Bereisheet / In die Begin, Torah Portion Gedeelte

Shabbat Shalom!
Welkom by Parasha Bereisheet /In die Begin, hierdie week se Torah gedeelte.

Genesis 1:1–6:8;

1 In die begin het ELOHIM die hemel en die aarde geskape. 2 En die aarde was woes en leeg, en duisternis was op die wêreldvloed, en die Gees van ELOHIM het gesweef op die waters. 3 En ELOHIM het gesê: Laat daar lig wees! En daar was lig. 4 Toe sien ELOHIM dat die lig goed was. En ELOHIM het skeiding gemaak tussen die lig en die duisternis. 5 en ELOHIM het die lig Dag genoem, en die duisternis het HY Nag genoem. En dit was aand en dit was môre, die eerste dag.

6 En ELOHIM het gesê: Laat daar ‘n uitspansel wees tussen die waters, en laat dit skeiding maak tussen waters en waters. 7 ELOHIM het toe die uitspansel gemaak en die waters wat onder die uitspansel is, geskei van die waters wat bo die uitspansel is. En dit was so. 8 En ELOHIM het die uitspansel Hemel genoem. En dit was aand en dit was môre, die tweede dag.

9 En ELOHIM het gesê: Laat die waters onder die hemel hulle op een plek versamel, sodat die droë grond sigbaar word. En dit was so. 10 En ELOHIM het die droë grond Aarde genoem, en die versameling van die waters het HY See genoem. Toe sien ELOHIM dat dit goed was.

11 En ELOHIM het gesê: Laat die aarde voortbring grasspruitjies, plante wat saad gee en bome wat, volgens hulle soorte, vrugte dra, waarin hulle saad is, op die aarde. En dit was so. 12 Die aarde het voortgebring grasspruitjies, plante wat saad gee volgens hulle soorte en bome wat vrugte dra, waarin hulle saad is, volgens hulle soorte. Toe sien ELOHIM dat dit goed was. 13 En dit was aand en dit was môre, die derde dag.

(A: ii) 14 En ELOHIM het gesê: Laat daar ligte wees aan die uitspansel van die hemel, om skeiding te maak tussen die dag en die nag; en laat hulle dien as tekens sowel vir vaste tye, asook vir dae sowel as jare. 15 Laat hulle ook dien as ligte aan die uitspansel van die hemel om lig te gee op die aarde. En dit was so. 16 ELOHIM het toe die twee groot ligte gemaak: die groot lig om te heers oor die dag en die klein lig om te heers oor die nag; ook die sterre. 17 En ELOHIM het hulle aan die uitspansel van die hemel gestel om lig te gee op die aarde 18 en om te heers oor die dag en oor die nag en om skeiding te maak tussen die lig en die duisternis. Toe sien ELOHIM dat dit goed was. 19 En dit was aand en dit was more, die vierde dag.

20 En ELOHIM het gesê: Laat die waters wemel met ‘n gewemel van lewende wesens, en laat die voëls oor die aarde vlieg langs die uitspansel van die hemel. 21 En ELOHIM het die groot seediere geskape en al die lewende wesens wat beweeg, waar die waters van wemel, volgens hulle soorte; en al die gevleuelde voëls volgens hulle soorte. Toe sien ELOHIM dat dit goed was. 22 En ELOHIM het hulle geseën en gesê: Wees vrugbaar en vermeerder en vul die waters in die see, en laat die voëls op die aarde vermeerder. 23 En dit was aand en dit was more, die vyfde dag.

(A: iii) 24 En ELOHIM het gesê: Laat die aarde lewende wesens voortbring volgens hulle soorte: vee, kruipende diere en wilde diere van die aarde volgens hulle soorte. En dit was so. 25 En ELOHIM het die wilde diere van die aarde gemaak volgens hulle soorte en die vee volgens hulle soorte en al die diere wat op die grond kruip, volgens hulle soorte, Toe sien ELOHIM dat dit goed was.

26 En ELOHIM het gesê: Laat ONS mense maak na ons beeld, na ons gelykenis, en laat hulle heers oor die visse van die see en die voëls van die hemel en die vee en oor die hele aarde en oor al die diere wat op die aarde kruip.

27
En ELOHIM het die mens geskape na Sy beeld; na die beeld van ELOHIM het HY hom geskape; man en vrou het HY hulle geskape.

28 En ELOHIM het hulle geseën, en ELOHIM het vir hulle gesê: Wees vrugbaar en vermeerder en vul die aarde, onderwerp dit en heers oor die visse van die see en die voëls van die hemel en oor al die diere wat op die aarde kruip. 29 Verder het ELOHIM gesê: EK gee nou aan julle al die plante wat saad gee, wat op die hele aarde is, en al die bome waar boomvrugte aan is, wat saad dra. Dit sal julle voedsel wees. 30 Maar aan al die diere van die aarde en al die voëls van die hemel en al die kruipende diere op die aarde, waarin ‘n lewende siel is, gee EK al die groen plante as voedsel. En dit was so. 31 Toe sien ELOHIM alles wat HY gemaak het, en—dit was baie goed. En dit was aand en dit was more, die sesde dag.

2 SO is dan voltooi die hemel en die aarde met hulle ganse leërmag. 2 En ELOHIM het op die sewende dag SY werk voltooi wat HY gemaak het, en op die sewende dag gerus van al SY werk wat ELOHIM geskape het deur dit te maak. 3 En ELOHIM het die sewende dag geseën en dit geheilig, omdat HY daarop gerus het van al SY werk wat ELOHIM geskape het deur dit te maak.

(A: iv, S: ii) 4 DIT is die geskiedenis van die hemel en die aarde toe hulle geskape is. Die dag toe YAHUVEH ELOHIM die aarde en die hemel gemaak het, 5 was daar nog geen struike in die veld op die aarde nie, en geen plante van die veld het nog uitgespruit nie; want YAHUVEH ELOHIM het nog nie laat reën op die aarde nie, en daar was geen mens om die grond te bewerk nie. 6 Maar ‘n mis het opgetrek uit die aarde en die hele aardbodem bevogtig.

7 En YAHUVEH ELOHIM het die mens geformeer [a] uit die stof van die aarde [b] en in sy neus die asem van die lewe geblaas. So het dan die mens ‘n lewende siel geword. 8 Ook het YAHUVEH ELOHIM ‘n tuin geplant in Eden, in die Ooste, en daar aan die mens wat HY geformeer het, ‘n plek gegee. 9 En YAHUVEH ELOHIM het allerhande bome uit die grond laat uitspruit, begeerlik om te sien en goed om van te eet; ook die boom van die lewe in die middel van die tuin, en die boom van die kennis van goed en kwaad.

10 En daar het ‘n rivier uit Eden uitgegaan om die tuin nat te maak; en daarvandaan is dit verdeel en het vier lope geword. 11 Die naam van die eerste is die Pison. Dit is hy wat om die hele land Hawila loop waar die goud is. 12 En die goud van dié land is goed. Daar is ook balsemgom en onikssteen. 13 En die naam van die tweede rivier is die Gihon. Dit is hy wat om die hele land Kus loop. 14 En die naam van die derde rivier is die Hiddékel. Dit is hy wat oos van Assur loop. En die vierde rivier is die Frat.

15 Toe het YAHUVEH ELOHIM die mens geneem en hom in die tuin van Eden gestel om dit te bewerk en te bewaak. 16 En YAHUVEH ELOHIM het aan die mens bevel gegee en gesê: Van al die bome van die tuin mag jy vry eet, 17 maar van die boom van die kennis van goed en kwaad, daarvan mag jy nie eet nie, want die dag as jy daarvan eet, sal jy sekerlik sterwe.

18 Ook het YAHUVEH ELOHIM gesê: Dit is nie goed dat die mens alleen is nie. EK sal vir hom ‘n hulp maak wat by hom pas. 19 En YAHUVEH ELOHIM het uit die aarde geformeer al die diere van die veld en al die voëls van die hemel en hulle na die mens gebring om te sien hoe hy hulle sou noem. En net soos die mens al die lewende wesens genoem het, so moes hulle naam wees. (S: iii) 20 So het die mens dan name gegee aan al die vee en aan die voëls van die hemel en aan al die wilde diere van die veld, maar vir die mens het hy geen hulp gevind wat by hom pas nie.

21 Toe het YAHUVEH ELOHIM ‘n diepe slaap op die mens laat val; en terwyl hy slaap, het HY een van sy ribbebene geneem en die plek daarvan met vlees toegemaak. 22 En YAHUVEH ELOHIM bou die rib wat HY van die mens geneem het, tot ‘n vrou en bring haar na die mens. 23 Toe sê die mens: Dit is nou eindelik been van my gebeente en vlees van my vlees. Sy sal Mannin [c] genoem word, want sy is uit die Man [d] geneem. 24 Daarom sal die man sy vader en moeder verlaat en sy vrou aankleef. En hulle sal een vlees wees.

25 En hulle was altwee naak, die mens en sy vrou, maar hulle het hul nie geskaam nie.

3 Maar die slang was listiger as al die diere van die veld wat YAHUVEH ELOHIM gemaak het. En hy sê vir die vrou: Is dit ook so dat ELOHIM gesê het: Julle mag nie eet van al die bome van die tuin nie? 2 En die vrou antwoord die slang: Van die vrugte van die bome in die tuin mag ons eet, maar van die vrugte van die boom wat in die middel van die tuin is, het ELOHIM gesê: Julle mag daarvan nie eet nie en dit nie aanroer nie, anders sal julle sterwe. 4 Toe sê die slang vir die vrou: Julle sal gewis nie sterwe nie; 5 maar ELOHIM weet dat as julle daarvan eet, julle oë sal oopgaan, sodat julle soos ELOHIM sal wees deur goed en kwaad te ken. 6 Toe sien die vrou dat die boom goed was om van te eet en dat hy ‘n lus was vir die oë, ja, ‘n boom wat ‘n mens kan begeer om verstand te verkry; en sy neem van sy vrugte en eet en gee ook aan haar man by haar, en hy het geëet. 7 Toe gaan altwee se oë oop, en hulle word gewaar dat hulle naak is; en hulle het vyeblare aanmekaargewerk en vir hul skorte gemaak.

8 En hulle het die stem van YAHUVEH ELOHIM gehoor terwyl HY wandel in die tuin in die aandwindjie; en die mens en sy vrou het hulle verberg vir die aangesig van YAHUVEH ELOHIM tussen die bome van die tuin. 9 Toe roep YAHUVEH ELOHIM na die mens en sê vir hom: Waar is jy? 10 En hy antwoord: Ek het u geruis gehoor in die tuin en gevrees, want ek is naak; daarom het ek my verberg. 11 En HY sê: Wie het jou te kenne gegee dat jy naak is? Het jy geëet van die boom waarvan EK jou beveel het om nie te eet nie?

12 En die mens antwoord: Die vrou wat U gegee het om by my te wees -- sy het my van die boom gegee, en ek het geëet. 13 Daarop sê YAHUVEH ELOHIM aan die vrou: Wat het jy nou gedoen? En die vrou antwoord: Die slang het my bedrieg, en ek het geëet.

14 Toe sê YAHUVEH ELOHIM aan die slang: Omdat jy dit gedoen het, is jy vervloek onder al die vee en al die diere van die veld. Op jou buik moet jy seil, en stof moet jy eet al die dae van jou lewe. 15 En EK sal vyandskap stel tussen jou en die vrou, en tussen jou saad en haar saad. Hy sal jou die kop vermorsel, en jy sal hom in die hakskeen byt.

16 Aan die vrou het HY gesê: EK sal grootliks vermeerder jou moeite en jou swangerskap; met smart sal jy kinders baar; en na jou man sal jou begeerte wees, en hy sal oor jou heers.

17 En aan die mens het HY gesê: Omdat jy geluister het na die stem van jou vrou en van die boom geëet het waarvan EK jou beveel het om nie te eet nie — vervloek is die aarde om jou ontwil; met moeite sal jy daarvan eet al die dae van jou lewe. 18 Ook sal dit vir jou dorings en distels voortbring; en jy sal die plante van die veld eet. 19 In die sweet van jou aangesig sal jy brood eet totdat jy terugkeer na die aarde -- want daaruit is jy geneem. Want stof is jy, en tot stof sal jy terugkeer.

20 En die mens het sy vrou Eva genoem, omdat sy moeder geword het van alles wat lewe.

21 En YAHUVEH ELOHIM het vir die mens en sy vrou rokke van vel gemaak en hulle dit aangetrek.

(A: v, S: iv) 22 Toe sê YAHUVEH ELOHIM: Nou het die mens geword soos een van ONS deur goed en kwaad te ken. As hy nou maar nie sy hand uitsteek en ook van die boom van die lewe neem en eet en lewe in ewigheid nie! — 23 Toe stuur YAHUVEH ELOHIM hom weg uit die tuin van Eden om die grond te bewerk waaruit hy geneem is. 24 So het HY dan die mens weggedrywe en gérubs aan die oostekant van die tuin van Eden laat woon, met die swaard wat vlam en flikker, om die toegang tot die boom van die lewe te bewaak.

4 En die mens het sy vrou Eva beken, en sy het swanger geword en Kain [verkryging] gebaar en gesê: Ek het ‘n man verkry met die hulp van YAHUVEH. 2 Daarna het sy ook sy broer Abel gebaar. En Abel het ‘n skaapherder geword, en Kain ‘n landbouer. 3 En na verloop van tyd het Kain van die vrugte van die land aan YAHUVEH ‘n offer gebring. 4 En Abel het ook van die eersgeborenes van sy kleinvee gebring, naamlik van hulle vet. En YAHUVEH het Abel en sy offer genadig aangesien, 5 maar Kain en sy offer nie aangesien nie. Toe word Kain baie kwaad, en hy het sy hoof laat hang. 6 En YAHUVEH sê vir Kain: Waarom is jy kwaad, en waarom laat jy jou hoof hang? 7 Is daar nie verheffing as jy goed doen nie? En as jy nie goed doen nie – die sonde lê en loer voor die deur, en sy begeerte is na jou; maar jy moet daaroor heers. 8 En Kain het met sy broer Abel gepraat; en toe hulle in die veld was, het Kain teen sy broer Abel opgestaan en hom doodgeslaan.

9 Toe sê YAHUVEH vir Kain: Waar is jou broer Abel? En hy antwoord: Ek weet nie. Is ek my broer se wagter? 10 En HY sê: Wat het jy gedoen? Die stem van die bloed van jou broer roep na MY van die aarde af. 11 Daarom sal jy vervloek wees, ver van die grond wat sy mond oopgemaak het om die bloed van jou broer uit jou hand te ontvang. 12 As jy die grond bewerk, sal dit sy vermoë aan jou nie meer gee nie; ‘n swerwer en vlugteling sal jy wees op die aarde. 13 Daarop sê Kain vir YAHUVEH: My skuld is te groot om dit te dra. 14 Kyk, U verdryf my nou uit die land uit, en ek moet my verberg vir u aangesig; ‘n swerwer en vlugteling sal ek op die aarde wees, en elkeen wat my kry, sal my doodslaan. 15 Maar YAHUVEH sê vir hom: Daarom, as enigeen Kain doodslaan, sal dit sewevoudig gewreek word. En YAHUVEH het ‘n teken gegee aan Kain, sodat enigeen wat hom kry, hom nie sou doodslaan nie. 16 Toe gaan Kain weg van die aangesig van YAHUVEH, en hy het gewoon in die land Nod [omswerwinge], aan die oostekant van Eden.

17 En Kain het sy vrou beken, en sy het swanger geword en Henog gebaar. Daarna bou hy ‘n stad en noem die stad na die naam van sy seun Henog. 18 En vir Henog is Irad gebore; en Irad was die vader van Mehujael; en Mehujael was die vader van Metusael; en Metusael die vader van Lameg.

(S: v) 19 En Lameg het vir hom twee vroue geneem. Die naam van die eerste was Ada, en die naam van die tweede Silla. 20 En Ada het Jabal gebaar. Hy was die vader van die tentbewoners en die veeboere. 21 Die naam van sy broer was Jubal. Hy was die vader van almal wat op siters en fluite speel. 22 En Silla het ook gebaar, naamlik Tubal-Kain, ‘n smid wat allerhande koper- en ysterinstrumente gemaak het. En die suster van Tubal-Kain was Naéma. 23 En Lameg het aan sy vroue gesê:

Ada en Silla, hoor na my stem!
Vroue van Lameg, luister na my woord!
Voorwaar, ek slaan ‘n man dood wat my wond
en ‘n seun wat my kwes.

24
Want Kain sal sewe maal gewreek word,
maar Lameg sewen-en-sewentig maal.

25 En Adam het sy vrou weer beken, en sy het ‘n seun gebaar en hom Set [toegestaan] genoem. Want, het sy gesê, ELOHIM het my ‘n ander kind geskenk in die plek van Abel, omdat Kain hom doodgeslaan het. 26 En ook vir Set is ‘n seun gebore, wat hy Enos genoem het. Toe het hulle die Naam van YAHUVEH [YAHUVEH] begin aanroep.

5 (vi) Dit is die stamboom van Adam. Die dag toe ELOHIM Adam geskape het, het HY hom gemaak na die gelykenis van ELOHIM [ELOHIM]. 2 Man en vrou het HY hulle geskape en hulle geseën en hulle mens [Adam] [mensdom, mens] genoem, die dag toe hulle geskape is. 3 Toe Adam honderd-en-dertig jaar oud was, het hy ‘n seun verwek na sy gelykenis, na sy ewebeeld, en hom Set genoem. 4 En die dae van Adam, na die geboorte van Set, was agthonderd jaar. En hy het seuns en dogters gehad. 5 So was dan al die dae van Adam wat hy geleef het, negehonderd-en-dertig jaar, en hy het gesterwe.

6 Toe Set honderd-en-vyf jaar oud was, het hy die vader van Enos geword. 7 En Set het na die geboorte van Enos nog agthonderd-en-sewe jaar gelewe. En hy het seuns en dogters gehad. 8 So was dan al die dae van Set negehonderd-en-twaalf jaar, en hy het gesterwe.

9 Toe Enos negentig jaar oud was, het hy die vader van Kenan geword. 10 En Enos het na die geboorte van Kenan nog agthonderd-en-vyftien jaar gelewe. En hy het seuns en dogters gehad. 11 So was dan al die dae van Enos negehonderd-en-vyf jaar, en hy het gesterwe.

12 Toe Kenan sewentig jaar oud was, het hy die vader van Mahalalel geword. 13 En Kenan het na die geboorte van Mahalalel nog agthonderd-en-veertig jaar gelewe. En hy het seuns en dogters gehad. 14 So was dan al die dae van Kenan negehonderd-en-tien jaar, en hy het gesterwe.

15 Toe Mahalalel vyf-en-sestig jaar oud was, het hy die vader van Jered geword. 16 En Mahalalel het na die geboorte van Jered nog agthonderd-en-dertig jaar gelewe. En hy het seuns en dogters gehad. 17 So was dan al die dae van Mahalalel agthonderd-vyf-en-negentig jaar, en hy het gesterwe.

18 Toe Jered honderd-twee-en-sestig jaar oud was, het hy die vader van Henog geword. 19 En Jered het na die geboorte van Henog nog agthonderd jaar gelewe. En hy het seuns en dogters gehad. 20 So was dan al die dae van Jered negehonderd-twee-en-sestig jaar, en hy het gesterwe.

21 Toe Henog vyf-en-sestig jaar oud was, het hy die vader van Metusalag geword. 22 En Henog het na die geboorte van Metusalag nog driehonderd jaar met ELOHIM gewandel. En hy het seuns en dogters gehad. 23 So was dan al die dae van Henog driehonderd-vyf-en-sestig jaar. 24 En Henog het met ELOHIM gewandel; en hy was daar nie meer nie, want ELOHIM het hom weggeneem.

(vii) 25 Toe Metusalag honderd-sewen-en-tagtig jaar oud was, het hy die vader van Lameg geword. 26 En Metusalag het na die geboorte van Lameg nog sewehonderd-twee-en-tagtig jaar gelewe. En hy het seuns en dogters gehad. 27 So was dan al die dae van Metusalag negehonderd-nege-en-sestig jaar, en hy het gesterwe.

28 Toe Lameg honderd-twee-en-tagtig jaar oud was, het hy ‘n seun verwek 29 en hom Noag [rustige] genoem, want hy het gesê: Dit is hy wat ons sal troos oor ons werk en oor die moeitevolle arbeid van ons hande wat voortkom uit die aarde wat YAHUVEH vervloek het. 30 En Lameg het na die geboorte van Noag nog vyfhonderd-vyf-en-negentig jaar gelewe. En hy het seuns en dogters gehad. 31 So was dan al die dae van Lameg sewehonderd-sewen-en-sewentig jaar, en hy het gesterwe.

32 En Noag was vyfhonderd jaar oud, en Noag het die vader geword van Sem, Gam en Jafet.

6 Toe die mense op die aarde begin vermeerder en daar vir hulle dogters gebore is, 2 sien die seuns van ELOHIM dat die dogters van die mense mooi was, en hulle het vir hulle as vroue geneem almal wat hulle verkies het. 3 Toe sê YAHUVEH: MY Gees sal nie vir ewig in die mens heers nie, omdat hy ook vlees is; maar sy dae sal wees honderd-en-twintig jaar. 4 In dié dae was die reuse op die aarde, en ook daarna, toe die seuns van ELOHIM [“N’filim”] by die dogters van die mense ingegaan en dié vir hulle kinders gebaar het. Dit is die geweldiges uit die ou tyd, die manne van naam.

“(Maftir)” 5 Toe YAHUVEH sien dat die boosheid van die mens op die aarde groot was en al die versinsels wat hy in sy hart bedink, altyddeur net sleg was, 6 het dit YAHUVEH beroou dat HY die mens op die aarde gemaak het, en daar was smart in SY hart. 7 En YAHUVEH sê: EK sal die mens wat EK geskape het, van die aarde verdelg, die mens sowel as die vee en die kruipende diere en die voëls van die hemel; want dit berou MY dat EK hulle gemaak het. 8 Maar Noag het genade gevind in die oë van YAHUVEH.

Jesaja 42:5–43:10;

So sê GOD, YAHUVEH [ELOHIM, YAHUVEH],
wat die hemele geskape en hulle uitgesprei het,
die aarde uitgespan het saam met wat daaruit voortkom,
wat aan die aardbewoners die asem gee
en die gees aan wie daarop wandel.
6
EK, YAHUVEH, het U geroep in geregtigheid,
en EK vat u hand en behoed U
en gee U as ‘n verbond van die volk,
as ‘n lig van die nasies,
7
om blinde oë te open;
om gevangenes uit die kerker uit te lei,
uit die gevangenis diegene wat in die duisternis sit.
8
EK is YAHUVEH, dit is my Naam;
en my eer sal EK aan geen ander gee,
of ook my lof aan die gesnede beelde nie.
9
Kyk, die vorige dinge het gekom,
en nuwwe dinge verkondig EK;
voordat hulle uitspruit, laat EK julle dit hoor.

10
Sing tot eer van YAHUVEH ‘n nuwe lied,
sy lof aan die einde van die aarde af --
julle wat op die see vaar, en alles wat daarin is,
eilande en bewoners daarvan.
11
Laat die woestyn en sy stede uitroep,
die dorpe waar Kedar woon!
laat die rotsbewoners jubel,
van die top van die berge af skreeu!
12
Laat hulle aan YAHUVEH die eer gee
en sy lof in die eilande verkondig!
13
YAHUVEH sal uittrek soos ‘n held;
HY sal die ywer opwek soos ‘n krygsman;
HY sal die strydkreet aanhef, ja uitskreeu,
teen SY vyande HOM as held openbaar.

14
EK het baie lank geswyg,
MY stil gehou, MY bedwing.
EK sal uitskreeu soos een wat baar,
EK sal hard asemhaal en hyg tegelykertyd.
15
EK sal berge en heuwels woes maak
en al hulle plante laat verdroog;
en EK sal riviere tot eilande maak
en waterplasse laat opdroog.
16
En EK sal blindes lei op ‘n weg wat hulle nie ken nie,
hulle laat loop op paaie wat vir hulle onbekend is;
EK sal die duisternis lig maak voor hulle uit
en die hobbelagtige plekke gelyktes.
Dit is die dinge wat EK doen en nie nalaat nie.
17
Maar die wat op gesnede beelde vertrou,
wat aan gegote beelde sê: Julle is ons gode --
dié sal agteruitwyk, diep beskaamd staan.
18
HOOR, julle dowes, en kyk, julle blindes,
om te kan sien.
19
Wie is blind buiten my kneg
en doof soos my boodskapper wat EK stuur?
Wie is blind soos die vertroude vriend,
en blind soos die kneg van YAHUVEH?

20
Jy het wel baie dinge gesien, maar daar gee nag op gegee nie;
die ore oop gehad, maar jy hoor nie.
21
Dit het YAHUVEH behaag ter wille van SY geregtigheid
om die onderwysing groot en heerlik te maak.
22
En tog is dit ‘n beroofde en geplunderde volk;
hulle is almal gebonde in kerkers, verborge in gevangenisse;
hulle het ‘n buit geword sonder dat iemand red,
‘n plundering sonder dat iemand sê: Gee terug!
23
Wie onder julle luister na hierdie dinge?
Wie merk op, hoor di took vir die toekoms?
24
Wie het Jakob oorgegee as ‘n plundering
en Israel aan die berowers?
Is dit nie YAHUVEH teen wie ons gesondig het nie?
En hulle wou in SY weë nie wandel nie
en het na SY wet nie geluister nie.
25
Daarom het HY oor hulle uitgestort die gloed van SY toorn
en die geweld van die oorlog;
en dit het hulle rondom aan die brand gesteek, maar hulle het dit nie bemerk nie;
en dit het hulle gebrand, maar hulle het dit nie ter harte geneem nie.

43 MAAR nou, so sê YAHUVEH,
jou Skepper, o Jakob,
en jou Formeerder, o Israel:
Wees nie bevrees nie, want EK het jou verlos;
EK het jou by jou naam geroep, jy is myne!
2
As jy deur die water gaan, is EK by jou;
en deur die riviere – hulle sal jou nie oorstroom nie;
as jy deur vuur gaan, sal jy jou nie skroei nie,
en die vlam sal jou nie brand nie.
3
Want EK is YAHUVEH jou ELOHIM,
die Heilige van Israel, jou Heiland;
EK het Egipte gegee as losprys vir jou,
Kus en Seba in jou plek.
4
Omdat jy kostelik is in MY oë, hooggeag is,
en EK jou liefhet,
daarom gee EK mense in jou plek
en volke vir jou lewe.
5
Wees nie bevrees nie, want EK is met jou;
EK sal jou geslag van die ooste af aanbring
en jou versamel van die weste af.
6
EK sal sê aan die noorde: Gee!
en aan die suide: Hou nie terug nie!
Bring my seuns van ver,
en my dogters van die einde van die aarde af,
7
elkeen wat na MY Naam genoem is
en wat EK geskape het tot my eer,
wat EK geformeer, wat EK ook gemaak het.

8
Bring uit die volk wat blind is en tog oë het,
en die dowes wat ore het.
9
Al die nasies het saam vergader,
en die volke is versamel.
Wie onder hulle kan sulke dinge verkondig?
En laat hulle ons die vorige dinge bekend maak?
Laat hulle hul getuies bring, dat hulle in die gelyk gestel kan word;
en laat hulle hoor en sê: Dit is die waarheid!

10
Julle is my getuies, spreek YAHUVEH,
en my kneg wat EK uitverkies het,
sodat julle kan weet en MY kan glo
en insien dat dit EK is —
voor MY is geen ELOHIM geformeer nie,
en na MY sal daar geeneen wees nie.

Openbaring 22:6–21

6 EN hy het vir my gesê: Hierdie woorde is betroubaar en waaragtig; en YAHUVEH, die ELOHIM van die heilige profete, het sy engel gestuur om sy diensknegte te toon wat gou moet gebeur.

7 Kyk, EK kom gou. Salig is hy wat die woorde van die profesie van hierdie boek bewaar.

8 En dit is ek, Johannes, wat dit gesien en gehoor het; en toe ek dit gehoor en gesien het, het ek neergeval om te aanbid voor die voete van die engel wat my hierdie dinge getoon het. 9 Toe sê hy vir my: Moenie! Want ek is ‘n mededienskneg van jou en van jou broeders, die profete, en van hulle wat die woorde van hierdie boek bewaar. Aanbid ELOHIM.

10 En hy het vir my gesê: Moenie die woorde van die profesie van hierdie boek verseël nie, want die tyd is naby.

11
Wie onreg doen, laat hom nog meer onreg doen; en wie vuil is, laat hom nog vuiler word; en laat die regverdige nog regverdiger word; en laat die heilige nog heiliger word.

12 En kyk, [sê YAHUSHUA,] EK kom gou, en my loon is by MY, om elkeen te vergeld soos sy werk sal wees. 13 EK is die Alfa en die Omega, die Begin en die Einde, die Eerste en die Laaste.

14 Salig is die wat sy gebooie doen, sodat hulle reg kan hê op die Boom van die Lewe en ingaan deur die poorte in die stad. 15 Maar buite is die honde en die towenaars en die hoereerders en die moordenaars en die afgodedienaars en elkeen wat leuens liefhet en doen. 16 EK “YAHUSHUA”, het my engel gestuur om hierdie dinge aan julle voor die gemeentes te betuig. EK is die Wortel en die Geslag van Dawid, die blink Môrester. 17 En die Gees en die Bruid sê: Kom! En laat hom wat hoor, sê: Kom! En laat hom wat dors het, kom; en laat hom wat wil, die water van die lewe neem, verniet.

18 Want ek betuig aan elkeen wat die woorde van die profesie van hierdie boek hoor: As iemand by hierdie dinge byvoeg, dan sal ELOHIM oor hom die plae byvoeg waarvan in hierdie boek geskrywe is. 19 En as iemand iets van die woorde van die boek van hierdie profesie wegneem, dan sal ELOHIM sy deel wegneem uit die Boek van die Lewe en uit die heilige stad en uit die dinge waarvan in hierdie boek geskrywe is.

20 Hy wat dit getuig, sê: Ja, EK kom gou. Amen, ja kom, HERE “YAHUSHUA”!

21 Die genade van onse HERE “YAHUSHUA” sy met julle almal! Amen.

AmightyWind Profesieë

Van Profesie 105 af, het YAHUVEH gesê hierdie moet van nou af op al die Profesieë geplaas word: Elisabeth (Elisheva) EK het jou lank gelede gewaarsku om nie hierdie Bediening na ‘n man of ‘n vrou te vernoem nie, selfs nog voordat daar ‘n Bediening was. EK het dit in jou gees geplaas want niks hiervan was deur jou eie toedoen nie, niks hiervan het uit jou mond voortgekom nie. Dit is uit die Mond van YAHUVEH geboorte gegee. Dit is uit die Mond van YAHUSHUA jou MASHIACH geboorte gegee. Dit is uit die Mond van die RUACH ha KODESH jou IMMAYAH geboorte gegee. As dit net deur jou hand was sou dit lankal misluk het. Dit is deur die SHKHINYAH GLORIE se Wind wat oor hierdie aarde waai, die Heilige Wind van Herlewing, dit is nie deur jou asem nie, anders sou dit misluk het.(Jesaja 42:8)
5 Augustus 2018

Torah Gedeelte: Waar Is YAHUSHUA in die Skepping?
Profesie 136 Heilige Drie-Eenheid Het Ook Vertroosting Nodig!
MY kinders! MY kinders! MY kinders! MY babatjies! MY babatjies! MY babatjies! EK wil julle beter leer ken! EK IS julle SKEPPER! Daar is geen ander! Julle sit nooit godsdienste bymekaar nie!

Hierdie gaan nie oor ‘n godsdiens nie! Dit gaan oor ‘n verhouding met jou SKEPPER. Dit gaan oor julle MESSIAS, julle REDDER YAHUSHUA WIE die PRYS betaal het op Golgota – sodat julle van die hel [gered sou wees] julle nie sou gaan nie, sodat EK weer jul gebede kon hoor, sodat EK julle kon vergewe van jul sonde - HY het SY eie BLOED gestort! Want SY BLOED was perfek! Dit het van die Hemel af gekom!

HY is nie net die SEUN VAN ELOHIM ALMAGTIG, EK YAHUVEH, nie! HY is nie net die SEUN VAN IMMAYAH (die RUACH HA KODESH, die LIEFLIKE HEILIGE GEES) nie! HY IS ook ELOHIM! Al DRIE van ONS IS EEN (1 Joh. 5:7; sien ook Joh. 1:1-2; 10:30; Spreuke 8:23; 27; 30! Leer hulle MY kind! Leer hulle!

Sê vir hulle om na ‘n eier te kyk! Watter gedeelte is die eier? EK het dit van die begin af vir jou geleer! EK gaan vir jou sê om dit weer te onderrig. Vertel hulle. Vertel hulle MY kind. Kyk na ‘n eier! Is die eier die dop? Is die eier die geel? Is die eier die wit? Watter gedeelte is die eier? Dit is die geheel! Die eier is ‘n eier.

ONS DRIE, die ELOHIM DRIE EENHEID IS EEN (1 Joh.5:7)! EK YAHUVEH jou ELOHIM is EEN! ⁷ ABBA YAHUVEH, YAHUSHUA & IMMAYAH (RUACH HA KODESH, die HEILIGE GEES) ONS is EEN! Dit is wat EK wil hê jy vir hulle moet leer op Shavu’ot!

Dit is wat EK wil hê die Jode moet verstaan! Hulle kan nie argumenteer as hulle na ‘n eier kyk nie. EK praat nou asof hulle ‘n kind is. EK praat nou asof almal van julle kinders is, want julle is kinders (Hand. 17:28)! Julle wat dink julle weet so baie, weet so min!

EK wil jou leer soos ‘n kind– hierdie Bediening moet geleer word asof almal kinders is (Mat.11:25; Luk. 10:21) Kom na MY toe – soos ‘n kind (Mark.10:15) Ons begin van voor af.

Moenie glo wat nou geleer word dat alle godsdienste kan saamsmelt nie (1 Kor. 8:5-6; 2 Kor. 6:14; Joh.14:6) Nee! Nee! Nee! en Nee!

En HY het op daardie kruis gehang en HY was gemartel en HY was geslaan en HY was verneder en HY het jou skande gedra en elke kwaal, elke siekte (sien Jesaja 53)!

HY het dit vir julle gedoen MY kinders maar HY het nie net gesterf nie–want niemand kon SY Lewe neem nie (Joh. 10:18-19) terwyl HY op die kruis gehang het vir 3 ure, heeltemal onskuldig! Heeltemal rein en Heilig! Nie eens ‘n gedagte van sonde kon SY Kop binnedring nie.
Alhoewel HY deur satan versoek was vir 40 dae (sien Mat. 4:1-2; Mark. 1:13; Luk. 4:1-2) het nie eenmaal selfs ‘n gedagte van sonde SY Kop binnegedring nie. Wees julle Heilig! Leef Heilig! HY het SY Lewe gegee vir jou maar dit het nie beteken dat ‘n mens SY lewe geneem het nie (sien Joh. 10:18-19 hierbo). HY is selfs die EEN wat gesê het “Dit is volbring!” en toe het HY gesterf (Joh. 19:30).

Maar o, EK wil hê dat julle moet feesvier op Shavu’ot! Op die 3de dag het HY bewys dat HY lewendig was (sien 1 Kor. 15)! En HY het deur ‘n deur geloop wat gegrendel was (Joh. 20:19) waar die dissipels weggekruip en getreur het. Want HY het HOMSELF vertoon nadat HY hel toe gegaan het en satan en sy demone laat weet het dat hulle misluk het (sien Efes. 4:8-10)! Hulle het misluk want HY IS ELOHIM ALMAGTIG!

HY is jou HEER en REDDER! HY is MY SEUN! Maar HY dra die titel van “HEER ELOHIM ALMAGTIG”! HY is die MESSIAS! HY is Die VERLOSSER! En die dissipels was verheug soos EK julle vra om verheug te wees op Shavu’ot. Want julle sien HY het julle nie verlaat sonder om te sê dat HY die TROOSTER sou stuur nie. HY het voor die dissipels verskyn en gesê: 'EK stuur die TROOSTER' (sien Joh. 16:7). En die TROOSTER is die LIEFLIKE HEILIGE GEES.

Profesie 121 Is YAHUSHUA Net Redder, Of Is HY Here ELOHIM Almagtig!
Lê neer jul eie begeertes en kyk na die ander deur MY oë. EK sal geen minagting teen die Bruid duld nie! Moenie mekaar minag nie want julle betaal so 'n groot prys om aan MY te behoort. Almal van julle het dieselfde begeerte om MY Bruid te wees, om 'n getuienis soos Enoch te hê sodat EK julle kan trek tot aan MY sy!

EK is nie net daardie ge-offerde LAM nie. EK is nie net die liefde van jou lewe nie. EK moet ook gevrees word! Jy wil nooit die woede van die LAM smaak nie (Openbaring 6:16). EK het jou lief genoeg om te waarsku! Die koms van die dae van verdoeming is naby. Jy sal nie wil agterbly nie. Niemand kan vergelyk met MY liefde wat EK vir jou het nie en MY liefde is die VADER se liefde, en MY liefde is die RUACH HA KODESH se liefde. ONS is ALMAL gekombineer. Niemand kan vergelyk met ONS liefde vir jou nie. Maar moenie mislei word nie. Want niemand kan ook met ONS woede vergelyk word nie. Hulle wil dit nie preek nie daarom het EK hierdie bediening tot stand gebring om dit te spreek. EK plaas in elke een van MY Bruid ‘n vrees - om [MY] nie aanstoot te gee nie. Wanneer hulle berou het, is dit met trane. Hulle sê, “YAHUSHUA ek wil U nie seermaak nie.”

Die vyande sê, “jy kan nie genade weg sondig nie”. Die vyande lieg. Hulle toets MY weer en weer, keer op keer. Hulle sê, “want ons kan nou enigiets doen, net wat ons wil! Dit gaan alles oor wat aan die kruis gebeur het. Jy mag my nie oordeel nie. Jy mag nie vir my sê my siel is verlore nie!” en hulle ken MY nie eers nie. Dis die letter wat doodmaak en die gees wat lewe gee. Hulle het nie eers die Gees nie. Die HEILIGE GEES is nie in hulle nie. Hulle het die Woord gelees. Hulle het dit gememoriseer. Hulle probeer aanspraak op MY as hul REDDER maar hulle sê, “Gaan weg as HERE”! Hulle sê, “ek wil geen meester oor my hê nie, hierdie is my lewe en ek gaan dit leef soos ek wil! O, maar ek het U lief Jesus. O, ek prys U! Johannes 3:16! Sien daar word dit gesê al wat ek hoef te doen is net glo. Ek hoef nie gehoorsaam te wees nie! AmightyWind Ministry (Bediening) gaan weg! Ek kan sondig soveel ek wil wie is jy om te sê? Dit gaan nie oor wat ek doen nie – dit gaan oor wat Jesus gedoen het. Niemand kan regverdig wees nie, sien dit staan hier ‘Almal het gesondig en dit ontbreek hulle aan die geregtigheid van ELOHIM.’ (Rom. 3:23)”

Maar dit sê EK vir julle, die gebed van ‘n regverdige vermag baie (Jakobus 5:16) want julle is geregverdig deur MY want julle is soos ‘n David en wanneer julle onwetend teen My sondig [en julle besef dat julle sondig] is julle vining om te berou. Julle is nie bang om te berou nie. Julle weet dat EK sê, jy bewys dat jy MY liefhet deur gehoorsaamheid aan MY. (Joh. 14:15) EK sê dit vir julle, niemand anders wil dit preek nie so daarom spreek EK dit deur hierdie erdekruik. EK kan nie net ‘n REDDER wees nie. EK moet jou HERE ELOHIM ALMAGTIG wees. Dit is alles saam as een. Dit is waarom hierdie bediening heilig is. Dis nie net gestuur na die laaste-kansers nie. Dit is nie net gebruik as ‘n smelters-oond nie. Dit word gestuur na hulle wat geroep word om MY Bruid te wees. Selfs hierdie nag het jul ‘n woord sien voortkom. Elisabeth [Elisheva] kon nie, in haar eie tyd, jou skakel nie want hierdie Woord was nog nie daar nie. EK het nodig gehad om haar ‘n droom te gee. EK het nodig gehad om hierdie woorde te spreek hierdie nag.

Torah Gedeelte: Die Lig, Waarheid, en Vryheid!
Profesie 7 Hou Styf Vas Aan Die Soom van MY Kleed!
Dit is nie meer genoeg om net die Soom van MY Kleed aan te raak nie. Hou aan om aan MY deur te klop, en as die antwoord nie vinnig genoeg kom nie, hamer. As julle moeg raak, hou aan om te vra, te soek en julle sal vind, maar moenie ophou tot julle van die Hemel hoor nie.Want, MY Kinders, EK het vir julle brood belowe en nie die krummels van hierdie wêreld nie. Want julle sien, oordeel het na die huis van YAHUVEH gekom en dit is nie so maklik soos raak MY soom aan, of klop saggies vir julle antwoorde nie, julle beter voorbereid wees, dit mag 'n worsteling kos vir julle seëninge, soos Jakob. Maar dit bewys slegs julle geloof en maak dit sterker, wat nodig is in hierdie eindtye. So hou aan om te sê, geen krummels meer nie. Dit sal julle nie ontsê word nie. Want julle is die Bruid van YAHUSHUA ha MASHIACH wat met Bloed gekoop is.

EK sal julle antwoord en verlos. EK lieg nie. Want julle is nie die krummels van hierdie wêreld belowe nie, maar die Brood van Lewe, die kinders se brood van genesing, verlossing, voorspoed, lewe in oorvloed en vol van heerlikheid. Want YAHUSHUA is julle Brood van die Lewe en EK wil sien of julle MY nogsteeds sal eer en aan julle geloof vashou, alhoewel EK nie dadelik antwoord nie. EK is nie altyd 'n mikrogolf-ELOHIM nie.
Hoe lojaal en hoeveel sal julle op MY staatmaak? Net soos die Kananése vrou, sal julle geloof en lojaliteit beloon word want julle sal dit wat julle begeer, aanskou, en EK sal MY Seëninge selfs meer oortreflik en meer oorvloediglik neerstort soos 'n rivier wat oorloop. Julle sal soveel vreugde hê en EK sal julle so baie seën dat julle verplig sal wees om vir ander ook te gee. Hou styf vas aan die soom van MY kleed. Moenie laat los nie. Hou aan om te klop totdat die deur oopgaan na julle seëninge waarvoor julle gevra het. EK sal uiteindelik antwoord. Moenie op julle eie insig staatmaak nie, maar ken MY in al julle weë en EK sal julle paaie gelykmaak. Onthou, die beproewinge van julle geloof is kosbaarder as goud. Hou julle oë op julle Verlosser en nie op die ontstuimigheid van die see nie, anders sal die golwe julle verdrink. Maar EK is hier om julle te red. Want EK is julle Redder en Verlossser, is EK nie? EK sal julle nie begewe of julle verlaat nie. EK weet hoeveel druk EK op die klei moet sit voordat dit breek, hoeveel hitte julle moet deurstaan voordat julle verteer word. Die golwe van vertwyfeling sal julle nie verdrink nie. Want EK is hier om julle te red en te verlos, nie net julle siele nie, maar julle verstand, liggaam en Gees. Vertrou MY en julle sal dit sien gebeur. Onthou dan wie julle verlos het, dit was nie 'n man of vrou nie, maar julle ELOHIM wat julle geskape het.

Profesie 62 Die KONING Kom!
Vertel dit vir die mense, skree dit vanaf een deel van die aarde tot ‘n ander, MY SEUN GAAN KOM! Die Koning van die Konings en HERE van al die HERE! Vertel hulle, MY Kinders, berou die Koninkryk van die Hemel is hier! Val op julle gesigte op hierdie dag van Yom Kippur! Val op julle gesigte in die Geestes realm; sien julleself waar julle plat op julle gesigte lê, want die Koning gaan kom!

Laat die wêreld maar spot! Laat die Fariseërs maar spot! Dit sal nie ophou nie…omdat die Koning gaan kom! HY kom nie vir diegene wat dink dat hulle nie sondaars is nie, wie dink dat hulle so regverdig is, dat hulle nie eers hoef te berou nie. HY gaan kom vir SY Kinders, vir die Bruid wat begeer om gehoorsaam te wees. HY kom vir die vegters wie in SY Heilige Naam veg, vir diegene wie nederig erken dat almal tekort het van MY Glorie!

Wees net gereed, MY kinders. Dit maak nie saak of julle die dag of uur weet nie. Watter bruid weet nie wanneer haar bruidegom aankom nie? Watter bruid maak haarself nie voor die tyd gereed nie? MY Ware Bruid hoor nou MY stem. Hulle maak hulleself gereed. Hulle soek en begeer Heiligheid. Hulle verafsku die suurdeeg van die Fariseërs.

Gaan kruip weg MY kinders, net vir ‘n klein rukkie. Die ganse hemel woed, en daar woed ‘n oorlog teen satan en sy demone. Die oorlog is aan die gang, omdat Die Koning gaan kom! Die Aarde bewe en skud weens vrees in verskeie dele van die wêreld. Julle sien die vloede. Dit is MY trane! Onthou julle toe die vloede in Noag se tyd gekom het? Onthou julle hoe hy bespot was? En hulle het gespot totdat die tyd van die reën aangebreek het. Maar EK het MY kinders, Noag en sy familie vertel om in die ark in te gaan en om die deur toe te maak. En toe die vloede kom het die goddeloses aan die deur gehammer. Toe wou hulle ingaan, toé het hulle geglo wie EK is, maar dit was te laat vir hulle en die vloede het hulle ingesluk.

So sal dit weer wees. Dié wat in MY Seun se regverdigheid staan, dié wat hulle huise gesalf het, dié wat in my woord skuil, dié wat daarna streef om gehoorsaam te wees, dié wat MY liefhet en dien en MY eerste plaas, dié wat weet dat hulle nie die skatte van die aarde na hulle Hemelse woning gaan neem nie. Hulle besef dat diewe in hierdie wêreld nog kaninbreek. Mot en roes verderf dit wat julle dink is skatte op die aarde. Skatte wat julle nie kan saamvat wanneer julle die aarde verlaat nie.

MY ware kinders, MY ware Bruid sal eerder hulle Hemelse skatte opbou waar mot en roes en diewe dit nie kan bederf nie. Diewe kan nie jou skatte in die Hemel steel nie. So baie ly gebrek, maar hulle doen dit vir MY onthalwe. Hulle staan luukshede af, sodat siele gered kan word. Hulle is MY geliefdes; hulle is die ware skate op die aarde. Die wat uitroep in MY SEUN se Naam, in die Naam van YAHUSHUA, diegene wat elke dag so baie bid dat hulle nie meer kan rekord hou nie, Hierdie is MY Kinders, hierdie is diegene vir wie die Koning gaan kom.

Torah Gedeelte: Die Gevolge van Self-Opgelegde Vloeke
Profesie 22 Geliefde, Moenie Self Jou Grootste Vyand Word Nie!

MY Seuns en Dogters julle het self jul grootste vyand geword. Dit is nie julle taak om julleself te oordeel nie, maar julle Hemelse Vader se taak. Hou op om vir MY te vertel wat EK vergewe het en wat EK nie kan vergewe nie. Toon berou oor die verlede. Daardie sondes is in die diepste see van vergetelheid gegooi. MY Bloed het daardie sondes lankal weggewas. Dit is so ver weg soos die ooste van die weste is. Wat julle onlangse gedagtes en ongeregtighede aan betref, die grootste was die slae wat julle iemand gegee het vir wie EK meer liefgehad het as wat julle ooit kon droom of verstaan. Iemand vir wie EK my Bloed Gestort het en vir wie EK MY Lewe gegee het en sou gegee het, al was daardie iemand jy alleen. Iemand vir wie EK onherkenbaar gemartel was. Daardie iemand is jy. Hou nou op om vir MY te probeer vertel dat EK 'n fout gemaak het toe EK jou gekies het. Is jy besig om MY MY besigheid te vertel? Is jy besig om vir MY te vertel dat EK gemors maak?

Is jy besig om vir MY te vertel dat jy meer weet as ALMAGTIGE ELOHIM, jou Heer en Verlosser? Is jy besig om vir MY te vertel dat EK foute maak? Is jy besig om vir MY te vertel dat die Bloed wat EK gestort het nie genoeg is om jou volkome skoon te was nie? Hoekom sal jy jou eie lewe wil neem as dit nie joune is om te neem nie? Hoe kan jy dit selfs oorweeg om MY te beroof van die vreugde om te bewys dat dit nie die trotses is vir wie EK uitgekies het om namens MY met hierdie wêreld te praat nie, dit is die nederiges. Dit is hulle wat onwaardig voel wat maak dat hulle waardig is wetende dat dit so is. Julle weet dit; EK herinner julle slegs aan wat julle weet. EK kies nie hulle wie vol van hul eie krag is nie, maar die swakstes want dan kan die swakstes alleenlik sterk gemaak word deur YAHUSHUA ha MASHIACH. Julle kan enigiets in YAHUSHUA se NAAM doen. EK het nie 'n fout gemaak toe EK julle gekies het om in MY NAAM te praat nie, EK is die ALMAGTIGE ELOHIM en EK maak nie foute nie.

Hoe lank moet EK dit nog vir julle sê? Wanneer sal julle na MY luister? EK het julle gekies en EK het geweet van watter stoffasie julle gemaak is en ja, deur watter ongeregtighede julle versoek sou word, selfs voordat julle gebore was.

EK het geweet met watter demone julle sou worstel selfs voordat satan hulle gestuur het. EK weet ook dat MY genade genoeg is in alle dinge. EK weet ook, soos Paulus gesê het, "MY seun, hoe harder jy probeer om MY te behaag, hoe meer stuur satan sy demone om aan te val." Maar wees op julle hoede teen hierdie aanvalle. Moenie julle self in 'n posisie plaas om voor hierdie aanvalle te swig nie. Gebruik die wysheid van die RUACH ha KODESH wat EK vir julle gegee het. Julle weet waarvan EK praat, indien nie, vra vir MY, want hierdie Profeet wat met julle praat, het al hierdie dinge op verskillende maniere beleef. Al MY Ware Profete, self in Bybelse tye, het onwaardig gevoel. As julle nie het nie, sou EK julle onbruikbaar geag het as julle gedink het dat julle genoegsaam sonder MY is.

Hoor MY, Geliefde Seuns en Dogters. Hou op om dit waaraan EK lewe gegee het, te probeer doodmaak en lewe meer oorvloedig. Hou op om die gees van kranksinnigheid te ontvang. Hulle wie julle as kranksinnig veroordeel, verstaan nie wat EK gespreek en aan julle gewys het nie. EK het julle vir MY doel gekies. Dit is nie 'n toutrekkery nie. EK sal oorwin en julle sal verloor as julle aanhou om dit wat julle weet waar is, te betwyfel. Julle is gewaarsku omdat EK julle Liefhet. EK het julle geroep en daar is hulle wat dink julle is kranksinnig om te glo dat EK met julle praat en vir julle dinge wys wat ander nie kan sien nie. Die enigste kranksinnige ding omtrent julle, is om te glo dat EK julle straf vir sondes wat lankal vergewe en vergete is. Dit is net julle en satan wat nog daar gaan visvang, nie julle Verlosser nie. Hou op om klere te probeer was wat alreeds skoon is. Dink julle nie MY Bloed is voldoende nie? Julle verkondig dit, GLO DIT nou!

Want julle was besig om satan se werk te doen en hy sit agteroor en lag. Nou is dit julle beurt om weer vir satan te lag. Nie in julle krag nie, nie in julle mag nie, nie in julle salwing of naam nie, maar in die NAAM bo alle NAME, YAHUSHUA ha MASHIACH van Golgota en Nasaret en die ALMAGTIG ELOHIM YAHUVEH, wie se voetsool die aarde is. Julle is MY Geliefde Kinders vir wie EK bewaar, beide as Seuns en Dogters, Krygers en Bruid. EK kom weer. Sal julle dit weereens glo? Sal julle glo dat EK 'n beloner is vir dié wie hulle alles vir MY gegee het? EK het MY belonings met julle name daarop, by MY. Verkies julle regtig dat EK dit aan iemand anders moet gee? EK het julle uitverkies, maar die tyd is so kort, daar is nie meer tyd vir selfbejammering nie. Wees jammer vir hulle wat nie gereed is vir MY koms nie. Wees jammer vir hulle wat nie glo dat EK vir hulle sal voorsien in die Groot Verdrukking en hulle sal red van die groot toorn wat kom nie. Wees jammer vir hulle wat dink hulle is gered as gevolg van 'n godsdiens en nie 'n verhouding met MY nie. Selfbejammering is een van julle grootste vyande; bestraf dit vandag in MY NAAM. Gaan terug om MY Skape te voed soos wat EK julle beveel het om te doen. Julle het MY Stem op hierdie dag gehoor, gee nou aandag daaraan

Shabbat Shalom

Welkom by Bereisheet/In die Begin, hierdie week se Parasha/Torah Gedeelte.

In die tradisionele Joodse sisteem van lees deur die jaarlikse Torah, eindig die leesskedule vroeër hierdie week op die vakansiedag van Simchat Torah (Jubel in die Torah). Ons begin nou die jaarlikse siklus met Genenis (Bereisheet), wat in die begin beteken.

Hierdie pragtige weeklikse gebruik herinner ons dat ons studie van die Woord van YAHUVEH nooit tot ‘n afsluiting kom nie, maar dat dit ‘n aaneenlopende siklus is.

Week na week en jaar na jaar, moet die lees van die Woord van YAHUVEH nooit oud vir ons wees nie, en elke keer wanneer ons dit oopmaak, moet die RUACH ha KODESH nuwe insig gee soos ons biddend bekende gedeeltes oorweeg.

Waar is YAHUSHUA in die Skepping?

“In die begin het GOD die hemel en die aarde geskape/barah.” (Genesis 1:1)

Terwyl “EL” die enkelvoudige vorm van GOD is, dui die “IM” in ELOHIM meervoud aan.

Dit beteken nie dat daar baie Gode is wat die aarde skape nie, maar dit dui aan dat “ELOHIM” meervoud en eenheid van aard is.

Een rede hoekom ons dit weet is, alhoewel ELOHIM meervoud is, die Hebreeuse werkwoord barah/geskape is enkelvoud.

Asook, 3 letters van die woord barah wat ons oor ELOHIM ontdek oor ELOHIM:

Beit = BEN/SEUN

Resh = RUACH/GEES

Alef = ABBA/VADER

Alhoewel, in Genenis 1:22 en 3:22, is die identiteit van hierdie een persoon duidelik ‘n meervoud van een of ander aard:

“Laat Ons mense/Adam maak na ons beeld, na ons gelykenis” (Genesis 1:26)

Nou het die mens geword soos een van ons” (Genesis 3:22)

Wie is in die “ons”?

In die eerste verse van Genesis, sien ons ELOHIM as die Skepper en die Gees RUACH van ELOHIM sweef/”breathing” oor die water.

Maar, waar is YAHUSHUA?

Die apostel Johannes vertel ons dat YAHUSHUA was nie net “met GOD” nie, maar HY het SY werk tot stand gebring as die Woord van GOD self:

“In die begin/Bereisheet was die WOORD, en die WOORD was by GOD [YAHUVEH] en die WOORD was GOD. HY was in die begin by GOD. Alle dinge het deur HOM ontstaan en sonder HOM het nie een ding ontstaan wat ontstaan het nie... En die WOORD het vlees geword en onder ons gewoon....” (Johannes 1:1-3; 14)

YAHUSHUA het presies geweet wat om te skape en hoe om alles te ontwerp, want HY is “die presiese afdruk van GOD se aard” en “HY handhaaf die heelal by die woord van SY krag.” (Hebreërs 1:3)

Nou, hierdie is kragtige woorde!

Die goeie nuus is dat ons in die beeld van YAHUSHUA, wie een is met ELOHIM, geskape is, so die woorde wat ons spreek het ook krag.

Die slegte nuus is dat ons dikwels daardie krag misbruik.

Dit blyk dat ons instinktief weet dat wanneer ons donker, vernietigende woorde spreek, bring ons in werklikheid die einste ding na ons toe wat ons haat of vrees.

“As ek iets vreesliks vrees, kom dit oor my; en die ding waarvoor ek bang is, kom na my toe.” (Job 3:25)

So, hoekom spreek so baie Gelowiges nie die lig van YAHUVEH se waarheid voort om sodoende SY lig, YAHUSHUA in hulle lewens in te bring nie?

Die Lig, Waarheid en Vryheid!

“En GOD [ELOHIM] het gesê: Laat daar lig wees! En daar was lig. (Genesis 1:3)

Jy is gemaak in die beeld van ELOHIM, en jou woorde het krag!

Wanneer ons, ons spraak in lyn bring met YAHUVEH se Woord, bring ons lig in ons lewens asook diegene rondom ons.

Aan die anderkant, deur donkerte en boosheid teenoor onsself of ander te spreek, is ‘n vorm van ‘n vloek.

Maar YAHUVEH gee ons ‘n weg om die vloek te breek en ons te bevry van hierdie sonde.

“En Jesus [YAHUSHUA] sê... As julle in My WOORD bly, is julle waarlik my dissipels. En julle sal die waarheid ken, en die waarheid sal julle vrymaak.” (Johannes 8:31, 32)

So as ons waarlik in die woorde van YAHUSHUA bly, wie eintlik YAHUVEH HOMSELF is, dan sal ons van nature die lig van YAHUVEH voortspreek.

Slegs SY lig sal ons bevry van die donkerte of ons self-opgelegde vloeke.

In hierdie week se parasha, sien ons die tragiese gevolge van om in daardie donkerte te lewe asook YAHUVEH se plan vir verlossing wat dramaties gedemonstreerd is in die lewens van Kain en Abel.

Die Gevolge van Self-Opgelegde vloeke

Wanneer ELOHIM een ding verklaar en ons ‘n ander, is dit ‘n self-opgelegde vloek. Maar in SY groot genadigheid gee YAHUVEH ons ‘n uitweg om daardie vloek te breek, net soos HY gemaak het met Kain.

Kain, die eersgeborene van Adam en Eva was ‘n boer gewees; hy het ‘n besluit gemaak om ‘n offergawe van sy veld aan ELOHIM te offer. Sy broer Abel, ‘n herder, het ‘n diere offergawe geoffer.

ELOHIM het Abel se offer aanvaar, maar nie Kain s’n nie.

Wraak, bitterheid en jaloesie teenoor die offergawe wat ELOHIM van Abel aanvaar het, het in Kain se hart gebroei.

Alhoewel, in ELOHIM se groot liefde teenoor SY skepping, het HY Kain die geleentheid gegee om anders te dink in die omstandighede.

“En die HERE [ELOHIM] sê vir Kain: Waarom is jy kwaad en waarom laat jy jou hoof hang? Is daar nie verheffing as jy goed doen nie? En as jy nie goed doen nie – die sonde lê en loer voor die deur en sy begeerte is na jou; maar jy moet daaroor heers.” (Genesis 4:6-7)

Alhoewel ELOHIM Kain se offergawe verwerp het, het HY Kain ware hoop gegee dat hy volgende keer aanvaar sal word as hy net sy denkwyse en gedrag sal verander.

Kain kon byvoorbeeld gesê het “Ek is jammer, ELOHIM, dat ek nie dit wat U verwag het geoffer het nie. Volgende keer, sal ek my broer Abel vra om my te help om ‘n offergawe te kies en my te leer om dit vir U te offer.”

Kain kon sy tekortkominge met ELOHIM oorkom het deur nederig sy versuim te erken en stappe te neem om YAHUVEH se instruksies te volg.

Dit sou ware teshuvah/terugkeer, bekering wees, iets wat YAHUVEH nog altyd van elkeen van ons begeer het, soos HY die Israeliete vertel het voor hulle gevangene geneem is:

“Daarom sal EK julle oordeel, o huis van Israel, elkeen volgens sy weë, spreek die Here HERE. [YAHUVEH GOD] Bekeer julle en wend julle af van al julle oortredinge, sodat dit nie ’n struikelblok tot ongeregtigheid vir julle mag wees nie.” (Esegiël 18:30)

In plaas daarvan om YAHUVEH se aanwysigings te volg, het Kain gekies dat sy tekortkominge hom bemeester; die woede en jaloesie wat in sy hart gebroei het, het ontaard in ‘n plot van wraak en self-sabotasie.

Kain het die einste persoon wat hy die graagste wou word, doodgemaak – ‘n man wat op goeie voet is met ELOHIM.

Alhoewel ELOHIM toegelaat het dat Kain kon trou, kinders kry, en ‘n lang lewe kon hê, moes hy baie hard swoeg om die grond te bewerk vir voedsel. (verse 12 -13), en moontlik ook met ‘n lewenslange skuldgevoel moes saamleef omdat hy sy broer doodgemaak het.

Ongelukkig, het Kain se sonde nie by hom gestop nie. Vyf generasies later, het ‘n man Kain se afstammeling Lamech gewond en toe het Lamech die man sonder enige berou doodgemaak. (Gen 4:24)

Lamech se seun Tubal-Cain het iemand geword wat allerande soorte brons en yster gereedskap gemaak het, wat sommige geleerdes geglo het was gebruik vir oorlogwapens. (vers 22)

Haftarah: Die Nagevolge van lofprysing aan ELOHIM!

In die profetiese lesing vir hierdie Shabbat, ontdek ons die gevolge van die gebruik van ons woorde soos ELOHIM ons geskape het om dit te gebruik – om HOM te loof en alleenlik vir HOM! te loof.

“Sing tot eer van die HERE [YAHUVEH] ‘n nuwe lied, SY lof van die einde van die aarde af – julle wat op die see vaar, en alles wat daarin is, eilande en bewoners daarvan.

Laat die woestyn en sy stede uitroep; die dorpe waar Kedar woon!

Laat hulle aan die HERE die eer gee en sy lof in die eilande verkondig!” (Jesaja 42:10-12)

Deur YAHUVEH met ons woorde te loof, kan lei dat YAHUVEH ingryp en ons oorwinning gee. Dit kan ook ons geestelike oë oopmaak sodat YAHUVEH se lig helderer as voorheen, op ons pad sal skyn en ons sal lei, of selfs vir die eerste keer, soos HY dit uitspreek in die volgende verse:

“Die HERE [YAHUVEH] sal uittrek soos ’n held; HY sal die strydkreet aanhef, ja uitskreeu, teen SY vyande HOM as held openbaar...

En EK sal blindes lei op ‘’n weg wat hulle nie ken nie, hulle laat loop op paaie wat vir hulle onbekend is; EK sal die duisternis lig maak voor hulle uit en die hobbelagtige plekke gelyktes...” (verse 13, 16)

Aan die einde van tye, sal Israel se oë oopgaan en hulle hoë roeping as YAHUVEH se getuies sal vervul word.

“Julle is my getuies, spreek die HERE en my kneg wat EK uitverkies het, sodat julle kan weet en MY kan glo en insien dat dit EK is – voor MY is geen GOD geformeer nie, en na MY sal daar geeneen wees nie.” (Jesaja 43:10)

En ons weet dat eendag, Jood en Heidin saam in die Lig van die LAM sal loop in die glorieryke Nuwe Jerusalem wat wag op almal wat Messias YAHUSHUA herken as Redder en GOD [YAHUVEH]:

“En die stad het die son of die maan nie nodig om in hom te skyn nie, want die heerlikheid van GOD [YAHUVEH] het hom verlig en die LAM is sy lamp.” (Openbaring 21:23)

SHABBAT SHALOM VAN AMIGHTYWIND