem nie. Pasop julle wie slegs van komende boosheid praat en nie vir MY Kinders hoop gee nie. 'EK IS' is nie in daardie profesieë nie. Daar is altyd 'n uitweg vir MY Geliefde Babas, Bruid en Uitverkorenes. EK sal 'n weg voorsien wanneer daar nie een is nie. Net omdat julle dit nie nou weet nie, dit is soos 'n man met 'n reiskaartjie, hy het nie die kaartjie nodig totdat dit tyd is om te vertrek nie. Julle het nie nou die wysheid nodig nie want as EK nou aan MY Profete MY maniere om te vlug bekend maak, dan geliefdes sal die vyande ook weet. EK het MY 'verborgenes' en dit is al wat julle nou nodig het om te weet. Nie almal sal aangesê word om te vlug nie. As julle MY nie hoor praat en bevestig en dit in julle gees getuig nie, dan sal EK julle beskerm waar julle is. As EK nie nou vir julle vertel waarheen om te vlug nie, sal EK julle vertel wanneer dit tyd is om te vertrek.

Soos in die tyd van Lot en Moses so sal dit weer wees, 'EK IS' sal julle jul 'Passover' stuur. YAHUSHUA is julle 'Passover'. Moenie dat sononder verbygaan sonder om te bid dat julle Ware 'Passover', YAHUSHUA' moet kom nie. Moenie hierdie dag volgens die wet vier nie maar doen wat julle kan. Leer en bewys julself aanvaarbaar om te weet wat om op hierdie dag te doen. Is dit werklik te veel gevra dat julle vir 8 dae geen rysmiddels (suurdeeg) eet nie? Om die Brood van Ellende te eet om julle aan die Een te herinner wie die prys betaal het as die Brood van Ellende om aan julle jul 'Passover' te bring.

Dit was MY doel dat die Israeliete nie tyd sou hê dat die brood kon rys nie. Dit was MY oogmerk, maar hulle het nie geweet nie, maar dit was nie per ongeluk dat EK toegelaat het dat hulle gevlug het nie sodat dit kon plaasvind. Want weer het die Jode deelgeneem en was eerstens die Brood van Ellende, wat Matzoh genoem word, aangebied en nou gee EK aan hulle die wysheid wat hulle reeds toe ontvang het, want dit was YAHUSHUA wat sou kom, gegee as 'n wenk. YAHUSHUA is 'n 'PASSOVER' vir Jood sowel as Nie-Jood. Daar was en is geen ander perfekte Offerlam wat geslag kan word vir die verlossing van sonde nie, wat dit kan wegwas asof dit nooit was nie, behalwe net een. SY NAAM is YAHUSHUA ha MASHIACH, SY NAAM is VERLOSSING! HY alleen is julle 'Passover'. Vier dit op 31 Maart 1999 met sononder en leer die ware betekenis van die 'Passover' wat was en die 'Passover' wat kom.

Eer die Sabbatdae, so ook die Hoog Heilige Dae, 1 April, 2 April. Eer al die Sabbatdae wat vanaf Vrydag sonsondergang tot Saterdag sonsondergang is, nie Sondag nie, want so baie van julle onthou MY op 'n Sondag en lewe soos die duiwel op Vrydag- en Saterdagaande en neem deel aan die wêreldse dinge op die dae wat afgesonder is vir julle Sabbat. Bid vir die 'Passover' van die komende toorn oor hierdie wêreld. Bid dat julle waardig geag sal word en dat hierdie skale en trompette van MY toorn by julle verby sal gaan en julle waardig geag sal word om te ontvlug. Want 'EK IS' is 'n GOD wat nie kan of sal lieg nie, EK profeteer deur MY Profete wat gaan kom sodat niemand kan sê 'EK IS' het nie die mense gewaarsku nie.

Wanneer julle oorgaan (PASSOVER) na die anderkant toe, sal dit Hemel of Hel en vloeke wees? Wanneer julle oorgang (PASSOVER) kom, sal julle wegraping ervaar of Groot Verdrukking soos wat hierdie wêreld nog nooit beleef het of sal beleef nie? Wat gaan julle doen met hierdie profetiese boodskap van 'EK IS'? Sal julle (PASSOVER) oor dit gaan en dit vergeet en afmaak as dwaasheid of gekheid of sal julle voorberei vir julle 'PASSOVER' wie se NAAM YAHUSHUA ha MASHIACH is? Bid vandag vir almal wie dit lees en nie weet hoe om sonder vlek of rimpel gereed te wees nie. Skryf aan hierdie Pastoor en sy sal julle aan die WARE 'PASSOVER' Lam voorstel wat geslag en weer opgewek is uit die dode op die 3de dag. Wie SY lewe gewilliglik neergelê het vir jou sodat jy 'n verloste genoem kan word wie se sondes weggewas is deur die perfekte BLOED van die ware 'PASSOVER', die perfekte, sondelose lam van GOD, Seun van 'EK IS' wie se NAAM YAHUSHUA ha MASHIACH is, HY alleen is julle MESSIAS vir diegene wie 'EK IS' se 'PASSOVER' geskenk op Golgota aangeneem het.

Vir hulle wie lief is vir 'EK IS', MY dien en hard probeer om 'EK IS' se gebooie te gehoorsaam, wetende dat as julle misluk, julle 'n 'PASSOVER' Lam het wie se Bloed op Golgota gestort is vir julle sondes, julle weet ook dat julle MY nie kan versoek en bewustelik sondig nie omdat jul kan nie. 'EK IS' word nie bespot nie en elke persoon moet sy eie saligheid uitwerk met vrees en bewing want net 'EK IS' ken julle ware hart en motiewe en intensies. Nou het EK gespreek, wat gaan julle doen met jul 'PASSOVER'? Baie van julle wat hier lees sal nie Weer enige kans kry om die PASGA (Passover) te vier nie. Dit is tyd dat julle moet besluit, dit is julle keuse. Wees gewaarsku, EK weet reeds wat julle gekies het. Sal julle MY eer tydens hierdie PASGA (PASSOVER)?

So is dit gespreek, so is dit geskryf op hierdie dag 30 Maart 1999 4:26 vm, deur MY Diensmaagd Sherrie Elijah [Elisheva Sherrie Eliyahu], onder MY salwing van die RUACH ha KODESH wie alle bande en jukke sal breek.

Gespreek onder die Salwing van die RUACH HA KODESH

Deur Apostel Profeet Elisheva Eliyahu 05/30/1999